രാ​ജ്യം കോ​വി​ഡ് കു​തി​പ്പി​ൽ; പ്ര​തി​ദി​ന കേ​സു​ക​ളി​ൽ ലോ​ക​റി​ക്കാ​ർ​ഡ്, ര​ണ്ടാ​യി​രം ക​ട​ന്ന് മ​ര​ണം
Thursday, April 22, 2021 10:11 AM IST
ന്യൂ​ഡ​ൽ​ഹി: രാ​ജ്യ​ത്ത് പ്ര​തി​ദി​ന കോ​വി​ഡ് രോ​ഗി​ക​ളു​ടെ എ​ണ്ണം ഓ​രോ​ദി​വ​സ​വും പു​തി​യ റി​ക്കാ​ർ​ഡ് സൃ​ഷ്ടി​ച്ച് കു​തി​ക്കു​ന്നു. ക​ഴി​ഞ്ഞ 24 മ​ണി​ക്കൂ​റി​നി​ടെ 3,14,835 പേ​ർ​ക്ക് രോ​ഗം സ്ഥി​രീ​ക​രി​ച്ചു. ക​ഴി​ഞ്ഞ ദി​വ​സ​ത്തെ ക​ണ​ക്കു​ക​ളേ​ക്കാ​ൾ 19,794 കേ​സു​ക​ളാ​ണ് ഇ​ന്ന് അ​ധി​ക​മാ​യി റി​പ്പോ​ർ​ട്ട് ചെ​യ്ത​ത്. ബു​ധ​നാ​ഴ്ച 2,95,041 പു​തി​യ കേ​സു​ക​ളും ചൊ​വ്വാ​ഴ്ച 2.59 ല​ക്ഷം പു​തി​യ കോ​വി​ഡ് കേ​സു​ക​ളു​മാ​ണ് റി​പ്പോ​ർ​ട്ട് ചെ​യ്തി​രു​ന്ന​ത്.

കോ​വി​ഡ്- 19ന്‍റെ തു​ട​ക്കം മു​ത​ലു​ള്ള ച​രി​ത്ര​ത്തി​ലാ​ദ്യ​മാ​യി ഇ​ന്ന് രോ​ഗി​ക​ളു​ടെ പ്ര​തി​ദി​ന എ​ണ്ണം മൂ​ന്നു ല​ക്ഷം ക​ട​ക്കു​ക​യും ചെ​യ്തു. ഇ​തോ​ടെ ലോ​ക​ത്തി​ൽ ഒ​രു ദി​വ​സം റി​പ്പോ​ർ​ട്ട് ചെ​യ്യു​ന്ന കേ​സു​ക​ളു​ടെ എ​ണ്ണ​ത്തി​ൽ ഇ​ന്ത്യ ഒ​ന്നാ​മ​തെ​ത്തി. അ​മേ​രി​ക്ക​യെ പി​ന്ത​ള്ളി​യാ​ണ് ഇ​ന്ത്യ ഒ​ന്നാ​മ​തെ​ത്തി​യ​ത്.

ഇ​ന്ന് രാ​ജ്യ​ത്ത് 2,104 മ​ര​ണ​ങ്ങ​ളും കോ​വി​ഡ് മൂ​ല​മാ​ണെ​ന്ന് സ്ഥി​രീ​ക​രി​ച്ചു. ഇ​തോ​ടെ ആ​കെ മ​ര​ണം 1,84,657 ആ​യി. ഇ​ന്ത്യ​യി​ലെ ആ​കെ കോ​വി​ഡ് രോ​ഗി​ക​ൾ 1,59,30,965 ആ​യെ​ന്നു കേ​ന്ദ്ര ആ​രോ​ഗ്യ​മ​ന്ത്രാ​ല​യം അ​റി​യി​ച്ചു. നി​ല​വി​ൽ 22,91,428 പേ​രാ​ണ് രാ​ജ്യ​ത്ത് ചി​കി​ത്സ​യി​ലു​ള്ള​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.