ക​രു​വ​ന്നൂ​ർ ബാ​ങ്കി​ൽ നി​ന്നും വാ​യ്പ​യെ​ടു​ത്ത മു​ൻ പ​ഞ്ചാ​യ​ത്ത് അം​ഗം ജീ​വ​നൊ​ടു​ക്കി
ക​രു​വ​ന്നൂ​ർ ബാ​ങ്കി​ൽ നി​ന്നും വാ​യ്പ​യെ​ടു​ത്ത മു​ൻ പ​ഞ്ചാ​യ​ത്ത് അം​ഗം ജീ​വ​നൊ​ടു​ക്കി
Thursday, July 22, 2021 11:22 AM IST
ഇ​രി​ങ്ങാ​ല​ക്കു​ട: ക​രു​വ​ന്നൂ​ർ സ​ഹ​ക​ര​ണ ബാ​ങ്കി​ൽ ​നി​ന്ന് ജ​പ്തി നോ​ട്ടീ​സ് ല​ഭി​ച്ച പൊ​റ​ത്തി​ശേ​രി പ​ഞ്ചാ​യ​ത്ത് മു​ൻ അം​ഗം മ​രി​ച്ച നി​ല​യി​ൽ. വാ​യ്പ ഇ​ന​ത്തി​ൽ ഏ​താ​ണ്ട് 80 ല​ക്ഷം രൂ​പ തി​രി​ച്ച​ട​യ്ക്കാ​ൻ ഉ​ണ്ടാ​യി​രു​ന്ന തേ​ല​പ്പി​ള്ളി സ്വ​ദേ​ശി എം. ​മു​കു​ന്ദ​ൻ (59) ആ​ണ് ജീ​വ​നൊ​ടു​ക്കി​യ​ത്. വാ​യ്പ തി​രി​ച്ച​ട​യ്ക്ക​ണ​മെ​ന്നു കാ​ണി​ച്ചു ക​ഴി​ഞ്ഞ ദി​വ​സം ഇ​ദ്ദേ​ഹ​ത്തി​നു ജ​പ്തി നോ​ട്ടീ​സ് ല​ഭി​ച്ചി​രു​ന്നു. ലോ​ക്ക്ഡൗ​ൺ സ​മ​യ​ത്ത് ജ​പ്തി​നോ​ട്ടീ​സ് ​അ​യ​ച്ച​തും വി​വാ​ദ​മാ​യി​ട്ടു​ണ്ട്.

ഇ​ദ്ദേ​ഹ​ത്തെ വ്യാ​ഴാ​ഴ്ച രാ​വി​ലെ​യാ​ണ് മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. 16 സെ​ന്‍റ് സ്ഥ​ല​വും വീ​ടും പ​ണ​യ​പ്പെ​ടു​ത്തി​യാ​ണ് വാ​യ്പ എ​ടു​ത്തി​രു​ന്ന​ത്. വാ​യ്പ​ത്തു​ക എ​ത്ര​യാ​ണെ​ന്ന് വെ​ളി​പ്പെ​ടു​ത്താ​ൻ ബ​ന്ധു​ക്ക​ൾ ത​യാ​റാ​യി​ല്ല. തി​രി​ച്ച​ട​യ്ക്കാ​നു​ള്ള തു​ക ഏ​താ​ണ്ട് 80 ല​ക്ഷ​മാ​ണെ​ന്നു സൂ​ച​ന​യു​ണ്ട്. തി​രി​ച്ച​ട​വി​നു നോ​ട്ടീ​സ് ല​ഭി​ച്ച​തോ​ടെ ഇ​ദ്ദേ​ഹം മ​നോ​വി​ഷ​മ​ത്തി​ലാ​യി​രു​ന്നു​വെ​ന്നു പ​റ​യു​ന്നു.

