ഭൂ​വ​നേ​ശ്വ​ർ: ഒ​ഡി​ഷ ബാ​ല​സോ​റി​ൽ പാ​ളം​തെ​റ്റി​യ​ത് നി​ര​വ​ധി പേ​രു​ടെ സ്വ​പ്ന​ങ്ങ​ൾ കൂ​ടി​യാ​യി​രു​ന്നു. ഇ​ടി​ച്ചു​ക​യ​റി ത​ല​കീ​ഴാ​യി മ​റി​ഞ്ഞ​ത് അ​ന്ന​ന്ന​ത്തേ​ക്കു​ള്ള അ​ന്നം​തേ​ടി പാ​യു​ന്ന മു​ഷി​ഞ്ഞ, വി​യ​ർ​പ്പാ​റാ​ത്ത നി​ര​വ​ധി ജീ​വി​ത​ങ്ങ​ൾ കൂ​ടി​യാ​യി​രു​ന്നു.

അ​തി​ലൊ​രു​വ​നാ​ണ് ബി​ഹാ​ർ ഗോ​പാ​ൽ​ഗ​ഞ്ച് ജി​ല്ല​യി​ലെ പ​ത്ര ഗ്രാ​മ​ത്തി​ൽ നി​ന്നു​ള്ള പ്ര​കാ​ശ് റാം. 22 ​വ​യ​സ് മാ​ത്ര​മാ​ണ് പ്രാ​യം. കു​ടി​യേ​റ്റ തൊ​ഴി​ലാ​ളി​യാ​ണ്. 288 പേ​ർ മ​ര​ണ​പ്പെ​ട്ട അ​പ​ക​ട​ത്തെ പ്ര​കാ​ശ് അ​തി​ജീ​വി​ച്ചു. അ​ദ്ഭു​ത​ക​രം ത​ന്നെ.

പ​ക്ഷെ അ​പ​ക​ട​ത്തി​ൽ പ​രി​ക്കേ​റ്റ പ്ര​കാ​ശി​ന്‍റെ ഒ​രു കാ​ൽ മു​റി​ച്ചു​മാ​റ്റി​യി​രി​ക്കു​ന്നു. അ​വ​ൻ ചി​ല​പ്പോ​ൾ അ​വ​ൻ അ​നോ​ട് ത​ന്നെ ചോ​ദി​ക്കു​ന്നു മ​ര​ണ​മാ​യി​രു​ന്നോ ഭേ​ദ​പ്പെ​ട്ട​ത്. കാ​ര​ണം റെ​യി​ൽ​വെ, അ​പ​ക​ട​ത്തി​ൽ പ​രി​ക്കേ​റ്റ​വ​ർ​ക്ക് ന​ൽ​കു​ന്ന ന​ഷ്ട​പ​രി​ഹാ​രം ര​ണ്ട് ല​ക്ഷം രൂ​പ. അ​തു ത​ന്നെ ഇ​നി​യെ​ന്ന് എ​ന്ന​റി​യി​ല്ല. ത​ന്‍റെ വീ​ട്ടി​ലെ വ​രു​മാ​ന​മു​ള്ള ഏ​ക ആ​ളാ​യ ത​ന്‍റെ ജീ​വി​തം ഇ​നി​യെ​ന്ത് എ​ന്ന് ചി​ന്തി​ക്കു​ന്പോ​ൾ പ്ര​കാ​ശ് റാ​മി​ന്‍റെ മ​ന​സ് പാ​ളം​തെ​റ്റു​ന്നു.

