ഭൂ​മി​യി​ലെ സ്വ​ർ​ഗം വെ​ള്ളി വെ​ളി​ച്ച​ത്തി​ൽ
ദൂ​രെ നി​ന്നു​ള്ള നി​ല​വി​ളി​യോ, ശ​ബ്ദം നി​ല​യ്ക്കാ​റാ​യ ഒ​രു തേ​ങ്ങ​ലോ​ കൂടാ​തെ കാ​ഷ്മീ​രി​നെ ന​മു​ക്ക് ഓ​ർ​ക്കാ​നാ​വി​ല്ല. എ​ങ്കി​ലും മു​ന്പ് പാ​ടി​പ്പ​തി​ഞ്ഞൊ​രു ഗാ​നം ഇ​വി​ടെ ഓ​ർ​മ വ​രു​ന്നു, ​ “ഭൂ​മി​യി​ൽ ഒ​രു സ്വ​ർ​ഗം ഉ​ണ്ടെ​ങ്കി​ൽ അ​തു കാ​ഷ്മീ​രാ​ണ്!’’ ദേ​വ​ദാ​രു​വും പൈ​ൻ​മ​ര​ങ്ങ​ളും നി​റ​ഞ്ഞ കാ​ടു​ക​ളും പൂ​ക്ക​ൾ വി​രിഞ്ഞ താ​ഴ്‌വര​ക​ളും മ​ഞ്ഞു പൊ​ഴി​യു​ന്ന മ​ല​നി​ര​ക​ളു​മാണ് കാ​ഷ്മീ​രിന് ഈ വിശേഷണം നൽകിയത്.

വ​സ​ന്തം വി​ട​രു​ക​യും മ​ഞ്ഞു പൊ​ഴി​യു​ക​യും ചെ​യ്യു​ന്ന വി​സ്മ​യ ഭൂ​മി​യാ​ണ് പ്ര​ണ​യ​ത്തി​ന്‍റെ​യും വി​പ്ല​വ​ത്തി​ന്‍റെ​യും സം​ഗ​മ​സ്ഥ​ല​മാ​യി മാ​റു​ന്ന​ത്. ആ ​വൈ​രു​ദ്ധ്യ​മാ​ണ് കാ​ഷ്മീ​രി​നെ സെ​ല്ലു​ലോ​യ്ഡി​ന്‍റെ ഇ​ഷ്ട ഭൂ​മി​ക​യാ​ക്കി മാ​റ്റി​യ​തും. ര​ക്തം ത​ളം കെ​ട്ടി​യ മ​ണ്ണി​ൽ നി​ന്നും പ്ര​ണ​യ​ത്തി​ന്‍റെ പ​നി​നീ​ർ ചെ​ടി​ക​ൾ വി​രി​യു​ന്ന​താ​ണ് വെ​ള്ളി​വെ​ളി​ച്ചം ഒ​രു​ക്കി​യ തി​ര​യി​ൽ പ​ല​പ്പോ​ഴും ക​ണ്ട​ത്. ബോ​ളി​വു​ഡും മ​ല​യാ​ളം- ത​മി​ഴ്- തെ​ലു​ങ്ക് ഭാ​ഷാ ചി​ത്ര​ങ്ങ​ളും കാ​ഷ്മീ​രി​ന്‍റെ ദൃ​ശ്യ​ഭം​ഗി​യി​ൽ വെ​ള്ളി​ത്തി​ര​ക​ളി​ൽ മാ​ന്ത്രി​ക കാ​ഴ്ച​ക​ൾ ഒ​രു​ക്കി​യി​ട്ടു​ണ്ട്. വൈ​വി​ധ്യ​മാ​ർ​ന്ന ഭൂ​പ്ര​കൃ​തി​യാ​ണ് കാ​ഷ്മീ​രി​നെ ഇ​ന്നും സി​നി​മാ​ക്കാ​രു​ടെ ഇ​ഷ്ട​ലൊ​ക്കേഷ​നാ​ക്കി മാ​റ്റു​ന്ന​തി​ന്‍റെ കാ​ര​ണം. അപ്പോഴും രാ​ഷ്‌ട്രീ​യ​വും സാ​മൂ​ഹി​ക​വും മ​ത​പ​ര​വും ച​രി​ത്ര​പ​ര​വു​മാ​യ വി​ഷ​യ​ങ്ങ​ളെ അ​ടി​സ്ഥാ​ന​പ്പെ​ടു​ത്തി പ്ര​ണ​യ​വും യു​ദ്ധ​വും പ​റ​ഞ്ഞ ക​ഥ​ക​ളാ​ണ് കാ​ഷ്മീ​രി​ന്‍റെ മ​ണ്ണി​ൽ നി​ന്നും നാം ​ക​ണ്ടി​ട്ടു​ള്ള​ത്.

പ​ട്ടാ​ള​ക്ക​ഥ​ക​ളു​ടെ നാ​ട്


ഭാ​ര​ത​ത്തി​ന്‍റെ തെ​ക്കേ അ​റ്റ​ത്തു​ള്ള കേ​ര​ള​ക്ക​ര​യെ സം​ബ​ന്ധി​ച്ച് പ​ട്ടാ​ള​ക്കാ​ർ ദേ​ശ​ത്തി​നു വേ​ണ്ടി വീ​ര​മൃ​ത്യു വ​രി​ക്കു​ന്ന നാ​ടാ​ണ് കാ​ഷ്മീ​ർ. പാ​ക്കി​സ്ഥാ​നും ഇ​ന്ത്യ​ക്കും ഇ​ട​യി​ലാ​യി ചോ​ര​കി​നി​യു​ന്ന ഒ​രു മു​റി​പ്പാ​ടാ​ണ് കാ​ഷ്മീ​ർ. അ​വി​ടെ നി​ന്നും മ​ല​യാ​ളി​ക​ൾ വെ​ള്ളി​ത്തി​ര​യി​ൽ ക​ണ്ടു തു​ട​ങ്ങു​ന്ന​തും പ​ട്ടാ​ള​ക്കാ​രു​ടെ ജീ​വി​ത​ങ്ങ​ളാ​ണ്.

