മാതാപിതാക്കൾക്കു സംരക്ഷണത്തിനു നിയമമോ? : Deepika.com Responses

മാതാപിതാക്കൾക്കു സംരക്ഷണത്തിനു നിയമമോ?

Wednesday, July 21, 2021 10:12 PM IST

‘മനുഷ്യസമുദായത്തെ നന്നാക്കുവാൻ വളരെപ്പേർ ഓടിനടക്കുന്നുണ്ട്. സ്വയം നന്നാകാൻ ഒരുക്കമില്ല.’ ലിയോ ടോൾസ്റ്റോയിയുടെ ഈ വാക്കുകളാണ് മെയിന്‍റനൻസ് ആൻഡ് വെൽഫെയർ ഓഫ് പേരന്‍റ്സ് ആൻഡ് സീനിയർ സിറ്റിസൺസ് ബിൽ 2019 എന്നു കേട്ടപ്പോൾ ഓർമ വന്നത്. ഒരു നിയമംകൊണ്ടു മാത്രം സ്നേഹത്തിനു വിലയിടാനാകുമോ? അഥവാ ക്രൂരത കാണിക്കുന്നവർക്ക് പതിനായിരം രൂപ പിഴയും ആറു മാസം തടവും ഒരു പ്രശ്നമാകാനിടയുണ്ടോ? അല്ലെങ്കിൽതന്നെ നിയമത്തിന്‍റെ പിൻബലത്തിൽ ലഭിക്കുന്ന ഭക്ഷണം, വസ്ത്രം, പാർപ്പിടം, ആരോഗ്യം, സുരക്ഷ എന്നിവയ്ക്ക് സംതൃപ്തിയുടെ സായൂജ്യം വച്ചുനീട്ടാനാകുമോ? വൃദ്ധർക്കു പരിഗണന നൽകേണ്ട യുവത്വത്തിന് വാർധക്യം അന്യമാണോ? ഇന്നത്തെ മക്കളുടെ ജീവന്‍റെ കാവലിരിപ്പുകാരായിരുന്ന മാതാപിതാക്കൾക്ക് കഞ്ഞി കിട്ടണമെങ്കിൽ പാർലമെന്‍റും കോടതിയും പറയണമെന്നു വരുന്നത് യുവത്ക്ക് ഭൂഷണമാണോ? വയ്യാത്തവരെയും വാർധക്യത്തിലെത്തിയവരെയും ശുശ്രൂഷിക്കേണ്ടത് ആരോഗ്യമുള്ളവരുടെ കടമയാണെന്ന ബോധ്യം ഉണ്ടാകണം. ഇതിനുതക്ക ബോധ്യവും മാതൃകയും നിലപാടുകളും ഉണ്ടാവണം.

അവഗണനയുടെ ആരംഭം

എന്നു മുതലാണ് നാം മാതാപിതാക്കളെയും വൃദ്ധജനങ്ങളെയും അലോസര കണ്ണുകളോടുകൂടി കാണാൻ തുടങ്ങിയതെന്ന് ഓർക്കുന്നതു നല്ലതാണ്. കൂട്ടുകുടുംബവും കൂട്ടുത്തരവാദിത്വവും പടിയിറങ്ങിയപ്പോൾ അണുകുടുംബവും സ്വാർഥതയും പടികയറിവന്നു. ഞാൻ മാത്രമുള്ള ലോകം സ്വന്തം വിരൽത്തുന്പിൽ വളരാൻ തുടങ്ങി. പിടിച്ചുനിൽക്കാൻ ആരെയും പടിക്കു പുറത്തു നിർത്തുന്ന മത്സരത്തിൽ വയോധികർ ഇരകളായി മാറി.

മാതാപിതാക്കളുടെ തേങ്ങലുകൾ അങ്ങിങ്ങ് കണ്ണീർ വീഴ്ത്തുന്പോൾ നിയമസംഹിതയുടെ പുതിയ ബിൽ സാന്ത്വനമാകുമോ? ജീവനാംശത്തിന്‍റെ ധാരാളിത്തത്തെക്കാൾ ഉറ്റവരുടെയും ഉടയവരുടെയും മക്കളുടെയും ഒരു സ്നേഹസ്പർശമാണ് മുതിർന്നവർക്ക് അനുഭവവേദ്യമാകേണ്ടത്.

പഠനം

വിദ്യാലയം വെറുമൊരു അക്ഷരശാലയല്ല. സകല പാഠങ്ങളുടെയും രത്നച്ചുരുക്കം സന്മാർഗശാസ്ത്രത്തിലൊതുക്കണം. ഏതു പഠനവും തൊഴിലധിഷ്ഠിതമെന്നതിനെക്കാൾ തോളോടു തോൾ ചേർന്നുനിൽക്കുന്ന മനുഷ്യത്വത്തിലൂന്നണം.

