പ്ര​ണ​യ​ത്തി​നും വൈ​ര​ത്തി​നും സാ​ക്ഷി​യാ​യ ബെൽവെദേരെ എ​സ്റ്റേ​റ്റ്
ഇ​ന്ത്യ​യി​ലെ ആ​ദ്യ​ത്തെ ബ്രി​ട്ടീ​ഷ് ഗ​വ​ർ​ണ​ർ ജ​ന​റ​ലാ​യി​രു​ന്നു വാ​റ​ൻ ഹേ​സ്റ്റിം​ഗ്സ്. ഇ​ന്ത്യ​യോ​ടും ഇ​ന്ത്യ​ൻ സം​സ്കാ​ര​ത്തോ​ടും ഏ​റെ പ്ര​തി​പ​ത്തി പു​ല​ർ​ത്തി​യി​രു​ന്ന ഉ​ദ്യോ​ഗ​സ്ഥ​നാ​യി​രു​ന്നു ഹേ​സ്റ്റിം​ഗ്സ്. ഉ​ർ​ദു​വി​ലും ബം​ഗാ​ളി​യി​ലും പ്രാ​വീ​ണ്യം നേ​ടി​യി​രു​ന്ന അ​ദ്ദേ​ഹം പ്രാ​ദേ​ശി​ക ക​ലാ സം​സ്കാ​ര​ങ്ങ​ളെ ഏ​റെ പ്ര​ണ​യി​ച്ചി​രു​ന്നു. പ​ക്ഷേ, അ​ഴി​മ​തി ആ​രോ​പ​ണ​ങ്ങ​ളി​ൽ കു​ടു​ങ്ങി​യ ഹേ​സ്റ്റിം​ഗ്സി​നെ ബ്രി​ട്ടീ​ഷ് പാ​ർ​ല​മെ​ന്‍റ് ഇം​പീ​ച്ച് ചെ​യ്തു പു​റ​ത്താ​ക്കു​ക​യാ​യി​രു​ന്നു.

1773 മു​ത​ൽ 1785 വ​രെ പ​ന്ത്ര​ണ്ടു വ​ർ​ഷ​മാ​ണ് വാ​റ​ൻ ഹേ​സ്റ്റിം​ഗ്സ് ബ്രി​ട്ടീ​ഷ് ഇ​ന്ത്യ​യു​ടെ ഗ​വ​ർ​ണ​ർ ജ​ന​റ​ലാ​യി പ്ര​വ​ർ​ത്തി​ച്ച​ത്. ഇ​ന്ത്യ​യി​ൽ ഏ​റ്റ​വും സ്വാ​ധീ​ന​മു​ള്ള ബ്രി​ട്ടീ​ഷ് ഉ​ദ്യോ​ഗ​സ്ഥനാ​യി​രു​ന്നു ഇ​ദ്ദേ​ഹം. അ​തു​പോ​ലെ​ത​ന്നെ​യാ​ണ് കോ​ൽ​ക്ക​ത്ത ന​ഗ​ര​വു​മാ​യും ആ ​ബ്രി​ട്ടീ​ഷു​കാ​ര​ന്‍റെ ജീ​വി​തം ച​രി​ത്ര​പ​ര​മാ​യി ഇ​ഴ​ചേ​ർ​ന്നു നി​ൽ​ക്കു​ന്ന​തും.

കോ​ൽ​ക്ക​ത്ത​യി​ലെ ആ​ലി​പ്പൂ​രി​ലാ​ണ് ഹേ​സ്റ്റിം​ഗ്സി​ന്‍റെ കൊ​ട്ടാ​ര​സ​മാ​ന​മാ​യ നി​ർ​മി​തി​ക​ൾ ഏ​റെ​യു​ള്ള​ത്. ബെൽ‌വെദേരെ എ​സ്റ്റേ​റ്റി​ലാ​ണ് അ​ദ്ദേ​ഹം ഏ​റെ​ക്കാ​ലം ക​ഴി​ഞ്ഞി​രു​ന്ന​ത്. നി​ല​വി​ൽ ഈ ​മ​ന്ദി​രം നാ​ഷ​ണ​ൽ ലൈ​ബ്ര​റി​യാ​യി പ്ര​വ​ർ​ത്തി​ക്കു​ക​യാ​ണ്. ബ്രി​ട്ടീ​ഷു​കാ​ർ ബം​ഗാ​ളി​ന്‍റെ ന​വാ​ബാ​യി നി​യ​മി​ച്ച മി​ർ ജാ​ഫ​റി​ന്‍റെ വ​സ​തി​യാ​യി​രു​ന്നു ആ​ദ്യം ബെ​ൽ‌​വെ​ദേ​രെ എ​സ്റ്റേ​റ്റ്.