മ​ല​യാ​ള സി​നി​മ​യു​ടെ ച​രി​ത്രം കാ​ഷ്മീ​രി​ലൂ​ടെ സ​ഞ്ച​രി​ച്ചി​ട്ടു​ള്ള​ത് പ​ട്ടാ​ള​ക്കാ​രു​ടെ പോ​രാ​ട്ട​ത്തി​ന്‍റെ​യും അ​തി​ജീ​വ​ന​ത്തി​ന്‍റെ​യും ജീ​വ​ത്യാ​ഗ​ത്തി​ന്‍റെ​യും സം​ഭ​വ​ങ്ങ​ളെ പ​റ​യാ​നാ​യി മാ​ത്ര​മാ​ണ്. ത​മി​ഴി​ലും ഹി​ന്ദി​യി​ലും സ്ഥി​തി മ​റി​ച്ച​ല്ല. എ​ങ്കി​ലും ഹി​ന്ദി ചി​ത്ര​ങ്ങ​ൾ മാ​ത്ര​മാ​ണ് ഇ​ട​യ്ക്കെ​ങ്കി​ലും കാ​ഷ്മീ​രി​ന്‍റെ വ​ർ​ണ​ശ​ബ​ള​മാ​യ മു​ഖ​ങ്ങ​ളെ വ​ര​ച്ചി​ടാ​റു​ള്ള​ത്.

മ​ല​യാ​ള​ത്തി​നു തു​ഷാ​രം വി​ത​റി

കാ​ഷ്മീ​രി​ന്‍റെ വ്യ​ത്യ​സ്ത​മാ​ർ​ന്ന സൗ​ന്ദ​ര്യം ആ​ദ്യ​മാ​യി മ​ല​യാ​ളി​ക​ൾ കാ​ണു​ന്ന​ത് 1981-ൽ ​ഐ.​വി. ശ​ശി ഒ​രു​ക്കി​യ തു​ഷാ​ര​ത്തി​ലൂ​ടെ​യാ​യി​രു​ന്നു. പ​ട്ടാ​ള​ക്കാ​രു​ടെ ജീ​വി​ത​മാ​യി​രു​ന്നു ആ ​ചി​ത്ര​ത്തി​ന്‍റെ പ​ശ്ചാ​ത്ത​ലം. ര​തീ​ഷ് നാ​യ​ക​നാ​യി എ​ത്തി​യ ചി​ത്ര​ത്തി​ൽ ബാ​ല​ൻ കെ.​നാ​യ​ർ, സീ​മ, റാ​ണി പ​ത്മി​നി, ലാ​ലു അ​ല​ക്സ്, ഹി​ന്ദി ന​ട​ൻ ജാ​ഫ​ർ ഖാ​ൻ തു​ട​ങ്ങി​യ വ​ലി​യ താ​ര​നി​ര എ​ത്തി. പ​ട്ടാ​ള ഉ​ദ്യോ​ഗ​സ്ഥ​രു​ടെ ജീ​വി​ത​വും കാ​ഷ്മീ​രി​ന്‍റെ വി​വി​ധ​ങ്ങ​ളാ​യ ഭൂ​പ്ര​കൃ​തി​യു​മൊ​ക്കെ ചി​ത്ര​ത്തി​ലൂ​ടെ ക​ണ്ടു. “​മ​ഞ്ഞേ വാ... ​മ​ധു​വി​ധു വേ​ള’ എ​ന്ന ഗാ​ന​ത്തി​ൽ പൈ​ൻ മ​ര​ക്കാ​ടു​ക​ളും മ​ല​നി​ര​ക​ളും ത​ടാ​ക​വും ഇ​ടം നേ​ടു​ന്നു​ണ്ട്.

എ​ന്നാ​ൽ കാ​ഷ്മീ​രി​ലെ കേ​ട്ടു പ​രി​ചി​ത​മാ​യ ഭീ​ക​ര മു​ഖ​വും കൊ​ടും ത​ണു​പ്പി​ലെ പ​ട്ടാ​ള​ക്കാ​രു​ടെ ദു​സ​ഹ​മാ​ർ​ന്ന ജീ​വി​ത​വും കാ​ണി​ച്ചു ത​ന്ന​ത് സം​വി​ധാ​യ​ക​ൻ ജോ​ഷി മ​മ്മൂ​ട്ടി​യെ നാ​യ​ക​നാ​ക്കി ഒ​രു​ക്കി​യ നാ​യ​ർ സാ​ബി​ലാ​ണ്. മു​ട്ട​റ്റം മ​ഞ്ഞി​ൽ നീ​ങ്ങി​യാ​ണ് മ​ല​നി​ര​ക​ളി​ലൂ​ടെ​യു​ള്ള ചി​ത്ര​ത്തി​ന്‍റെ ഷൂ​ട്ടിം​ഗ് ജോ​ഷി​യും സം​ഘ​വും ഒ​രു​ക്കി​യ​ത്. മ​ഞ്ഞി​ൽ​ക്കൂ​ടി തെ​ന്നി​യു​ള്ള സ്കേ​റ്റിം​ഗും ട്രെക്കിം​ഗു​മെ​ല്ലാം ചി​ത്ര​ത്തി​ലൂ​ടെ ക​ണ്ടു. കൊ​ടും മ​ഞ്ഞി​ൽ പ​ട്ടാ​ള​ക്കാ​രു​ടെ പ​രി​ശീ​ല​ന​വും തീ​വ്ര​വാ​ദി ആ​ക്ര​മ​ണ​വും നാ​യ​ർ സാ​ബും ബ​റ്റാ​ലി​യ​നും ന​യി​ക്കു​ന്ന പ്ര​തി​കാ​ര​വു​മൊ​ക്കെ​യാ​യി എ​ന്താ​ണ് കാ​ഷ്മീ​ർ എ​ന്നു മ​ല​യാ​ളി​ക​ളെ മ​ന​സി​ലാ​ക്കി​ക്കൊ​ടു​ത്തു ചി​ത്രം.

