Latest News
ബ്ലേ​ഡ് റ​ണ്ണ​ർ പു​റ​ത്തു​വ​രു​മോ? ശി​ക്ഷാ​യി​ള​വ് തേ​ടി താ​രം
ബ്ലേ​ഡ് റ​ണ്ണ​ർ പു​റ​ത്തു​വ​രു​മോ? ശി​ക്ഷാ​യി​ള​വ് തേ​ടി താ​രം
Thursday, March 30, 2023 10:36 PM IST
ജൊ​ഹാ​ന്ന​സ്ബെ​ർ​ഗ്: കാ​മു​കി​യെ കൊ​ല​പ്പെ​ടു​ത്തി​യ കേ​സി​ൽ ശി​ക്ഷ അ​നു​ഭ​വി​ക്കു​ന്ന ദ​ക്ഷി​ണാ​ഫ്രി​ക്ക​ൻ അ​ത്‌​ല​റ്റി​ക്സ് താ​രം ഓ​സ്ക​ർ പി​സ്റ്റോ​റി​യ​സി​ന് ശി​ക്ഷാ​യി​ള​വ് ല​ഭി​ക്കാ​ൻ സാ​ധ്യ​ത. വെ​ള്ളി​യാ​ഴ്ച ന​ട​ക്കു​ന്ന പ​രോ​ൾ ബോ​ർ​ഡ് യോ​ഗം പി​സ്റ്റോ​റി​യ​സി​ന്‍റെ ശി​ക്ഷ ഇ​ള​വ് ചെ​യ്ത് ജ​യി​ൽ​മോ​ച​നം അ​നു​വ​ദി​ക്കാ​നു​ള്ള സാ​ഹ​ച​ര്യ​മു​ണ്ടെ​ന്നാ​ണ് റി​പ്പോ​ർ​ട്ടു​ക​ൾ.

2013-ലാ​ണ് ബ്ലേ​ഡ് റ​ണ്ണ​ർ എ​ന്ന​റി​യ​പ്പെ​ടു​ന്ന പി​സ്റ്റോ​റി​യ​സ് കാ​മു​കി​യും മോ​ഡ​ലു​മാ​യ റീ​വ സ്റ്റീ​ൻ​കാം​പി​നെ വെ​ടി​വ​ച്ച് കൊ​ല​പ്പെ​ടു​ത്തി​യ​ത്. ശു​ചി​മു​റി​ക്കു​ള്ളി​ലാ​യി​രു​ന്ന സ്റ്റീ​ൻ​കാം​പി​നെ പൂ​ട്ടി​യി​ട്ടി​രു​ന്ന ക​ത​കി​ലൂ​ടെ നാ​ല് ത​വ​ണ വെ​ടി​യു​തി​ർ​ത്താ​ണ് പി​സ്റ്റോ​റി​യ​സ് കൊ​ല​പ്പെ​ടു​ത്തി​യ​ത്.

താ​ൻ കു​റ്റ​മൊ​ന്നും ചെ​യ്തി​ട്ടി​ല്ലെ​ന്നും ശു​ചി​മു​റി​ക്കു​ള്ളി​ൽ കാ​മു​കി​യെ ആ​ക്ര​മി​ക്കാ​നാ​യി ആ​രോ എ​ത്തി​യെ​ന്ന തെ​റ്റി​ധാ​ര​ണ മൂ​ല​മാ​ണ് വെ​ടി​യു​തി​ർ​ത്തെ​ന്നു​മാ​ണ് താ​രം വാ​ദി​ച്ച​ത്. ഈ ​വാ​ദം അ​വ​ഗ​ണി​ച്ച കോ​ട​തി, ഗാ​ർ​ഹി​ക പീ​ഡ​ന​ത്തെ​ത്തു​ട​ർ​ന്നു​ള്ള ന​ര​ഹ​ത്യ​ക്കു​റ്റം ചു​മ​ത്തി 13 വ​ർ​ഷ​ത്തെ ത​ട​വു​ശി​ക്ഷ‌​യാ​ണ് പി​സ്റ്റോ​റി​യ​സി​ന് വി​ധി​ച്ച​ത്.


ശി​ക്ഷാ​കാ​ലാ​വ​ധി​യു​ടെ പ​കു​തി പൂ​ർ​ത്തി​യാ​ക്കി​യ പി​സ്റ്റോ​റി​യ​സ്, പ​രോ​ളി​നാ​യി അ​പേ​ക്ഷ സ​മ​ർ​പ്പി​ച്ചി​രു​ന്നു. ദ​ക്ഷി​ണാ​ഫ്രി​ക്ക​ൻ നി​യ​മ​പ്ര​കാ​രം ഒ​രു ത​ട​വു​പു​ള്ളിക്ക് ന​ൽ​കി​യ ശി​ക്ഷ​യു​ടെ ഉ​ദ്ദേ​ശ്യ​ല​ക്ഷ്യം നി​റ​വേ​റ്റ​പ്പെ​ട്ടു​വെ​ന്ന് പ​രോ​ൾ ബോ​ർ​ഡി​ന് ബോ​ധ്യ​മാ‌‌​യാ​ൽ ശി​ക്ഷാ​യി​ള​വ് അ​നു​വ​ദി​ക്കാ​വു​ന്ന​താ​ണ്.

ഇ​ത്ത​ര​ത്തി​ൽ ഇ​ള​വ് ല​ഭി​ച്ചാ​ൽ പി​സ്റ്റോ​റി​യ​സി​ന് ജ​യി​ൽ​മോ​ചി​ത​നാ​കാം. ക​മ്മ്യൂ​ണി​റ്റി സെ​ന്‍റ​റു​ക​ളി​ലെ പൊ​തു​സേ​വ​നം, അ​ധി​കാ​രി​ക​ൾ​ക്ക് മു​മ്പു​ള്ള കൃ​ത്യ​മാ​യ ഹാ​ജ​രാ​ക​ൽ, ആ​യു​ധം ഉ​പ​യോ​ഗി​ക്കു​ന്ന​തി​നു​ള്ള വി​ല​ക്ക് എ​ന്നീ നി​ബ​ന്ധ​ന​ക​ൾ പി​സ്റ്റോ​റി​യ​സി​ന് മു​മ്പി​ൽ ബോ​ർ​ഡ് നി​ർ​ദേ​ശി​ച്ചേ​ക്കാം.

പ​രോ​ൾ നീ​ക്ക​ത്തി​നെ​തി​രെ സ്റ്റീ​ൻ​കാം​പി​ന്‍റെ മാ​താ​പി​താ​ക്ക​ൾ രം​ഗ​ത്തെ​ത്തി. ഇ​തി​നെ​തി​രെ നി​യ​മ​പ​ര​മാ​യി നീ​ങ്ങു​മെ​ന്ന് അ​വ​ർ അ​റി​യി​ച്ചു. 2012 ഒ​ളിം​പി​ക്സി​ലെ 400 മീ​റ്റ​ർ സ്പ്രി​ന്‍റ് സെ​മി​ഫൈ​ന​ലി​ന് യോ​ഗ്യ​ത നേ​ടി​യാ​ണ് പാ​രാ അ​ത്‌​ല​റ്റാ​യ പി​സ്റ്റോ​റി‌​യ​സ് ലോ​ക​ശ്ര​ദ്ധ നേ​ടി​യ​ത്.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.