ഗു​രു​ഗ്രാം: ഹ​രി​യാ​ന​യി​ലെ നു​ഹ് ജി​ല്ല​യി​ൽ വ​ർ​ഗീ​യ ക​ലാ​പം ആ​ളി​ക്ക​ത്തു​ന്നു. ക​ലാ​പ​ത്തി​ൽ ഇ​മാം ഉ​ൾ​പ്പെ​ടെ അ​ഞ്ച് പേ​ർ കൊ​ല്ല​പ്പെ​ട്ടു. നി​ര​വ​ധി പോ​ലീ​സു​കാ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. തി​ങ്ക​ളാ​ഴ്ച വി​ശ്വ​ഹി​ന്ദു പ​രി​ഷ​ത്തി​ന്‍റെ ഘോ​ഷ​യാ​ത്ര​യ്ക്കി​ടെ​യു​ണ്ടാ​യ സം​ഘ​ർ​ഷ​മാ​ണ് ക​ത്തു​ന്ന​ത്.

നു​ഹി​ലും സ​മീ​പ പ്ര​ദേ​ശ​ങ്ങ​ളി​ലും വ​ലി​യ പോ​ലീ​സ് സു​ര​ക്ഷ ഏ​ർ​പ്പെ​ടു​ത്തി​യി​ട്ടു​ണ്ടെ​ന്ന് മു​ഖ്യ​മ​ന്ത്രി മ​നോ​ഹ​ർ ലാ​ൽ ഖ​ട്ട​ർ പ​റ​ഞ്ഞു. നു​ഹ് ജി​ല്ല​യി​ൽ നി​രോ​ധ​നാ​ജ്ഞ പ്ര ​ഖ്യാ​പി​ച്ചു. ബു​ധ​നാ​ഴ്ച വ​രെ ഇ​ന്‍റ​ർ​നെ​റ്റ് സേ​വ​ന​ങ്ങ​ൾ റ​ദ്ദാ​ക്കി. ജി​ല്ല​യി​ൽ കൂ​ടു​ത​ൽ സു​ര​ക്ഷാ​സേ​ന​യെ വി​ന്യ​സി​ച്ചു.

സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് 44 കേ​സു​ക​ളാ​ണ് ഇ​തു​വ​രെ ര​ജി​സ്റ്റ​ർ ചെ​യ്തി​ട്ടു​ള്ള​ത്. 70 പേ​രെ ക​സ്റ്റ​ഡി​യി​ലെ​ടു​ക്കു​ക​യും ചെ​യ്തു. കു​റ്റ​ക്കാ​ർ​ക്കെ​തി​രെ ശ​ക്ത​മാ​യ ന​പ​ടി സ്വീ​ക​രി​ക്കു​മെ​ന്നും മു​ഖ്യ​മ​ന്ത്രി അ​റി​യി​ച്ചു.

ഗു​രു​ഗ്രാ​മി​ലെ സെ​ക്ട​ർ 56 ൽ ​നി​ർ​മാ​ണ​ത്തി​ലി​രി​ക്കു​ന്ന മോ​സ്കി​ന് സ​മീ​പ​ത്ത് തി​ങ്ക​ളാ​ഴ്ച രാ​ത്രി​യാ​ണ് ഇ​മാം ഉ​ൾ​പ്പെ​ടെ ര​ണ്ട് പേ​ർ ആ​ക്ര​മി​ക്ക​പ്പെ​ട്ട​ത്. നാ​ല് പേ​ർ ചേ​ർ​ന്നാ​ണ് ഇ​മാം മു​ഹ​മ്മ​ദ് സാ​ദി​നെ​യും കൂ​ടെ​യു​ണ്ടാ​യി​രു​ന്ന ഖു​ർ​ഷീ​ദി​നെ​യും ആ​ക്ര​മി​ച്ചു. കാ​ലി​ൽ വെ​ടി​യേ​റ്റ ഖു​ർ​ഷീ​ദ് ഗു​ര​ത​ര​പ​രി​ക്കേ​റ്റ് ചി​കി​ത്സ​യി​ലാ​ണ്.