ര​ണ്ട് വ​ർ​ഷ​മാ​യി ആ​ന്ധ്രാ​പ്ര​ദേ​ശി​ലെ പ്ര​കാ​ശം ജി​ല്ല​യി​ലെ ഓം​ഗോ​ൾ ന​ഗ​ര​ത്തി​ൽ സെ​റാ​മി​ക് ടൈ​ൽ ഫാ​ക്ട​റി​യി​ലാ​ണ് പ്ര​കാ​ശ് റാം ​ജോ​ലി ചെ​യ്തു​വ​ന്നി​രു​ന്ന​ത്. ജോ​ലി സ്ഥ​ല​ത്തു​നി​ന്നും വീ​ട്ടി​ലേ​ക്ക് യ​ശ്വ​ന്ത്പൂ​ർ-​ഹൗ​റ എ​ക്‌​സ്പ്ര​സി​ൽ യാ​ത്ര ചെ​യ്യു​ന്പോ​ഴാ​ണ് പ്ര​തീ​ക്ഷി​ക്കാ​തെ ജീ​വി​ത​ത്തി​ലേ​ക്ക് ദു​ര​ന്തം ഇ​ടി​ച്ചു​ക​യ​റി​യ​ത്. അ​പ​ക​ട​ത്തി​ൽ റാ​മി​ന്‍റെ ബോ​ധം ന​ഷ്ട​പ്പെ​ട്ടു. അ​ടു​ത്ത ദി​വ​സം ബോ​ധം തെ​ളി​യു​ന്പോ​ൾ ബാ​ല​സോ​ർ ജി​ല്ലാ ആ​ശു​പ​ത്രി​യി​ലാ​ണ്.

നി​ല ഗു​രു​ത​ര​മാ​യ​തി​നാ​ൽ, ക​ട്ട​ക്കി​ലെ എ​സ്‌​സി‌​ബി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. ഇ​വി​ടെ​വ​ച്ച് ഡോ​ക്ട​ർ​മാ​ർ അ​ദ്ദേ​ഹ​ത്തി​ന്‍റെ ഇ​ട​തു കാ​ൽ മു​ട്ടി​നു താ​ഴെ മു​റി​ച്ചു​മാ​റ്റി. ഇ​തോ​ടെ റാം ​ത​ക​ർ​ന്നു. ഇ​നി​യെ​ന്താ​ണ് ചെ​യ്യേ​ണ്ട​തെ​ന്ന് ത​നി​ക്ക് അ​റി​യി​ല്ലെ​ന്ന് റാം ​പ​റ​യു​ന്നു.

ത​ന്‍റെ കു​ടും​ബ​ത്തി​ൽ വ​രു​മാ​ന​മു​ള്ള ഏ​ക വ്യ​ക്തി താ​നാ​യി​രു​ന്നു. നാ​ട്ടി​ൽ ജോ​ലി ക​ണ്ടെ​ത്താ​ൻ ക​ഴി​യാ​ത്ത​തി​നാ​ൽ ബി​ഹാ​ർ വി​ടേ​ണ്ടി​വ​ന്നു. മു​റി​ച്ചു​മാ​റ്റി​യ കാ​ലു​മാ​യി, ഇ​നി താ​ൻ എ​ന്താ​ണ് ചെ​യ്യാ​ൻ പോ​കു​ന്ന​ത്- ഒ​ടി​ഞ്ഞു​മ​ട​ങ്ങി​യ പാ​ളം ചോ​ദ്യഛി​ഹ്ന​മാ​യി റാ​മി​ന്‍റെ മു​ന്നി​ൽ.

റാ​മി​നെ​പ്പോ​ലെ, ബ​ഹ​നാ​ഗ​അ​പ​ക​ട​ത്തി​ൽ പ​രി​ക്കേ​റ്റ​വ​രി​ൽ ഭൂ​രി​ഭാ​ഗ​വും ബി​ഹാ​ർ, ബം​ഗാ​ൾ, ആ​സാം, ഒ​ഡീ​ഷ, ജാ​ർ​ഖ​ണ്ഡ് എ​ന്നി​വി​ട​ങ്ങ​ളി​ൽ നി​ന്നു​ള്ള കു​ടി​യേ​റ്റ തൊ​ഴി​ലാ​ളി​ക​ളാ​യി​രു​ന്നു. ചെ​ന്നൈ​യി​ലേ​ക്കു​ള്ള കോ​റ​മാ​ണ്ട​ൽ എ​ക്‌​സ്‌​പ്ര​സി​ന്‍റെ​യും യ​ശ്വ​ന്ത്പൂ​ർ-​ഹൗ​റ എ​ക്‌​സ്‌​പ്ര​സി​ന്‍റെ​യും റി​സ​ർ​വ് ചെ​യ്യാ​ത്ത കോ​ച്ചു​ക​ളി​ലാ​ണ് ഇ​വ​ർ തി​ങ്ങി​ഞെ​രു​ങ്ങി യാ​ത്ര ചെ​യ്ത​ത്.

