മ​ല​യാ​ള​ത്തി​ന്‍റെ മ​ഹാ​ക​വി അ​ക്കി​ത്തം അ​ച്യു​ത​ൻ ന​ന്പൂ​തി​രി- ജീ​വി​ത​രേ​ഖ
Thursday, October 15, 2020 10:36 AM IST
പാ​ല​ക്കാ​ട് ജി​ല്ല​യി​ൽ തൃ​ത്താ​ല​ക്ക​ടു​ത്ത് കു​മാ​ര​നെ​ല്ലൂ​രി​ൽ 1926 മാ​ർ​ച്ച് 18ന് ​ജ​ന​നം. മ​ല​യാ​ള ഭാ​ഷ​യു​ടെ മ​ഹാ​ക​വി എ​ന്ന​തി​നു പു​റ​മെ ഉ​പ​ന്യാ​സ​കാ​ര​ൻ, എ​ഡി​റ്റ​ർ എ​ന്നീ നി​ല​ക​ളി​ൽ പ്ര​ശ​സ്ത​ൻ. കേ​ന്ദ്ര​സാ​ഹി​ത്യ അ​ക്കാ​ദ​മി അ​വാ​ർ​ഡ്, എ​ഴു​ത്ത​ച്ഛ​ൻ പു​ര​സ്കാ​രം, ജ്ഞാ​ന​പീ​ഠം എ​ന്നി​വ ക​ര​സ്ഥ​മാ​ക്കി​യി​ട്ടു​ണ്ട്.1952ൽ ​സ​ഞ്ജ​യ​ൻ പു​ര​സ്കാ​ര​ത്തി​ന് അ​ർ​ഹ​നാ​യി.

നാ​ല്പ​ത്ത​ഞ്ചോ​ളം ക​വി​താ സ​മാ​ഹാ​ര​ങ്ങ​ൾ പു​റ​ത്തി​റ​ക്കി​യി​ട്ടു​ണ്ട്. ഇ​രു​പ​താം നൂ​റ്റാ​ണ്ടി​ന്‍റെ ഇ​തി​ഹാ​സം എ​ന്ന ക​വി​താ സ​മാ​ഹാ​ര​മാ​ണ് ശ്ര​ദ്ധേ​യം. മ​ല​യാ​ള ക​വി​താ ഭാ​ഷ​യി​ൽ പു​തു​മ​യു​ടെ തു​ട​ക്കം ഇ​തി​ൽ നി​ന്നാ​യി​രു​ന്നു. ബ​ലി​ദ​ർ​ശ​നം എ​ന്ന ക​വി​ത​യ്ക്ക് 1973ലെ ​കേ​ന്ദ്ര സാ​ഹി​ത്യ അ​ക്കാ​ദ​മി അ​വാ​ർ​ഡ് ല​ഭി​ച്ചു.

അ​ര​ങ്ങേ​റ്റം, നി​മി​ഷ​ക്ഷേ​ത്രം, ഇ​ടി​ഞ്ഞു​പൊ​ളി​ഞ്ഞ ലോ​കം, അ​മൃ​ത​ഘാ​തി​ക, അ​ക്കി​ത്ത​ത്തി​ന്‍റെ തെ​ര​ഞ്ഞെ​ടു​ത്ത ക​വി​ത​ക​ൾ, ക​ളി​ക്കൊ​ട്ടി​ലി​ൽ എ​ന്നി​വ​യാ​ണ് ശ്ര​ദ്ധേ​യ​മാ​യ ക​വി​താ സ​മാ​ഹ​ര​ങ്ങ​ൾ. ഉ​പ​ന​യ​നം, സ​മാ​വ​ർ​ത്ത​നം എ​ന്നി​വ പ്ര​ധാ​ന ഉ​പ​ന്യാ​സ​ങ്ങ​ളാ​ണ്. ശ്രീ​മ​ദ് ഭ​ഗ​വ​ഗീ​ത​യു​ടെ ത​ർ​ജ​മ​യാ​ണ് അ​ക്കി​ത്ത​ത്തി​ന്‍റെ മ​റ്റൊ​രു ശ്ര​ദ്ധേ​യ​മാ​യ പ്രൊ​ജ​ക്ട്.


