കാണണം ഗഡീ..തൃശൂർ പൂരം
പൂ​മ​ര​ങ്ങ​ൾ പൂ​ത്തു​ല​ഞ്ഞ് പൂ​രം എ​ത്തി​യെ​ന്ന ക്ഷ​ണ​ക്ക​ത്ത് ന​ൽ​കു​ന്ന ന​ഗ​ര​മാ​ണി​ത്. ഈ ​ക്ഷ​ണ​ക്ക​ത്തു കി​ട്ടി​യാ​ൽ പി​ന്നെ ഈ ​ന​ഗ​ര​ത്തി​ലേ​ക്കെ​ത്താ​തി​രി​ക്കാ​നാ​വി​ല്ല. ലോ​ക​ത്തി​ന്‍റെ ഏ​തു കോ​ണി​ലാ​യാ​ലും എ​ല്ലാ തി​ര​ക്കും മാ​റ്റി​വച്ച് ഇ​വി​ടേ​ക്കെ​ത്താ​നാ​യി മ​ന​സു വെ​ന്പും. അ​താ​ണ് തൃ​ശൂ​ർ...​ അ​താ​ണ് തൃ​ശൂ​ർ പൂ​രം.

പൂ​ര​മെ​ന്ന ല​ഹ​രി ന​ഗ​ര​ത്തി​ന്‍റെ സി​ര​ക​ളി​ലേ​ക്ക് ആ​വാ​ഹി​ക്കു​ന്ന തൃ​ശൂ​ർ ന​ഗ​ര​ത്തി​ലെ​ത്തു​ന്പോ​ൾ പൂ​ര​ത്തി​ന് കൊ​ടി​യേ​റി​ക്ക​ഴി​ഞ്ഞി​രു​ന്നു. സ്വ​രാ​ജ് റൗ​ണ്ടി​ലേ​ക്ക് ക​യ​റു​ന്പോ​ൾ, ന​ഗ​രം ചു​റ്റു​ന്പോ​ൾ ക​ണ്ടു നാ​യ്ക്ക​നാ​ലി​ലും ന​ടു​വി​ലാ​ലി​ലും മ​ണി​ക​ണ്ഠ​നാ​ലി​ലും ആ​ലു​ക​ൾ​ക്ക് മീ​തെ പാ​റി​പ്പ​റ​ക്കു​ന്ന കൊ​ടി​ക്കൂ​റ​ക​ൾ. പൂ​രം വ​ന്നേ എ​ന്ന് ആ​കാ​ശ​ത്തോ​ടും കാ​റ്റി​നോ​ടും കൈ​വീ​ശി വി​ളി​ച്ചു​പ​റ​യു​ന്ന കൊ​ടി​ക്കൂ​റ​ക​ൾ.

വ​രു​ന്ന 25ന് ​തൃ​ശൂ​ർ പൂ​ര​മാ​ണ്...​വ​ര​ണം എ​ന്നു​ള്ള വാ​ട്സാ​പ്പ് മെ​സേ​ജ് കി​ട്ടി​യ​പ്പോ​ൾ തി​രി​ച്ച​യ​ച്ച മ​റു​പ​ടി എ​നി​ക്ക് വ​രാ​തി​രി​ക്കാ​നാ​വി​ല്ല​ല്ലോ എ​ന്നാ​യി​രു​ന്നു. ഈ ​ന​ഗ​ര​ത്തി​ൽ പൂ​രം കി​ട​ന്നു തി​ള​യ്ക്കു​ന്പോ​ൾ എ​ങ്ങനെ മ​റു​നാ​ട്ടി​ൽ അ​ല​ഞ്ഞു തി​രി​യും. പൂ​ര​ത്തെ ഒ​രി​ക്ക​ൽ അ​റി​ഞ്ഞി​ട്ടു​ള്ള ഏ​തൊ​രാ​ളു​ടേ​യും മ​ന​സ് പൂ​രം ദി​വ​സം ഈ ​ന​ഗ​ര​ത്തി​ലാ​യി​രി​ക്കും. എ​ത്താ​ൻ ക​ഴി​യാ​തെ​പോ​കു​ന്പോ​ൾ പൂ​രം കൊള്ളാ​ൻ ക​ഴി​യാ​ത്ത​തി​ൽ വി​ഷ​മി​ച്ച് അ​വ​ർ ഓ​ർ​മ​ക​ളി​ൽ പൂ​രം കൊ​ള്ളും.

