അട്ടപ്പാടിയിലെ വാനമ്പാടി
ഇ​രു​ള ഗോ​ത്ര വി​ഭാ​ഗ​ത്തി​ൽ​പ്പെ​ട്ട ന​ഞ്ചി​യ​മ്മ ഗോ​ത്ര​ക​ലാ​സ​മി​തി​യു​ടെ പാ​ട്ടു​കൂ​ട്ട​ത്തി​ൽ​നി​ന്നാ​ണ് ഇ​ത്ര​യും ഉ​യ​ര​ങ്ങ​ളി​ലേ​ക്കെ​ത്തി​യ​ത്. പാ​ട്ടും കൊ​ട്ടും നൃ​ത്ത​വു​മൊ​ക്കെ​യാ​യി നാ​ടു​ചു​റ്റു​ന്ന പാ​ട്ടു​കൂ​ട്ട​ത്തി​ലെ ഒ​രു ക​ലാ​കാ​രി. കൂ​ലി​വേ​ല ക​ഴി​ഞ്ഞാ​ൽ പാ​ട്ടാ​ണ് ഏ​ക വ​രു​മാ​നം.

അ​ഗ​ളി ന​ക്ക​പ്പ​തി ഉൗ​രു​കാ​ർ ഉ​റ​ങ്ങി​യി​ട്ട് ദി​വ​സ​ങ്ങ​ളാ​യി​രി​ക്കു​ന്നു. ഊ​രു​വാ​സി​ക​ളു​ടെ ആ​ട്ട​വും ആ​ഹ്ലാ​ദ​വും കാ​ണു​ന്പോ​ൾ ഇ​വി​ടെ ദീ​പാ​വ​ലി​യു​ടെ​യും പൊ​ങ്ക​ലി​ന്‍റെ​യും പ്ര​തീ​തി.

പൂ​ഴി​മ​ണ്ണി​ള​ക്കി സാ​റ​ൻ​മാ​രു​മാ​യി ഇ​വി​ടേ​ക്ക് പാ​ഞ്ഞു​വ​ന്നു​കൊ​ണ്ടി​രി​ക്കു​ന്ന കൊ​ടി​വ​ച്ച കാ​റു​ക​ൾ കാ​ണാ​ൻ എ​ല്ലാ​വ​രും മു​റ്റ​ത്തു​ത​ന്നെ​യു​ണ്ട്. എ​ല്ലാ അ​ട്ട​പ്പാ​ടി വ​ഴി​ക​ളു​മി​പ്പോ​ൾ സം​ഗ​മി​ക്കു​ന്ന​ത് ന​ഞ്ചി​യ​മ്മ​യു​ടെ വീ​ട്ടി​ലാ​ണ്.

രാ​ജ്യ​ത്തെ മി​ക​ച്ച സി​നി​മാ ഗാ​യി​ക ന​ഞ്ചി​യ​മ്മ​യു​ടെ ന​ക്ക​പ്പ​തി ഉൗ​രി​നി​പ്പോ​ൾ ചെ​റി​യ പെ​രു​മ​യൊ​ന്നു​മ​ല്ല. ആ​രാ​ധ​ക​രു​ടെ​യും ആ​ശം​സ​ക്കാ​രു​ടെ​യും ന​ടു​വി​ൽ​നി​ന്ന് ന​ഞ്ചി​യ​മ്മ പാ​ട്ടോ​ടു പാ​ട്ടാ​ണ്. ‘ക​ള​ക്കാ​ത്ത സ​ന്ദ​ന​മേ​റെ വെ​ഗു​വോ​ക പൂ​ത്തി​റി​ക്കാ’.

ത​മി​ഴ്ചു​വ​യു​ള്ള ഗോ​ത്ര​ഭാ​ഷ​യി​ലെ ത​ന​തു പാ​ട്ടി​നൊ​പ്പം ആ​ര​വ​വും കൈ​യ​ടി​യും. സം​വി​ധാ​യ​ക​ൻ സ​ച്ചി​യു​ടെ ‘അ​യ്യ​പ്പ​നും കോ​ശി​യും’ സി​നി​മ​യി​ലെ ന​ഞ്ചി​യ​മ്മ​യു​ടെ ആ​ലാ​പ​നം ദേ​ശീ​യ ബ​ഹു​മ​തി​യി​ലെ​ത്തി​യ​തോ​ടെ അ​ട്ട​പ്പാ​ടി ആ​ട്ട​പ്പാ​ടി​യാ​യ​തു​പോ​ലെ.

