പ്ര​ണ​യ​ങ്ങ​ൾ ഉ​റ​ങ്ങു​ന്ന ക​ള​ത്തി​പ്പ​റ​മ്പി​ല്‍ വീ​ട്!
പ്ര​ണ​യ​ങ്ങ​ൾ ഉ​റ​ങ്ങു​ന്ന ക​ള​ത്തി​പ്പ​റ​മ്പി​ല്‍ വീ​ട്!
Tuesday, May 11, 2021 9:35 AM IST
ആ​ല​പ്പു​ഴ: ആ​ല​പ്പു​ഴ ചാ​ത്ത​നാ​ട്ടെ ക​ള​ത്തി​പ്പ​റ​മ്പി​ല്‍ വീ​ട്ടി​ല്‍ ഓ​ര്‍​മ​ക​ളു​ടെ തി​ര​യി​ള​ക്കം മാ​ത്രം. കേ​ര​ള​രാ​ഷ്‌​ട്രീ​യ​ത്തി​ല്‍ ആ​ഘോ​ഷി​ക്ക​പ്പ​ട്ട ര​ണ്ട് ക​മ്യൂ​ണി​സ്റ്റ് നേ​താ​ക്ക​ളു​ടെ പ്ര​ണ​യ പ​രി​ലാ​ള​ന​ക​ള്‍ ഏ​റ്റു​വാ​ങ്ങി​യ വീ​ട്-​ആ​ദ്യ​മ​ന്ത്രി​സ​ഭ​യി​ലെ ദ​മ്പ​തി​ക​ള്‍ മു​ന്‍ മ​ന്ത്രി​മാ​രാ​യ ടി.​വി. തോ​മ​സും കെ.​ആ​ർ. ഗൗ​രി​യ​മ്മ​യും താ​മ​സി​ച്ച ക​ള​ത്തി​പ്പ​റ​മ്പി​ല്‍ വീ​ട്ടി​ലെ ആ​ര​വം നി​ല​ച്ചു. ദി​വ​സ​ങ്ങ​ള്‍​ക്കു മു​മ്പാ​ണ് വാ​ര്‍​ധ​ക്യ​ത്തി​ന്‍റെ അ​വ​ശ​ത​ക​ള്‍ മൂ​ലം ഇ​വി​ടു​ത്തെ താ​മ​സ​ത്തി​നു തി​ര​ശീ​ല​യി​ട്ടു ഗൗ​രി​യ​മ്മ ത​ല​സ്ഥാ​ന​ത്തേ​ക്കു യാ​ത്ര​യാ​യ​തും.