നു​ഹി​ലെ അ​ക്ര​മ​ത്തെ​ക്കു​റി​ച്ചു​ള്ള വാ​ർ​ത്ത​ക​ൾ പ്ര​ച​രി​ച്ച​തോ​ടെ​യാ​ണ് ഗു​രു​ഗ്രാ​മി​ലും സം​ഘ​ർ​ഷം ഉ​ട​ലെ​ടു​ത്ത​ത്. ര​ണ്ട് സ​മു​ദാ​യ​ത്തി​ലു​ള്ള ആ​ളു​ക​ൾ ചേ​രി​തി​രി​ഞ്ഞ് ഏ​റ്റു​മു​ട്ടി. നി​ര​വ​ധി വാ​ഹ​ന​ങ്ങ​ൾ​ക്ക് കേ​ടു​പാ​ടു​ക​ൾ സം​ഭ​വി​ച്ചു. പ്ര​തി​ഷേ​ധ​ക്കാ​ർ മ​ണി​ക്കൂ​റു​ക​ളോ​ളം റോ​ഡ് ഉ​പ​രോ​ധി​ച്ചു.

സം​ഘ​ർ​ഷ​ത്തി​ൽ തി​ങ്ക​ളാ​ഴ്ച ര​ണ്ട് ഹോം ​ഗാ​ർ​ഡു​ക​ൾ കൊ​ല്ല​പ്പെ​ട്ടി​രു​ന്നു. ഒ​രു ഡ​സ​നി​ലേ​റെ പോ​ലീ​സു​കാ​ർ​ക്കു പ​രി​ക്കേ​റ്റു. ഡി​എ​സ്പി സ​ജ്ജ​ൻ സിം​ഗി​നു ത ​ല​യ്ക്കും ഒ​രു ഇ​ൻ​സ്പെ​ക്ട​ർ​ക്ക് വ​യ​റി​ലും വെ​ടി​യേ​റ്റു. പോ​ലീ​സി​ന്‍റേ​തു​ൾ​പ്പെ​ടെ നി​ര​വ​ധി വാ​ഹ​ന​ങ്ങ​ൾ​ക്കു തീ​യി​ട്ടു. ക​ണ്ണീ​ർ​വാ​ത​കം പ്ര​യോ​ഗി​ച്ചാ​ണ് അ​ക്ര​മി​ക​ളെ പോ​ലീ​സ് തു​ര​ത്തി​യ​ത്.

വി​എ​ച്ച്പി​യു​ടെ ബ്രി​ജ് മ​ണ്ഡ​ൽ ജ​ലാ​ഭി​ഷേ​ക് യാ​ത്ര നു​ഹി​ന്‍റെ ഖേ​ദ്‌​ല മോ​ഡി​ലെ​ത്തി​യ​പ്പോ​ഴാ​യി​രു​ന്നു ഒ​രു സം​ഘം യു​വാ​ക്ക​ൾ ഘോ​ഷ​യാ​ത്ര ത​ട​ഞ്ഞ​ത്. തു​ട​ർ​ന്ന് ക​ല്ലേ​റ് ആ​രം​ഭി​ച്ചു. ഘോ​ഷ​യാ​ത്ര​യി​ൽ പ​ങ്കെ​ടു​ത്ത​വ​ർ തി​രി​ച്ചു ക​ല്ലെ​റി​ഞ്ഞു. പി​ന്നീ​ട് നി​ര​വ​ധി പേ​ർ സ​മീ​പ​ത്തെ ക്ഷേ​ത്ര​ത്തി​ൽ അ​ഭ​യം തേ​ടി.

ബി​ജെ​പി ജി​ല്ലാ പ്ര​സി​ഡ​ന്‍റ് ഗാ​ർ​ഗി ക​ക്ക​ർ ആ​ണു വി​എ​ച്ച്പി യാ​ത്ര ഫ്ളാ​ഗ് ഓ​ഫ് ചെ​യ്ത​ത്. യാ​ത്ര​യ്ക്കു പോ​ലീ​സി​ന്‍റെ സം​ര​ക്ഷ​ണ​മു​ണ്ടാ​യി​രു​ന്നു. മു​സ്‌​ലിം ഭൂ​രി പ​ക്ഷ​പ്ര​ദേ​ശ​മാ​യ നു​ഹി​ൽ സം​ഘ​ർ​ഷ​മു​ണ്ടാ​യെ​ന്ന വാ​ർ​ത്ത കേ​ട്ട് സ​മീ​പ​ത്തു​ള്ള സോ​ഹ്‌​ന​യി​ൽ മു​സ്‌​ലിം വി​ഭാ​ഗ​ക്കാ​രു​ടെ നാ​ലു വാ​ഹ​ന​ങ്ങ​ളും ഒ​രു ക​ട​യും പ്ര ​തി​ഷേ​ധ​ക്കാ​ർ ക​ത്തി​ച്ചു.