കാ​ട്ടി​ൽ മേ​യാ​ൻ​കൊ​ണ്ടു​പോ​യ ആ​ട്ടു​പ​റ്റ​ങ്ങ​ളു​മാ​യി ഉൗ​രി​ലേ​ക്ക് മ​ട​ങ്ങും വ​ഴി​യാ​ണ് ന​ഞ്ചി​യ​മ്മ​യെ ദേ​ശീ​യ അ​വാ​ർ​ഡ് തേ​ടി​യെ​ത്തി​യ​ത്. നി​ഷ്ക​ള​ങ്ക​മാ​യ പ​തി​വു ചി​രി​യി​പ്പോ​ൾ ഏ​റെ സ​മ​യ​വും പൊ​ട്ടി​ച്ചി​രി​യാ​യി മാ​റി​യി​രി​ക്കു​ന്നു. മു​റു​ക്കാ​ൻ ക​റ​യു​ള്ള വാ​യി​ൽ നി​ന്നു മു​ത്തു​ചി​ത​റും​പോ​ലെ ചി​രി​യോ​ടു ചി​രി. ചി​ല​തൊ​ക്കെ പ​റ​യു​ന്പോ​ൾ മു​ഖം​പൊ​ത്തി ക​ര​ച്ചി​ലും.

ന​ക്ക​പ്പ​തി ഉൗ​രി​ൽ ര​ണ്ടു മു​റി​യും തി​ണ്ണ​യും അ​ടു​ക്ക​ള​യു​മു​ള്ള ചെ​റി​യ വീ​ട് കാ​ല​വ​ർ​ഷ​പ്പെ​യ്ത്തി​ൽ ആ​കെ ചോ​ർ​ന്നൊ​ലി​ക്കു​ക​യാ​ണ്. സ​ർ​ക്കാ​ർ ഭ​വ​ന​നി​ർ​മാ​ണ പ​ദ്ധ​തി​യി​ൽ പ​ണി​തു​കൊ​ടു​ത്ത വീ​ട് പ​ത്തു കൊ​ല്ല​മാ​കു​ന്ന​തേ​യു​ള്ളൂ. ഭി​ത്തി കീ​റി പാ​യ​ൽ​മൂ​ടി ചോ​ർ​ന്നൊ​ലി​ക്കു​ന്നു.

പു​ര​സ്കാ​ര​ങ്ങ​ളു​ടെ നി​ര

ഇ​രു​ൾ​പ​ര​ന്ന ചെ​റി​യ മു​റി​യി​ൽ ചി​ല്ല​ല​മാ​ര നി​റ​യെ പു​ര​സ്കാ​ര​ങ്ങ​ൾ. ത​ടി​പ്പെ​ട്ടി നി​റ​യെ പൊ​ന്നാ​ട​ക​ൾ. കി​ട്ടു​ന്ന പു​ര​സ്കാ​ര​ങ്ങ​ളെ​ല്ലാം പൊ​ന്നു​പോ​ലെ ന​ഞ്ചി​യ​മ്മ സൂ​ക്ഷി​ക്കു​ന്നു. ആ ​നി​ര​യി​ൽ സം​സ്ഥാ​ന സ​ർ​ക്കാ​രി​ന്‍റെ പു​ര​സ്കാ​ര​വും ഇ​ടം​പി​ടി​ച്ചി​ട്ടു​ണ്ട്.

ഇ​തേ നി​ര​യി​ലേ​ക്കാ​ണ് ദേ​ശീ​യ ബ​ഹു​മ​തി വൈ​കാ​തെ ക​ട​ന്നു​വ​രു​ന്ന​ത്. രാ​ഷ്ട്ര​പ​തി​യാ​യി ഗോ​ത്ര​വി​ഭാ​ഗം വ​നി​ത ദ്രൗ​പ​ദി മു​ർ​മു രാ​ഷ്ട്ര​പ​തി ഭ​വ​നി​ലേ​ക്ക് കാ​ൽ​വ​ച്ച വേ​ള​യി​ൽ ത​ന്നെ അ​ട്ട​പ്പാ​ടി​യി​ലെ ഇ​രു​ള ഗോ​ത്ര​സ​മു​ദാ​യ​ക്കാ​രി ന​ഞ്ചി​യ​മ്മ​യും ദേ​ശ​പ്പെ​രു​മ​യി​ൽ ഇ​ടം​നേ​ടി​യി​രി​ക്കു​ന്നു.

രാ​ഷ്ട്ര​പ​തി സ​മ്മാ​നി​ക്കാ​ൻ പോ​കു​ന്ന അ​വാ​ർ​ഡ് നി​റം മ​ങ്ങാ​തെ​യും ന​ന​യാ​തെ​യും എ​ങ്ങ​നെ സൂ​ക്ഷി​ക്കു​മെ​ന്ന വേ​വ​ലാ​തി ന​ഞ്ചി​യ​മ്മ​യെ വ​ല്ലാ​തെ അ​ല​ട്ടു​ന്നു​ണ്ട്.

