സ്പോ​ട്ട് ര​ജി​സ്ട്രേ​ഷ​ൻ അ​വ​സാ​നി​പ്പി​ച്ചു; വാ​ക്സി​നേ​ഷ​ൻ കേ​ന്ദ്ര​ങ്ങ​ളി​ലെ ക​ണ്ണീ​രാ​യി വൃ​ദ്ധ​ർ
Thursday, April 22, 2021 9:18 AM IST
തി​രു​വ​ന​ന്ത​പു​രം: സം​സ്ഥാ​ന​ത്ത് കോ​വി​ഡ് വാ​ക്സി​നേ​ഷ​നു​ള്ള സ്പോ​ട്ട് ര​ജി​സ്ട്രേ​ഷ​ൻ അ​വ​സാ​നി​പ്പി​ച്ച​തോ​ടെ ബു​ദ്ധി​മു​ട്ടി​ലാ​യ​ത് സാ​ധാ​ര​ണ​ക്കാ​രും പ്രാ​യ​മാ​യ​വ​രും. സ്പോ​ട്ട് ര​ജി​സ്ട്രേ​ഷ​ൻ നി​ർ​ത്തി​യ​ത് അ​റി​യാ​തെ നി​ര​വ​ധി പേ​രാ​ണ് ഇ​ന്നും വാ​ക്സി​നേ​ഷ​ൻ കേ​ന്ദ്ര​ങ്ങ​ളി​ൽ എ​ത്തി​യ​ത്. ര​ജി​സ്റ്റ​ർ ചെ​യ്ത​വ​ർ​ക്ക് മാ​ത്ര​മേ ടോ​ക്ക​ണ്‍ വി​ത​ര​ണം ചെ​യ്യു​ക​യു​ള്ളു​വെ​ന്ന് ഇ​വി​ടെ എ​ത്തി​യ​പ്പോ​ൾ മാ​ത്ര​മാ​ണ് പ​ല​രും അ​റി​യു​ന്ന​ത്.

ഇ​തോ​ടെ ഓ​ണ്‍​ലൈ​ൻ ര​ജി​സ്ട്രേ​ഷ​ൻ എ​പ്ര​കാ​ര​മാ​ണെ​ന്ന് അ​റി​യാ​ത്ത സാ​ധാ​ര​ണ ജ​ന​ങ്ങ​ളും പ്രാ​യ​മാ​യ​വ​രും വാ​ക്സി​നേ​ഷ​ൻ കേ​ന്ദ്ര​ങ്ങ​ളി​ലെ ക​ണ്ണീ​ർ കാ​ഴ്ച​യാ​യി. പ​ല​രും വൈ​കാ​രി​ക​മാ​യാ​ണ് പ്ര​തി​ക​രി​ച്ച​ത്.

ബു​ധ​നാ​ഴ്ച രാ​ത്രി മാ​ത്ര​മാ​ണ് സ്പോ​ട്ട് ര​ജി​സ്ട്രേ​ഷ​ൻ അ​വ​സാ​നി​പ്പി​ച്ച​താ​യി സ​ർ​ക്കാ​ർ അ​റി​യി​ച്ച​ത്. സ​ർ​ക്കാ​ർ വ​കു​പ്പു​ക​ൾ, അ​ക്ഷ​യ കേ​ന്ദ്ര​ങ്ങ​ൾ, സ​ന്ന​ദ്ധ സം​ഘ​ട​ന​ക​ൾ എ​ന്നി​വ മു​ഖേ​ന ര​ജി​സ്ട്രേ​ഷ​ൻ ന​ട​ത്തു​ന്ന​തി​ന് ജി​ല്ല​ക​ൾ മു​ൻ​കൈ​യെ​ടു​ക്ക​ണ​മെ​ന്ന് സ​ർ​ക്കു​ല​ർ ഇ​റ​ക്കി​യി​ട്ടു​ണ്ടെ​ങ്കി​ലും അ​തൊ​ന്നും പ​ല​സ്ഥ​ല​ങ്ങ​ളി​ലും ന​ട​പ്പാ​യി​ട്ടി​ല്ല.

തി​രു​വ​ന​ന്ത​പു​ര​ത്ത് ഉ​ൾ​പ്പെ​ടെ പ​ല വാ​ക്സി​നേ​ഷ​ൻ കേ​ന്ദ്ര​ങ്ങ​ളി​ലും ഇ​ന്നും തി​ക്കും​തി​ര​ക്കു​മു​ണ്ടാ​യി. തി​രു​വ​ന​ന്ത​പു​രം ജ​ന​റ​ൽ ആ​ശു​പ​ത്രി​യി​ലെ വാ​ക്സി​നേ​ഷ​ൻ കേ​ന്ദ്ര​ത്തി​ൽ വ​ൻ ജ​ന​ക്കൂ​ട്ട​മാ​ണ് ത​ടി​ച്ചു​കൂ​ടി​യ​ത്. സാ​മൂ​ഹി​ക അ​ക​ലം പാ​ലി​ക്ക​ണ​മെ​ന്ന മാ​ർ​ഗ​നി​ർ​ദേ​ശം കാ​റ്റി​ൽ​പ​റ​ത്തി​യാ​ണ് ജ​ന​ങ്ങ​ൾ ത​ടി​ച്ചു​കൂ​ടി​യ​ത്. കി​ലോ​മീ​റ്റ​റു​ക​ളോ​ളം ക്യൂ ​നീ​ണ്ടു.

ഇ​ന്നു മു​ത​ൽ ഒ​ന്നാ​മ​ത്തേ​യും ര​ണ്ടാ​മ​ത്തേ​യും ഡോ​സു​ക​ൾ മു​ൻ​കൂ​ട്ടി​യു​ള്ള ഓ​ണ്‍​ലൈ​ൻ ര​ജി​സ്ട്രേ​ഷ​ൻ വ​ഴി മാ​ത്ര​മാ​യി​രി​ക്കും ല​ഭ്യ​മാ​കു​ക. സ്പോ​ട്ട് ര​ജി​സ്ട്രേ​ഷ​ൻ ഉ​ണ്ടാ​വി​ല്ലെ​ന്ന് സ​ർ​ക്കാ​ർ പു​തു​ക്കി​യ മാ​ർ​ഗ​നി​ർ​ദേ​ശ​ത്തി​ൽ പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.