മോ​ഷ​ണക്കേ​സ് അ​ന്വേ​ഷി​ക്കാ​നെ​ത്തി​യ പോ​ലീ​സ് ഉ​ദ്യോ​ഗ​സ്ഥ​നെ ജ​ന​ക്കൂ​ട്ടം കൊ​ല​പ്പെ​ടു​ത്തി
Saturday, April 10, 2021 9:35 PM IST
കോ​ൽ​ക്ക​ത്ത: പ​ശ്ചി​മ ബം​ഗാ​ളി​ല്‍ മോ​ഷ​ണ​ക്കേ​സ് അ​ന്വേ​ഷി​ക്കാ​നെ​ത്തി​യ ബി​ഹാ​റി​ല്‍ നി​ന്നു​ള്ള പോ​ലീ​സ് ഉ​ദ്യോ​ഗ​സ്ഥ​നെ ജ​ന​ക്കൂ​ട്ടം മ​ര്‍​ദി​ച്ചു കൊ​ല​പ്പെ​ടു​ത്തി. ഉ​ത്ത​ര്‍​ദി​ന്‍​ജ്പു​ര്‍ ജി​ല്ല​യി​ലെ പ​ന്‍​ന്ത​പാ​ട ഗ്രാ​മ​ത്തി​ലാ​ണ് സം​ഭ​വം.

ബി​ഹാ​റി​ലെ കി​ഷ​ന്‍​ഗ​ജ്ജ് പോ​ലീ​സ് സ്‌​റ്റേ​ഷ​നി​ലെ സ്‌​റ്റേ​ഷ​ന്‍ ഹൗ​സ് ഓ​ഫീ​സ​ര്‍ അ​ശ്വി​നി കു​മാ​ര്‍ ആ​ണ് കൊ​ല്ല​പ്പെ​ട്ട​ത്. ബൈ​ക്ക് മോ​ഷ​ണ​വു​മാ​യി ബ​ന്ധ​പ്പെ​ട്ട കേ​സ് അ​ന്വേ​ഷി​ക്കാ​നാ​ണ് അ​ശ്വി​നി കു​മാ​റി​ന്‍റെ നേ​തൃ​ത്വ​ത്തി​ല്‍ ഒ​രു സം​ഘം പോ​ലീ​സ് ഉ​ദ്യോ​ഗ​സ്ഥ​ര്‍ ഇ​വി​ടെ എ​ത്തി​യ​ത്.

എ​ന്നാ​ല്‍ അ​ക്ര​മാ​സ​ക്ത​രാ​യ ജ​ന​ക്കൂ​ട്ടം പോ​ലീ​സി​നെ ആ​ക്ര​മി​ക്കു​ക​യാ​യി​രു​ന്നു. ആ​ക്ര​മ​ണ​ത്തി​ല്‍ അ​ശ്വി​നി കു​മാ​റി​ന് ഗു​രു​ത​ര പ​രി​ക്കേ​റ്റു. തു​ട​ര്‍​ന്ന് പാ​ഞ്ചി​പ​ര ഔ​ട്ട്‌​പോ​സ്റ്റി​ല്‍ നി​ന്നു​ള്ള പോ​ലീ​സു​കാ​രെ​ത്തി​യാ​ണ് ഇ​വ​രെ ര​ക്ഷി​ച്ച​ത്.

അ​ശ്വി​നി കു​മാ​റി​നെ ഉ​ട​ൻ ത​ന്നെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു​വെ​ങ്കി​ലും മ​ര​ണം സം​ഭ​വി​ച്ചു. സം​ഭ​വ​വു​മാ​യി ബ​ന്ധ​പ്പെ​ട്ട് മൂ​ന്നു പേ​രെ ബം​ഗാ​ള്‍ പോ​ലീ​സ് അ​റ​സ്റ്റ് ചെ​യ്തി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.