ആ​റ് ആ​ടു​ക​ൾ. ര​ണ്ട് പ​ശു​ക്ക​ൾ. പി​ന്നെ ഈ ​പു​ര​സ്കാ​ര​ങ്ങ​ളും. ഇ​ത്ര​യേ​യു​ള്ളു ന​ഞ്ചി​യ​മ്മ​യു​ടെ ആ​സ്തി. പി​ന്നെ വാ​ർ​ത്ത​ക​ളി​ലും വ​ർ​ത്ത​മാ​ന​ങ്ങ​ളി​ലും കേ​ൾ​ക്കു​ന്ന പ്ര​ശ​സ്തി​യും.

അ​ച്ഛ​ന​മ്മാ​വ​ൻ​മാ​ർ​ക്ക് ഉൗ​രി​ൽ പ​ണ്ടെ​ങ്ങോ ഉ​ണ്ടാ​യി​രു​ന്ന ആ​റേ​ക്ക​ർ മ​ണ്ണ് അ​ന്യാ​ധീ​ന​പ്പെ​ട്ടു​പോ​യ​തോ​ടെ വീ​ടി​രി​ക്കു​ന്ന ര​ണ്ടു സെ​ന്‍റ് സ്ഥ​ല​മേ കൈ​വ​ശ​ത്തി​ലു​ള്ളു. ദേ​ശ​ത്തോ​ളം ഉ​യ​ർ​ന്ന പാ​ട്ടു​കാ​രി​ക്ക് ജീ​വി​ക്കാ​ൻ ഒ​ന്നു​കി​ൽ ആ​ടു​മേ​യ്ക്കാ​ൻ പോ​ക​ണം. അ​ത​ല്ലെ​ങ്കി​ൽ കൂ​ലി​പ്പ​ണി. വൈ​കു​ന്നേ​രം റേ​ഷ​ൻ ക​ട​യി​ലേ​ക്ക്. ബി​പി​എ​ൽ കാ​ർ​ഡ് ഉ​ട​മ​യാ​യ ന​ഞ്ചി​യ​മ്മ അ​രി​യും ഗോ​ത​ന്പും ക​ഞ്ഞി​വ​ച്ചു കു​ടി​ക്കും. വീ​ണ്ടും പി​റ്റേ​ന്ന് കൂ​ലി​വേ​ല​യ്ക്ക്.

’ക​ള​ക്കാ​ത്ത സ​ന്ദ​ന​മേ​റെ ’ പാ​ട്ടു​കൊ​ണ്ട് മ​ല​യാ​ള സി​നി​മ​യെ ഒൗ​ന്ന​ത്യ​ത്തി​ന്‍റെ ത​ല​ത്തി​ലേ​ക്കെ​ത്തി​ച്ച ആ​ദി​വാ​സി വ​നി​ത​യു​ടെ വി​ശേ​ഷ​ങ്ങ​ൾ ഇ​വി​ടെ​യൊ​ന്നും തീ​രു​ന്നി​ല്ല. ആ​ന​ക്ക​ട്ടി​യി​ൽ ത​മി​ഴ്നാ​ട് അ​തി​രി​ടു​ന്ന അ​ലാം​ക​ണ്ടി പു​ത്തൂ​രി​ൽ രേ​ശ​ന്‍റെ​യും ചെ​ല്ല​മ്മ​യു​ടെ​യും മ​ക​ളാ​ണ് ന​ഞ്ചി​യ​മ്മ.

പ​തി​നെ​ട്ടാം വ​യ​സി​ൽ അ​ഗ​ളി ഗൂ​ളി​ക്ക​ട​വി​ലെ ന​ക്ക​പ്പ​തി ഉൗ​രി​ലേ​ക്ക് ന​ഞ്ച​ൻ താ​ലി​കെ​ട്ടി​ക്കൊ​ണ്ടു​പോ​ന്നു. അ​ന്നു​മു​ത​ൽ ന​ക്ക​പ്പ​തി​യി​ലെ നാ​ൽ​പ​തു കു​ടി​ക്കാ​ർ​ക്കൊ​പ്പ​മാ​ണ് ജീ​വി​തം. സ്കൂ​ളി​ന്‍റെ പ​ടി ഇ​ന്നേ​വ​രെ ക​ണ്ടി​ട്ടി​ല്ല. എ​ഴു​താ​നും വാ​യി​ക്കാ​നും അ​റി​യി​ല്ല. ആ​കെ അ​റി​യാ​വു​ന്ന​ത് കാ​ടി​ന്‍റെ​യും ഗോ​ത്ര​ത്തി​ന്‍റെ​യും ത​ന​തു പാ​ട്ടു​ക​ൾ.