എ​ങ്കി​ലും കാ​ഷ്മീ​രി​നെ തൊ​ട്ട​റി​ഞ്ഞ ഒ​രു പ​ട്ടാ​ള​ക്കാ​ര​നി​ൽ നി​ന്നും ച​ല​ച്ചി​ത്ര രൂ​പ​ങ്ങ​ൾ പി​റ​വി​യെ​ടു​ത്ത​പ്പോ​ഴാ​ണ് സൈ​ന്യ ജീ​വി​ത​ത്തി​ന്‍റെ മ​റ്റൊ​രു മു​ഖം മ​ല​യാ​ളി​ക​ൾ ക​ണ്ടു തു​ട​ങ്ങു​ന്ന​ത്. ഭീ​ക​രാ​ന്ത​രീ​ക്ഷം ത​ളം​കെ​ട്ടി​യ കാ​ഷ്മീ​രി​ൽ നി​ന്നും കീ​ർ​ത്തി ച​ക്ര, കു​രു​ക്ഷേ​ത്ര, പി​ക്ക​റ്റ് 43 തു​ട​ങ്ങി​യ ചി​ത്ര​ങ്ങ​ളു​മാ​യി മേ​ജ​ർ ര​വി എ​ത്തി. അ​ന്നു​വ​രെ ക​ണ്ട പ​ട്ടാ​ള​ക്ക​ഥ​ക​ളു​ടെ​യും യു​ദ്ധ​സി​നി​മ​ക​ളു​ടെ​യും പൊ​ളി​ച്ചെ​ഴു​ത്ത​ലാ​യി​രു​ന്നു അ​ദ്ദേ​ഹ​ത്തി​ന്‍റെ സി​നി​മ​ക​ൾ. മോ​ഹ​ൻ​ലാ​ലി​നെ മേ​ജ​ർ മ​ഹാ​ദേ​വ​ൻ എ​ന്ന ക​ഥാ​പാ​ത്ര​മാ​യി 2006-ൽ ​അ​വ​ത​രി​പ്പി​ച്ച കീ​ർ​ത്തി​ച​ക്ര മ​ണ്ണി​ൽ ഇ​സ്്‌ലാ​മി​ക് തീ​വ്ര​വാ​ദി​ക​ളും ഇ​ന്ത്യ​ൻ പ​ട്ടാ​ള​വും ത​മ്മി​ലു​ള്ള പോ​രാ​ട്ട​ത്തി​ന്‍റെ ക​ഥ​യാ​ണ് പ​റ​ഞ്ഞ​ത്. ശ്രീ​ന​ഗ​റും ദാ​ൽ​ത​ടാ​ക തീ​ര​വു​മാ​ണ് ചി​ത്ര​ത്തി​ന്‍റെ ഷൂ​ട്ടിം​ഗ് സൈ​റ്റു​ക​ളാ​യി മാ​റി​യ​ത്. കാ​ഷ്മീ​ർ ജനതയുടെ ജീവനു സം​ര​ക്ഷ​ക​രാ​കു​ന്ന പ​ട്ടാ​ള​ക്കാ​രു​ടെ ജീ​വി​ത​വും ഈ ​ചി​ത്ര​ത്തി​ലൂ​ടെ​ മ​ല​യാ​ളി​ക​ൾ കണ്ടു. പി​ന്നീ​ട് 2008-ൽ ​ഈ ചി​ത്ര​ത്തി​ന്‍റെ ത​ന്നെ തു​ട​ർ​ച്ച​യാ​യി എ​ത്തി​യ കു​രു​ക്ഷേ​ത്ര പോ​രാ​ട്ട വീ​ര്യ​ത്തി​ന്‍റെ ക​ഥ​യാ​ണ് പ​റ​ഞ്ഞ​തെ​ങ്കി​ലും അവിടത്തെ ഭൂ​പ്ര​കൃ​തി​യു​ടെ വ​ര​ണ്ട മു​ഖ​മാ​ണ് കാ​ണി​ച്ചു ത​ന്ന​ത്.