ബാ​ങ്കി​ലെ വാ​യ്പ- നി​ക്ഷേ​പ ത​ട്ടി​പ്പു​കേ​സി​ന്‍റെ അ​ന്വേ​ഷ​ണം ക്രൈം ​ബ്രാ​ഞ്ചി​നു കൈ​മാ​റി ഡി​ജി​പി അ​നി​ൽ കാ​ന്ത് ഉ​ത്ത​ര​വി​ട്ടി​രു​ന്നു. പു​തി​യ എ​ഫ്ഐ​ആ​ർ ര​ജി​സ്റ്റ​ർ ചെ​യ്ത് അ​ന്വേ​ഷ​ണം തു​ട​ങ്ങാ​നാ​ണ് നി​ർ​ദേ​ശം. ബാ​ങ്ക് കേ​ന്ദ്രീ​ക​രി​ച്ച് കോ​ടി​ക്ക​ണ​ക്കി​നു രൂ​പ​യു​ടെ ക​ള്ള​പ്പ​ണം വെ​ളു​പ്പി​ച്ചി​ട്ടു​ണ്ടെ​ന്ന് എ​ൻ​ഫോ​ഴ്സ്മെ​ന്‍റി​നു വി​വ​രം ല​ഭി​ച്ചു. ഇ​ഡി​യും കേ​സു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ തേ​ടി​യി​രി​ക്കു​ക​യാ​ണ്. ഈ ​സാ​ഹ​ച​ര്യ​ത്തി​ലാ​ണ് വാ​യ്പ​യെ​ടു​ത്ത​യാ​ളു​ടെ ആ​ത്മ​ഹ​ത്യ.

സ​ഹ​ക​ര​ണ​വ​കു​പ്പ് ജോ​യി​ന്‍റ് ര​ജി​സ്ട്രാ​ർ സം​സ്ഥാ​ന സ​ഹ​ക​ര​ണ ര​ജി​സ്ട്രാ​ർ​ക്കു ന​ൽ​കി​യ ര​ഹ​സ്യ റി​പ്പോ​ർ​ട്ടി​ൽ ബാ​ങ്കി​ൽ ന​ട​ന്ന കോ​ടി​ക​ളു​ടെ വെ​ട്ടി​പ്പ് സ്ഥി​രീ​ക​രി​ച്ചി​ട്ടു​ണ്ട്. നേ​ര​ത്തെ പു​റ​ത്തു​വ​ന്ന 100 കോ​ടി എ​ന്ന ക​ണ​ക്കി​ൽ ത​ട്ടി​പ്പി​ന്‍റെ വ്യാ​പ്തി ഒ​തു​ങ്ങി​ല്ലെ​ന്നും വി​ശ​ദ​മാ​യ അ​ന്വേ​ഷ​ണം വേ​ണ​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.

സം​ഭ​വ​വു​മാ​യി ബ​ന്ധ​പ്പെ​ട്ട പ്ര​തി​ക​ളെ​ല്ലാം ഒ​ളി​വി​ലാ​ണെ​ന്നാ​ണ് പ്രാ​ഥ​മി​ക അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​ത്. ഇ​വ​രു​ടെ ബി​നാ​മി​ക​ൾ എ​ന്ന സം​ശ​യി​ക്കു​ന്ന ബ​ന്ധു​ക്ക​ളും സു​ഹൃ​ത്തു​ക്ക​ളും നീ​രീ​ക്ഷ​ണ​ത്തി​ലാ​ണ്. ഏ​താ​ണ്ട് ആ​റു വ​ർ​ഷ​ത്തോ​ളം നീ​ണ്ട വ​ൻ ത​ട്ടി​പ്പ് പി​ടി​ക്ക​പ്പെ​ടാ​ത്ത​ത്തി​നു പി​ന്നി​ൽ രാ​ഷ്ട്രീ​യ സ്വാ​ധീ​ന​മു​ണ്ടെ​ന്ന ആ​രോ​പ​ണം ശ​ക്ത​മാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.