സിപിഎം വയനാട് ജില്ലാ സെക്രട്ടറി സി. ഭാസ്കരൻ അന്തരിച്ചു
Friday, August 26, 2016 8:57 PM IST
കൽപ്പറ്റ: സിപിഎം വയനാട് ജില്ലാ സെക്രട്ടറി സി. ഭാസ്കരൻ (65) അന്തരിച്ചു. ഇന്ന് രാവിലെ 7.30 ഓടെയായിരുന്നു അന്ത്യം. കരൾ രോഗത്തെ തുടർന്ന് കോഴിക്കോട് സ്വകാര്യ ചികിത്സയിലായിരുന്നു. ജില്ലാ സെക്രട്ടറിയായിരുന്ന സി.കെ. ശശീന്ദ്രൻ കഴിഞ്ഞ നിയമസഭാ തെരഞ്ഞെടുപ്പിൽ മത്സരിച്ചപ്പോഴാണ് സി. ഭാസ്കരനെ സെക്രട്ടറിയായി തെരഞ്ഞെടുത്തത്. വർഷങ്ങളായി സിഐടിയു വയനാട് ജില്ലാ സെക്രട്ടറിയാണ്.<യൃ><യൃ>സിഐടിയു വയനാട് ജില്ലാ സെക്രട്ടറി കൂടിയായ ഭാസ്കരൻ ജില്ലയിൽ കമ്യൂണിസ്റ്റ് പാർട്ടി കെട്ടിപ്പടുക്കുന്നതിൽ മുൻനിരയിൽ പ്രവർത്തിച്ച നേതാക്കളിലൊരാളാണ്. വിദ്യാഭ്യാസത്തിനുശേഷം എഴുപതികളിലാണ് തൊഴിലാളിയായി വയനാട്ടിലെത്തിയത്. പിന്നീട് ചുമട്ട് തൊഴിലാളികളെയും തോട്ടം തൊഴിലാളികളെയും സംഘടിപ്പിച്ച് ജില്ലയിൽ ട്രേഡ് യൂണിയൻ പ്രസ്‌ഥാനം ശക്‌തമാക്കി. ബത്തേരി കേന്ദ്രീകരിച്ചായിരുന്നു പ്രവർത്തനം. മുൻവയനാട് ജില്ലാ പഞ്ചായത്ത് വൈസ് പ്രസിഡന്റാണ്. ബത്തേരി ബ്ലോക്ക് ഡെവലപ്മെന്റ് കമ്മിറ്റി ചെയർമാൻ, ബത്തേരി പഞ്ചായത്ത് മെമ്പർ എന്നീ നിലകളിലും പ്രവർത്തിച്ചിട്ടുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Loading...