രോ​ഗി​ക​ള​ല്ല, രോ​ഗ​മാ​ണ് ശ​ത്രു; ക്വാ​റ​ന്‍റൈ​നി​ലു​ള്ള​വ​രെ ഒ​റ്റ​പ്പെ​ടു​ത്ത​രു​തെ​ന്ന് മു​ഖ്യ​മ​ന്ത്രി
Friday, July 3, 2020 7:00 PM IST
തി​രു​വ​ന​ന്ത​പു​രം: കോ​വി​ഡ് പ്ര​തി​രോ​ധ പ്ര​വ​ര്‍​ത്ത​ന​ങ്ങ​ളി​ലൂ​ടെ കൈ​വ​രി​ച്ച യ​ശ​സി​ന് ക​ള​ങ്കം വ​രു​ന്ന ചി​ല കാ​ര്യ​ങ്ങ​ളാ​ണ് അ​ടു​ത്തി​ടെ ഉ​ണ്ടാ​കു​ന്ന​തെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. രോ​ഗി​ക​ള്‍ ശ​ത്രു​ക്ക​ള​ല്ല, രോ​ഗ​മാ​ണ് ശ​ത്രു. ഇ​തൊ​രു കാ​ര​ണ​വ​ശാ​ലും മ​റ​ക്ക​രു​തെ​ന്നും മു​ഖ്യ​മ​ന്ത്രി തി​രു​വ​ന​ന്ത​പു​ര​ത്ത് വാ​ര്‍​ത്താ​സ​മ്മേ​ള​ന​ത്തി​ല്‍ പ​റ​ഞ്ഞു.

അ​ന്യ​ദേ​ശ​ങ്ങ​ളി​ൽ നി​ന്നും ക​ഷ്ട​പ്പാ​ടു​ക​ൾ താ​ണ്ടി കേ​ര​ള​ത്തി​ലെ​ത്തി​യ സ​ഹോ​ദ​ര​ങ്ങ​ളി​ൽ ചി​ല​ർ നേ​രി​ടേ​ണ്ടി വ​ന്ന ചി​ല ദു​ര​നു​ഭ​വ​ങ്ങ​ൾ കേ​ൾ​ക്കാ​നി​ട​യാ​യി. ക്വാ​റ​ന്‍റൈ​നി​ൽ ക​ഴി​യു​ന്ന​വ​രെ ഒ​റ്റ​പ്പെ​ടു​ത്തു​ക, ഊ​രു​വി​ല​ക്ക് പോ​ലെ അ​ക​റ്റി നി​ർ​ത്തു​ക, ചി​കി​ത്സ ക​ഴി​ഞ്ഞ​വ​ർ​ക്ക് വീ​ട്ടി​ൽ പ്ര​വേ​ശ​നം നി​ഷേ​ധി​ക്കു​ക പോ​ലു​ള്ള സം​ഭ​വ​ങ്ങ​ളു​ണ്ടാ​യെ​ന്നും മു​ഖ്യ​മ​ന്ത്രി പ​റ​ഞ്ഞു.

കോ​ട്ട​യ​ത്ത് വി​ഷ​മ​ക​ര​മാ​യ അ​നു​ഭ​വ​മു​ണ്ടാ​യി. ബം​ഗ​ളു​രു​വി​ൽ നി​ന്ന് എ​ത്തി​യ 14 ദി​വ​സം ക്വാ​റ​ന്‍റൈ​ൻ പൂ​ർ​ത്തി​യാ​ക്കി​യ യു​വ​തി​യും മ​ക്ക​ളും വീ​ട്ടി​ൽ ക​യ​റാ​നാ​കാ​തെ എ​ട്ട് മ​ണി​ക്കൂ​റോ​ളം ക​ഴി​യേ​ണ്ടി വ​ന്നു. ഒ​ടു​വി​ൽ അ​വ​ർ ക​ള​ക്‌​ട്രേ​റേ​റ്റി​ൽ അ​ഭ​യം തേ​ടി. സ്വ​ന്തം വീ​ട്ടു​കാ​രും ഭ​ർ​തൃ​വീ​ട്ടു​കാ​രും ഇ​വ​രെ വീ​ട്ടി​ൽ സ്വീ​ക​രി​ച്ചി​ല്ല. ഇ​ത്ത​രം അ​നു​ഭ​വ​ങ്ങ​ൾ മ​നു​ഷ്യ​ത്വം എ​വി​ടെ എ​ന്ന് ന​മ്മ​ളെ ഓ​ർ​മി​പ്പി​ക്കു​ക​യാ​ണ്.

