പോ​ലീ​സ് സ്റ്റേഷ​നി​ലെ ലാ​പ്‌​ടോ​പ്പ് പൊക്കി! പരക്കംപാഞ്ഞു പോലീസുകാർ
പോ​ലീ​സ് സ്റ്റേഷ​നി​ലെ ലാ​പ്‌​ടോ​പ്പ് പൊക്കി! പരക്കംപാഞ്ഞു പോലീസുകാർ
Wednesday, October 27, 2021 2:53 PM IST
കോ​ഴി​ക്കോ​ട്: കു​റ്റ​കൃ​ത്യം ത​ട​യാ​നാ​യി എ​ല്ലാ പോ​ലീ​സ് സ്റ്റേ​ഷ​നു​കളെ​യും ബ​ന്ധി​പ്പി​ച്ചു​കൊ​ണ്ടു​ള്ള ക്രൈം ​ആ​ന്‍​ഡ് ക്രി​മി​ന​ല്‍ ട്രാ​ക്കിം​ഗ് നെ​റ്റ്‌​വ​ര്‍​ക്ക് ആ​ന്‍​ഡ് സി​സ്റ്റം​സ് (സി​സി​ടി​എ​ന്‍​സ്) സൗ​ക​ര്യ​മു​ള്ള ലാ​പ്‌​ടോ​പ്പ് പോ​ലീ​സ് സ്റ്റേ​ഷ​നി​ല്‍നി​ന്നു ‘പൊ​ക്കി'!

കോ​ഴി​ക്കോ​ട് സി​റ്റി പോ​ലീ​സ് പ​രി​ധി​യി​ലെ പ​ന്തീ​ര​ങ്കാ​വ് സ്റ്റേഷ​നി​ലു​ള്ള ലാ​പ്‌​ടോ​പ്പാ​ണ് കാ​ണ​താ​യ​ത്. ഒ​രാ​ഴ്ച​യാ​യി ലാ​പ്‌​ടോ​പ്പ് ന​ഷ്ട​മാ​യെ​ങ്കി​ലും ഇ​തു​വ​രെ ക​ണ്ടെ​ത്താ​ന്‍ പോ​ലീ​സി​നു സാ​ധി​ച്ചി​ട്ടി​ല്ല.



‌പു​റ​ത്തുനി​ന്നു​ള്ള​വ​ര്‍ ലാ​പ്‌​ടോ​പ്പ് മോ​ഷ്ടി​ക്കാ​നു​ള്ള സാ​ധ്യ​ത​യി​ല്ലാ​ത്ത​തി​നാ​ല്‍ ക​ള്ള​ന്‍​ ക​പ്പ​ലി​ല്‍ ത​ന്നെ​യാ​യി​രി​ക്കാ​നു​ള്ള സാ​ധ്യ​ത​യാ​ണ് പോ​ലീ​സു​ദ്യോ​ഗ​സ്ഥ​ര്‍ കാ​ണു​ന്ന​ത്. എ​ന്നാ​ല്‍, എ​ന്തി​നു വേ​ണ്ടി​യാ​ണ് ലാ​പ്‌​ടോ​പ്പ് ‘പൊ​ക്കി'​യ​തെ​ന്ന​ത് അ​വ്യ​ക്ത​മാ​ണ്.

ലാ​പ്‌​ടോ​പ്പ് കാ​ണാ​താ​യ​തു സേ​ന​യി​ല്‍ ഗൗ​ര​വ ​വി​ഷ​യ​മാ​യി നി​ല​നി​ല്‍​ക്കു​ന്നു​ണ്ടെ​ങ്കി​ലും ഇ​ക്കാ​ര്യം പു​റ​ത്ത​റി​യാ​തി​രി​ക്കാ​നു​ള്ള ജാ​ഗ്ര​ത​യും പോ​ലീ​സ് പു​ല​ര്‍​ത്തു​ന്നു​ണ്ട്. സം​ഭ​വ​ത്തി​ല്‍ ഇ​തു​വ​രെയും പോ​ലീ​സ് കേ​സെ​ടു​ത്തി​ട്ടി​ല്ല.