ഈ​ണ​ത്തി​ലും താ​ള​ത്തി​ലും ഗോ​ത്ര​വാ​സി പാ​ട്ടു​ക​ൾ പാ​ടി​ക്കൊ​ണ്ടേ​യി​രി​ക്കും. ആ​ഘോ​ഷ​ത്തി​നും പ്ര​സ​വ​ത്തി​നും ചാ​വ​ടി​യ​ന്തി​ര​ത്തി​നും വി​ള​വെ​ടു​പ്പി​നു​മൊ​ക്ക ത​ന​താ​യ പാ​ട്ടും നൃ​ത്ത​വു​മു​ണ്ട്. മ​ല്ലീ​ശ്വ​ര​മു​ടി​യി​ലെ ദേ​വ​പ്രീ​തി​ക്കു മാ​ത്ര​മ​ല്ല മ​ഴ​യ്ക്കും വേ​ന​ലി​നും വി​ത​യ്ക്കും കൊ​യ്ത്തി​നു​മൊ​ക്കെ പാ​ട്ടു​ക​ളു​ണ്ട്.

പോ​രാ​ഞ്ഞ് പ​ഴ​യ​തി​ന്‍റെ ചു​വ​ടു​പി​ടി​ച്ച് പു​തി​യ പാ​ട്ടു​ക​ളു​ണ്ടാ​ക്കി സ്വ​ന്തം ഈ​ണ​ത്തി​ൽ ന​ഞ്ചി​യ​മ്മ ത​നി​യെ പാ​ടും. അ​ങ്ങ​നെ ഉ​രു​വി​ട്ട വ​രി​ക​ൾ പാ​ടി​യു​ണ്ടാ​ക്കി​യ​താ​ണ് ’ക​ള​ക്കാ​ത്ത സ​ന്ദ​ന​മേ​റെ ’.

നാ​ട്ടി​ലും മ​റു​നാ​ട്ടി​ലും വൈ​റ​ലാ​യ പാ​ട്ടി​ലൂ​ടെ ഈ 62​കാ​രി ഗാ​ന​കോ​കി​ല​മെ​ന്നോ വാ​ന​ന്പാ​ടി​യെ​ന്നോ വി​ശേ​ഷി​പ്പി​ക്കാ​വു​ന്ന ഗാ​യി​ക​യാ​യി അം​ഗീ​ക​രി​ക്ക​പ്പെ​ട്ടി​രി​ക്കു​ന്നു. ഇ​രു​ള വി​ഭാ​ഗ​ത്തി​ൽ​പ്പെ​ട്ട ന​ഞ്ചി​യ​മ്മ ഗോ​ത്ര​ക​ലാ​സ​മി​തി​യു​ടെ പാ​ട്ടു​കൂ​ട്ട​ത്തി​ൽ​നി​ന്നാ​ണ് ഇ​ത്ര​യും ഉ​യ​ര​ങ്ങ​ളി​ലേ​ക്കെ​ത്തി​യ​ത്. പാ​ട്ടും കൊ​ട്ടും നൃ​ത്ത​വു​മൊ​ക്കെ​യാ​യി നാ​ടു​ചു​റ്റു​ന്ന പാ​ട്ടു​കൂ​ട്ട​ത്തി​ലെ അ​പാ​ര ക​ലാ​കാ​രി. കൂ​ലി​വേ​ല ക​ഴി​ഞ്ഞാ​ൽ പാ​ട്ടാ​ണ് വ​രു​മാ​നം.

ആ​ടു​മേ​യ്ക്കും വേ​ല​ചെ​യ്യും

കൂ​ലി​പ്പ​ണി​യാ​ണേ​ലും ആ​ടു​മേ​യ്ക്ക​ലാ​ണേ​ലും രാ​വി​ലെ ഉൗ​രി​ൽ നി​ന്നി​റ​ങ്ങും. ഉ​ച്ച​ക​ഴി​ഞ്ഞ് മ​ട​ങ്ങു​ന്പോ​ൾ പ​ശു​ക്ക​ൾ​ക്കു​ള്ള തീ​റ്റ​യും അ​ടു​പ്പി​ലേ​ക്കു​ള്ള വി​റ​കും ത​ല​യി​ലു​ണ്ടാ​കും.

കൈ​യി​ലൊ​രു ഉൗ​ന്നു​വ​ടി​യും. വേ​ല​യ്ക്കു പോ​യാ​ലും ഇ​ങ്ങ​നെ ത​ന്നെ. ഊ​രു​കൂ​ട്ടം പാ​ട്ട​ത്തി​നെ​ടു​ത്ത സ്ഥ​ല​ത്ത് അ​ൽ​പം റാ​ഗി​യും തി​ന​യും ചോ​ള​വു​മൊ​ക്കെ​യു​ണ്ട്. കു​റേ​ക്കാ​ല​മാ​യി തൊ​ഴി​ലു​റ​പ്പ് കൂ​ലി​വേ​ല​യ്ക്ക് പോ​കു​ന്നി​ല്ല.

