യോ​ഗി​യു​ടെ കാ​ല് ക​ഴു​കി വെ​ള്ളം കു​ടി​ക്കാ​നു​ള്ള യോ​ഗ്യ​ത മാ​ത്ര​മേ പി​ണ​റാ​യി​ക്കു ഉ​ള്ളൂ: സു​രേ​ന്ദ്ര​ൻ
Saturday, February 27, 2021 11:23 AM IST
മ​ല​പ്പു​റം: ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നെ വി​മ​ർ​ശി​ച്ച മു​ഖ്യ​മ​ന്ത്രി പി​ണ​റാ​യി വി​ജ​യ​ന് മ​റു​പ​ടി​യു​മാ​യി ബി​ജെ​പി സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​ൻ രം​ഗ​ത്ത്. യോ​ഗി​യു​ടെ കാ​ല് ക​ഴു​കി വെ​ള്ളം കു​ടി​ക്കാ​നു​ള്ള യോ​ഗ്യ​ത മാ​ത്ര​മേ പി​ണ​റാ​യി​ക്ക് ഉ​ള്ളൂ​വെ​ന്ന് സു​രേ​ന്ദ്ര​ൻ മാ​ധ്യ​മ​ങ്ങ​ളോ​ട് പ​റ​ഞ്ഞു.

ഭ​ര​ണ പ​രാ​ജ​യം മ​റ​ച്ചു​വ​യ്ക്കാ​നാ​ണ് പി​ണ​റാ​യി യോ​ഗി​യെ വി​മ​ർ​ശി​ക്കു​ന്ന​ത്. യോ​ഗി​യു​ടെ പ്രി​ൻ​സി​പ്പ​ൽ സെ​ക്ര​ട്ട​റി ഇ​പ്പോ​ഴും സെ​ക്ര​ട്ട​റി​യേ​റ്റി​ൽ ജോ​ലി ചെ​യ്യു​ക​യാ​ണ്. അ​ദ്ദേ​ഹം ജ​യി​ലി​ൽ അ​ല്ല. യോ​ഗി​യു​ടെ ഓ​ഫീ​സ് കേ​ന്ദ്രീ​ക​രി​ച്ച​ത് സ്വ​ർ​ണ​വും ഡോ​ള​റും ക​ട​ത്തി​യി​ട്ടി​ല്ലെ​ന്നും അ​ദ്ദേ​ഹം പ​റ​ഞ്ഞു.

യോ​ഗി​യു​ടെ പേ​രി​ൽ ന​യാ പൈ​സ​യു​ടെ അ​ഴി​മ​തി ഇ​ല്ല. അ​ദ്ദേ​ഹം അ​ധി​കാ​ര​ത്തി​ലെ​ത്തു​ന്പോ​ൾ യു​പി​യിലെ ആ​രോ​ഗ്യ​മേ​ഖ​ല ത​ക​ർ​ന്നു കി​ട​ക്കു​ക​യാ​യി​രു​ന്നു. അ​ത് കു​റ​ഞ്ഞ കാ​ല​യ​ള​വി​ൽ മി​ക​ച്ച​താ​ക്കി. യു​പി​യി​ൽ കോ​വി​ഡ് ടെ​സ്റ്റ് ചെ​യ്യു​ന്നി​ല്ലെ​ന്നാ​ണ് പി​ണ​റാ​യി ആരോപിക്കുന്നത്. ഇ​ത് വെ​ബ്സൈ​റ്റി​ൽ പ​രി​ശോ​ധി​ച്ചാ​ൽ മ​ന​സി​ലാ​കു​മെ​ന്നും അ​ദ്ദേ​ഹം പ​റ​ഞ്ഞു.

കേ​ര​ള​ത്തെ കു​റി​ച്ച് പ​ഠി​ക്ക​ണ​മെ​ന്നാ​ണ് പി​ണ​റാ​യി പ​റ​യു​ന്ന​ത്. എ​ന്താ​ണ് കേ​ര​ള​ത്തെ കു​റി​ച്ച് പ​ഠി​ക്കാ​നു​ള്ള​ത്. 250 രൂ​പ​യ്ക്ക് കി​റ്റ് കൊ​ടു​ക്കു​ന്ന​താ​ണോ എ​ന്നും സു​രേ​ന്ദ്ര​ൻ പ​രി​ഹ​സി​ച്ചു.