എത്രചുറ്റിയാലും തീരാത്ത നഗരം

പൂ​ര​ക്കാ​ഴ്ച​ക​ൾ നി​റ​ഞ്ഞു കി​ട​ക്കു​ക​യാ​ണ് തൃ​ശൂ​ർ ന​ഗ​ര​ത്തി​ൽ. കൊ​ടി​യേ​റി​ക്ക​ഴി​ഞ്ഞാ​ൽ പി​ന്നെ തൃ​ശൂ​ർ​ക്കാ​ർ​ക്ക് പ​റ​യാ​നും കേ​ൾ​ക്കാ​നും അ​റി​യാ​നും അ​റി​യി​ക്കാ​നും പൂ​ര​വി​ശേ​ഷ​ങ്ങ​ൾ മാ​ത്ര​മേ​യു​ള്ളു. എ​ത്ര പ​റ​ഞ്ഞാ​ലും കേ​ട്ടാ​ലും മ​തി​വ​രാ​തെ പി​ന്നെ​യും പി​ന്നെ​യും അ​വ​ര​ത് പ​റ​ഞ്ഞു​കൊ​ണ്ടേ​യി​രി​ക്കും.

ഈ ​ന​ഗ​രം എ​ത്ര ചു​റ്റി ന​ട​ന്നാ​ലും അ​വ​സാ​നി​ക്കാ​ത്ത ന​ഗ​ര​മാ​ണ്. അ​ത് ഈ ​ന​ഗ​ര​ത്തി​ന്‍റെ മാ​ത്രം പ്ര​ത്യേ​ക​ത​യാ​ണ്. വ​ട്ട​ത്തി​ൽ ഒ​രു ന​ഗ​രം. സ്വ​രാ​ജ് റൗ​ണ്ടെ​ന്ന പേ​ര്. പ​ച്ച​പ്പു​ള്ള തേ​ക്കി​ൻ​കാ​ട് മൈ​താ​നം ന​ഗ​ര​ത്തി​ന​ക​ത്ത് എ​ത്ര​യോ പേ​ർ​ക്ക് താ​ങ്ങാ​യും ത​ണ​ലാ​യും കി​ട​പ്പാ​ട​മാ​യു​മൊ​ക്കെ അ​ങ്ങനെ വ​ട്ട​ത്തി​ൽ കി​ട​ക്കു​ന്നു. തെ​ക്കേ​ഗോ​പു​ര​ന​ട​യി​ലി​രു​ന്നാ​ൽ വ​ട​ക്കു​ന്നാ​ഥ​ക്ഷേ​ത്ര​ത്തി​ൽ മ​ണി​ക​ൾ മു​ഴ​ങ്ങു​ന്ന​തും ഒ​രു വി​ളി​പ്പാ​ട​ക​ലെ​യു​ള്ള പു​ത്ത​ൻ​പ​ള്ളി​യി​ലെ മ​ണി​ക​ൾ മു​ഴ​ങ്ങു​ന്ന​തും ഒ​രു​പോ​ലെ കേ​ൾ​ക്കാം. വ​ട​ക്കു​ന്നാ​ഥ ക്ഷേ​ത്ര​ഗോ​പു​ര​ങ്ങ​ളും പു​ത്ത​ൻ​പ​ള്ളി​യി​ലെ ബൈ​ബി​ൾ ട​വ​റും അ​തി​നു മു​ക​ളി​ലെ കു​രി​ശും ഈ ​ന​ഗ​ര​ത്തെ അ​നു​ഗ്ര​ഹി​ക്കും പോ​ലെ ന​ഗ​ര​ത്തി​നു മേ​ൽ ഉ​യ​ർ​ന്നു നി​ൽ​ക്കു​ന്നു. അ​നു​ഗ്ര​ഹ​ങ്ങ​ള​ങ്ങ​നെ പൂ​ര​മാ​യും പെ​രു​ന്നാ​ളാ​യും ഏ​റ്റു​വാ​ങ്ങി​യ പു​ണ്യ​ന​ഗ​ര​മാ​ണി​ത്.

