അ​വി​ശ്വ​സ​നീ​യം ത്യാ​ഗീ....; പ​ഞ്ചാ​ബി​നെ​തി​രെ രാ​ജ​സ്ഥാ​ന് നാ​ട​കീ​യ ജ​യം
അ​വി​ശ്വ​സ​നീ​യം ത്യാ​ഗീ....; പ​ഞ്ചാ​ബി​നെ​തി​രെ രാ​ജ​സ്ഥാ​ന് നാ​ട​കീ​യ ജ​യം
Wednesday, September 22, 2021 12:04 AM IST
ദു​ബാ​യ്: ഐ​പി​എ​ല്ലി​ൽ പ​ഞ്ചാ​ബ് കിം​ഗ്സി​നെ​തി​രെ രാ​ജ​സ്ഥാ​ൻ റോ​യ​ൽ​സി​ന് അ​വി​ശ്വ​സ​നീ​യ ജ​യം. അ​വ​സാ​ന ഓ​വ​റി​ൽ നാ​ല് റ​ൺ​സ് മാ​ത്രം വേ​ണ്ടി​യി​രു​ന്ന പ​ഞ്ചാ​ബ് ര​ണ്ട് റ​ൺ​സി​ന് തോ​റ്റു. യു​വ​താ​രം കാ​ർ​ത്തി​ക ത്യാ​ഗി​യു​ടെ ഉ​ജ്വ​ല ബൗ​ളിം​ഗാ​ണ് രാ​ജ​സ്ഥാ​ന് വി​ജ​യ​മൊ​രു​ക്കി​യ​ത്. അ​വ​സാ​ന ഓ​വ​റി​ൽ ഒ​രു റ​ൺ​സ് മാ​ത്ര​മാ​ണ് ത്യാ​ഗി വി​ട്ടു​കൊ​ടു​ത്ത​ത്.

രാ​ജ​സ്ഥാ​ൻ ഉ​യ​ർ​ത്തി​യ 186 വി​ജ​യ​ല​ക്ഷ്യം പ​ഞ്ചാ​ബ് അ​നാ​യാ​സം ക​ട​ക്കു​മെ​ന്നാ​ണ് ഏ​വ​രും ക​രു​തി​യ​ത്. ഓ​പ്പ​ണ​ർ​മാ​രാ​യ ക്യാ​പ്റ്റ​ൻ കെ.​എ​ൽ. രാ​ഹു​ലും(33 പ​ന്തി​ൽ 49) മാ​യാ​ങ്ക് അ​ഗ​ർ​വാ​ളും(43 പ​ന്തി​ൽ 67) നി​ല​യു​റ​പ്പി​ച്ച​തോ​ടെ പ​ഞ്ചാ​ബ് അ​നാ​യാ​സ ജ​യ​ത്തി​ലേ​ക്ക് കു​തി​ച്ചു. 120 റ​ൺ​സ് കൂ​ട്ടു​കെ​ട്ട് പ​ടു​ത്തി​യ ശേ​ഷ​മാ​ണ് ഇ​രു​വ​രും പി​രി​ഞ്ഞ​ത്. പ​ന്തെ​റി​ഞ്ഞ രാ​ജ​സ്ഥാ​ൻ ബൗ​ള​ർ​മാ​രെ​ല്ലാം ക​ണ​ക്കി​ന് ത​ല്ലു​കൊ​ണ്ടു.

പി​ന്നീ​ട് ക്രീ​സി​ൽ ഒ​ത്തു​ചേ​ർ​ന്ന എ​യ്ഡ​ന്‍ മാ​ര്‍​ക്രം-​നി​ക്കോ​ള​സ് പൂ​ര​ന്‍ കൂ​ട്ടു​കെ​ട്ട് പ​ഞ്ചാ​ബി​നെ വി​ജ​യ​ത്തി​ലേ​ക്ക് ന​യി​ക്കു​ക​യാ​യി​രു​ന്നു. 57 റ​ൺ​സ് കൂ​ട്ടു​കെ​ട്ടാ​ണ് ഇ​വ​ര്‍ മൂ​ന്നാം വി​ക്ക​റ്റി​ൽ നേ​ടി​യ​ത്. അ​വ​സാ​ന ഓ​വ​റി​ൽ മാ​ത്ര​മാ​ണ് ക​ളി രാ​ജ​സ്ഥാ​ന്‍റെ വ​രു​തി​യി​ലെ​ത്തി​യ​ത്. നി​ക്കോ​ള​സ് പൂ​ര​നെ​യും ദീ​പ​ക് ഹൂ​ഡ​യെ​യും പു​റ​ത്താ​ക്കി ത്യാ​ഗി രാ​ജ​സ്ഥാ​ന് ജ​യ​മൊ​രു​ക്കി. പൂ​ര​ന്‍ 32 റ​ൺ​സ് നേ​ടി പു​റ​ത്താ​യ​പ്പോ​ള്‍ എ​യ്ഡ​ന്‍ മാ​ര്‍​ക്രം 26 റ​ൺ​സു​മാ​യി പു​റ​ത്താ​കാ​തെ നി​ന്നു.

