93% സം​ഭാ​വ​ന​ക​ളും എ​ത്തി​യ​ത് ബി​ജെ​പി​യി​ൽ; ഒ​രു ട്ര​സ്റ്റി​ൽ​നി​ന്നു മാ​ത്രം 405 കോ​ടി
Wednesday, July 10, 2019 8:07 AM IST
ന്യൂ​ഡ​ൽ​ഹി: 2016-നു​ശേ​ഷം രാ​ഷ്ട്രീ​യ പാ​ർ​ട്ടി​ക​ൾ​ക്കാ​യി ല​ഭി​ച്ച സം​ഭാ​വ​ന​ക​ളു​ടെ 93 ശ​ത​മാ​ന​വും കൈ​ക്ക​ലാ​ക്കി​യ​തു ബി​ജെ​പി. അ​സോ​സി​യേ​ഷ​ൻ ഓ​ഫ് ഡെ​മോ​ക്രാ​റ്റി​ക് റി​ഫോം​സ് (എ​ഡി​ആ​ർ) രേ​ഖ​ക​ൾ പ​രി​ശോ​ധി​ച്ചു ന​ട​ത്തി​യ വി​ല​യി​രു​ത്ത​ലി​ലാ​ണു വി​വ​ര​ങ്ങ​ൾ പു​റ​ത്തു​വ​രു​ന്ന​ത്.



20,000-ൽ ​കൂ​ടു​ത​ൽ സം​ഭാ​വ​ന ന​ൽ​കു​ന്ന​വ​രു​ടെ പൂ​ർ​ണ വി​വ​ര​ങ്ങ​ൾ തെ​ര​ഞ്ഞെ​ടു​പ്പ് ക​മ്മീ​ഷ​നു കൈ​മാ​റ​ണ​മെ​ന്നു നി​ർ​ദേ​ശ​മു​ണ്ടെ​ങ്കി​ലും പാ​ൻ വി​വ​ര​ങ്ങ​ളും ദാ​താ​ക്ക​ളു​ടെ വി​ലാ​സ​വും നോ​ക്കാ​തെ​യാ​ണ് സം​ഭാ​വ​ന​ക​ൾ ശേ​ഖ​രി​ക്കു​ന്ന​തെ​ന്നും അ​ന്വേ​ഷ​ണ​ത്തി​ൽ ക​ണ്ടെ​ത്തി.

2016-17, 2017-18 സാ​ന്പ​ത്തി​ക വ​ർ​ഷ​ത്തി​ൽ ആ​റു പാ​ർ​ട്ടി​ക​ൾ​ക്ക് ആ​കെ സം​ഭാ​വ​ന ല​ഭി​ച്ച 985 കോ​ടി രൂ​പ​യി​ൽ 915 കോ​ടി​യും ബി​ജെ​പി​യു​ടെ അ​ക്കൗ​ണ്ടി​ലേ​ക്കാ​ണ് എ​ത്തി​യ​ത്. ഇ​തി​ൽ​ത​ന്നെ 405 കോ​ടി ഒ​രു ട്ര​സ്റ്റി​ൽ​നി​ന്നു മാ​ത്ര​മാ​ണ് എ​ത്തി​യ​ത്.

2014-05 സാ​ന്പ​ത്തി​ക വ​ർ​ഷ​ത്തി​നും 2011-12 സാ​ന്പ​ത്തി​ക വ​ർ​ഷ​ത്തി​നും ഇ​ട​യി​ൽ 382 കോ​ടി രൂ​പ​യാ​ണ് രാ​ഷ്ട്രീ​യ പാ​ർ​ട്ടി​ക​ൾ​ക്കു സം​ഭാ​വ​ന​യാ​യി ല​ഭി​ച്ച​ത്. ഇ​തി​ൽ 87 ശ​ത​മാ​ന​വും വെ​ളി​പ്പെ​ടു​ത്തി​യ ഉ​റ​വി​ട​ങ്ങ​ളി​ൽ​നി​ന്നാ​യി​രു​ന്നെ​ന്ന് എ​ഡി​ആ​ർ അ​ന്വേ​ഷ​ണ​ത്തി​ൽ വ്യ​ക്ത​മാ​യി. 2012-13 സാ​ന്പ​ത്തി​ക വ​ർ​ഷ​ത്തി​നും 2015-16 സാ​ന്പ​ത്തി​ക വ​ർ​ഷ​ത്തി​നും ഇ​ട​യി​ൽ 956 കോ​ടി രൂ​പ ന​ൽ​കി​യ കോ​ർ​പ​റേ​റ്റ് ഹൗ​സു​ക​ൾ​ക്കും രേ​ഖ​ക​ളും വി​ലാ​സ​വു​മു​ണ്ടാ​യി​രു​ന്നു.

ബി​ജെ​പി, കോ​ണ്‍​ഗ്ര​സ്, എ​ൻ​സി​പി, സി​പി​ഐ, സി​പി​എം, തൃ​ണ​മൂ​ൽ കോ​ണ്‍​ഗ്ര​സ് എ​ന്നീ പാ​ർ​ട്ടി​ക​ളു​ടെ സം​ഭാ​വ​ന​ക​ളാ​ണ് വി​ല​യി​രു​ത്തി​യ​ത്. ദേ​ശീ​യ പാ​ർ​ട്ടി​യാ​ണെ​ങ്കി​ലും ബി​എ​സ്പി​യെ ക​ണ​ക്കി​ൽ ഉ​ൾ​പ്പെ​ടു​ത്തി​യി​ട്ടി​ല്ല. ഇ​ക്കാ​ല​യ​ള​വി​ൽ ബി​എ​സ്പി​ക്ക് ആ​രും 20000 രൂ​പ​യി​ൽ അ​ധി​കം സം​ഭാ​വ​ന ന​ൽ​കി​യി​ട്ടി​ല്ല.

1,731 കോ​ർ​പ​റേ​റ്റു​ക​ളു​ടെ കൈ​യി​ൽ​നി​ന്നാ​ണു ബി​ജെ​പി​ക്ക് ഇ​ത്ര​യും തു​ക സം​ഭാ​വ​ന​യാ​യി ല​ഭി​ച്ച​ത്. 151 കോ​ർ​പ​റേ​റ്റു​ക​ളു​ടെ പ​ക്ക​ൽ​നി​ന്നു കോ​ണ്‍​ഗ്ര​സി​നു ല​ഭി​ച്ച​ത് 55.36 കോ​ടി രൂ​പ മാ​ത്ര​മാ​ണ്. എ​ൻ​സി​പി​ക്ക് 7.73 കോ​ടി​യും, സി​പി​എ​മ്മി​ന് 4.42 കോ​ടി​യും തൃ​ണ​മൂ​ലി​ന് 2.03 കോ​ടി​യും സി​പി​ഐ​ക്ക് 0.04 കോ​ടി​യു​മാ​ണു ല​ഭി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.