അ​ന്താ​രാ​ഷ്‌ട്ര രാ​ജ്യ​ര​ക്ഷാ നി​യ​മ​പ്ര​കാ​രം പാ​ക്കി​സ്ഥാ​നും ഇ​ന്ത്യ​യും അ​തി​ര് വേ​ർ​തി​രി​ച്ചി​രി​ക്കു​ന്ന അ​ദൃ​ശ്യ​മാ​യ ചു​വ​ന്ന രേ​ഖ​യാ​ണ് ലൈ​ൻ ഓ​ഫ് ക​ണ്‍​ട്രോ​ൾ അ​ഥ​വാ എ​ൽ​ഒ​സി. അ​വി​ടെ പി​ക്ക​റ്റ് 43-യി​ൽ സം​ര​ക്ഷ​ക​നാ​യി എ​ത്തു​ന്ന പൃ​ഥ്വി​രാ​ജി​ന്‍റെ ഹ​വി​ൽ​ദാ​ർ ഹ​രീ​ന്ദ്ര​ന്‍റെ ക​ഥ മേ​ജ​ർ ര​വി പ​റ​ഞ്ഞ ചി​ത്ര​മാ​യി​രു​ന്നു പി​ക്ക​റ്റ് 43. കി​ലോ​മീ​റ്റ​റു​ക​ളാ​ൽ ചു​റ്റും മ​ഞ്ഞു മൂ​ടി​ക്കി​ട​ക്കു​ന്ന മ​ല​നി​ര​ക​ളി​ൽ സീ​റോ ഡി​ഗ്രി സെ​ൽ​ഷ്യ​സി​നും താ​ഴെ അ​ന്ത​രീ​ക്ഷം മാ​റു​ന്പോ​ൾ അ​തി​ർ​ത്തി​ക്ക് അ​പ്പു​റ​വും ഇ​പ്പു​റ​വു​മു​ള്ള ഇ​രു രാ​ജ്യ​ത്തേ​യും പ​ട്ടാ​ള​ക്കാ​രു​ടെ ആ​ത്മ​ബ​ന്ധം കാ​ണി​ച്ച സി​നി​മയാ​യി​രു​ന്നു അ​ത്.

ത​മി​ഴ​ക​ത്തി​നു റോ​ജ പ​ക​ർ​ന്ന മു​ഖം

തീ​വ്ര​വാ​ദ​ത്തി​ന്‍റെ​യും പോ​രാ​ട്ട​ങ്ങ​ളു​ടേ​യും മ​ണ്ണാ​യി പ്രേ​ക്ഷ​ക മ​ന​സി​ൽ കാ​ഷ്മീ​രി​നെ മാ​റ്റി​യ​തി​ൽ ക​ടു​ത്ത ദേ​ശീ​യ​വാ​ദ സി​നി​മ​ക​ൾ സൃ​ഷ്ടി​ച്ച പ​ങ്ക് ചെ​റു​ത​ല്ല. അ​ത്ത​ര​ത്തി​ൽ ഇ​ന്ത്യ​ൻ പ്രേ​ക്ഷ​ക​ക​രു​ടെ കാ​ഴ്ചാ​ശീ​ലു​ക​ളി​ൽ ദേ​ശീ​യ ബോ​ധ​ത്തി​ന്‍റെ പു​തി​യ മാ​നം പ​ക​ർ​ന്ന ചി​ത്ര​മാ​യി​രു​ന്നു 1992-ൽ ​മ​ണി​ര​ത്നം സം​വി​ധാ​നം ചെ​യ്തെ​ത്തി​യ റോ​ജ. കാ​ഷ്മീ​രി​ന്‍റെ ന​ല്ല​തും മോ​ശ​വു​മാ​യ എ​ല്ലാ അ​വ​സ്ഥ​ക​ളും ചിത്രം പ്ര​തി​നി​ധാ​നം ചെ​യ്യു​ന്പോഴും കാ​ഷ്മീ​രി​ന്‍റെ അ​ന്ന​ത്തെ ഭീ​ക​ര​സാ​ഹ​ച​ര്യം കാ​ര​ണം ചി​ത്രം ഷൂ​ട്ട് ചെ​യ്ത​ത് മ​ണാ​ലി​യി​ലും ഹി​മാ​ച​ൽ പ്ര​ദേ​ശി​ലെ മ​ല​നി​ര​ക​ളി​ലു​മാ​ണ്. പി​ന്നീ​ടും കാ​ഷ്മീ​രിലേ​ക്ക് ത​മി​ഴ് സി​നി​മ അ​ത്ര​മാ​ത്രം സ​ഞ്ച​രി​ച്ചി​ല്ല എ​ന്ന​താ​ണ് സ​ത്യം. 2016-ൽ ​വി​ക്രം പ്ര​ഭു നാ​യ​ക​നാ​യി എ​ത്തി​യ വാ​ഗ​യി​ലാ​ണ് കാഷ്മീ​രി​നെ അ​വ​സാ​നം കാ​ണു​ന്ന​ത്. ഇ​ന്ത്യാ- പാ​ക്ക് അ​തി​ർ​ത്തി​യാ​യ വാ​ഗ​യി​ൽ സു​ര​ക്ഷാ ഉ​ദ്യോ​ഗ​സ്ഥ​നാ​യി​രു​ന്ന പ​ട്ടാ​ള​ക്കാ​ര​ൻ പാ​ക്കി​സ്ഥാ​ന്‍റെ പി​ടി​യി​ലാ​കു​ന്ന​തും പി​ന്നീ​ടു ര​ക്ഷ​പ്പെ​ടു​ന്ന​തു​മാ​യി​രു​ന്നു ചി​ത്രം പ​റ​ഞ്ഞ​ത്. ചി​ത്ര​ത്തി​ൽ വാ​ഗ അ​തി​ർ​ത്തി മേ​ഖ​ല​ക​ളും മ​റ്റും ചി​ത്രീ​ക​രി​ച്ചി​രി​ക്കു​ന്ന​ത് ജ​മ്മു കാ​ഷ്മീ​രി​ലും പ​ഹ​ൽ​ഗാം പ്ര​ദേ​ശ​ങ്ങ​ളി​ലു​മാ​യി​രു​ന്നു.