ലി​പി​യി​ല്ലാ​ത്ത ഭാ​ഷ​യി​ൽ പാ​ടി​യ ക​ള​ക്കാ​ത്ത സ​ന്ദ​ന​മേ​റെ പാ​ട്ട് അ​ട്ട​പ്പാ​ടി​യു​ടെ അ​ട​യാ​ള​മാ​യി​രി​ക്കു​ന്നു. ക​ഴി​ഞ്ഞ സം​സ്ഥാ​ന ച​ല​ച്ചി​ത്ര പു​ര​സ്കാ​ര​ത്തി​ൽ പ്ര​ത്യേ​ക പ​രാ​മ​ർ​ശ​ത്തി​ന് ന​ഞ്ചി​യ​മ്മ അ​ർ​ഹ​യാ​യി.

അ​ന്ന് മു​ഖ്യ​മ​ന്ത്രി​യി​ൽ നി​ന്ന് അ​വാ​ർ​ഡ് വാ​ങ്ങാ​ൻ തി​രു​വ​ന​ന്ത​പു​ര​ത്തേ​ക്ക് പോ​യ​പ്പോ​ൾ കൂ​ടെ മ​ക​ൾ ശാ​ലി​നി​യും മ​ക​ൻ ശ്യാ​മു​മു​ണ്ടാ​യി​രു​ന്നു. ഇ​നി ഡ​ൽ​ഹി​യി​ൽ​ചെ​ന്ന് രാ​ഷ്ട്ര​പ​തി​യി​ൽ നി​ന്ന് ദേ​ശീ​യ അ​വാ​ർ​ഡ് വാ​ങ്ങാ​ൻ വ​ഴി​ച്ചെ​ല​വും വ​ണ്ടി​ക്കൂ​ലി​യും ആ​രു​ത​രും എ​ന്ന​താ​ണ് ന​ഞ്ചി​യ​മ്മ​യു​ടെ ചോ​ദ്യം.

മ​ക​നെ​യും മ​ക​ളെ​യും ന​ക്ക​പ്പ​തി ഉൗ​രി​ലെ ദേ​ശ​ക്കാ​രെ​യും ഡ​ൽ​ഹി​ക്കു കൊ​ണ്ടു​പോ​കു​മോ എ​ന്ന നി​ഷ്ക​ള​ങ്ക​മാ​യ ചോ​ദ്യം ന​ഞ്ചി​യ​മ്മ ആ​വ​ർ​ത്തി​ക്കു​ന്നു.

സ​ച്ചി​യോ​ടു ക​ട​പ്പാ​ട്

അ​യ്യ​പ്പ​നും കോ​ശി​യും സി​നി​മ​യി​ൽ പാ​ടി അ​ഭി​ന​യി​ച്ച​തി​ന് സം​വി​ധാ​യ​ക​ൻ സ​ച്ചി അ​ൻ​പ​തി​നാ​യി​രം രൂ​പ പ്ര​തി​ഫ​ലം കൊ​ടു​ത്തി​രു​ന്നു. പ​ടം ന​ന്നാ​യാ​ൽ ഇ​നി​യും പ​ണം ത​രാം എ​ന്നു പ​റ​ഞ്ഞു​പോ​യ സ​ച്ചി അ​കാ​ല​ത്തി​ൽ മ​രി​ച്ചു​പോ​യ​തോ​ർ​ക്കു​ന്പോ​ൾ ന​ഞ്ചി​യ​മ്മ വാ​വി​ട്ടു​ക​ര​യു​ന്നു. അ​വാ​ർ​ഡ് വാ​ങ്ങാ​നും കൂ​ടെ​വ​രാ​നും സ​ച്ചി ഇ​ല്ലാ​തെ​പോ​യ നൊ​ന്പ​രം ചെ​റു​ത​ല്ല.

മു​ത്ത​ശ്ശി​യും അ​മ്മ​യും പാ​ടി​യ താ​രാ​ട്ടു​കേ​ട്ടാ​ണ് ന​ഞ്ചി​യ​മ്മ പാ​ട്ടി​ന്‍റെ ലോ​ക​ത്തേ​ക്ക് പി​ച്ച​വ​ച്ച​ത്. പ​രി​സ്ഥി​തി പു​നഃ​സ്ഥാ​പ​ന പ​ദ്ധ​തി അ​ഹാ​ഡ്സി​സ് ന​ട​പ്പാ​ക്കി​യ​തോ​ടെ​യാ​ണ് ഈ ​ഗാ​യി​ക​യു​ടെ ശ​ബ്ദം പു​റം​ലോ​കം കേ​ട്ടു​തു​ട​ങ്ങി​യ​ത്.