നാ​ട്ടി​ൽ പ​ണി​യും പ​ണി​ക്കൂ​ലി​യും ഇ​ല്ലാ​ത്ത​തി​നാ​ൽ ഉ​പ​ജീ​വ​ന​ത്തി​നാ​യി ഇ​വ​ർ കേ​ര​ളം, ത​മി​ഴ്‌​നാ​ട്, ആ​ന്ധ്രാ​പ്ര​ദേ​ശ് എ​ന്നി​വി​ട​ങ്ങ​ളി​ലേ​ക്ക് ജോ​ലി തേ​ടി​യെ​ത്തു​ന്നു. കോ​റ​മാ​ണ്ട​ൽ എ​ക്‌​സ്‌​പ്ര​സ് ഈ ​പാ​വ​ങ്ങ​ളു​ടെ രാ​ജ​ധാ​നി​യാ​ണ്.

കോ​റ​മാ​ണ്ട​ലി​ന്‍റെ ലോ​ക്ക​ലി​ൽ തേ​ക്കോ​ട്ട് യാ​ത്ര ചെ​യ്യു​ന്പോ​ൾ ജീ​വി​തം പ​ച്ച​പി​ടി​ക്കു​ന്ന​താ​ണ് സ്വ​പ്നം. 30 മ​ണി​ക്കൂ​റോ​ളം യാ​ത്ര ചെ​യ്യു​ന്ന ഇ​വ​രി​ൽ പ​ല​രു​ടേ​യും ഇ​രി​പ്പി​ടം കാ​ലു​കു​ത്താ​ൻ ഇ​ട​മി​ല്ലാ​തെ ട്രെ​യി​ൻ‌ ശു​ചി​മു​റി​യു​ടെ വാ​തു​ക്ക​ലാ​യി​രി​ക്കും. ശു​ചി​മു​റി​യു​ടെ "അ​വി​ശു​ദ്ധ' ഗ​ന്ധം​പോ​ലും ഇ​വ​ർ​ക്ക് ത​ങ്ങ​ളു​ടെ ജീ​വി​ത ദു​രി​ത്തോ​ളം എ​ത്തി​ല്ല.

ബ​ഹ​നാ​ഗ ട്രെ​യി​ൻ ദു​ര​ന്തം ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ലേ​ക്ക് ജോ​ലി​ക്ക് പോ​കു​ന്ന കു​ടി​യേ​റ്റ തൊ​ഴി​ലാ​ളി​ക​ൾ നേ​രി​ടു​ന്ന പ​രാ​ധീ​ന​ത​ക​ളി​ലേ​ക്ക് കൂ​ടി വി​ര​ൽ​ച്ചൂ​ണ്ടു​ന്നു. യാ​ത്ര​യ്ക്കി​ടെ അ​വ​ർ അ​ഭി​മു​ഖീ​ക​രി​ക്കേ​ണ്ടി​വ​രു​ന്ന അ​പ​ക​ട​ങ്ങ​ൾ വ​ലി​യ തി​രി​ച്ച​ടി​യാ​ണ്. അ​തി​നെ താ​ങ്ങാ​ൻ അ​വ​രി​ൽ പ​ല​ർ​ക്കും സാ​മ്പ​ത്തി​ക​മാ​യും ശാ​രീ​രി​ക​മാ​യും ത്രാ​ണി​യു​ണ്ടാ​വി​ല്ല.

അ​പ​ക​ട​ത്തി​ൽ​പ്പെ​ടു​ന്ന​വ​ർ​ക്ക് റെ​യി​ൽ​വേ​യും സം​സ്ഥാ​ന സ​ർ​ക്കാ​രും ന​ൽ​കു​ന്ന ന​ഷ്ട​പ​രി​ഹാ​രം മ​തി​യാ​കി​ല്ല. അ​വ​രു​ടെ ആ​വ​ശ്യ​ങ്ങ​ൾ പ്ര​ത്യേ​കം​പ്ര​ത്യേ​ക​മാ​യി പ​രി​ഗ​ണി​ച്ച് സ​ഹാ​യം ന​ൽ​കു​ക​യാ​ണ് വേ​ണ്ട​തെ​ന്ന് വി​ദ​ഗ്ധ​ർ പ​റ​യു​ന്നു.