ബോ​ളി​വു​ഡ് കാ​ഷ്മീ​രി​ൽ

മ​റ്റു ഭാ​ഷാ ചി​ത്ര​ങ്ങ​ൾ ക​ണ​ക്കി​ലെ​ടു​ക്കു​ന്പോ​ൾ ഹി​ന്ദി ചി​ത്ര​ങ്ങ​ൾ​ക്ക് എ​ന്നും പ്രി​യ​പ്പെ​ട്ട ലൊ​ക്കേ​ഷ​നാ​ണ് കാ​ഷ്മീ​ർ. ഇ​വി​ടെ വി​നോ​ദ സ​ഞ്ചാ​രി​ക​ളെ ഏ​റെ ആ​ക​ർ​ഷി​ക്കു​ന്ന​തും സി​നി​മ​ക​ൾ കൂ​ടു​ത​ൽ ചി​ത്രീ​ക​രി​ച്ച​തു​മാ​യ ഇ​ട​ങ്ങ​ളി​ലൊ​ന്നാ​ണ് ബേ​താ​ബ് വാ​ലി. പ​ഹ​ൽ​ഗാം ടൗ​ണി​ൽ നി​ന്നും 15 കി​ലോ​മീ​റ്റ​ർ അ​ക​ലെ സ്ഥി​തിചെ​യ്യു​ന്ന സ്ഥ​ല​ത്തി​ന് ഈ ​പേ​രു ല​ഭി​ച്ച​തു ത​ന്നെ ബേ​താ​ബ് എ​ന്ന ഹി​ന്ദി ചി​ത്രം ഇ​വി​ടെ ചി​ത്രീ​ക​രി​ച്ച​തി​നാ​ലാ​ണ്. അ​ത്ര​ത്തോ​ളം ആ ​ദേ​ശ​ത്തി​ന്‍റെ സം​സ്കാ​ര​വു​മാ​യി ഹി​ന്ദി സി​നി​മ​യ്ക്കു ബ​ന്ധ​മു​ണ്ട്.

1965-ൽ ​റി​ലീ​സാ​യ ജ​ബ് ജ​ബ് ഭൂ​ൽ കി​ലെ​യി​ലാ​ണ് കാ​ഷ്മീ​രി​ന്‍റെ സൗ​ന്ദ​ര്യം ബി​ഗ് സ്ക്രീ​നി​ലൂ​ടെ പ്രേ​ക്ഷ​ക​ർ ആ​ദ്യ​മാ​യി അ​റി​ഞ്ഞു തു​ട​ങ്ങു​ന്ന​ത്. ദാ​ൽ ത​ടാ​ക​ത്തി​ലൂ​ടെ​യു​ള്ള ശ​ശി ക​പൂ​ർ- ന​ന്ദ ജോ​ഡി​ക​ളു​ടെ പ്ര​ണ​യ സ​ല്ലാ​പം ഇ​ന്നും കാ​ഴ്ച​യെ മ​ദി​പ്പി​ക്കു​ന്ന​താ​ണ്. പി​ന്നീ​ട് കാ​ഷ്മീ​ർ കി ​ക​ലി, ഷ​മ്മി ക​പൂ​റി​ന്‍റെ ജം​ഗ്ലീ, ജാ​ൻ​വ​ർ, യാ​ഷ് ചോ​പ്ര​യു​ടെ സി​ൽ​സി​ല, സ​ന്തോ​ഷ് ശി​വ​ൻ സം​വി​ധാ​നം ചെ​യ്ത ത​ഹാ​ൻ, പ​ട്ടാ​ള​ക്ക​ഥ പ​റ​ഞ്ഞ ചി​ത്ര​ങ്ങ​ളാ​യ ശൗ​ര്യ, ല​ക്ഷ്യാ, ശി​ഖ​ന്ദ​ർ, ലം​ഹാ എ​ന്നി​വ​യും കാ​ഷ്മീ​രി​ന്‍റെ ക​ഥ​ക​ളാ​ണ് പറഞ്ഞത്.

പൂ​ർ​ണ​മാ​യും കാ​ഷ്മീ​രി​ന്‍റെ സ​മ​കാ​ലി​ക സം​ഭ​വ​ങ്ങ​ളെ വ്യ​ക്ത​മാ​യി ചി​ത്രീ​ക​രി​ച്ച ചി​ത്ര​മാ​യി​രു​ന്നു 2014-ൽ ​എ​ത്തി​യ വി​ശാ​ൽ ഭ​ര​ദ്വാ​ജി​ന്‍റെ ഹൈ​ദ​ർ. ഷെ​യ്ക്സ്പി​യ​ർ നാ​ട​ക​ത്തി​ലെ ദു​ര​ന്ത നാ​യ​ക​നാ​യ ഹാം​ല​റ്റി​നെ കാ​ഷ്മീ​രി​ന്‍റെ പ​ശ്ചാ​ത്ത​ല​ത്തി​ൽ പ​റി​ച്ചു ന​ടു​ക​യാ​യി​രു​ന്നു സം​വി​ധാ​യ​ക​ൻ. ഹാം​ല​റ്റ് അ​നു​ഭ​വി​ച്ച മാ​ന​സി​ക സ​മ്മ​ർ​ദ​ങ്ങ​ളു​ടെ വ്യ​ക്തി വൈ​കാ​രി​ക പ​ശ്ചാ​ത്ത​ല​ങ്ങ​ൾ​ക്കൊ​പ്പം കാ​ഷ്മീ​രി​ന്‍റെ രാ​ഷ്‌ട്രീ​യ​വും ഭ​ര​ണ​ഘ​ട​നാ​പ​ര​വു​മു​ണ്ടാ​യി​രു​ന്ന സ്ഥി​തി​ഗ​തി​ക​ളും ഷാ​ഹി​ദ് ക​പൂ​ർ അ​വ​ത​രി​പ്പി​ച്ച ഹൈ​ദ​റി​ലേ​ക്ക് കൊ​ണ്ടു വ​ന്നി​ട്ടു​ണ്ട്. കാ​ഷ്മീ​രി​ൽ പ​തി​റ്റാ​ണ്ടു​ക​ളാ​യി നി​ല​നി​ന്നു പോ​രു​ന്ന മ​നു​ഷ്യാ​വ​കാ​ശ ലം​ഘ​ന​ങ്ങ​ളി​ലേ​ക്ക്, അ​രി​കു​വ​ത്ക​ര​ണ​ത്തി​ലേ​ക്ക്, ഇ​ന്നും ഒ​ഴു​കു​ന്ന ര​ക്ത ധാ​ര​ക​ളി​ലേ​ക്ക് ചി​ത്രം ന​മ്മ​ളെ കൊ​ണ്ടെ​ത്തി​ക്കു​ന്നു. തോ​രാ​ത്ത ക​ണ്ണീ​രി​നു​ത്ത​ര​വാ​ദി​ക​ൾ ഭ​ര​ണ​കൂ​ട​വും വ്യ​വ​സ്ഥി​തി​യും ഇ​നി​യും പൊ​ളി​ച്ചെ​ഴു​ത​പ്പെ​ടാ​ത്ത നി​യ​മ​ങ്ങ​ളു​മാ​ണെ​ന്ന് ചി​ത്രം അ​ടി​വ​ര​യി​ടു​ന്നു​മു​ണ്ട്.

