മ​ൻ​സൂ​ർ വ​ധം: മു​ഖ്യ​പ്ര​തി അ​റ​സ്റ്റി​ൽ; പ്രതി പട്ടികയിൽ നിരപരാധികളും
Saturday, April 10, 2021 11:58 AM IST
ത​ല​ശേ​രി: പാ​നൂ​ർ പു​ല്ലൂ​ക്ക​ര പാ​റാ​ൽ വീ​ട്ടി​ൽ മ​ൻ​സൂ​ർ കൊ​ല്ല​പ്പെ​ട്ട കേ​സി​ൽ മു​ഖ്യ​പ്ര​തി അ​റ​സ്റ്റി​ൽ. സി​പി​എം പ്ര​വ​ർ​ത്ത​ക​ൻ ഓ​ച്ചി​റ​ക്ക​ൽ പീ​ടി​ക​യി​ലെ ഒ​ത​യോ​ത്ത് അ​നീ​ഷ് (35) ആ​ണ് പി​ട‌ി​യി​ലാ​യ​ത്.

കു​റൂ​ളി​ക്കാ​വി​ന് സ​മീ​പ​ത്തു നി​ന്നാ​ണ് അ​നീ​ഷ് പി​ടി​യി​ലാ​യ​ത്. ഇ​വി​ടെ​യു​ള്ള ഫാം ​ഹൗ​സി​ന് സ​മീ​പ​ത്തു​കൂ​ടി ഓ​ട്ടോ​റി​ക്ഷ​യി​ൽ വ​രി​ക​യാ​യി​രു​ന്ന അ​നീ​ഷി​നെ ആ​സൂ​ത്രി​ത നീ​ക്ക​ത്തി​ലൂ​ടെ പോ​ലീ​സ് വ​ല​യി​ലാ​ക്കു​ക​യാ​യി​രു​ന്നു.

ക​ണ്ണൂ​ർ പോ​ലീ​സ് ആ​സ്ഥാ​ന​ത്ത് പ്ര​ത്യേ​കം സ​ജ്ജ​മാ​ക്കി​യി​ട്ടു​ള്ള ചോ​ദ്യം ചെ​യ്യ​ൽ മു​റി​യി​ൽ സി​റ്റി ക​മ്മീ​ഷ​ണ​റു​ടെ നേ​തൃ​ത്വ​ത്തി​ൽ അ​നീ​ഷി​നെ വി​ശ​ദ​മാ​യി ചോ​ദ്യം ചെ​യ്ത ശേ​ഷ​മാ​ണ് അ​റ​സ്റ്റ് രേ​ഖ​പ്പെ​ടു​ത്തി​യ​ത്.

നി​ല​വി​ൽ പ്ര​തി​പ്പ​ട്ടി​ക​യി​ലു​ള്ള പ​ല​രും നി​ര​പ​രാ​ധി​ക​ളാ​ണെ​ന്ന് പ്രാ​ഥ​മി​ക അ​ന്വേ​ഷ​ണ​ത്തി​ൽ വ്യ​ക്ത​മാ​യ​താ​യി പോ​ലീ​സ് വൃ​ത്ത​ങ്ങ​ൾ സൂ​ച​ന ന​ൽ​കി. മു​ഹ​സി​നെ ല​ക്ഷ്യ​മി​ട്ടാ​ണ് അ​ക്ര​മി സം​ഘം എ​ത്തി​യ​തെ​ന്നും സം​ഘ​ർ​ഷ​ത്തി​നി​ട​യി​ലെ ബോം​ബേ​റി​ൽ മ​ൻ​സൂ​ർ കൊ​ല്ല​പ്പെ​ടു​ക​യാ​യി​രു​ന്നു​വെ​ന്നു​മാ​ണ് സൂ​ച​ന.