സി​റാ​ജ് ദൗ​ള​യ്ക്കെ​തി​രേ ന​ട​ന്ന പ്ലാ​സി​യു​ദ്ധ​ത്തി​ൽ ത​ങ്ങ​ൾ​ക്കൊ​പ്പം നി​ല​യു​റ​പ്പി​ച്ച​തി​ന് ബ്രി​ട്ടീ​ഷു​കാ​ർ പാ​രി​തോ​ഷി​ക​മാ​യി ന​ൽ​കി​യ​താ​ണ് മി​ർ ജാ​ഫ​റി​ന് ന​വാ​ബ് പ​ദ​വി. ബ്രി​ട്ടീ​ഷ് ഈ​സ്റ്റ് ഇ​ന്ത്യാ ക​ന്പ​നി​യു​ടെ കൈ​ക​ളി​ലെ വെ​റു​മൊ​രു പാ​വ​യാ​യി​രു​ന്നു മി​ർ ജാ​ഫ​ർ. അ​യാ​ളു​ടെ ക​ഴി​വി​ല്ലാ​യ്മ ഏ​റെ വൈ​കാ​തെ ത​ന്നെ ബോ​ധ്യ​പ്പെ​ട്ട ബ്രി​ട്ടീ​ഷു​കാ​ർ ന​വാ​ബ് സ്ഥാ​ന​ത്തു​നി​ന്നു മാ​റ്റി മ​രു​മ​ക​നാ​യ മി​ർ ക്വാ​സി​മി​ന് ആ ​പ​ദ​വി ന​ൽ​കി. അ​തി​ജീ​വ​ന​ത്തി​ന് പെ​ൻ​ഷ​ൻ സ​ഹി​തം ന​വാ​ബ് പ​ദ​വി​യി​ൽ​നി​ന്നു നി​ഷ്കാ​സി​ത​നാ​യ​പ്പോ​ൾ ത​ന്‍റെ സു​ഹൃ​ത്താ​യി​രു​ന്ന വാ​റ​ൻ ഹേ​സ്റ്റിം​ഗ്സി​ന് പാ​രി​തോ​ഷി​ക​മാ​യി മി​ർ ജാ​ഫ​ർ 1760ൽ ​സ​മ്മാ​നി​ച്ച​താ​ണ് ബെൽ‌വെദേരെ കൊ​ട്ടാ​രം. മൂ​ർ​ഷി​ദാ​ബാ​ദി​ൽ ബ്രി​ട്ടീ​ഷു​കാ​രു​ടെ റ​സി​ഡ​ന്‍റാ​യി പ്ര​വ​ർ​ത്തി​ക്കു​ന്ന കാ​ലം മു​ത​ൽ ഹേ​സ്റ്റിം​ഗ്സ് മി​ർ ജാ​ഫ​റി​ന്‍റെ സു​ഹൃ​ത്താ​യി​രു​ന്നു.

പ​തി​നേ​ഴാ​മ​ത്തെ വ​യ​സി​ലാ​ണ് ഹേ​സ്റ്റിം​ഗ്സ് ഇ​ന്ത്യ​യി​ലെ​ത്തു​ന്ന​ത്. പി​ന്നീ​ടു വ​ള​ർ​ച്ച​യു​ടെ കാ​ല​ങ്ങ​ളി​ലെ​ല്ലാം ഇ​വി​ടെ​ത്ത​ന്നെ​യാ​യി​രു​ന്നു. 24-ാം വ​യ​സി​ൽ കോ​സിം​ബ​സാ​റി​ൽ ഉ​ദ്യോ​ഗ​ത്തി​ൽ ഇ​രി​ക്കു​ന്പോ​ഴാ​ണ് മേ​രി ബു​ക്കാ​ന​നെ വി​വാ​ഹം ക​ഴി​ക്കു​ന്ന​ത്. അ​വ​ർ​ക്ക് ഒ​രാ​ണ്‍​കു​ട്ടി​യും പെ​ണ്‍​കു​ട്ടി​യും ഉ​ണ്ടാ​യെ​ങ്കി​ലും ഇ​രു​വ​രും ചെ​റു​പ്പ​ത്തി​ൽ​ത​ന്നെ മ​രി​ച്ചു.