യ​ഷ് ചോ​പ്ര അ​വ​സാ​ന​മാ​യി സം​വി​ധാ​നം ചെ​യ്ത ജ​ബ് ത​ക് ഹെ ​ജാ​നി​ൽ കാ​ഷ്മീ​രി​ൽ ബോം​ബ് സ്ക്വാ​ഡ് ഉ​ദ്യോ​ഗ​സ്ഥ​നാ​യി എ​ത്തു​ന്ന ക​ഥാ​പാ​ത്ര​മാ​​ണ് ഷാ​രു​ഖ് ഖാ​ൻ. ശ്രീ​ഗ​ന​ർ, ല​ഡാ​ക്ക്, പ​ഹ​ൽ​ഗാം, ഗു​ൽ​മേ​ർ​ഗ് തു​ട​ങ്ങി​യി​ട​ങ്ങ​ളി​ലാ​യി​രു​ന്നു ചി​ത്രീ​ക​ര​ണം ന​ട​ന്ന​ത്. പ്രി​യ​ങ്ക ചോ​പ്ര- ഇ​ർ​ഫാ​ൻ ഖാ​ൻ ജോ​ഡി​ക​ളാ​യി എ​ത്തി​യ സാ​ത് ഖൂ​ൻ മാ​ഫ്, ഹൃ​ത്വി​ക് റോ​ഷ​ന്‍റെ മി​ഷ​ൻ കാ​ഷ്മീ​ർ എ​ന്നീ ചി​ത്ര​ങ്ങ​ളൊ​ക്കെ കാ​ഷ്മീ​രി​ൽ ദൃ​ശ്യ​വ​ത്​ക​രി​ച്ച​വ​യാ​ണ്. ആ​ലി​യ ഭ​ട്ടി​ന്‍റെ ക​രി​യ​റി​ലെ ആ​ദ്യ ചി​ത്രം സ്റ്റു​ഡ​ന്‍റ് ഓ​ഫ് ദി ​ഇ​യ​റും ഹൈ​വേ​യും പോ​യ വ​ർ​ഷം പു​റ​ത്തി​റ​ങ്ങി​യ റാ​സി​യും കാ​ഷ്മീ​രി​ലൂ​ടെ​യാ​ണ് സ​ഞ്ച​രി​ക്കു​ന്ന​ത്. ര​ണ്‍​വീ​ർ സം​ഗി​നെ താ​ര​മാ​ക്കി​യ റോ​ക്ക്സ്റ്റാ​റി​ലും ക​ഥാ​പ​ശ്ചാ​ത്ത​ലം കാ​ഷ്മീ​രാ​യി​രു​ന്നു.

അ​മി​താ​ഭ് ബ​ച്ച​ൻ അ​ഭി​ന​യി​ച്ച് ഇ​ന്നും നി​ത്യ​ഹ​രി​ത ഗാ​ന​മാ​യ “ക​ഭി ക​ഭി മേ​രെ ദി​ൽ മേം’ ​ചി​ത്രീ​ക​രി​ച്ചി​രി​ക്കു​ന്ന​തും കാ​ഷ്മീ​രി​ന്‍റെ മ​ഞ്ഞ് വീ​ഴു​ന്ന പൈ​ൻ മ​ര​ങ്ങ​ൾ​ക്കി​ട​യി​ലാ​ണ്. ഋ​ഷി ക​പൂ​റി​നെ താ​ര​മാ​ക്കി​യ ഹീ​ന, സ​ഞ്ജീ​വ് കു​മാ​റി​ന്‍റെ ആ​ന്ദി എ​ന്നീ ചി​ത്ര​ങ്ങ​ളു​ടെ ഗാ​ന​ങ്ങ​ളി​ലും ഈ ​മ​നോ​ഹ​ര ഭൂ​മി കാ​ണാ​നാ​കും. ക​ത്രീ​ന കൈ​ഫ്- ആ​ദി​ത്യാ റോ​യി ക​പൂ​റി​ന്‍റെ ഫി​റ്റൂ​റും സി​ദ്ധാ​ർ​ത്ഥ് മ​ൽ​ഹോ​ത്ര​യു​ടെ അ​യ്യാ​രി​ക്കും പ​ശ്ചാ​ത്ത​ലം ഇ​വി​ട​മാ​യി​രു​ന്നു.