ജി​ല്ലാ ക്രൈം​ബ്രാ​ഞ്ച് ഡി​വൈ​എ​സ്പി ഇ​സ്മ​യി​ൽ, ത​ല​ശേ​രി സി​ഐ ഗോ​പ​കു​മാ​ർ, ചൊ​ക്ലി സി​ഐ സു​ഭാ​ഷ്, ത​ല​ശേ​രി സി​ഐ സ്ക്വാ​ഡ് അം​ഗ​ങ്ങ​ളാ​യ എ​സ്ഐ രാ​ജീ​വ​ൻ, എ​എ​സ്ഐ വി​നീ​ഷ്, സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ ശ്രീ​ജേ​ഷ്, സു​ജേ​ഷ് എ​ന്നി​വ​ര​ട​ങ്ങി​യ സം​ഘ​മാ​ണ് മു​ഖ്യ​പ്ര​തി​യെ അ​റ​സ്റ്റ് ചെ​യ്ത​ത്.

കേ​സി​ലെ ര​ണ്ടാം പ്ര​തി​യാ​യ പു​ല്ലൂ​ക്ക​ര കൊ​ച്ചി​യ​ങ്ങാ​ടി കൂ​ലോ​ത് ര​തീ​ഷി(35)​നെ വെ​ള്ളി​യാ​ഴ്ച കോ​ഴി​ക്കാ​ട് ചെ​ക്യാ​ട് കാ​യ​ലോ​ട് അ​രു​ണ്ട​യി​ൽ ക​ശു​മാ​വി​ൻ തോ​ട്ട​ത്തി​ൽ തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി​യി​രു​ന്നു.

കേ​സി​ലെ മ​റ്റൊ​രു പ്ര​തി​യാ​യ ഷി​നോ​സി​നെ സം​ഭ​വ സ്ഥ​ല​ത്തു നി​ന്ന് നാ​ട്ടു​കാ​ർ പി​ടി​കൂ​ടി പോ​ലീ​സി​ൽ ഏ​ൽ​പി​ച്ചി​രു​ന്നു. ഇ​യാ​ൾ റി​മാ​ൻ​ഡി​ലാ​ണ്. ഒ​ന്നാം പ്ര​തി ഷി​നോ​സി​ന്‍റെ മൊ​ഴി​യി​ൽ നി​ന്നാ​ണ് അ​നീ​ഷി​ന്‍റെ പ​ങ്ക് വ്യ​ക്ത​മാ​യി​ട്ടു​ള്ള​ത്. എ​ഫ്ഐ​ആ​റി​ൽ അ​നീ​ഷി​ന്‍റെ പേ​രു​ണ്ടാ​യി​രു​ന്നി​ല്ല.

ഷി​നോ​സ്, ര​തീ​ഷ്, സം​ഗീ​ത്, ശ്രീ​രാ​ഗ്, സു​ഹൈ​ൽ, സ​ജീ​വ​ൻ, അ​ശ്വ​ന്ത്, ശ​ശി, സു​മേ​ശ്, ജാ​ബി​ർ, നാ​സ​ർ എ​ന്നി​വ​രും ക​ണ്ടാ​ല​റി​യാ​വു​ന്ന 14 പേ​രു​മാ​ണ് പ്ര​തി​പ​ട്ടി​ക​യി​ലു​ള്ള​ത്. ഇ​വ​രി​ൽ അ​ഞ്ചാം പ്ര​തി സു​ഹൈ​ൽ ഡി​വൈ​എ​ഫ്ഐ മേ​ഖ​ലാ സെ​ക്ര​ട്ട​റി​യും എ​ട്ടാം പ്ര​തി ശ​ശി കൊ​ച്ചി​യ​ങ്ങാ​ടി സി​പി​എം ബ്രാ​ഞ്ച് സെ​ക്ര​ട്ട​റി​യും 10-ാം പ്ര​തി ജാ​ബി​ർ പെ​രി​ങ്ങ​ളം ലോ​ക്ക​ൽ ക​മ്മി​റ്റി അം​ഗ​വു​മാ​ണ്.

ഇ​വ​രി​ൽ പ​ല​രും നി​ര​പ​രാ​ധി​ക​ളാ​ണെ​ന്നാ​ണ് അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ള്ള​ത്. ഷി​നോ​സി​നെ വീ​ണ്ടും ക​സ്റ്റ​ഡി​യി​ൽ ല​ഭി​ക്കാ​ൻ അ​ന്വേ​ഷ​ണ സം​ഘം കോ​ട​തി​യി​ൽ അ​പേ​ക്ഷ ന​ൽ​കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.