മേ​രി​യും ചെ​റു പ്രാ​യ​ത്തി​ൽ​ത​ന്നെ മ​ര​ണ​മ​ട​ഞ്ഞു. അ​തി​നാ​ൽ 1772-ൽ ​ ബെൽ‌വെ ദേരെയിലേ​ക്ക് ഏ​ക​നാ​യാ​ണ് ഹേ​സ്റ്റിം​ഗ്സ് താ​മ​സം മാ​റു​ന്ന​ത്. അ​തി​നു​ശേ​ഷം ല​ണ്ട​നി​ൽ പോ​യി ക​ട​ൽ​മാ​ർ​ഗം ഇ​ന്ത്യ​യി​ലേ​ക്ക് തി​രി​ച്ചു​വ​രും വ​ഴി​യാ​ണ് ഹേ​സ്റ്റിം​ഗ്സ് മ​രി​യ​ൻ എ​ന്ന യു​വ​തി​യു​മാ​യി അ​ടു​പ്പ​ത്തി​ലാ​കു​ന്ന​ത്. ജ​ർ​മ​ൻ​കാ​ര​നാ​യ ബാ​രോ​ണ്‍ ഇം​ഹോ​ഫി​ന്‍റെ പ​ത്നി​യാ​യി​രു​ന്നു മ​രി​യ​ൻ. ആ​ദ്യ കൂ​ടി​ക്കാ​ഴ്ച​യി​ൽത​ന്നെ മരി​യ​നും ഹേ​സ്റ്റിം​ഗ്സും പ്ര​ണ​യ​ത്തി​ലാ​യി. ക​പ്പ​ൽ മ​ദ്രാ​സ് തു​റ​മു​ഖ​ത്ത് അ​ടു​ത്ത​പ്പോ​ൾ​ത​ന്നെ മ​രി​യ​ൻ ജ​ർ​മ​ൻ​കാ​ര​നാ​യ ഭ​ർ​ത്താ​വി​ൽ​നി​ന്ന് വി​വാ​ഹ​മോ​ച​നം ആ​വ​ശ്യ​പ്പെ​ട്ടു. സ​ഹി​ക്കാ​ൻ ക​ഴി​യാ​ത്ത അ​യാ​ളു​ടെ ദേ​ഷ്യ​മാ​യി​രു​ന്നു പ്ര​ധാ​ന കാ​ര​ണം. ജ​ർ​മ​നി​യി​ലെ നി​യ​മ​ന​ട​പ​ടി​ക്ര​മ​ങ്ങ​ളി​ൽ കു​ടു​ങ്ങി ആ​റു വ​ർ​ഷം കൊ​ണ്ടാ​ണ് വി​വാ​ഹ​മോ​ച​നം സാ​ധ്യ​മാ​യ​ത്. അ​ക്കാ​ല​മ​ത്ര​യും വി​വാ​ദ​ങ്ങ​ൾ​ക്ക് ഇ​ടം​കൊ​ടു​ക്കാ​തെ ഹേ​സ്റ്റിം​ഗ്സും മ​രി​യ​നും ക്ഷ​മ​യോ​ടെ കാ​ത്തി​രു​ന്നു. 1777ൽ ​ത​ന്‍റെ 45-ാമ​ത്തെ വ​യ​സി​ലാ​ണ് ഹേ​സ്റ്റിം​ഗ്സ് മ​രി​യ​നെ വി​വാ​ഹം ക​ഴി​ക്കു​ന്ന​ത്. അ​ദ്ദേ​ഹ​ത്തെ​ക്കാ​ൾ 15 വ​യ​സ് ഇ​ള​യ​താ​യി​രു​ന്നു മ​രി​യ​ൻ.

