നേ​പ്പാ​ളി​ൽ മ​രി​ച്ച മ​ല​യാ​ളി​ക​ളു​ടെ മൃ​ത​ദേ​ഹ​ങ്ങ​ൾ വ്യാ​ഴാ​ഴ്ച നാ​ട്ടി​ലെ​ത്തി​ക്കും
Tuesday, January 21, 2020 8:16 PM IST
തി​രു​വ​ന​ന്ത​പു​രം: നേ​പ്പാ​ളി​ലെ ദ​മ​നി​ൽ റി​സോ​ർ​ട്ട് മു​റി​യി​ൽ എ​ട്ട് മ​ല​യാ​ളി​ക​ൾ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ മൃ​ത​ദേ​ഹ​ങ്ങ​ൾ എ​ത്ര​യും പെ​ട്ടെ​ന്ന് നാ​ട്ടി​ലെ​ത്തി​ക്കാ​ൻ സ​ർ​ക്കാ​ർ ന​ട​പ​ടി. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ നി​ർ​ദേ​ശ​പ്ര​കാ​രം നോ​ർ​ക്ക അ​ധി​കൃ​ത​ർ നേ​പ്പാ​ളി​ലെ ഇ​ന്ത്യ​ൻ എം​ബ​സി​യു​മാ​യി ബ​ന്ധ​പ്പെ​ട്ടു.

പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്ക് ശേ​ഷം വ്യാ​ഴാ​ഴ്ച മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കാ​നാ​കു​മെ​ന്നാ​ണ് പ്ര​തീ​ക്ഷ​യെ​ന്നു മു​ഖ്യ​മ​ന്ത്രി​യു​ടെ ഓ​ഫീ​സ് അ​റി​യി​ച്ചു. ദാ​രു​ണ​മാ​യ സം​ഭ​വ​ത്തി​ൽ മു​ഖ്യ​മ​ന്ത്രി അ​ഗാ​ധ​മാ​യ ദുഃ​ഖം രേ​ഖ​പ്പെ​ടു​ത്തി. മ​ല​യാ​ളി വി​നോ​ദ സ​ഞ്ചാ​രി​ക​ൾ നേ​പ്പാ​ളി​ൾ മ​രി​ച്ചെ​ന്ന വി​വ​ര​മ​റി​ഞ്ഞ ഉ​ട​ൻ മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ സം​സ്ഥാ​ന പോ​ലീ​സ് മേ​ധാ​വി​യോ​ട് നേ​പ്പാ​ൾ പോ​ലീ​സു​മാ​യി ബ​ന്ധ​പ്പെ​ടാ​നും ആ​വ​ശ്യ​മാ​യ ന​ട​പ​ടി സ്വീ​ക​രി​ക്കാ​നും നി​ർ​ദേ​ശം ന​ൽ​കി.

നേ​പ്പാ​ളി​ലെ ഇ​ന്ത്യ​ൻ സ്ഥാ​ന​പ​തി​യും ഇ​ന്ത്യ​യി​ൽ നി​ന്നു​ള്ള ഒ​രു ഡോ​ക്ട​റും കാ​ഠ്മ​ണ്ടു​വി​ലെ ആ​ശു​പ​ത്രി​യി​ലു​ണ്ട്. മൃ​ത​ദേ​ഹ​ങ്ങ​ൾ ഉ​ട​ൻ നാ​ട്ടി​ലെ​ത്തി​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷ​യെ​ന്നും മ​ന​ത്രി ക​ട​കം​പ​ള്ളി സു​രേ​ന്ദ്ര​ൻ അ​റി​യി​ച്ചു. കേ​ന്ദ്ര സ​ഹ​മ​ന്ത്രി വി. ​മു​ര​ളീ​ധ​ര​നു​മാ​യി മ​ന്ത്രി ക​ട​കം​പ​ള്ളി ഫോ​ണി​ൽ സം​സാ​രി​ച്ചി​രു​ന്നു. ആ​വ​ശ്യ​മാ​യ ഇ​ട​പെ​ട​ലു​ക​ൾ ന​ട​ത്തി​യ​താ​യി കേ​ന്ദ്ര​മ​ന്ത്രി അ​റി​യി​ച്ചു.

പോ​സ്റ്റ്മോ​ർ​ട്ടം ഉ​ൾ​പ്പ​ടെ​യു​ള്ള ന​ട​പ​ടി ക്ര​മ​ങ്ങ​ൾ എ​ത്ര​യും വേ​ഗം പൂ​ർ​ത്തി​യാ​ക്കി മൃ​ത​ദേ​ഹ​ങ്ങ​ൾ നാ​ട്ടി​ൽ എ​ത്തി​ക്കാ​ൻ നേ​പ്പാ​ൾ പോ​ലീ​സി​ന്‍റെ സ​ഹാ​യം തേ​ടി​യി​ട്ടു​ണ്ട്. ഇ​ന്ത്യ​ൻ എം​ബ​സി​യു​മാ​യി ബ​ന്ധ​പ്പെ​ട്ടെ​ന്നും ന​ട​പ​ടി​ക്ര​മ​ങ്ങ​ൾ വേ​ഗ​ത്തി​ലാ​ക്കാ​ൻ അ​വ​ർ ശ്ര​മി​ച്ചു വ​രി​ക​യാ​ണെ​ന്നും സം​സ്ഥാ​ന പോ​ലീ​സ് മേ​ധാ​വി അ​റി​യി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.