കോ​ൽ​ക്ക​ത്ത: പാ​റ്റ്ന​യി​ൽ പ​രോ​ളി​നി​റ​ങ്ങി ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​ഞ്ഞ ഗു​ണ്ടാ ത​ല​വ​നെ കൊ​ല​പ്പെ​ടു​ത്തി​യ കേ​സി​ൽ അ​ഞ്ച് പേ​ർ അ​റ​സ്റ്റി​ൽ. കോ​ൽ​ക്ക​ത്ത​യ്ക്ക​ടു​ത്തു​ള്ള ന്യൂ ​ടൗ​ണി​ൽ നി​ന്നാ​ണ് ഇ​വ​രെ പി​ടി​കൂ​ടി​യ​ത്.

ച​ന്ദ​ൻ മി​ശ്ര​യാ​ണ് കൊ​ല്ല​പ്പെ​ട്ട​ത്. ശ​നി​യാ​ഴ്ച പു​ല​ർ​ച്ചെ ബിഹാ​ർ പോ​ലീ​സും പ​ശ്ചി​മ ബം​ഗാ​ൾ പോ​ലീ​സും സം​യു​ക്ത​മാ​യി ന​ട​ത്തി​യ പ​രി​ശോ​ധ​ന​യെ തു​ട​ർ​ന്ന് മെ​ട്രോ​പോ​ളി​സി​ലെ സാ​റ്റ​ലൈ​റ്റ് ടൗ​ൺ​ഷി​പ്പി​ലെ ഭ​വ​ന സ​മു​ച്ച​യ​ത്തി​ൽ നി​ന്നാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്.

ബി​ഹാ​റി​ലെ ബ​ക്സ​ർ ജി​ല്ല സ്വ​ദേ​ശി​യാ​യ മി​ശ്ര​യെ വ്യാ​ഴാ​ഴ്ച രാ​വി​ലെ പാ​റ്റ്​ന​യി​ലെ ഒ​രു സ്വ​കാ​ര്യ ആ​ശു​പ​ത്രി​ക്കു​ള്ളി​ൽ വ​ച്ചാ​ണ് വെ​ടി​വ​ച്ചു കൊ​ല​പ്പെ​ടു​ത്തി​യ​ത്.

"പ്ര​തി​ക​ളെ​ല്ലാം ന്യൂ ​ടൗ​ൺ പ്ര​ദേ​ശ​ത്തെ ഭ​വ​ന സ​മു​ച്ച​യ​ത്തി​ലെ ഒ​രു ഫ്ലാ​റ്റി​ൽ ഒ​ളി​ച്ചി​രി​ക്കു​ക​യാ​യി​രു​ന്നു. അ​ഞ്ച് പ്ര​തി​ക​ളി​ൽ നാ​ലു​പേ​രും കൊ​ല​പാ​ത​ക​ത്തി​ൽ നേ​രി​ട്ട് പ​ങ്കെ​ടു​ത്ത​വ​രാ​ണ്. അ​ഞ്ചാം പ്ര​തി കു​റ്റ​കൃ​ത്യ​ത്തി​ൽ ഉ​ൾ​പ്പെ​ട്ടി​ട്ടു​ണ്ടോ അ​തോ മ​റ്റു​ള്ള​വ​രെ ഒ​ളി​വി​ൽ പോ​കാ​ൻ സ​ഹാ​യി​ച്ച​താ​ണോ എ​ന്ന് അ​ന്വേ​ഷി​ച്ചു​വ​രി​ക​യാ​ണ്'.- പോ​ലീ​സ് ഉ​ദ്യോ​ഗ​സ്ഥ​ൻ പ​റ​ഞ്ഞു.

ബ്യൂ​ർ ജ​യി​ലി​ലാ​യി​രു​ന്ന മി​ശ്ര പ​രോ​ളി​ലി​റ​ങ്ങി ചി​കി​ത്സ​യ്ക്കാ​യി ആ​ശു​പ​ത്രി​യി​ൽ പോ​യി​രു​ന്നു. 12 ല​ധി​കം കൊ​ല​പാ​ത​ക കേ​സു​ക​ൾ ഉ​ൾ​പ്പെ​ടെ 24 ക്രി​മി​ന​ൽ കേ​സു​ക​ളി​ൽ പ്ര​തി​യാ​ണ് ച​ന്ദ​ൻ മി​ശ്ര.