ആ ​ചി​ല്ലി​ട്ട ചി​ത്ര​ങ്ങ​ൾ

ടി.​വി തോ​മ​സി​ന്‍റെ മ​ര​ണ​ശേ​ഷ​വും അ​ദ്ദേ​ഹ​ത്തി​ന്‍റെ ഓ​ര്‍​മ​ക​ള്‍ ശേ​ഷി​ക്കു​ന്ന ഈ ​വീ​ട്ടി​ലാ​യി​രു​ന്നു ഗൗ​രി​യ​മ്മ​യു​ടെ ജീ​വി​തം. പാ​ര്‍​ട്ടി​യി​ലും ജീ​വി​ത​ത്തി​ലും വേ​ര്‍​പി​രി​ഞ്ഞി​ട്ടും വീ​ട്ടി​ലെ ഭി​ത്തി​യി​ല്‍ ടി​വി​യു​ടെ ചി​ല്ലി​ട്ട ചി​ത്ര​ങ്ങ​ള്‍ ധാ​രാ​ള​മു​ണ്ടാ​യി​രു​ന്നു. പി​താ​വ് വാ​ങ്ങി ന​ല്‍​കി​യ വീ​ട് ഗൗ​രി​യ​മ്മ​യ്ക്ക് ന​ല്‍​കി ടി.​വി. വാ​ട​ക വീ​ട്ടി​ലേ​ക്കു മാ​റു​ക​യാ​യി​രു​ന്നു. ടി.​വി. തോ​മ​സി​ന്‍റെ പി​താ​വും ഭൂ​പ്ര​ഭു​മാ​യി​രു​ന്ന ടി.​സി. വ​ര്‍​ഗീ​സ്, ചാ​ണ്ടി വ​ക്കീ​ലി​ന്‍റെ ഉ​ട​മ​സ്ഥ​ത​യി​ലു​ള്ള ആ​ല​പ്പു​ഴ ചാ​ത്ത​നാ​ട്ടി​ലെ വീ​ടും പ​റ​മ്പും വാ​ങ്ങി മ​ക​നു ന​ല്കു​ക​യാ​യി​രു​ന്നു. പി​താ​വി​ന്‍റെ നി​ര്‍​ദേ​ശ​ത്തെ തു​ട​ര്‍​ന്നാ​ണ് ടി.​വി. തോ​മ​സും ഗൗ​രി​യ​മ്മ​യും താ​മ​സം അ​ങ്ങോ​ട്ടേ​ക്കു മാ​റ്റി​യ​ത്. പ​ട്ട​ണ​ക്കാ​ട്ടെ ത​ന്‍റെ കു​ടും​ബ വീ​ടി​ന്‍റെ പേ​രാ​യ ക​ള​ത്തി​പ്പ​റ​മ്പി​ല്‍ എ​ന്ന പേ​ര് ചാ​ത്ത​നാ​ട്ടി​ലെ വീ​ടി​നും ന​ല്‍​ക​ണ​മെ​ന്ന ഗൗ​രി​യ​മ്മ​യു​ടെ അ​ഭി​പ്രാ​യ​ത്തി​നും ടി.​വി. എ​തി​രു​നി​ന്നി​ല്ല.

രാ​ഷ്‌​ട്രീ​യ ത​റ​വാ​ട്

സി​പി​എ​മ്മു​മാ​യി ഉ​ണ്ടാ​യ അ​ഭി​പ്രാ​യ വ്യ​ത്യാ​സ​ത്തെ​ത്തു​ട​ര്‍​ന്നു ഗൗ​രി​യ​മ്മ​യു​ടെ നേ​തൃ​ത്വ​ത്തി​ല്‍ ജെ​എ​സ്എ​സ് രൂ​പീ​ക​രി​ച്ച​പ്പോ​ള്‍ പാ​ര്‍​ട്ടി​യു​ടെ പ്ര​ധാ​ന കേ​ന്ദ്ര​വും ഈ ​വീ​ടാ​യി​രു​ന്നു. നേ​താ​ക്ക​ളു​ടെ ഘോ​ഷ​യാ​ത്ര ത​ന്നെ പ​ല​പ്പോ​ഴാ​യി ഈ ​വീ​ട്ടി​ലേ​ക്കു​ണ്ടാ​യി​ട്ടു​ണ്ട്. എ​ല്ലാ വ​ര്‍​ഷ​വും മി​ഥു​ന മാ​സ​ത്തി​ലെ തി​രു​വോ​ണ നാ​ളി​ല്‍ ഗൗ​രി​യ​മ്മ​യു​ടെ ജ​ന്മ​ദി​നം വി​പു​ല​മാ​യി ഇ​വി​ടെ ആ​ഘോ​ഷി​ച്ചു. കോ​വി​ഡി​നെ തു​ട​ര്‍​ന്ന് ക​ഴി​ഞ്ഞ വ​ര്‍​ഷം ആ​ഘോ​ഷം ഒ​ഴി​വാ​ക്കി. പി​റ​ന്നാ​ള്‍ ദി​ന​ത്തി​ല്‍ വീ​ട്ടി​ലെ ഗേ​റ്റി​നു മു​ന്നി​ല്‍ ത​ടി​ച്ചു​കൂ​ടു​ന്ന ജ​ന​ക്കൂ​ട്ട​ത്തെ കാ​ണാ​ന്‍ തൂ​വെ​ള്ള സാ​രി​യു​മു​ടു​ത്തു പു​ഞ്ചി​രി തൂ​കി ഗൗ​രി​യ​മ്മ എ​ത്തു​മാ​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.