മെസേജിലെ കെണിയിൽ വീണു! നിസാര പുള്ളികളല്ല ഈ നൈജീരിയൻ യുവതികൾ
മെസേജിലെ കെണിയിൽ വീണു! നിസാര പുള്ളികളല്ല ഈ നൈജീരിയൻ യുവതികൾ
Monday, October 18, 2021 11:58 AM IST
നെ​ടു​മ്പാ​ശേ​രി: കൊ​ച്ചി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ ആ​റു​ കോ​ടി രൂ​പ​യു​ടെ മ​യ​ക്കു​മ​രു​ന്നു പി​ടി​കൂ​ടി​യ പ്രതികൾ അ​ന്താ​രാ​ഷ്‌ട്ര മ​യ​ക്കു​മ​രുന്നു ക​ട​ത്ത് റാ​ക്ക​റ്റി​ലെ പ്ര​ധാ​നി​ക​ൾ. വിദഗ്ധമായി ഒരുക്കിയ കെണി വഴിയാണ് ഇവരെ കുടുക്കിയത്.

530 ഗ്രാം ​കൊ​ക്കെ​യി​നു​മാ​യി നൈ​ജീ​രി​യ​ൻ സ്വ​ദേ​ശി​യാ​യ കാ​നെ സിം​പോ ജൂ​ലി (21) എ​ന്ന യു​വ​തി ശ​നി​യാ​ഴ്ച​യാ​ണ് നെ​ടു​മ്പാ​ശേ​രി വി​മാ​ന​ത്താ​വ​ള​ത്തി​ൽ പി​ടി​യി​ലാ​യ​ത്. ഇ​ന്ത്യ​യി​ലേ​ക്കു​ള്ള മ​യ​ക്കു​മ​രു​ന്ന് ക​ട​ത്ത് നി​യ​ന്ത്രി​ച്ചി​രു​ന്ന മ​റ്റൊ​രു നൈ​ജീ​രി​യ​ൻ യു​വ​തി​യാ​യ ഇ​ഫോ​മ ക്യൂ​ൻ അ​നോ​സി(33)​യും ഡി​ആ​ർ​ഐ വി​ഭാ​ഗ​ത്തി​ന്‍റെ പി​ടി​യി​ലാ​യി​രു​ന്നു.



മ​യ​ക്കു​മ​രു​ന്നു​മാ​യി എ​ത്തു​ന്ന കാ​നെ സിം​പോ ജൂ​ലി​യെ സ്വീ​ക​രി​ക്കാ​ൻ നെ​ടു​മ്പാ​ശേ​രി​യി​ലെ ഹോ​ട്ട​ലി​ൽ മു​റി​യെ​ടു​ത്ത് ത​ങ്ങി​യി​രി​ക്കു​ക​യാ​യി​രു​ന്നു ഇ​വ​ർ.

സംശയം, കുടുക്ക്

നൈ​ജീ​രി​യ​യി​ൽ​നി​ന്നു ദോ​ഹ വ​ഴി​യാ​ണ് കാ​നെ സിം​പോ ജൂ​ലി നെ​ടു​മ്പാ​ശേ​രി​യി​ലെ​ത്തി​യ​ത്. ഇ​വ​രു​ടെ യാ​ത്രാ രേ​ഖ​ക​ൾ പൂ​ർ​ണ​മ​ല്ലാ​ത്ത​തി​നെ​ത്തു​ട​ർ​ന്ന് എ​മി​ഗ്രേ​ഷ​ൻ വി​ഭാ​ഗം ഉ​ദ്യോ​ഗ​സ്ഥ​ർ ത​ട​ഞ്ഞു​വ​യ്ക്കു​ക​യാ​യി​രു​ന്നു. പി​ന്നീ​ടു സം​ശ​യം തോ​ന്നി​യ​തി​നെ​ത്തു​ട​ർ​ന്നു ഡി​ആ​ർ​ഐ ഉ​ദ്യോ​ഗ​സ്ഥ​രെ വി​വ​ര​മ​റി​യി​ക്കു​ക​യാ​യി​രു​ന്നു. ഇ​വ​ർ​ക്കു കോ​ട്ട് ഡി ​ഐ​വ​യ​ർ പാ​സ്‌​പോ​ർ​ട്ട് ഉ​ണ്ടാ​യി​രു​ന്നു​വെ​ങ്കി​ലും നൈ​ജീ​രി​യ​യി​ൽ താ​മ​സി​ക്കു​ക​യാ​ണെ​ന്നാ​ണ് ഡി​ആ​ർ​ഐ​യു​ടെ ചോ​ദ്യം ചെ​യ്യ​ലി​ൽ വ്യ​ക്ത​മാ​ക്കി​യ​ത്.

ഇ​ഫോ​മയുടെ കേന്ദ്രം മുംബൈ

കാനെ സിംപോ ജൂലിയെ സ്വീ​ക​രി​ക്കാ​ൻ നെ​ടു​മ്പാ​ശേ​രി​യി​ലെ​ത്തി​യ ഇ​ഫോ​മ ക്യൂ​ൻ എ​ന്ന യു​വ​തി ക​ഴി​ഞ്ഞ നാ​ലു വ​ർ​ഷ​മാ​യി ഇ​ന്ത്യ​യി​ൽ താ​മ​സി​ച്ചു വ​രി​ക​യാ​ണ്. മും​ബൈ​യാ​ണ് ഇ​വ​രു​ടെ പ്ര​ധാ​ന കേ​ന്ദ്രം.