ജ​ന​ങ്ങ​ളു​ടെ ജീ​വ​നും സ്വ​ത്തി​നും സു​ര​ക്ഷ​യേ​കേ​ണ്ട പോ​ലീ​സിനു സ്വ​ന്തം സ്റ്റേഷ​നി​ലെ സ്വ​ത്തു പോ​ലും സം​ര​ക്ഷി​ക്കാ​ന്‍ ക​ഴി​യു​ന്നി​ല്ലെ​ന്ന ചോ​ദ്യ​മാ​ണ് ഉ​യ​രു​ന്ന​ത്. 1,71,475 ജ​ന​ങ്ങ​ളാ​ണ് പ​ന്തീ​രാ​ങ്കാ​വ് പോ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ താ​മ​സി​ക്കു​ന്ന​ത്. ലാ​പ്‌​ടോ​പ്പ് പോ​ലും സം​ര​ക്ഷി​ക്കു​ന്ന​തി​ല്‍ വീ​ഴ്ച​ വ​രു​ത്തു​ന്ന​വ​ര്‍ ഇ​വ​രു​ടെ ജീ​വ​നും സ്വ​ത്തി​നും എ​ങ്ങ​നെ സു​ര​ക്ഷ ന​ല്‍​കു​മെ​ന്നാ​ണ് മേ​ലു​ദ്യോ​ഗ​സ്ഥ​രും ചോ​ദി​ക്കു​ന്ന​ത്.


ഫ​യ​ലു​ക​ള്‍​ക്കു​ള്ളി​ലോ ?

ലാ​പ്‌​ടോ​പ്പ് കാ​ണാ​താ​യ​തു മു​ത​ല്‍ പ​ന്തീ​രാ​ങ്കാ​വ് സ്റ്റേഷ​നി​ലെ പോ​ലീ​സു​കാ​ര്‍ തെരച്ചിലി​ലാ​ണ്. പ​ഞ്ചാ​യ​ത്തി​ന്‍റെ ഷോ​പ്പിം​ഗ് കോം​പ്ല​ക്‌​സി​ലാ​ണ് ഇ​പ്പോ​ള്‍ പോ​ലീ​സ് സ്റ്റേ​ഷ​ന്‍ പ്ര​വ​ര്‍​ത്തി​ക്കു​ന്ന​ത്. മ​ഴ പെ​യ്ത​തോ​ടെ കെ​ട്ടി​ടം ചോ​ര്‍​ന്നൊ​ലി​ക്കാ​ന്‍ തു​ട​ങ്ങി. ഫ​യ​ലു​ക​ളും മ​റ്റു രേ​ഖ​ക​ളും മ​ഴ​യി​ല്‍ ന​ന​യാ​തി​രി​ക്കാ​ന്‍ ഇ​തേ കെ​ട്ടി​ട​ത്തി​ലെത​ന്നെ മ​റ്റൊ​രു മു​റി​യി​ലേ​ക്ക് ഇ​വ​യെ​ല്ലാം മാ​റ്റി. ഇ​തി​നു​ള്ളി​ല്‍ ലാ​പ്‌​ടോ​പ്പും കു​ടു​ങ്ങി​യി​രി​ക്കാ​നാ​ണ് ഒരു സാ​ധ്യ​ത​.


തെരച്ചി​ല്‍ ഡ്യൂ​ട്ടി​ക്ക് ആ​റുപേ​ര്‍

ലാ​പ്‌​ടോ​പ്പ് ന​ഷ്ട​മാ​യ​തോ​ടെ സ്റ്റേ​ഷ​നി​ലു​ള്ള​വ​രു​ടെ സ​മാ​ധാ​ന​വും ന​ഷ്ട​പ്പെ​ട്ടു. മേ​ലു​ദ്യോ​ഗ​സ്ഥ​രു​ടെ ചോ​ദ്യ​ങ്ങ​ള്‍​ക്കു മു​ന്നി​ല്‍ ഉ​ത്ത​രം​മു​ട്ടു​ന്ന പോ​ലീ​സു​കാ​ര്‍ ലാപ്ടോപ് ഫയലിനിടയിൽ ഉണ്ടെങ്കിൽ എങ്ങനെയും തെരഞ്ഞു കണ്ടിപിടിക്കാൻ രംഗത്തിറങ്ങി. ഒ​രു ദി​വ​സം ആ​റു പേ​രെ വ​രെ ലാ​പ്‌​ടോ​പ്പ് തെ​രി​ച്ച​ലി​നാ​യി വി​ന്യ​സി​പ്പി​ച്ചി​രു​ന്ന​താ​യാ​ണ് വി​വ​രം. എ​ന്നി​ട്ടും കണ്ടുപിടിക്കാ​നാ​യി​ട്ടി​ല്ല.