സാ​ധാ​ര​ണ നി​ല​യ്ക്ക് ക്വാ​റ​ന്‍റൈ​ൻ പൂ​ർ​ത്തി​യാ​ക്കി​യാ​ൽ മ​റ്റ് അ​പ​ക​ട​ങ്ങ​ളി​ല്ലെ​ന്ന് വ്യ​ക്ത​മാ​യ​വ​രെ അ​ക​റ്റി നി​ർ​ത്ത​രു​ത്. അ​വ​രെ ശാ​രീ​രി​കാ​ക​ലം പാ​ലി​ച്ച് ന​ല്ല രീ​തി​യി​ൽ സം​ര​ക്ഷി​ക്ക​ണം. റൂം ​ക്വാ​റ​ന്‍റീ​ന്‍ ആ​ണ് അ​വ​ർ‍​ക്ക് നി‍​ർ​ദേ​ശി​ച്ച​ത്. ഒ​രേ വീ​ട്ടി​ൽ അ​ങ്ങ​നെ നി​ര​വ​ധി​പ്പേ​ർ ക​ഴി​യു​ക​യ​ല്ലേ? ഒ​റ്റ​പ്പെ​ട്ട ഇ​ത്ത​രം ചി​ല മ​നോ​ഭാ​വ​ങ്ങ​ൾ ന​മ്മു​ടെ സ​മൂ​ഹ​ത്തി​ന്‍റെ പൊ​തു​നി​ല​യ്ക്ക് അ​പ​കീ​ർ​ത്തി​ക​ര​മാ​ണ്. വി​ദേ​ശ​ങ്ങ​ളി​ൽ നി​ന്ന് വ​രു​ന്ന​വ​രെ സ്വീ​ക​രി​ക്കു​ക​യും ആ​വ​ശ്യ​മാ​യ സൗ​ക​ര്യ​ങ്ങ​ൾ ന​ൽ​കു​ക​യു​മാ​ണ് ന​മ്മു​ടെ നാ​ടി​ന്‍റെ ഉ​ത്ത​ര​വാ​ദി​ത്തം. അ​തി​ന് പ​ക​രം അ​വ​രെ വീ​ട്ടി​ൽ ക​യ​റ്റാ​തെ ആ​ട്ടി​യോ​ടി​ക്കു​ന്ന ന​ട​പ​ടി​ക​ൾ മ​നു​ഷ്യ​ർ​ക്ക് ചേ​ർ​ന്ന​ത​ല്ല.

വ​രു​ന്ന​വ​രി​ൽ ചി​ല​ർ​ക്ക് രോ​ഗ​മു​ണ്ടാ​കാം. അ​ത് പ​ക​രാ​തി​രി​ക്കാ​നാ​ണ് ശ്ര​ദ്ധി​ക്കേ​ണ്ട​ത്. അ​തി​നാ​ണ് ക്വാ​റ​ന്‍റീ​ന്‍. സ​ർ​ക്കാ​ർ നി​ർ​ദേ​ശം കൃ​ത്യ​മാ​യി പാ​ലി​ക്ക​ണം. ക്വാ​റ​ന്‍റീ​ന്‍ എ​ന്ന​ത്, അ​തി​ൽ ക​ഴി​യു​ന്ന​വ​ർ​ക്ക് വി​ഷ​മ​ക​ര​മാ​ണ്. പു​റം​ലോ​ക​വു​മാ​യു​ള്ള ബ​ന്ധം വി​ച്ഛേ​ദി​ച്ച് ക​ഴി​യ​ണം. ന​മ്മു​ടെ സ​ഹോ​ദ​ര​ങ്ങ​ൾ അ​തി​ന് ത​യാ​റാ​കു​ന്ന​ത് അ​വ​രു​ടെ മാ​ത്ര​മ​ല്ല എ​ല്ലാ​വ​രു​ടെ​യും സു​ര​ക്ഷ ക​രു​തി​യാ​ണെ​ന്നും മു​ഖ്യ​മ​ന്ത്രി പ​റ​ഞ്ഞു.