സ​മു​ദ്ര​നി​ര​പ്പി​ൽ നി​ന്നും 10000 അ​ടി ഉ​യ​ര​ത്തി​ൽ സോ​ൻ​മാ​ർ​ഗി​നു അ​ടു​ത്ത് താ​ജി​വാ​സ് ഗ്ലാ​സി​യ​ർ മ​ല​യ​ടി​വാ​ര​ത്തി​ൽ 7000-ത്തോ​ളം ജ​ന​ങ്ങ​ളെ അ​ണി​നി​ര​ത്തി ഇ​ന്ത്യാ-​പാ​ക്ക് അ​തി​ർ​ത്തി പു​നഃ​സൃ​ഷ്ടി​ച്ച ചി​ത്ര​മാ​യി​രു​ന്നു സ​ൽ​മാ​ൻ ഖാ​ന്‍റെ ബജ് രംഗി ഭാ​യി​ജാ​ൻ. പാ​ക്കി​സ്ഥാ​നി​ൽ നി​ന്നു​ള്ള ഉൗ​മ​യാ​യ പെ​ണ്‍​കു​ട്ടി ഇ​ന്ത്യ​യി​ൽ അ​ക​പ്പെ​ട്ടു പോ​കു​ന്ന​തും സ​ൽ​മാ​ൻ ഖാ​ൻ അ​വ​ത​രി​പ്പി​ച്ച ബാ​യി​ജാ​ൻ അ​വ​ളെ തി​രി​കെ പാ​ക്കി​സ്ഥാ​നി​ലെ വീ​ട്ടി​ലെ​ത്തി​ക്കാ​ൻ ശ്ര​മി​ക്കു​ന്ന​തു​മാ​ണ് ചി​ത്ര​ത്തി​ന്‍റെ പ്ര​മേ​യം. ചി​ത്ര​ത്തി​ൽ ര​ണ്ടാം പ​കു​തി​യി​ൽ ക​ഥ ന​ട​ക്കു​ന്ന​ത് മു​ഴു​വ​ൻ പാ​ക്കി​സ്ഥാ​നി​ലാ​ണ്. എ​ന്നാ​ൽ പാ​ക്കി​സ്ഥാ​നാ​യി ചി​ത്ര​ത്തി​ൽ കാ​ണി​ച്ചി​രി​ക്കു​ന്ന​ത് കാ​ഷ്മീ​രും പ​രി​സ​ര​ങ്ങ​ളു​മാ​ണ്. ഭൂ​മി​ശാ​സ്ത്ര​പ​ര​മാ​യു​ള്ള സ​മാ​ന​ത പാ​ക്കി​സ്ഥാ​നാ​യി ചി​ത്രീ​ക​രി​ക്കാ​ൻ കാ​ഷ്മീ​രി​നു സ​ഹാ​യ​ക​മാ​യി. യെ ​ജ​വാ​നി യെ ​ദി​വാ​നി എന്ന ചി​ത്ര​ത്തി​ൽ കാ​ഷ്മീ​ർ ചി​ത്രീ​ക​രി​ച്ച് മ​ണാ​ലി മ​ല​നി​ര​ക​ളാ​യി അ​വ​ത​രി​പ്പി​ച്ച​തി​ൽ അ​ന്ന​ത്തെ ജ​മ്മു കാ​ഷ്മീ​രി​ന്‍റെ മു​ഖ്യ​മ​ന്ത്രി ഒ​മ​ർ അ​ബ്ദു​ള്ള അ​തൃ​പ്തി പ്ര​ക​ടി​പ്പി​ച്ച​തു വാ​ർ​ത്ത​യാ​യി​രു​ന്നു.

ഇ​തി​നു പു​റ​മെ ടോം ക്രൂസിന്‍റെ ഹോ​ളി​വു​ഡ് സി​നി​മ​യാ​യ മി​ഷ​ൻ ഇ​ന്പോ​സി​ബി​ൾ ഫാ​ൾ​ഒൗ​ട്ടി​ന്‍റെ ക്ലൈ​മാ​ക്സ് ചി​ത്രീ​ക​ര​ണ​ത്തി​നാ​യി കാ​ഷ്മീ​ർ ആ​വ​ശ്യ​പ്പെ​ട്ടെ​ങ്കി​ലും സു​ര​ക്ഷ പ്ര​മാ​ണി​ച്ച് ഇ​ന്ത്യ അ​നു​മ​തി ന​ൽ​കി​യി​രു​ന്നി​ല്ല.

സിനിമാക്കാരുടെ പ്രിയ സങ്കേതങ്ങൾ

മു​ഗ​ൾ ഭ​ര​ണാ​ധി​കാ​രി ജ​ഹാം​ഗി​ർ പ​ത്നി നൂ​ർ​ജ​ഹാ​നു വേ​ണ്ടി നി​ർ​മി​ച്ച ഷാ​ലി​മാ​ർ ഉ​ദ്യാ​ന​ത്തി​ൽ നി​ര​വ​ധി ബോ​ളി​വു​ഡ് സി​നി​മ​ക​ളു​ടെ ഗാ​ന​രം​ഗ​ങ്ങ​ളാ​ണ് ചി​ത്രീ​ക​രി​ച്ചി​ട്ടു​ള്ള​ത്. സ​മു​ദ്ര​നി​ര​പ്പി​ൽ നി​ന്നും 2730 മീ​റ്റ​ർ ഉ​യ​ര​ത്തി​ലു​ള്ള ഗു​ൽ​മാ​ർ​ഗാ​ണ് സി​നി​മാ​ക്കാ​രു​ടെ പ്രി​യ​പ്പെ​ട്ട മ​റ്റൊ​രു ലൊ​ക്കേ​ഷ​ൻ. അ​ൽ​പ​ത​ർ ലേ​ക്ക്, അ​ക്കാ​ബാ​ൽ, ഒൗ​ട്ട​ർ സ​ർ​ക്കി​ൾ വാ​ക്ക് എ​ന്നി​വ​യാ​ണ് ഗു​ൽ​മാ​ർ​ഗി​ലെ പ്ര​ധാ​ന സ്ഥലങ്ങൾ.

