കൊ​ല്ലം: ഓ​യൂ​രി​ൽ ആ​റ് വ​യ​സു​കാ​രി അബിഗേൽ സാ​റാ റെ​ജി​യെ ത​ട്ടി​ക്കൊ​ണ്ട് പോ​യ​തി​ന് പി​ന്നാ​ലെ കു​ട്ടി​ക്കാ​യി തി​ര​ച്ചി​ൽ ന​ട​ത്താ​ൻ ദൂ​രദേ​ശ​ത്ത് നി​ന്ന​ട​ക്ക​മു​ള്ള​വ​ർ ഇ​വി​ടേ​യ്ക്ക് എ​ത്തു​ന്ന​താ​യി റി​പ്പോ​ർ​ട്ട്.

പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി​യി​രി​ക്കു​ന്ന​തി​നൊ​പ്പം ത​ന്നെ പ്ര​ദേ​ശ​വാ​സി​ക​ളും യു​വ​ജ​ന​സം​ഘ​ട​നാ പ്ര​വ​ർ​ത്ത​ര​ക​രും ഉ​ൾ​പ്പ​ടെ ഉ​റ​ക്കം പോ​ലും ഉ​പേ​ക്ഷി​ച്ച് രം​ഗ​ത്തെ​ത്തി​യി​രി​ക്കു​ക​യാ​ണ്.

ഇ​തി​നി​ടെ കൊ​ല്ല​ത്തെ ഒ​ഴി​ഞ്ഞ് കി​ട​ക്കു​ന്ന കെ​ട്ടി​ട​ങ്ങ​ളി​ല​ട​ക്കം പോ​ലീ​സ് പ​രി​ശോ​ധ​ന തു​ട​രു​ക​യാ​ണ്. ആ​റ്റി​ങ്ങ​ലി​ലെ ആ​ലം​കോ​ട് നി​ന്നും ദ​ന്പ​തി​ക​ൾ ഉ​ൾ​പ്പ​ടെ എ​ത്തി കു​ട്ടി​ക്കാ​യി തി​ര​ച്ചി​ൽ ന​ട​ത്തു​ക​യാ​ണെ​ന്നും റി​പ്പോ​ർ​ട്ട് വ​ന്നി​രു​ന്നു.

ഒ​ഴി​ഞ്ഞ കെ​ട്ടി​ട​ങ്ങ​ൾ​ക്ക് പു​റ​മേ വ​ന​മേ​ഖ​ല​യി​ലും പെ​ട്ട​ന്ന് ശ്ര​ദ്ധ എ​ത്താ​ത്ത സ്ഥ​ല​ങ്ങ​ളി​ലും ഏ​വ​രും ചേ​ർ​ന്ന് രാത്രി മുതൽ തന്നെ അ​ന്വേ​ഷ​ണം ശ​ക്ത​മാ​ക്കി.

കു​ട്ടി​യെ ത​ട്ടി​ക്കൊ​ണ്ട് പോ​യ വാ​ർ​ത്ത പു​റ​ത്ത് വ​ന്ന് മി​നി​ട്ടു​ക​​ൾ​ക്ക​കം ത​ന്നെ കു​ട്ടി​യു​ടെ ചി​ത്ര​വും മ​റ്റ് വി​വ​ര​ങ്ങ​ളും സ​മൂ​ഹ മാ​ധ്യ​മ​ങ്ങ​ളി​ൽ വ​ലി​യ അ​ള​വി​ൽ പ​ങ്കു​വെ​ക്ക​പ്പെ​ട്ടി​രു​ന്നു.

മി​ക്ക മ​ല​യാ​ളി​ക​ളു​ടേ​യും വാ​ട്സാ​പ്പ് സ​റ്റാ​റ്റ​സു​ക​ളി​ല​ട​ക്കം അ​ബിഗേലി​ന്‍റെ ചി​ത്രം പ​ങ്കു​വെ​ച്ച് "വി​വ​രം ല​ഭി​ക്കു​ന്ന​വ​ർ അ​റി​യി​ക്ക​ണ​മെ​ന്ന' അ​ഭ്യ​ർ​ത്ഥ​ന​യു​ണ്ടാ​യി​രു​ന്നു.

മാ​ത്ര​മ​ല്ല പ്ര​തി​യെ​ന്ന് സം​ശ​യി​ക്കു​ന്ന​യാ​ളു​ടെ രേ​ഖാ​ചി​ത്ര​വും ഇ​തി​നോ​ട​കം സൈ​ബ​ർ ഇ​ട​ത്തി​ൽ വ​ൻ തോ​തി​ൽ ഷെ​യ​ർ ചെ​യ​പ്പെ​ട്ട് ക​ഴി​ഞ്ഞു.