തൊഴിലും പണവും തേടിയുള്ള ഓട്ടത്തിൽ പാർശ്വവത്കരിക്കപ്പെടുന്ന വാർധക്യം അവഗണിക്കപ്പെടാതിരിക്കണമെങ്കിൽ കുടുംബാന്തരീക്ഷവും ക്ലാസുമുറികളിൽ ചർച്ചചെയ്യപ്പെടണം. അവരിലെ കരുണയുടെ വികാരത്തെ ഉദ്ദീപിപ്പിക്കാൻ പഠനമുറികൾക്കു കഴിയണം. നന്മ ചെയ്യാനും കുടുംബത്തിനു താങ്ങാകാനും പഠനം ക്രമീകരിക്കപ്പെടണം.

വീട്

നമ്മുടെ വീടുകൾ അപ്പനും അമ്മയും കുട്ടികളുമടങ്ങുന്ന വെറും പക്ഷിക്കൂടുകൾക്കു സമാനമാകരുത്. മുത്തച്ഛനും മുത്തശ്ശിയും പേരക്കിടാങ്ങളുമൊക്കെ വേണം. സ്നേഹമെന്നതിന് ആഴവും പരപ്പും വിശാലതയുമൊന്നും അളവുകോലല്ല. നിസീമമായ സ്നേഹത്തിനു കോടതിയുടെ അനുവാദവും പ്രശ്നമല്ല. വീട്ടിലും മനുഷ്യത്വമാണു വേരൂന്നേണ്ടത്. കോടതിയും പാർലമെന്‍റും പറയുന്ന വൃദ്ധ പരിപാലനം വെറും യാന്ത്രികമോ മനുഷ്വത്വഹീനമോ ആണ്. മൃഗപരിപാലനവും നിയമങ്ങളും ശക്തമാക്കുന്നതുപോലെയാണോ മനുഷ്യർക്കിടയിലെ കൂട്ടായ്മ? ചരിത്രവും ശാസ്ത്രവും ഭൂമിശാസ്ത്രവും പുസ്തകത്താളിൽനിന്നു കാണാപാഠം പഠിക്കാൻ മക്കളെ നിർബന്ധിക്കുന്ന വീടുകളിൽ എന്തേ മാതാപിതാക്കൾ തങ്ങൾ വന്ന വഴിയും വളർന്ന രീതിയും തങ്ങളുടെ മാതാപിതാക്കളുടെ സഹനവും മക്കൾക്കു പറഞ്ഞുകൊടുക്കാൻ മടിക്കുന്നത്? നാമെന്താണു മക്കളിലേക്കു പകർന്നു നൽകുന്നതെന്ന് സമൂഹം പഠനത്തിനു വിധേയമാക്കണം.

നാളെയെന്ത്?

ഇന്നത്തെ ചിന്താധാരയിൽ നാളെ എന്നൊന്നില്ല. ഇന്നു മാത്രമുള്ള ലോകത്ത് തച്ചുടച്ചും തകിടം മറിച്ചും തനിക്കു മാത്രം കെങ്കേമമായി ജീവിക്കണമെന്നാണു ചിന്ത. നിയമം കൊണ്ട് അല്പം കഞ്ഞിയും വറ്റും കിട്ടിയാലും ജീവിതം സന്തോഷപൂർണമാകില്ല. മക്കളുടെ പരിചരണവും സാമീപ്യവും ഉള്ളു നിറഞ്ഞതാകുന്പോൾ നിയമം സ്നേഹത്തെ അനുശാസിക്കേണ്ടിവരില്ല. വാർധക്യത്തെ നിന്ദിക്കുന്നവർ ചിന്തിക്കുക, നിങ്ങൾക്കും ഒരു വാർധക്യം ഉണ്ടെന്നും നിങ്ങളെ നിരീക്ഷിക്കുന്ന കുഞ്ഞുമക്കൾ ഉണ്ടെന്നും. പഴുത്തയില പൊഴിയുന്പോൾ പച്ചില ചിരിക്കുന്നെങ്കിൽ അതു വെറും മണ്ടൻചിരിയെന്നേ പറയേണ്ടൂ.