തൃ​ശൂ​രി​ലെ യോ​ഗ​ക്ഷേ​മ​സ​ഭ​യി​ൽ പ്ര​വ​ർ​ത്തി​ച്ച് കേ​ര​ള​ത്തി​ലെ ന​ന്പൂ​തി​രി സ​മു​ദാ​യ​ത്തി​ന്‍റെ സാ​മൂ​ഹി​ക പു​രോ​ഗ​തി​ക്കാ​യി പ്ര​വ​ർ​ത്തി​ച്ചു. തി​രു​ന്നാ​വാ​യ, ക​ട​വ​ല്ലൂ​ർ, തൃ​ശൂ​ർ വേ​ദ​പ​ഠ​ന കേ​ന്ദ്ര​വു​മാ​യി പ്ര​വ​ർ​ത്തി​ച്ചി​രു​ന്ന അ​ക്കി​ത്ത​ത്തി​ന് വേ​ദ​ങ്ങ​ളി​ൽ അ​വ​ഗാ​ഹ​മു​ണ്ടാ​യി​രു​ന്നു. തൊ​ട്ടു​കൂ​ടാ​യ്മ​യ്ക്കും അ​യി​ത്ത​ത്തി​നു​മെ​തി​രെ 1947ൽ ​പാ​ലി​യം സ​ത്യ​ഗ്ര​ഹ​ത്തി​ൽ പ​ങ്കെ​ടു​ത്തി​ട്ടു​ണ്ട്.

ക​ലാ-​സാ​ഹി​ത്യ മേ​ഖ​ല​ക​ളി​ൽ പ്രാ​വീ​ണ്യം തെ​ളി​യി​ച്ച​വ​രാ​ണ് അ​ക്കി​ത്ത​ത്തി​ന്‍റെ കു​ടും​ബ​ക്കാ​ർ. അ​ർ​ധ​സ​ഹോ​ദ​ര​നാ​യ അ​ക്കി​ത്തം നാ​രാ​യ​ണ​ൻ പാ​രീ​സി​ലെ മി​ക​ച്ച ചി​ത്ര​കാ​ര​നാ​ണ്. ബ​റോ​ഡ എം.​എ​സ്. യൂ​ണി​വേ​ഴ്സി​റ്റി​യി​ലെ പ്ര​ഫ​സ​റാ​യ മ​ക​ൻ അ​ക്കി​ത്തം വാ​സു​ദേ​വ​നും മി​ക​ച്ച ചി​ത്ര​കാ​ര​നാ​ണ്. സോ​ഷ്യ​ലി​സ​ത്തി​ലും ക​മ്യൂ​ണി​സ​ത്തി​ലും ആ​ദ്യ​കാ​ല​ങ്ങ​ളി​ൽ അ​നു​ര​ക്ത​നാ​യി​രു​ന്നു. ഇ​എം​എ​സ് പോ​ലു​ള്ള നേ​താ​ക്ക​ളു​മാ​യി അ​ടു​ത്ത ബ​ന്ധം പു​ല​ർ​ത്തി​യി​രു​ന്നു.

ഇ​രു​പ​താം നൂ​റ്റാ​ണ്ടി​ന്‍റെ ഇ​തി​ഹാ​സം ര​ചി​ച്ച ശേ​ഷ​മാ​ണ് രാ​ഷ്ട്രീ​യ ചി​ന്താ​ഗ​തി​യി​ൽ മാ​റ്റം വ​ന്ന​ത്. പി​ന്നീ​ട് ക​മ്യൂ​ണി​സ്റ്റ് വി​രു​ദ്ധ​നെ​ന്ന് വി​ളി​ക്ക​പ്പെ​ട്ടു. ഓ​ൾ ഇ​ന്ത്യ റേ​ഡി​യോ​യി​ൽ സ്ക്രി​പ്റ്റ് റൈ​റ്റ​റാ​യി ജോ​ലി ചെ​യ്തി​ട്ടു​ണ്ട്. 1985ൽ ​എ​ഡി​റ്റ​റാ​യി വി​ര​മി​ച്ചു. 1973ൽ ​കേ​ന്ദ്ര സാ​ഹി​ത്യ അ​ക്കാ​ദ​മി പു​ര​സ്കാ​രം നേ​ടി​യ​തി​നെ തു​ട​ർ​ന്ന് എ​ഡി​റ്റ​ർ സ്ഥാ​നം പ്ര​ത്യേ​കം അ​നു​വ​ദി​ച്ചു ന​ൽ​കു​ക​യാ​യി​രു​ന്നു.