നേ​ര​ത്തെ, പ​ഞ്ചാ​ബ് കിം​ഗ്സ് രാ​ജ​സ്ഥാ​ൻ റോ​യ​ൽ​സി​നെ 20 ഓ​വ​റി​ൽ 185നു ​പു​റ​ത്താ​ക്കി. അ​വ​സാ​ന നാ​ല് ഓ​വ​റി​ലാ​ണ് രാ​ജ​സ്ഥാ​ൻ റോ​യ​ൽ​സി​ന് ആ​റ് വി​ക്ക​റ്റ് ന​ഷ്ട​പ്പെ​ട്ട​ത്. അ​തി​ൽ മൂ​ന്നെ​ണ്ണം ഇ​രു​പ​ത്തി​ര​ണ്ടു​കാ​ര​നാ​യ അ​ർ​ഷ്ദീ​പ് സിം​ഗ് സ്വ​ന്ത​മാ​ക്കി​യ​പ്പോ​ൾ മൂ​ന്നെ​ണ്ണം വീ​ഴ്ത്തി​യ​ത് മു​ഹ​മ്മ​ദ് ഷ​മി​യാ​യി​രു​ന്നു. ദു​ബാ​യി​ൽ ഐ​പി​എ​ല്ലി​ൽ അ​ഞ്ച് വി​ക്ക​റ്റ് വീ​ഴ്ത്തു​ന്ന ആ​ദ്യ ക​ളി​ക്കാ​ര​നാ​ണ് അ​ർ​ഷ്ദീ​പ്.

അ​ർ​ഷ്ദീ​പും ഷ​മി​യും ഡെ​ത്ത് ഓ​വ​റു​ക​ളി​ൽ ത​ക​ർ​ത്താ​ടി​യ​പ്പോ​ൾ 16.2 ഓ​വ​റി​ൽ നാ​ലി​ന് 166 എ​ന്ന ശ​ക്ത​മാ​യ നി​ല​യി​ൽ​നി​ന്ന് രാ​ജ​സ്ഥാ​ൻ റോ​യ​ൽ​സ് 185നു ​പു​റ​ത്ത്. 200 ക​ട​ന്നു മു​ന്നേ​റാ​മെ​ന്ന റോ​യ​ൽ​സി​ന്‍റെ സ്വ​പ്ന​വും അ​തോ​ടെ പൊ​ലി​ഞ്ഞു. നാ​ല് ഓ​വ​റി​ൽ 32 റ​ണ്‍​സി​നാ​ണ് അ​ർ​ഷ്ദീ​പ് അ​ഞ്ച് വി​ക്ക​റ്റ് വീ​ഴ്ത്തി​യ​ത്. ഷ​മി​യു​ടെ ബൗ​ളിം​ഗ് 4-0-21-3 എ​ന്ന​താ​യി​രു​ന്നു.

36 പ​ന്തി​ൽ ര​ണ്ട് സി​ക്സും ആ​റ് ഫോ​റും അ​ട​ക്കം 49 റ​ണ്‍​സ് നേ​ടി​യ യ​ശ്വ​സി ജ​യ്സ്വാ​ളാ​ണ് രാ​ജ​സ്ഥാ​ൻ റോ​യ​ൽ​സി​ന്‍റെ ടോ​പ് സ്കോ​റ​ർ. എ​വി​ൻ ലെ​വി​സ് (36) - ജ​യ്സ്വാ​ൾ ഓ​പ്പ​ണിം​ഗ് കൂ​ട്ടു​കെ​ട്ട് 5.3 ഓ​വ​റി​ൽ 54 റ​ണ്‍​സ് അ​ടി​ച്ചെ​ടു​ത്ത​ശേ​ഷ​മാ​ണ് പി​രി​ഞ്ഞ​ത്. മൂ​ന്നാ​മ​നാ​യി ക്രീ​സി​ലെ​ത്തി​യ ക്യാ​പ്റ്റ​ൻ സ​ഞ്ജു വി. ​സാം​സ​ണ്‍ (4) വേ​ഗം പു​റ​ത്താ​യി.

ലി​യാം ലി​വിം​ഗ്സ്റ്റ​ണ്‍ (17 പ​ന്തി​ൽ 25), മ​ഹി​പാ​ൽ ലോം​റോ​ർ (17 പ​ന്തി​ൽ 43) എ​ന്നി​വ​രും രാ​ജ​സ്ഥാ​നാ​യി ത​ക​ർ​ത്ത​ടി​ച്ചു. നാ​ല് സി​ക്സും ര​ണ്ട് ഫോ​റും അ​ട​ങ്ങു​ന്ന​താ​യി​രു​ന്നു മ​ഹി​പാ​ലി​ന്‍റെ വെ​ടി​ക്കെ​ട്ട് ഇ​ന്നിം​ഗ്സ്, 252.94 ആ​യി​രു​ന്നു സ്ട്രൈ​ക്ക് റേ​റ്റ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.