ലാ​പ്‌​ടോ​പ്പ് കാ​ണാ​താ​യ​തി​നു പി​ന്നി​ല്‍ ഏ​തെ​ങ്കി​ലും പോ​ലീ​സു​കാ​ര്‍​ക്ക് ‘പ​ണി' ന​ല്‍​കാ​നു​ള്ള പ​ദ്ധ​തി​യാ​ണോ​യെ​ന്നും സം​ശ​യി​ക്കു​ന്നു​ണ്ട്. സ്ഥി​ര​മാ​യി ലാ​പ്‌​ടോ​പ്പ് ഉ​പ​യോ​ഗി​ക്കു​ന്ന പോ​ലീ​സു​കാ​രോ​ടോ മേ​ലു​ദ്യോ​ഗ​സ്ഥ​രോ​ടൊ വൈ​രാ​ഗ്യം തീ​ര്‍​ക്കാ​ന്‍ ആ​രെ​ങ്കി​ലും ചെ​യ​ത​താ​യി​രി​ക്കാ​നു​ള്ള സാ​ധ്യ​ത​യും അ​ന്വേ​ഷി​ച്ചു ​വ​രി​ക​യാ​ണ്.


‘ആ​ക്ഷ​ന്‍ ഹീ​റോ'​യ്ക്ക് സ​മാ​നം

ആ​ക്ഷ​ന്‍ ഹീ​റോ ബി​ജു എ​ന്ന സി​നി​മ​യി​ല്‍ വ​യ​ര്‍​ലെ​സ് സെ​റ്റ് ന​ഷ്ട​പ്പെ​ടു​മ്പോ​ള്‍ പോ​ലീ​സു​ദ്യോ​ഗ​സ്ഥ​ര്‍ അ​നു​ഭ​വി​ക്കു​ന്ന മാ​ന​സി​ക സ​മ്മ​ര്‍​ദ​ങ്ങ​ള്‍​ക്കു സ​മാ​ന​മാ​ണ് പ​ന്തീ​രാ​ങ്കാ​വ് പോ​ലീ​സ് സ്റ്റേഷനി​ലു​ള്ള​വ​രും അ​നു​ഭ​വി​ക്കു​ന്ന​ത്.



ലാ​പ്‌​ടോ​പ് മ​റ്റൊ​രാ​ള്‍ ഉ​പ​യോ​ഗി​ച്ചാ​ല്‍ അ​തു ക​ണ്ടെ​ത്താ​നാ​വും. അ​തി​നാ​ല്‍ ലാ​പ്‌​ടോ​പ്പ് ‘പൊ​ക്കി'​യ​വ​ര്‍ അ​തു സു​ര​ക്ഷി​ത​മാ​യി ആ​രെ​യെ​ങ്കി​ലും ഏ​ല്‍​പ്പി​ക്കു​ക​യോ ഒ​ളി​പ്പി​ച്ചു വ​യ്ക്കു​ക​യോ ചെ​യ്തി​ട്ടു​ണ്ടാ​വും.

അ​തേ​സ​മ​യം, ലാ​പ്‌​ടോ​പ്പ് എ​ന്നെ​ങ്കി​ലും എ​വി​ടെ​യെ​ങ്കി​ലും പുറത്തുവന്നാൽ അ​ന്ന് അ​തു പോ​ലീ​സി​നു തീ​രാ​ക​ള​ങ്ക​മാ​യി മാ​റും. അ​തി​നാ​ലാ​ണ് ലാ​പ്‌​ടോ​പ്പി​നു പി​ന്നാ​ലെ പോ​ലീ​സ് ഉ​റ​ക്ക​മൊ​ഴി​ഞ്ഞ് പരക്കംപായുന്നത്.

- കെ.​ഷി​ന്‍റു​ലാ​ല്‍
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.