കേ​ര​ളം എ​ല്ലാ കാ​ര്യ​ത്തി​ലും വ​ള​രെ പി​ന്നി​ലാ​ണെ​ന്നും ഇ​വി​ടെ ആ​കെ കു​ഴ​പ്പ​ങ്ങ​ളാ​ണെ​ന്നും യോ​ഗി ആ​ദി​ത്യ​നാ​ഥ് കേ​ര​ള​ത്തി​ല്‍ വ​ന്ന് പ​റ​ഞ്ഞ​വെ​ന്നാ​യി​രു​ന്നു മു​ഖ്യ​മ​ന്ത്രി​യു​ടെ പ​രാ​മ​ർ​ശം. എ​ന്നാ​ല്‍ ക​ഴി​ഞ്ഞ അ​ഞ്ച് വ​ര്‍​ഷ​ത്തി​നി​ടെ ഒ​രു വ​ര്‍​ഗീ​യ ക​ലാ​പ​വും ന​ട​ക്കാ​ത്ത നാ​ടാ​ണ് കേ​ര​ളം. എ​ന്നാ​ൽ യു​പി​യു​ടെ സ്ഥി​തി അ​താ​ണോ എ​ന്നും പി​ണ​റാ​യി വി​ജ​യ​ൻ ചോ​ദി​ച്ചു.

എ​ത്ര വ​ര്‍​ഗീ​യ ക​ലാ​പ​വും വി​ദ്വേ​ഷ പ്ര​വ​ര്‍​ത്ത​ന​ങ്ങ​ളും അ​വി​ടെ ന​ട​ക്കു​ന്നു​വെ​ന്നാ​ണ് ദേ​ശീ​യ മാ​ധ്യ​മ​ങ്ങ​ള്‍ റി​പ്പോ​ര്‍​ട്ടു ചെ​യ്യു​ന്ന​ത്. രാ​ജ്യ​ത്ത് ഏ​റ്റ​വും കൂ​ടു​ത​ല്‍ കൊ​ല​പാ​ത​ക​ങ്ങ​ള്‍ ന​ട​ക്കു​ന്ന​ത് യു​പി​യി​ലാ​ണെ​ന്ന് നാ​ഷ​ണ​ല്‍ ക്രൈം ​റെ​ക്കോ​ര്‍​ഡ്‌​സ് ബ്യൂ​റോ​യു​ടെ ക​ണ​ക്കു​ക​ള്‍ വ്യ​ക്ത​മാ​ക്കു​ന്നു.

അ​ടു​ത്തി​ടെ ഒ​രു ഡി​എ​സ്പി​യ​ട​ക്കം എ​ട്ട് പോ​ലീ​സു​കാ​രാ​ണ് ഗു​ണ്ടാ ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട​ത്. സ്ത്രീ​ക​ള്‍​ക്കെ​തി​രാ​യ അ​തി​ക്ര​മ​ങ്ങ​ള്‍ ഏ​റ്റ​വും കൂ​ടു​ത​ല്‍ ന​ട​ക്കു​ന്ന​തും യു​പി​യി​ലാ​ണ്. ക​ഴി​ഞ്ഞ നാ​ലു വ​ര്‍​ഷ​ത്തി​നി​ടെ യു​പി​യി​ല്‍ സ്ത്രീ​ക​ള്‍​ക്കെ​തി​രാ​യ അ​തി​ക്ര​മ​ങ്ങ​ള്‍ 676 ശ​ത​മാ​നം​വ​രെ വ​ര്‍​ധി​ച്ചു​വെ​ന്നാ​ണ് ക​ണ​ക്കു​ക​ള്‍ വ്യ​ക്ത​മാ​ക്കു​ന്ന​ത്. എ​ന്നാ​ല്‍ രാ​ജ്യ​ത്തു​ത​ന്നെ കൂ​ടു​ത​ല്‍ മ​തേ​ത​ര മൂ​ല്യ​ങ്ങ​ള്‍ ഉ​യ​ര്‍​ത്തി​പ്പി​ടി​ക്കു​ന്ന ജ​ന​ത​യാ​ണ് കേ​ര​ള​ത്തി​ലു​ള്ള​ത്.

കേ​ര​ള​ത്തി​ലെ യു​വാ​ക്ക​ള്‍ ജോ​ലി കി​ട്ടാ​തെ നാ​ടു​വി​ടു​ന്നു​വെ​ന്നാ​ണ് യോ​ഗി​യു​ടെ മ​റ്റൊ​രു ക​ണ്ടെ​ത്ത​ല്‍. കേ​ര​ള​ത്തി​ലെ അ​ഭ്യ​സ്ത​വി​ദ്യ​രാ​യ യു​വാ​ക്ക​ള്‍ ലോ​ക​ത്തെ​വി​ടെ​യും തൊ​ഴി​ല്‍​തേ​ടി പോ​കു​ന്ന​ത് അ​വ​ര്‍​ക്ക് ലോ​ക​ത്തെ​വി​ടെ​യും തൊ​ഴി​ല്‍ ചെ​യ്യാ​ന്‍ പ്രാ​പ്തി​യു​ള്ള​തു​കൊ​ണ്ടാ​ണെ​ന്നും മു​ഖ്യ​മ​ന്ത്രി പ​റ​ഞ്ഞി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.