2005ൽ ​രൂ​പീ​ക​രി​ച്ച ആ​സാ​ദ് ക​ലാ​സ​മി​തി​യി​ലൂ​ടെ കേ​ര​ള​ത്തി​ന​ക​ത്തും പു​റ​ത്തും വേ​ദി​ക​ൾ ല​ഭി​ച്ചു. റാ​സി മു​ഹ​മ്മ​ദി​ന്‍റെ വെ​ളു​ത്ത രാ​ത്രി​ക​ൾ എ​ന്ന സി​നി​മ​യി​ലും പാ​ടി. 2009ൽ ​സം​സ്ഥാ​ന ഫോ​ക് ലോ​ർ അ​ക്കാ​ദ​മി​യു​ടെ പു​ര​സ്കാ​ര​വും നേ​ടി​യി​രു​ന്നു. ഇ​ത്ത​ര​ത്തി​ൽ തി​ള​ങ്ങി​നി​ൽ​ക്കു​ന്പോ​ഴാ​ണ് അ​ട്ട​പ്പാ​ടി​യി​ലെ ഗോ​ത്ര​ത്ത​നി​മ​യു​ടെ പാ​ട്ടി​നാ​യി സ​ച്ചി ന​ഞ്ചി​യ​മ്മ​യെ തേ​ടി​യെ​ത്തി​യ​ത്.

സ്റ്റു​ഡി​യോ​യി​ലെ​ത്തി പാ​ടു​ന്പോ​ൾ ഏ​ത് സി​നി​മ​യ്ക്ക് വേ​ണ്ടി​യാ​ണ് താ​ൻ പാ​ടു​ന്ന​തെ​ന്നു​പോ​ലും അ​റി​യി​ല്ലാ​യി​രു​ന്നു.

‘ സ​ച്ചി സാ​ർ എ​ന്നൈ നാ​ടു​കാ​ണാ​ൻ വ​ച്ചൂ, എ​ന്നൈ കാ​ണാ​ത്ത സ്ഥ​ല​ങ്ങ​ൾ കാ​ണി​ച്ചു, എ​ല്ലാം സ​ച്ചി സാ​റാ​ണ്...’ ന​ഞ്ചി​യ​മ്മ​യ്ക്ക് പ​റ​യാ​ൻ ഈ ​വാ​ക്കു​ക​ൾ മാ​ത്രം... ആ​ടു​മാ​ടു​ക​ളെ മേ​ച്ചും കൂ​ലി​പ്പ​ണി​യെ​ടു​ത്തും വി​റ​ക് ചു​മ​ന്നും അ​ല​ഞ്ഞു ക​ഴി​ഞ്ഞ എ​ന്നെ കോ​ടി​ക്ക​ണ​ക്കി​ന് ജ​ന​ങ്ങ​ളി​ലേ​ക്ക് എ​ത്തി​ക്കാ​ൻ അ​ദ്ദേ​ഹ​ത്തി​നാ​യി. ന​ന്ദി​യ​റി​യി​ക്കാ​ൻ സ​ച്ചി​സാ​ർ ഇ​ന്നി​ല്ല​ല്ലോ. ന​ഞ്ചി​യ​മ്മ വി​തു​ന്പി..

പാ​ട്ടും ആ​ട്ട​വും ഞ​ങ്ങ​ടെ ജീ​വി​ത​മാ​ണ്. ഞ​ങ്ങ​ൾ​ക്കു സ്വ​ന്ത​മാ​യി പ​ണ്ടേ​യു​ള്ള പാ​ട്ടു​ക​ളു​ടെ താ​ള​മാ​ണ് ഉൗ​രി​ന്. ആ ​താ​ള​വും ഈ​ണ​വും ഞ​ങ്ങ​ൾ​ക്കു മാ​ത്ര​മ​ല്ല, ഉൗ​രി​നും കാ​ടി​നും പു​ഴ​യ്ക്കും മ​ല​ക​ൾ​ക്കു​മു​ണ്ട്.

എ​ല്ലാ​വ​രു​മൊ​ന്നി​ച്ച് കൃ​ഷി​പ്പ​ണി​യി​ലേ​ർ​പ്പെ​ടു​ന്ന ഉ​ത്സ​വ​മാ​യ ക​ന്പ​ള​ത്തി​നും കൊ​യ്ത്തി​നും വി​വാ​ഹ​ത്തി​നും മ​ര​ണ​ത്തി​നും അ​ടി​യ​ന്ത​ര​ത്തി​നും ഞ​ങ്ങ​ൾ പാ​ട്ടു പാ​ടു​ക​യും നൃ​ത്തം ചെ​യ്യു​ക​യും ചെ​യ്യും. പൊ​റേ, ദ​വി​ൽ, കൊ​ക​ൽ, ജാ​ൾ​ട്ര തു​ട​ങ്ങി​യ​വ​യു​ടെ സം​ഗീ​ത​ത്തോ​ടെ​യാ​ണ് പാ​ട്ട്.