കാഷ്മീ​രി​നെ​ക്കു​റി​ച്ച് ഓ​ർ​ക്കു​ന്പോ​ൾ വെ​ള്ളി​ത്തി​ര​യി​ൽ മ​ഞ്ഞു വീ​ഴു​ന്ന കാ​ഴ്ച​യാ​ണ് മ​ന​സി​ലെ​ത്തു​ന്ന​തെ​ങ്കി​ലും ദാ​ൽ ത​ടാ​ക​ത്തി​നെ ഒ​രി​ക്ക​ലും ഒ​ഴി​ച്ചു കൂ​ടാ​നാ​വാ​ത്ത​താ​ണ്. പ​തി​റ്റാ​ണ്ടു​ക​ളാ​യി ബോ​ളി​വു​ഡ് സി​നി​മാ കാ​ഴ്ച​ക​ളി​ൽ കാ​ഷ്മീ​രി​ലെ ഈ ​ന​ദീത​ടം ഏ​റെ സ​ജീ​വ​മാ​ണ്. ല​ഹ്വാ​ൻ ന​ദി​യു​ടെ തീ​ര​ത്ത് പൈ​ൻ, ഫി​ർ മ​ര​ങ്ങ​ളാ​ൽ ഇ​ട​തൂ​ർ​ന്ന ലോ​ല​ബ് താ​ഴ്‌വര, യേ​ശു​വി​ന്‍റെ പു​ൽ​മേ​ട് എ​ന്നു പ്രാ​ദേ​ശി​ക​മാ​യി അ​റി​യ​പ്പെ​ടു​ന്ന ദൂ​ത്ഗം​ഗ ന​ദി​യു​ടെ തീ​ര​ത്ത് ശാ​ന്ത​മാ​യി സ്ഥി​തിചെ​യ്യു​ന്ന യൂ​സ്മാ​ർ​ഗ്, കി​ഷ​ൻ ന​ദി​യു​ടെ തീ​ര​മാ​യ ഗു​രേ​സ് വാ​ലി, സു​ന്ദ​ര ഗ്രാ​മ പ്ര​ദേ​ശ​മാ​യ അ​രു, ശ്രീ​ന​ഗ​റി​ൽ നി​ന്നും 40 കി.​മീ. അ​ക​ലെ​യു​ള്ള ബൗ​ൾ ആ​കൃ​തി​യി​ലു​ള്ള പു​ൽ​ത്ത​കി​ടി ദൂ​ത്പ​ത്രി, ബ്രി​ൻ​ഗി ന​ദി​യു​ടെ തീ​ര​വും കൊ​ടും​കാ​ടാ​ൽ ചു​റ്റ​പ്പെ​ട്ട ഡ​ക്ക്സം എ​ന്നീ പ്ര​ദേ​ശ​ങ്ങ​ളൊ​ക്കെ ഇ​ന്നു സി​നി​മാ പ്ര​വ​ർ​ത്ത​ക​രു​ടെ ഇ​ഷ്ട ഭൂ​പ്ര​കൃ​തി​യാ​യി മാ​റി​യി​രി​ക്കു​ന്നു.

ഇ​തി​നു പു​റ​മെ ഇ​ന്നും വി​നോ​ദസ​ഞ്ചാ​രി​ക​ൾ തേ​ടി​പ്പി​ടി​ച്ചെ​ത്തു​ന്ന പ​ച്ച​പ്പു​നി​റ​ഞ്ഞ കു​ന്ന​ക​ളാ​ൽ നി​റ​ഞ്ഞ ച​ട്പാ​ൽ, ബി​ൻ​ഗി ന​ദി​യു​ടെ തീ​ര​വും സ​മു​ദ്ര​നി​ര​പ്പി​ൽ നി​ന്നും 8000 അ​ടി ഉ​യ​ര​ത്തി​ലു​ള്ള മ​നോ​ഹ​ര താ​ഴ്‌വര​യു​മാ​യ ദ​ക്സം, കാ​ഷ്മീ​രി​നും ല​ഡാ​ക്കി​നും മ​ധ്യേ 7000 അ​ടി ഉ​യ​ര​ത്തി​ലു​ള്ള വ​ർ​വാ​ൻ താ​ഴ് വര തു​ട​ങ്ങി​യ പ്ര​ദേ​ശ​ങ്ങ​ളൊ​ക്കെ ഇ​ന്നു വി​വി​ധ സി​നി​മ​ക​ളു​ടെ കാ​ഴ്ചാ​നു​ഭ​വ​ത്തി​ൽ വ​സ​ന്തം വി​രി​ക്കു​ന്ന ഭൂ​ത​ല​ങ്ങ​ളാ​ണ്.

ലിജിൻ കെ. ഈപ്പൻ


Copyright @ 2022 , Rashtra Deepika Ltd.