ഹേ​സ്റ്റിം​ഗ്സാ​ണ് ബ്രി​ട്ടീ​ഷ് ആ​സ്ഥാ​നം മൂ​ർ​ഷി​ദാ​ബാ​ദി​ൽ നി​ന്ന് കോൽ​ക്ക​ത്ത​യി​ലേ​ക്ക് മാ​റ്റു​ന്ന​ത്. അ​ദ്ദേ​ഹം ക​റ​ൻ​സി സം​വി​ധാ​ന​ങ്ങ​ൾ ഏ​കീ​ക​രി​ച്ചു. പോ​സ്റ്റ​ൽ സ​ർ​വീ​സ് ആ​രം​ഭി​ച്ചു. പ​ണ്ഡി​ത​നാ​യ വി​ല്യം ജോ​ണ്‍​സു​മാ​യി ചേ​ർ​ന്ന് ഏ​ഷ്യാ​റ്റി​ക് സൊ​സൈ​റ്റി സ്ഥാ​പി​ച്ചു. ഈ ​സം​ഭ​വ​ങ്ങ​ൾ​ക്കെ​ല്ലാം സാ​ക്ഷി​യാ​യി ബെൽ‌വെദേരെ എ​സ്റ്റേ​റ്റ് ത​ല​യെ​ടു​പ്പോ​ടെ നി​ന്നു. എ​ന്നാ​ൽ, അ​തി​നേ​ക്കാ​ളൊ​ക്കെ കു​പ്രസി​ദ്ധി​യാ​ർ​ജി​ച്ച ഒ​രു വൈ​ര​ത്തി​നു​കൂ​ടി ബെൽ‌വെദേരെ സാ​ക്ഷ്യം വ​ഹി​ച്ചി​ട്ടു​ണ്ട്.

ഹേ​സ്റ്റിം​ഗ്സി​നെ ഗ​വ​ർ​ണ​ർ ജ​ന​റ​ലാ​യി നി​യ​മി​ച്ച​പ്പോ​ൾ ബ്രി​ട്ടീ​ഷ് സ​ർ​ക്കാ​ർ റെ​ഗു​ലേ​റ്റിം​ഗ് ആ​ക്ട് പാ​സാ​ക്കി​യി​രു​ന്നു. ഹേ​സ്റ്റിം​ഗ്സ് ഗ​വ​ർ​ണ​ർ ജ​ന​റ​ൽ ആ​യി​രു​ന്നെ​ങ്കി​ലും നാ​ലം​ഗ സു​പ്രീം കൗ​ണ്‍​സി​ൽ കൂ​ടി ഭ​ര​ണ നി​ർ​വ​ഹ​ണ​ത്തി​ൽ പ​ങ്കാ​ളി​ത്തം വ​ഹി​ച്ചി​രു​ന്നു. മാ​ത്ര​മ​ല്ല, ഗ​വ​ർ​ണ​ർ ജ​ന​റ​ലി​ന് വീ​റ്റോ അ​ധി​കാ​ര​വും ന​ൽ​കി​യി​രു​ന്നി​ല്ല. നാ​ലം​ഗ കൗ​ണ്‍​സി​ലി​ലെ അം​ഗ​മാ​യി​രു​ന്ന ഫി​ലി​പ്പ് ഫ്രാ​ൻ​സി​സും ഹേ​സ്റ്റിം​ഗ്സും ത​മ്മി​ൽ അ​ധി​കാ​ര ക​ല​ഹ​ങ്ങ​ൾ പ​തി​വാ​യി. കൗ​ണ്‍​സി​ല​ർ​മാ​ർ കോ​ൽ​ക്ക​ത്ത​യി​ൽ കാ​ലു​കു​ത്തി​യ അ​ന്നു​ത​ന്നെ വൈ​രം ഉ​ട​ലെ​ടു​ത്തു. 21 ഗ​ണ്‍ സ​ല്യൂ​ട്ടു​ക​ൾ പ്ര​തീ​ക്ഷി​ച്ചെ​ത്തി​യ ഫി​ലി​പ്പ് ഫ്രാ​ൻ​സി​സി​ന് ല​ഭി​ച്ച​ത് പ​ക്ഷേ 17 എ​ണ്ണം മാ​ത്ര​മാ​യി​രു​ന്നു. ഹേ​സ്റ്റിം​ഗ്സ് ആ​ക​ട്ടെ അ​നൗ​ദ്യോ​ഗി​ക വ​സ്ത്ര​ങ്ങ​ൾ ധ​രി​ച്ചാ​ണ് കൗ​ണ്‍​സി​ൽ അം​ഗ​ങ്ങ​ളെ സ്വീ​ക​രി​ക്കാ​ൻ എ​ത്തി​യ​തും. തു​രു​ന്പു​പി​ടി​ച്ച ഒ​രു ഷ​ർ​ട്ട് ധ​രി​ച്ചാ​ണ് അ​യാ​ൾ‌ വ​ന്ന​തെ​ന്നാ​ണ് ഇ​തേ​ക്കു​റി​ച്ച് പി​ന്നീ​ട് ഫി​ലി​പ്പ് ഫ്രാ​ൻ​സി​സ് എ​ഴു​തി​യ​ത്. മാ​ത്ര​മ​ല്ല, ഹേ​സ്റ്റിം​ഗ്സി​ന്‍റെ ഗ​വ​ർ​ണ​ർ ജ​ന​റ​ൽ പ​ദ​വി​യി​ലും ഫി​ലി​പ്പ് ഫ്രാ​ൻ​സി​സി​ന് ക​ണ്ണു​ണ്ടാ​യി​രു​ന്നു. ഇ​രു​വ​രും ത​മ്മി​ലു​ള്ള വൈ​രം നാ​ൾ​ക്കുനാ​ൾ ഏ​റി​വ​ന്നു.