തേ​ക്കി​ൻ​കാ​ടി​ന​ക​ത്ത് തെ​രു​വു​സ​ർ​ക്ക​സു​കാ​രു​ടെ ചെ​ണ്ട​കൊ​ട്ട് ത​ക​ർ​ക്കു​ന്നു. ഇ​ല​ഞ്ഞി​ത്ത​റ മേ​ളം കേ​ൾ​ക്കു​ന്ന അ​തേ ആ​വേ​ശ​ത്തോ​ടെ സ​ർ​ക്ക​സു​കാ​ര​ന്‍റെ കൊ​ട്ടും ആ​സ്വ​ദി​ക്കു​ന്ന തൃ​ശൂ​ർ​ക്കാ​ര​ൻ.

ഓ​രോ പൂ​ര​ക്കാ​ല​ത്തും ഇ​വി​ടെ​യെ​ത്തു​ന്പോ​ൾ ഈ ​ന​ഗ​ര​ത്തി​നൊ​രു മാ​റ്റ​വു​മി​ല്ല​ല്ലോ എ​ന്ന് തോ​ന്നാ​റു​ണ്ട്. മാ​റി​യ തൃ​ശൂ​ർ ന​ഗ​ര​ത്തി​ന് മാ​റ്റ​ങ്ങ​ളൊ​ന്നു​മി​ല്ലെ​ന്ന് തോ​ന്നി​ക്കു​ന്ന​ത് തൃ​ശൂ​ർ പൂ​ര​മാ​ണ്. അ​തെ​ന്തു മാ​ജി​ക്കാ​ണെ​ന്ന് ഇ​നി​യും പി​ടി​കി​ട്ടി​യി​ട്ടി​ല്ല. തേ​ക്കി​ൻ​കാ​ട്ടി​ൽ പ​തി​വു​ള്ള ചീ​ട്ടു​ക​ളി സം​ഘ​ങ്ങ​ളി​ല്ല. അ​വ​ർ അ​വ​രു​ടെ ത​ട്ട​കം പൂ​ര​ത്തി​നാ​യി ഒ​ഴി​ഞ്ഞുകൊ​ടു​ത്തി​രി​ക്കു​ന്നു.

സാന്പിള് പൊരിക്കൂട്ടോ

സ​ർ..​ഒ​രു ടി​ക്ക​റ്റേ ബാ​ക്കി​യു​ള്ളു..​ഭാ​ഗ്യ​മു​ണ്ടാ​കും സ​ർ..​എ​ടു​ക്ക​ണം സ​ർ..​ഇ​തു​കൂ​ടി ക​ഴി​ഞ്ഞാ​ൽ എ​നി​ക്ക് പൂ​രം​കാ​ണാ​ൻ പോ​കാ​യി​രു​ന്നു​വെ​ന്ന് ലോ​ട്ട​റി​ടി​ക്ക​റ്റ് വി​ൽ​പ​ന​ക്കാ​ര​ൻ പ​റ​ഞ്ഞ​പ്പോ​ൾ അ​തെ​ടു​ത്തു. പൈ​സ കൊ​ടു​ക്കു​ന്പോ​ൾ മ​ന​സി​ൽ പ​റ​ഞ്ഞു - ഈ ​ഭാ​ഗ്യ​ത്തേ​ക്കാ​ളേ​റെ ഭാ​ഗ്യ​മ​ല്ലേ ഈ ​പൂ​ര​ന​ഗ​രി​യി​ൽ പൂ​ര​ത്തി​ന് എ​ത്താ​ൻ സാ​ധി​ച്ച​ത്. പൂ​ര​ത്തി​ര​ക്കി​ലേ​ക്ക് ന​ട​ന്ന​ലി​യു​ക​യാ​യി​രു​ന്നു അ​പ്പോ​ൾ ആ ​ലോ​ട്ട​റി വി​ൽ​പ​ന​ക്കാ​ര​ൻ. പ​ണി​ക​ൾ വേ​ഗം തീ​ർ​ത്ത് ക​ച്ച​വ​ട​ങ്ങ​ൾ വേ​ഗം അ​വ​സാ​നി​പ്പി​ച്ച് ഓ​രോ തൃ​ശൂ​ർ​ക്കാ​ര​നും പൂ​ര​ത്തി​ര​ക്കി​ലേ​ക്ക് ചേ​ർ​ന്ന​ലി​യാ​നു​ള്ള വെ​പ്രാ​ള​ത്തി​ലാ​ണ്. ബ​ലൂ​ണ്‍​വി​ൽ​പ​നയ്​ക്കെ​ത്തി​യി​രി​ക്കു​ന്ന​ത് കൂ​ടു​ത​ലും ഇതരസം​സ്ഥാ​ന​ക്കാ​രാ​ണ്. ട്രെ​യി​ൻ ക​യ​റി ഉ​ത്ത​രേ​ന്ത്യ​യി​ൽ ചെ​ന്ന​് അവ​ർ പ​റ​യു​മാ​യി​രി​ക്കും...​ദു​രെ​ദൂ​രെ തൃ​ശൂ​രെ​ന്ന നാ​ട്ടി​ല് ഒ​രു പൂ​ര​മു​ണ്ടെ​ന്ന്...​ക​ണ്ടാ​ൽ മ​തി​യാ​കാ​ത്ത പൂ​ര​ക്കാ​ഴ്ച​ക​ളു​ണ്ടെ​ന്ന്...