തൊ​ഴി​ൽ ഉ​ൾ​പ്പെ​ടെ ന​ഷ്ട​പ്പെ​ട്ടു ക​ടു​ത്ത മാ​ന​സി​ക സ​മ്മ​ർ​ദം നേ​രി​ടു​ന്ന അ​വ​സ്ഥ​യി​ലാ​ണ് മി​ക്ക പ്ര​വാ​സി​ക​ളും എ​ത്തു​ന്ന​ത്. അ​വ​ർ​ക്ക് വേ​ണ്ട മാ​ന​സി​ക പി​ന്തു​ണ ന​ൽ​കു​ക​യാ​ണ് വേ​ണ്ട​ത്. കോ​വി​ഡ് രോ​ഗ​വ്യാ​പ​ന​ത്തി​ന്‍റെ സ്വ​ഭാ​വം മ​ന​സി​ലാ​ക്കി​യാ​ണു ഗാ​ർ​ഹി​ക സ​മ്പ​ർ​ക്ക വി​ല​ക്ക് നി​ർ​ദേ​ശി​ച്ച​ത്.​കോ​വി​ഡ് ഭേ​ദ​മാ​യാ​ൽ മ​റ്റൊ​രാ​ളി​ലേ​ക്ക് പ​ക​രി​ല്ല. രോ​ഗം മാ​റി വീ​ട്ടി​ലെ​ത്തി​യ​വ​രെ ഭീ​തി​യോ​ടെ അ​ക​റ്റി നി​ർ​ത്ത​രു​ത്. അ​വ​ർ​ക്ക് ആ​രോ​ഗ്യം വീ​ണ്ടെ​ടു​ക്കാ​നു​ള്ള പ​രി​ച​ര​ണ​മാ​ണു വേ​ണ്ട​ത്.

ആ ​മ​ഹാ​മാ​രി​യെ പി​ടി​ച്ചു കെ​ട്ടാ​ൻ ന​മു​ക്കു വേ​ണ്ട​ത് മ​നു​ഷ്യ​ത്വ​മാ​ണ്. അ​ത് മ​ന​സ്സി​ലാ​ക്കാ​ത്ത​വ​ർ വി​ചാ​രി​ക്കേ​ണ്ട​ത് ഈ ​രോ​ഗം നാ​ളെ ആ​ർ​ക്കും വ​രാം. രോ​ഗി​ക​ളെ ശ​ത്രു​ക്ക​ളാ​യി കാ​ണേ​ണ്ട, രോ​ഗ​മാ​ണു ശ​ത്രു. ക്വാ​റ​ന്‍റൈ​നി​ൽ ഉ​ള്ള​വ​ർ വി​ല​ക്കു ലം​ഘി​ച്ച പു​റ​ത്തു പോ​ക​രു​തെ​ന്ന് വ്യ​ക്ത​മാ​ക്കി​യി​ട്ടു​ണ്ട്. അ​തു​പോ​ലെ ക്വാ​റ​ന്‍റൈ​നി​ൽ ഉ​ള്ള​വ​രെ ശ​ല്യ​പ്പെ​ടു​ത്തി​യാ​ൽ ക​ന​ത്ത ശി​ക്ഷാ ന​ട​പ​ടി​ക​ൾ സ്വീ​ക​രി​ക്കു​മെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.