ടോം ജോസ്, തഴുവംകുന്ന്

വിവാഹ രജിസ്ട്രേഷൻ ബില്ലിന്‍റെ ഉദ്ദേശ‍്യശുദ്ധി സംശയാസ്പദം

കേരള ക്രിസ്ത്യൻ വിവാഹ രജിസ്ട്രേഷൻ ബില്ലിനെക്കുറിച്ച് റവ. ഡോ. ജോർജ് തെക്കേക്കര എഴുതിയ വിശദമായ പഠനം ശ്രദ്ധേയമായി. വിവാഹത്തിന്‍റെ പവിത്രത നഷ്ടപ്പെടുത്താനു

ഇന്ധനത്തീരുവ കുറയ്ക്കരുത്, പ്ലീസ്

കോവിഡ് മഹാമാരിക്കാലത്ത് ജനത്തിന് "സമ്മാന'മായി കേന്ദ്രം എക്സൈസ് തീരുവയിൽ വൻ വർധന വരുത്തി പെട്രോൾ വില 112 രൂപയിലെത്തിച്ചു. അതിനുശേഷം ദിവസങ്ങൾക്കുമുന്പിതാ

പ്രകൃതിക്ഷോഭങ്ങളും പരിസ്ഥിതി പ്രശ്നങ്ങളും പിന്നെ, ജനങ്ങളും!

കേരളം നേരിടുന്ന ഏറ്റവും വലിയ വിപത്താണ് പ്രകൃതിക്ഷോഭം. ജീവിതകാലം മുഴുവനും കഷ്ടപ്പെട്ട് മണ്ണിൽ പൊന്ന് വിളയിച്ചും വ്യാപാരം നടത്തിയും ജീവിക്കുന്നവരുടെ ഭവനങ്ങൾ

മുല്ലപ്പെരിയാർവച്ചു കളിക്കരുത്

ഇതുവരെ പലരും അടക്കം പറഞ്ഞിരുന്ന കാര്യമാണ് മുല്ലപ്പെരിയാർ വിഷയത്തിൽ കേരളത്തിലെ ചില രാഷ്‌ട്രീയക്കാരും ഉദ്യോഗസ്ഥരും തമിഴ്നാടിനുവേണ്ടി പ്രവർത്തിക്കുന്നുണ്

ആത്മാവിന്‍റെ വിശുദ്ധമായ പ്രാർഥനപോലൊരാൾ...

കഴിഞ്ഞദിവസം അന്തരിച്ച കപ്പൂച്ചിൻ സഭയുടെ കോട്ടയം സെന്‍റ് ജോസഫ് പ്രൊവിൻസിലെ ഭരണങ്ങാനം അസീസി ആശ്രമാംഗമായ ഫാ. ജോർജ് ഉപ്പുപുറം എന്ന ജോർജുകുട്ടി അച്ചനെ

നൊബേൽ പുരസ്കാരം: ചില ഓർമപ്പെടുത്തലുകൾ

വസ്തുനിഷ്ഠവും സ്വതന്ത്രവും സാമൂഹികപ്രതിബദ്ധതയുമുള്ള ഭയരഹിത മാധ്യമപ്രവർത്തനത്തിന് ലഭിച്ച അംഗീകാരമാണ് ഇത്തവണത്തെ നൊബേൽ സമാധാന പുരസ്കാരം. അന്വേഷണാത

തിരക്കിട്ടു സ്കൂൾ തുറക്കുന്നതു ശരിയല്ല

കുട്ടികൾക്കുള്ള വാക്സിനേഷൻ പൂർത്തിയാവുന്നതിനു മുന്പ് തിരക്കിട്ടു സ്കൂൾ തുറക്കുന്നതു ശരിയല്ല. ഓണ്‍ലൈനിൽ പഠിക്കാൻ ആഗ്രഹിക്കുന്ന കുട്ടികൾക്ക് അതിനുള്ള അനുവാദം

ജിഎസ്ടിയും ഇന്ധനവിലയും

പെട്രോളും ഡീസലും ജിഎസ്ടിയുടെ പരിധിയില്‍ കൊണ്ടുവരുന്നതിനെ സംബന്ധിച്ച് ഒരു പൊതുതാത്‍പര്യ ഹര്‍ജി പരിഗണിക്കവേ, കേരള ഹൈക്കോടതി ജിഎസ്ടി കൗണ്‍സിലിനോട് ഇക്കാര്യത

ഉദാത്തമായ ഗുരുശിഷ്യബന്ധത്തിലൂടെ സംസ്കാരത്തിലേക്ക്

ആർഷഭാരത സംസ്കാരം എന്നും ഗുരുവിന് സമുന്നതസ്ഥാനം നൽകി ആദരിച്ചുപോരുന്നു. കേവലം വിഷയാധിഷ്ഠിത അറിവ് മാത്രമല്ല, ആത്മജ്ഞാനവും അപരജ്ഞാനവും അനുഭവത്തിന്‍റെവെ

സത്യം പറഞ്ഞ ജൂറിക്കു നല്ല നമസ്കാരം!