1780 ഓ​ഗ​സ്റ്റ് 14ന് ​ഫ്രാ​ൻ​സി​സി​നെ​തി​രേ ഹേ​സ്റ്റിം​ഗ്സ് പ​ര​സ്യ​മാ​യി ആ​രോ​പ​ണ​ങ്ങ​ൾ ഉ​ന്ന​യി​ക്കു​ക​യും ക​ഴി​വു​കെ​ട്ട​വ​ൻ എ​ന്ന് പ​രി​ഹ​സി​ക്കു​ക​യും ചെ​യ്തു. അ​തോ​ടെ പി​ടി​വി​ട്ട ഫ്രാ​ൻ​സി​സ്, ഹേ​സ്്റ്റിം​ഗ്സി​നെ ഒ​രു പോ​രാ​ട്ട​ത്തി​ന് വെ​ല്ലു​വി​ളി​ച്ചു. അ​ങ്ങ​നെ 1780 ഓ​ഗ​സ്റ്റ് 17ന് ​ഇ​രു​വ​രും ത​മ്മി​ലു​ള്ള പോ​രാ​ട്ടം നി​ശ്ച​യി​ച്ചു. ഈ ​പോ​രാ​ട്ടം ന​ട​ന്ന സ്ഥ​ലം ഇ​ന്നും ഡ്യു​വ​ൽ അ​വ​ന്യൂ എ​ന്നാ​ണ് അ​റി​യ​പ്പെ​ടു​ന്ന​ത്. ഓ​ഗ​സ്റ്റ് 17ന് ​പു​ല​ർ​ച്ചെ വ​രെ ഹേ​സ്റ്റിം​ഗ്സ് ഉ​റ​ങ്ങി​യി​രു​ന്നി​ല്ല. ഏ​റ്റു​മു​ട്ട​ലി​ൽ താ​ൻ കൊ​ല്ല​പ്പെ​ട്ടാ​ൽ ഭാ​ര്യ​ക്ക് ന​ൽ​കാ​നു​ള്ള ഒ​രു ക​ത്തെ​ഴു​തു​ക​യാ​യി​രു​ന്നു അ​യാ​ൾ. പി​ന്നീ​ട് പു​ല​ർ​ച്ചെ നാ​ലു​വ​രെ ഒ​രു ക​സേ​ര​യി​ൽ ചാ​ഞ്ഞി​രു​ന്നു​റ​ങ്ങി. അ​ദ്ദേ​ഹ​ത്തി​ന്‍റെ കീ​ഴു​ദ്യോ​ഗ​സ്ഥ​ൻ കേ​ണ​ൽ തോ​മ​സ് ഡീ​ൻ പി​യേ​ഴ്സ് വ​ന്നു വി​ളി​ച്ചു​ണ​ർ​ത്തും വ​രെ കി​ട​പ്പ് തു​ട​ർ​ന്നു.

രാ​വി​ലെ 5.30നാ​ണ് ഇ​രു​വ​രും ത​മ്മി​ലു​ള്ള പോ​രാ​ട്ടം നി​ശ്ച​യി​ച്ചി​രു​ന്ന​ത്. ര​സ​ക​ര​മാ​യ വ​സ്തു​ത ഫ്രാ​ൻ​സി​സി​നും ഹേ​സ്റ്റിം​ഗ്സി​നും പി​സ്റ്റ​ൾ ഉ​പ​യോ​ഗി​ക്കേ​ണ്ട​ത് എ​ങ്ങ​നെ​യെ​ന്നു​പോ​ലും വ​ശ​മു​ണ്ടാ​യി​രു​ന്നി​ല്ലെ​ന്ന​താ​ണ്. അ​വ​രു​ടെ അ​നു​ച​ര​ൻ​മാ​രാ​യ മി​ലി​ട്ട​റി ഉ​ദ്യോ​ഗ​സ്ഥ​രാ​ണ് തോ​ക്കു​ക​ൾ ത​യാ​റാ​ക്കി ന​ൽ​കി​യ​ത്. ഇ​രു​വ​രും 14 അ​ടി അ​ക​ല​ത്തി​ൽ മു​ഖാ​മു​ഖം നി​ല​യു​റ​പ്പി​ച്ചു. ഒ​രേ സ​മ​യം വെ​ടി​യു​തി​ർ​ന്നു. ഹേ​സ്റ്റിം​ഗ്സി​ന്‍റെ വെ​ടി​യു​ണ്ട മാ​ത്ര​മാ​ണ് ല​ക്ഷ്യം ക​ണ്ട​ത്.

