തിരുവനന്തപുരം: സംസ്ഥാനത്ത് കോവിഡ് വ്യാപനത്തിന് ശമനമില്ല. ഇന്ന് 4034 പേർക്ക് രോഗം സ്ഥിരീകരിച്ചു. 3674 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്.
അതിൽ 258 പേരുടെ സമ്പര്‍ക്ക ഉറവിടം വ്യക്തമല്ല. രോഗം സ്ഥിരീകരിച്ചവരില്‍ 81 പേര്‍ സംസ്ഥാനത്തിന് പുറത്ത് നിന്നും വന്നവരാണ്. കഴിഞ്ഞ 24 മണിക്കൂറിനിടെ 69,604 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 5.80 ശതമാനം ആണ്.
ഇന്ന് 14 മരണങ്ങളും കോവിഡ് മൂലമാണെന്ന് സ്ഥിരീകരിച്ചു. ഇതോടെ ആകെ മരണം 4119 ആയി.
നിലവിൽ 54,665 പേരാണ് കോവിഡ് ബാധിച്ച് ചികിത്സയിലുള്ളത്. ഇന്ന് 4823 പേർക്ക് രോഗമുക്തിയുണ്ടായി. 9,81,835 പേര്‍ ഇതുവരെ കോവിഡില്‍ നിന്നും മുക്തി നേടി.
21 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. തൃശൂര്‍ 5, തിരുവനന്തപുരം, കണ്ണൂര്‍ 4 വീതം, പത്തനംതിട്ട 3, വയനാട് 2, കോട്ടയം, എറണാകുളം, കോഴിക്കോട് 1 വീതം ആരോഗ്യ പ്രവര്‍ത്തകര്‍ക്കാണ് ഇന്ന് രോഗം ബാധിച്ചത്.
പോസിറ്റീവ് കേസുകൾ ജില്ല തിരിച്ച്
എറണാകുളം-484, പത്തനംതിട്ട-430, കൊല്ലം-408, കോട്ടയം-389, തൃശൂര്‍-386, കോഴിക്കോട്-357, മലപ്പുറം-355, ആലപ്പുഴ-275, തിരുവനന്തപുരം-255, കണ്ണൂര്‍-206, പാലക്കാട്-147, കാസര്‍ഗോഡ്-140, വയനാട്-131, ഇടുക്കി-71.
സമ്പര്‍ക്ക രോഗികൾ ജില്ല തിരിച്ച്
എറണാകുളം-454, പത്തനംതിട്ട-392, കൊല്ലം-407, കോട്ടയം-353, തൃശൂര്‍-376, കോഴിക്കോട്-345, മലപ്പുറം-333, ആലപ്പുഴ-270, തിരുവനന്തപുരം-190, കണ്ണൂര്‍-153, പാലക്കാട്-82, കാസര്‍ഗോഡ്-128, വയനാട്-126, ഇടുക്കി-65.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.