സാ​ഹി​ത്യ​രം​ഗ​ത്തെ മി​ക​വി​നു പു​റ​മെ വേ​ദ​സം​സ്കൃ​തി​യി​ലെ​യും ഇ​ന്ത്യ​ൻ ഫി​ലോ​സ​ഫി​യു​ടെ സാ​ഹി​ത്യ​ത്തി​ലൂ​ടെ​യു​ള്ള അ​പ​ഗ്ര​ഥ​ന​വു​മാ​ണ് എ​ഴു​ത്ത​ച്ഛ​ൻ പു​ര​സ്കാ​ര​ത്തി​ന് അ​ർ​ഹ​നാ​ക്കി​യ​ത്. 1950 മു​ത​ൽ സ്ഥി​ര​മാ​യി എ​ഴു​തി​തു​ട​ങ്ങി​യ​തു മു​ത​ൽ നി​ര​വ​ധി പു​ര​സ്കാ​ര​ങ്ങ​ൾ​ക്ക് അ​ർ​ഹ​നാ​യി​ട്ടു​ണ്ട്.


പുരസ്കാരങ്ങൾ

ജ്ഞാ​ന​പീ​ഠം (2019), പത്മശ്രീ (2017) കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡ് (1972), കേ​ന്ദ്ര സാ​ഹി​ത്യ അ​ക്കാ​ദ​മി (1973), ഓ​ട​ക്കു​ഴ​ൽ (1973), ഉ​ള്ളൂ​ർ അ​വാ​ർ​ഡ് (1994), ആ​ശാ​ൻ പു​ര​സ്കാ​രം (1994), അ​ന്ത​ർ​ജ​നം അ​വാ​ർ​ഡ് (1996), വ​ള്ള​ത്തോ​ൾ സ​മ്മാ​നം (1996), കൃ​ഷ്ണ​ഗീ​തി പു​ര​സ്കാ​രം (1997), സ​മ​ഗ്ര സം​ഭാ​വ​ന​യ്ക്കു​ള്ള കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡ് (1998), കൃ​ഷ്ണാ​ഷ്ട​മി (2000), ദേ​വീ പ്ര​സാ​ദം (2001). സ​ഞ്ജ​യ​ൻ അ​വാ​ർ​ഡ് (2003), കെ.​ടി. നാ​രാ​യ​ണ പി​ഷാ​ര​ടി അ​വാ​ർ​ഡ് (2004), അ​മൃ​തീ​ർ​ത്തി (2004), അ​ബു​ദാ​ബി മ​ല​യാ​ളി അ​വാ​ർ​ഡ് (2006), പ​ന്ത​ളം കേ​ര​ള വ​ർ​മ്മ​രാ​ജ അ​വാ​ർ​ഡ് (2006), ജ്ഞാ​ന​പ്പാ​ന പു​ര​സ്കാ​രം (2006), മ​ധ്യ​പ്ര​ദേ​ശ് സ​ർ​ക്കാ​രി​ന്‍റെ ദേ​ശീ​യ ക​ബീ​ർ അ​വാ​ർ​ഡ് (2007), ബാ​ലാ​മ​ണി​യ​മ്മ അ​വാ​ർ​ഡ് (2007), എ​ഴു​ത്ത​ച്ഛ​ൻ സ​മാ​ജം പു​ര​സ്കാ​രം (2008), അ​ഗ്നി​ഹോ​ത്രി അ​വാ​ർ​ഡ് (2008), കേ​ര​ള സ​ർ​ക്കാ​രി​ന്‍റെ എ​ഴു​ത്ത​ച്ഛ​ൻ അ​വാ​ർ​ഡ് (2008), സാ​ഹി​ത്യ പ​രി​ഷ​ത്ത് (2008), തൃ​പ്പു​ണി​ത്തു​റ സം​സ്കൃ​ത കോ​ള​ജി​ന്‍റെ സാ​ഹി​ത്യ നി​പു​ണ ബി​രു​ദ​വും സു​വ​ർ​ണ​മു​ദ്ര​യും (1973), പ​ട്ടാ​ന്പി സം​സ്കൃ​ത കോ​ള​ജ് സാ​ഹി​ത്യ ര​ത്ന മു​ദ്ര (1970), കൊ​ച്ചി വി​ശ്വ സം​സ്കൃ​തി പ്ര​തി​ഷ്ഠാ​ന​ത്തി​ന്‍റെ അ​വാ​ർ​ഡ് (1997) തു​ട​ങ്ങി​യ​വ ല​ഭി​ച്ചി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.