മെ​ക്ക് കി​ട്ടി​യാ​ൽ എ​ന്‍റെ പാ​ട്ട​ങ്ങ് വ​രും. ഞാ​ൻ പാ​ടും, അ​വ​രൊ​ക്കെ ക​ളി​ക്കും. കാ​ട്ടി​ലും മേ​ട്ടി​ലും പോ​കു​ന്പോ​ഴും ജോ​ലി ചെ​യ്യു​ന്പോ​ഴും മ​ന​സി​ൽ തോ​ന്നു​ന്ന വ​രി​ക​ൾ ഈ​ണ​ത്തി​ൽ പാ​ടും.

ഞാ​ൻ കാ​ട്ടി​ലാ​ണ​ല്ലോ. അ​തു​കൊ​ണ്ട് മ​ര​ത്തെ​പ്പ​റ്റി​യും പൂ​വി​നെ​പ്പ​റ്റി​യും കാ​ടു​ക​ളെ പ്പ​റ്റി​യും ഉൗ​രി​നെ​പ്പ​റ്റി​യു​മൊ​ക്കെ​യാ​ണ് പാ​ടു​ന്ന​ത്. ആ ​പാ​ട്ടൊ​ന്നും എ​ങ്ങും എ​ഴു​തി​യി​ട്ട​ല്ല, സ്റ്റേ​ജി​ൽ ക​യ​റി അ​ങ്ങ് പാ​ടും. ഇ​നി​യും പാ​ട്ടു​ക​ൾ ഉ​ണ്ടാ​ക്ക​ണ​മെ​ന്നും ഇ​നി​യു​മേ​റെ പാ​ട​ണ​മെ​ന്നും മോ​ഹ​മു​ണ്ട്.

അ​യ്യ​പ്പ​നും കോ​ശി​യും ചി​ത്ര​ത്തി​ലെ ‘ക​ല​ക്കാ​ത്ത’ എ​ന്ന ടൈ​റ്റി​ൽ ഗാ​നം ആ​ല​പി​ച്ചാ​ണ് ന​ഞ്ചി​യ​മ്മ പ്രേ​ക്ഷ​ക​ഹൃ​ദ​യം കീ​ഴ​ട​ക്കി​യ​ത്. തി​യ​റ്റ​റു​ക​ളി​ൽ പ്ര​ദ​ർ​ശ​ന​ത്തി​ന് മു​ൻ​പു​ത​ന്നെ ഗാ​ന​വും ന​ഞ്ചി​യ​മ്മ​യും ശ്ര​ദ്ധ​നേ​ടി​യി​രു​ന്നു. യൂ​ട്യൂ​ബി​ൽ റി​ലീ​സ് ചെ​യ്ത പാ​ട്ട് ഒ​രു മാ​സ​ത്തി​ന​കം ഒ​രു കോ​ടി​യി​ലേ​റെ പേ​ർ കേ​ട്ടു​ര​സി​ച്ചു.

അ​യ്യ​പ്പ​നും കോ​ശി​യും ചി​ത്ര​ത്തി​ലെ എ​ക്സൈ​സ് ഇ​ൻ​സ്പെ​ക്ട​റു​ടെ വേ​ഷം ചെ​യ്ത ആ​ദി​വാ​സി ക​ലാ​കാ​ര​നും അ​ട്ട​പ്പാ​ടി സ്വ​ദേ​ശി​യു​മാ​യ പ​ള​നി​സ്വാ​മി​യു​ടെ നേ​തൃ​ത്വ​ത്തി​ലു​ള്ള ആ​സാ​ദ് ക​ലാ സം​ഘ​ത്തി​ൽ ഏ​റെ​ക്കാ​ല​മാ​യി അം​ഗ​മാ​ണ് ന​ഞ്ചി​യ​മ്മ. 2015ൽ ​ഫൗ​സി​യ ഫാ​ത്തി​മ​ക്ക് ഛായാ​ഗ്ര​ഹ​ണ​ത്തി​നു​ള്ള സം​സ്ഥാ​ന ടെ​ലി​വി​ഷ​ൻ പു​ര​സ്കാ​രം ല​ഭി​ച്ച ‘അ​ഗ്ഗെ​ത് നാ​യാ​ഗ’ (മാ​തൃ​മൊ​ഴി) എ​ന്ന ഡോ​ക്യു​മെ​ന്‍റ​റി​യി​ലാ​ണ് ന​ഞ്ചി​യ​മ്മ ആ​ദ്യ​മാ​യി അ​ഭി​ന​യി​ക്കു​ക​യും പാ​ടു​ക​യും ചെ​യ്ത​ത്. ‌

അ​ട്ട​പ്പാ​ടി​യു​ടെ രോ​ദ​നം

ശി​ശു​രോ​ദ​ന​ങ്ങ​ളും ശി​ശു​മ​ര​ണ​വും വാ​ർ​ത്ത​യാ​യ അ​ട്ട​പ്പാ​ടി​യു​ടെ ദു​രി​ത​മു​ഖ​ങ്ങ​ളെ​പ്പ​റ്റി​യും ന​ഞ്ചി​യ​മ്മ​യ്ക്ക് പ​റ​യാ​നേ​റെ​യു​ണ്ട്.