ഫ്രാ​ൻ​സി​സ് വെ​ടി​യേ​റ്റ് നി​ലംപ​തി​ച്ചു. പ​തി​ഞ്ഞ ശ​ബ്ദ​ത്തി​ൽ ഞാ​ൻ മ​രി​ക്കു​ന്നു എ​ന്ന് പ​റ​ഞ്ഞാ​ണ് അ​യാ​ൾ മ​റി​ഞ്ഞുവീ​ണ​ത്. പ​ക്ഷേ, മ​രി​ച്ചി​ല്ല. ത​ന്‍റെ ന​ടു​വ് ത​ക​ർ​ന്നുപോ​കു​ന്ന​തു​പോ​ലെ തോ​ന്നി എ​ന്നാ​ണ് പി​ന്നീ​ട് വെ​ടി​യേ​റ്റ നി​മി​ഷ​ത്തെ​ക്കു​റി​ച്ചു ഫ്രാ​ൻ​സി​സ് പ​റ​ഞ്ഞി​ട്ടു​ള്ള​ത്. പി​ന്നീ​ട് ഡോ​ക്ട​ർ​മാ​രെ​ത്തി അ​യാ​ളു​ടെ ശ​രീ​ര​ത്തി​ൽ നി​ന്ന് വെ​ടി​യു​ണ്ട നീ​ക്കം ചെ​യ്തു. നാ​ലു മാ​സ​ത്തേ​ക്ക് നി​ശ​ബ്ദ​നാ​യി​രു​ന്നു. അ​തി​നുശേ​ഷം ഇം​ഗ്ല​ണ്ടി​ലേ​ക്ക് മ​ട​ങ്ങി​യെ​ങ്കി​ലും അ​യാ​ളു​ടെ വൈ​രം അ​ട​ങ്ങി​യി​രു​ന്നി​ല്ല. ഹേ​സ്റ്റിം​ഗ്സി​നെ ഇം​പീ​ച്ച് ചെ​യ്തു പു​റ​ത്താ​ക്കാ​ൻ മു​ന്നി​ൽ നി​ന്ന​തും ഫി​ലി​പ്പ് ഫ്രാ​ൻ​സി​സ് ത​ന്നെ​യാ​യി​രു​ന്നു.

അ​ങ്ങ​നെ അ​ത്യ​പൂ​ർ​വ​മാ​യ ഒ​രു ച​രി​ത്ര​വി​ശേ​ഷം കൂ​ടി ആ​ലി​പ്പൂ​രി​ലെ ബെൽ‌വെദേരെ എ​സ്റ്റേ​റ്റി​ന് പ​റ​യാ​നു​ണ്ട്. ഇ​റ്റാ​ലി​യ​ൻ ശൈ​ലി​യി​ൽ നി​ർ​മി​ച്ചി​രി​ക്കു​ന്ന ബെൽ‌വെദേരെ മ​ന്ദി​രം അ​തി​വി​ശാ​ല​മാ​ണ്. ഇ​രുവ​ശ​ത്തും നീ​ള​ൻ വ​രാ​ന്ത​ക​ൾ. ഉ​യ​ർ​ന്ന മ​ച്ചു​ക​ളും വി​ശാ​ല​മാ​യ അ​ക​ത്ത​ള​ങ്ങ​ളും ഈ ​മ​ന്ദി​ര​ത്തി​ന് പ്രൗ​ഡി കൂ​ട്ടു​ന്നു. സ​ന്ദ​ർ​ശ​ക​ർ​ക്ക് പ്ര​വേ​ശ​നം സൗ​ജ​ന്യ​മാ​ണ്.

സെ​ബി മാ​ത്യു


Copyright @ 2022 , Rashtra Deepika Ltd.