ചില നല്ല കാര്യങ്ങൾ സംഭവിക്കുമ്പോൾ, കണ്ടില്ല എന്നു നടിക്കുന്നത് ശരിയല്ലല്ലോ. സംസ്ഥാന ടെലിവിഷ

സഹകരണ വകുപ്പിൽ ഓഡിറ്റ് കാര‍്യക്ഷമമാക്കാൻ നിയമനിർമാണം വേണം

സഹകരണ പ്രസ്ഥാനങ്ങളിൽ ജനങ്ങൾക്ക് ഉണ്ടായിട്ടുള്ള വിശ്വാസത്തിന് ഏറ്റവും അടിസ്ഥാനഘടകം സർക്കാരിന് സഹകരണ സംഘങ്ങളിൽ ഉള്ള നിയന്ത്രണമാണ്. സഹകരണ വകുപ്പിന്

ജനസംഖ‍്യാനയത്തിൽ കരുതൽ വേണം

2019 ജൂലൈ ആദ്യവാരം പാർലമെന്‍റിൽ അവതരിപ്പിച്ച സാന്പത്തിക അവലോകന രേഖയിൽ ഒരു സുപ്രധാന വെ

ഇഡബ്ല‍്യുഎസ് അപേക്ഷകർ ശ്രദ്ധിക്കാൻ

സംവരണ രഹിത വിഭാഗത്തിലെ സാമ്പത്തികമായി പിന്നാക്കം നിൽക്കുന്നവർക്കുള്ള ഇഡബ്ല‍്യുഎസ് സംവ

ഇഡബ്ല‍്യുഎസ്: കേന്ദ്ര മാനദണ്ഡങ്ങൾ മലയാളികളെ പുറത്തുനിർത്തുന്നു

മെഡിക്കൽ കോഴ്‌സ് പ്രവേശനത്തിനും കേന്ദ്രസർക്കാർ ഇഡബ്ല‍്യുഎസ് സംവരണം ഏർപ്പെടുത്തി വിപ്ലവകരമായ മാറ്റം കൊണ്ടുവന്നിരിക്കുകയാണല്ലോ. എന്നാൽ കേരളത്തിൽനിന്നുള്

കൈയാങ്കളി കേസ്: അക്രമം ഒരു പരിരക്ഷയാകില്ല

നിയമസഭ കൈയാങ്കളി കേസ് അവസാനിപ്പിക്കണമെന്നാവശ്യപ്പെട്ടുകൊണ്ടുള്ള ഹർജികളിൽ സുപ്രീംകോടതി പുറപ്പെ

ഇഡബ്ല‍്യുഎസ് സർട്ടിഫിക്കറ്റ് മുടക്കാൻ ശ്രമിക്കുന്നവർ

ഇഡബ്ല‍്യുഎസ് സർട്ടിഫിക്കറ്റിനായി വില്ലേജ് ഓഫീസിൽ എത്തുമ്പോൾ സീറോ മലബാർ വിഭാഗത്തിൽ ഉൾപ്പെട്ടവർക്ക് സർട്ടിഫിക്കറ്റ് നിഷേധിക്ക

ആട് തിന്ന തേക്കിൻതൈകളും പുലിവാൽ പിടിച്ച ഫസലുദീനും

സാമൂഹിക പ്രവർത്തകനായ ഫസലുദീൻകുഞ്ഞ് മുൻ റെയിൽവേ ജീവനക്കാരനാണ്. നിയമബിരുദം നേടിയ അഭിഭാഷകനു

നീതിനിഷേധത്തിന്‍റെ ഇരകൾ

നൂറുകണക്കിനു സാധാരണ പൗരന്മാരും ആക്ടിവിസ്റ്റുകളുമെല്ലാം നിയമത്തിന്‍റെ പോരായ്മകൾക്ക് ഇരകളായി രാജ്യത്

വിശ്വാസികളുടെ ഹൃദയത്തിനേറ്റത് വലിയ മുറിവ്

ഡൽഹിയിൽ ദേവാലയം തകർത്തത് രാജ്യത്തുടനീളമുള്ള ക്രൈസ്തവ സമൂഹത്തിന്‍റെ മതവികാരത്തെ വ്രണപ്പെടുത്തിയിട്ടുണ്ട്. പ്രസ്തുത പ്രദേശം മറ്റെല്ലാവർക്കും നിരുപാധി

വാളെടുക്കുന്നവരെല്ലാം വെളിച്ചപ്പാടുമാർ!

ലോകത്തിന്‍റെ വിവിധ ഭാഗങ്ങളില്‍ നടക്കുന്ന സംഭവങ്ങളെക്കുറിച്ച് പൊതുസമൂഹം അഭിപ്രായരൂപീകരണം നടത്തുന്നത് മാധ്യമങ്ങളിലൂടെ ലഭിക്കുന്ന വാര്‍ത്തകളിലൂടെയാണ്