‘പ​ണ്ടൊ​ക്കെ കാ​ടും വ​യ​ലും പു​ഴ​യു​മെ​ല്ലാം ഞ​ങ്ങ​ടെ സ്വ​ന്ത​മാ​യി​രു​ന്നു. ചാ​മ​യും മു​തി​ര​യും തു​വ​ര​യും കി​ഴ​ങ്ങും ചീ​ര​യു​മൊ​ക്കെ​യാ​യി​രു​ന്നു ശാ​പ്പാ​ട്. അ​തൊ​ക്കെ ആ​ണ്ടു​വോ​ളം കി​ട്ടി​യി​രു​ന്നു. ഞ​ങ്ങ​ടെ മൂ​പ്പ​ൻ​മാ​രും മൂ​പ്പ​ത്തി​ക​ളും നൂ​റു വ​യ​സു​വ​രെ ജീ​വി​ച്ച​ത് അ​വ​യൊ​ക്കെ ശാ​പ്പി​ട്ടാ​ണ്. ഇ​ന്ന് മ​ണ്ണി​ല്ല. ചാ​മ​യും മു​തി​ര​യും ഇ​ല്ലാ​താ​യി.

അ​ട്ട​പ്പാ​ടി​ക്കാ​രു​ടെ സ്വ​ന്തം നെ​ല്ലി​ന​ങ്ങ​ളെ​ല്ലാം ഇ​ല്ലാ​താ​യ​തോ​ടെ റേ​ഷ​ന​രി മാ​ത്ര​മേ കി​ട്ടാ​നു​ള്ളു. ഞ​ങ്ങ​ടെ ആ​രോ​ഗ്യ​വും പോ​യി ആ​യു​സും പോ​യി. പെ​ണ്ണു​ക​ൾ ചാ​പി​ള്ള​യെ പെ​റു​ന്നു. ജ​നി​ച്ചാ​ൽ ചി​ല​ത് അ​ന്നേ​രേ ചാ​വു​ന്നു. നേ​രേ നി​ക്കാ​ൻ പോ​ലും ഉൗ​രും ഉ​ശി​രു​മി​ല്ല ഞ​ങ്ങ​ടെ പെ​ണ്‍​പി​ള്ളേ​ർ​ക്ക്. ചാ​ക​ലും നി​ല​വി​ളി​യും എ​ന്നു തീ​രു​വോ...

ന​ഞ്ചി​യ​മ്മ​യി​പ്പോ​ൾ മ​ക​ൾ ശാ​ലി​നി​ക്കൊ​പ്പ​മാ​ണ് താ​മ​സം. മ​ക​ന് അ​ല്ല​റ​ചി​ല്ല​റ ജോ​ലി​ക​ളു​ണ്ട്. ഭ​ർ​ത്താ​വ് ന​ഞ്ച​ൻ ആ​റാ​ണ്ട് മു​ന്നേ മ​രി​ച്ചു​പോ​യി. ഒ​രു പാ​ട് പേ​ർ എ​ന്നെ ഊ​രി​ൽ കാ​ണാ​ൻ വ​രും. ഒ​ത്തി​രി പേ​ർ ആ​ദ​രി​ക്കാ​ൻ വി​ളി​ക്കും. പൊ​ന്നാ​ട​ക​ൾ ഏ​റെ കി​ട്ടു​ന്ന​തി​ൽ സ​ന്തോ​ഷം.

ജീ​വി​ക്കാ​ൻ അ​ൽ​പം കാ​ശും ചോ​രാ​ത്ത വീ​ടും ആ​രെ​ങ്കി​ലും ത​ന്നാ മ​തി​യാ​രു​ന്നു. രാ​ഷ്ട്ര​പ​തി ത​രാ​ൻ പോ​കു​ന്ന സ​മ്മാ​ന​മെ​ങ്കി​ലും ന​ന​യാ​തെ സൂ​ക്ഷി​ക്കാ​ൻ സ​ർ​ക്കാ​ർ ക​രു​ണ ത​രു​മോ... ദേ​ശ​ത്തോ​ളം ഉ​യ​ർ​ന്ന ന​ഞ്ചി​യ​മ്മ ദുഃ​ഖം മ​റ​ന്നും പാ​ട്ടാ​ണ്.

‘ക​ള​ക്കാ​ത്ത സ​ന്ദ​ന​മേ​റെ വെ​ഗു​വോ​ക പൂ​ത്തി​റി​ക്കൊ പൂ​പ​റി​ക്കാ പോ​കി​ലാ​മോ വി​മേ​നാ​ത്തെ പ​ക്കി​ലാ​മോ.....’


Copyright @ 2022 , Rashtra Deepika Ltd.