നൈ​ജീ​രി​യ​യി​ൽ​നി​ന്നു മ​യ​ക്കു​മ​രു​ന്നു​മാ​യി എ​ത്തു​ന്ന കാ​രി​യ​റു​മാ​യി മെ​സേ​ജ് വ​ഴി ബ​ന്ധ​പ്പെ​ട്ട് കാ​ര്യ​ങ്ങ​ൾ ഏ​കോ​പി​പ്പി​ക്കു​ന്ന​ത് ഇ​വ​രാ​ണ്. സു​ര​ക്ഷി​ത​മാ​യി വി​മാ​ന​ത്താ​വ​ള​ത്തി​ന് പു​റ​ത്തെ​ത്തി​യെ​ന്ന് ഉ​റ​പ്പാ​ക്കി​യ ശേ​ഷം മാ​ത്ര​മാ​യി​രി​ക്കും കാരി​യ​റു​മാ​യി ഇ​വ​ർ ക​ണ്ടു​മു​ട്ടു​ക.

കെണിയൊരുക്കി

എ​ന്നാ​ൽ നെ​ടു​മ്പാ​ശേ​രി​യി​ൽ ഡി​ആ​ർ​ഐ വി​ഭാ​ഗം ഒ​രു​ക്കി​യ കെ​ണി​യി​ൽ ഇ​വ​ർ കു​ടു​ങ്ങു​ക​യാ​യി​രു​ന്നു. മ​യ​ക്കു​മ​രു​ന്നു​മാ​യി എ​ത്തി​യ യു​വ​തി പി​ടി​ക്ക​പ്പെ​ട്ട വി​വ​രം പു​റ​ത്ത​റി​യി​ക്കാ​തെ ഈ ​യു​വ​തി​യു​ടെ ഫോ​ണി​ൽ​നി​ന്നു സു​ര​ക്ഷി​ത​മാ​യി വി​മാ​ന​ത്താ​വ​ള​ത്തി​നു പു​റ​ത്തെ​ത്തി​യെ​ന്ന സ​ന്ദേ​ശം ഇ​വ​ർ​ക്കു കൈ​മാ​റു​ക​യാ​യി​രു​ന്നു. പി​ന്നീ​ടു സ​ന്ദേ​ശം അ​യ​ച്ചു കാരി​യ​ർ ത​ങ്ങാ​ൻ നേ​ര​ത്തേ നി​ർ​ദേ​ശി​ച്ചി​രു​ന്ന ഹോ​ട്ട​ലി​ലേ​ക്ക് ഇ​വ​രെ വി​ളി​ച്ചു വ​രു​ത്തു​ക​യാ​യി​രു​ന്നു.

മ​യ​ക്കു​മ​രു​ന്ന് എ​ത്തി​ച്ച യു​വ​തി​യെ കാ​ണാ​ൻ ഈ ​ഹോ​ട്ട​ലി​ൽ എ​ത്തി​യ​പ്പോ​ഴാ​ണ് ഇ​ഫോ​മ ക്യൂ​ൻ അ​നോ​സി ഡി​ആ​ർ​ഐ​യു​ടെ വ​ല​യി​ലാ​യ​ത്. മ​യ​ക്കു​മ​രു​ന്നു​മാ​യി എ​ത്തി​യ യു​വ​തി മു​ൻ​പും കേ​ര​ള​ത്തി​ലെ​ത്തി മ​ട​ങ്ങി​യി​ട്ടു​ണ്ടെ​ന്നാ​ണ് ചോ​ദ്യം ചെ​യ്യ​ലി​ൽ വ്യ​ക്ത​മാ​കു​ന്ന​ത്.

കൊച്ചിയിലെ റാക്കറ്റിന്

കേ​ര​ള​ത്തി​ൽ കൊ​ച്ചി കേ​ന്ദ്രീ​ക​രി​ച്ചു പ്ര​വ​ർ​ത്തി​ക്കു​ന്ന മ​യ​ക്കു​മ​രു​ന്ന് റാ​ക്ക​റ്റി​നാ​ണ് ഇ​വ​ർ സാ​ധ​നം എ​ത്തി​ക്കു​ന്ന​ത്. ചെ​ന്നൈ, ഗോ​വ, മും​ബൈ എ​ന്നി​വി​ട​ങ്ങ​ളി​ലേ​ക്കും ഇ​വ​ർ ഇ​വി​ടെ‌നി​ന്നു മ​യ​ക്കു​മ​രു​ന്ന് എ​ത്തി​ക്കു​ന്നു​ണ്ട്. കൊ​ച്ചി​യി​ൽ ഇ​വ​രു​മാ​യി ഇ​ട​പാ​ടു ന​ട​ത്തു​ന്ന​വ​രെ ക​ണ്ടെ​ത്താ​നു​ള്ള ശ്ര​മ​വും ആ​രം​ഭി​ച്ചി​ട്ടു​ണ്ട്. പിടിയിലായ ആ​ഫ്രി​ക്ക​ൻ യു​വ​തി​ക​ളെ കോ​ട​തി​യി​ൽ ഹാ​ജ​രാ​ക്കി 14 ദി​വ​സ​ത്തേ​ക്കു റി​മാ​ൻ​ഡ് ചെ​യ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.