സാ​ന്പി​ൾ വെ​ടി​ക്കെ​ട്ടി​ന് ഒ​രു​ങ്ങി​യി​രി​ക്കു​ന്ന ന​ഗ​ര​ത്തി​നു​ള്ളിൽ ചു​റ്റി ന​ട​ക്കു​ന്പോ​ൾ ആ​കാ​ശം പോ​ലും ഒ​രു​ങ്ങി​യി​രി​ക്കു​ന്ന പോ​ലെ തോ​ന്നി. മ​ണ്ണി​ലെ പൂ​ര​ത്തി​നൊ​പ്പം കൂ​ടാ​ൻ വി​ണ്ണി​നും മോ​ഹം. തേ​ക്കി​ൻ​കാ​ട് മൈ​താ​ന​ത്തി​ന​ക​ത്ത് തി​രു​വ​ന്പാ​ടി​ക്കാ​രും പാ​റ​മേ​ക്കാ​വു​കാ​രും തി​ര​ക്കി​ലാ​ണ്. പ​ണ്ട​ത്തെപോ​ലെ അ​ത്ര ശ​ബ്ദ​മി​ല്ലെ​ങ്കി​ലും സാ​ന്പി​ൾ പൊ​രി​ക്കു​മെ​ന്ന് പ​റ​ഞ്ഞ​ത് പ​ടി​ഞ്ഞാ​റേ കോ​ട്ട​യി​ലെ ആ​ന്‍റ​ണി​യേ​ട്ട​നാ​ണ്. ഇ​തി​ന​പ്പു​റ​ത്തെ സൗ​ണ്ടി​ല് പൊ​ട്ടി​ച്ചി​ട്ട്ണ്ട് പ​ണ്ടൊ​ക്കെ...​എ​ന്ന് ആ​ന്‍റ​ണി​യേ​ട്ട​ൻ ഓ​ർ​മി​പ്പി​ക്കു​ക​യും ചെ​യ്തു. മ്മ്ടെ ​കാ​ട്ടാ​ള​ൻ ജോ​സൊ​ക്കെ പൊ​ട്ടി​ച്ച പൊ​ട്ടി​ക്ക​ല് എ​ന്താ​രു​ന്നു!! അ​താ​യി​രു​ന്നു വെ​ടി​ക്കെ​ട്ട്.. വെ​ടി​ക്കെ​ട്ടി​ന്‍റെ ശ​ബ്ദം​കു​റ​ച്ച​തി​ൽ മു​പ്പ​ർ​ക്ക് ഭ​യ​ങ്ക​ര ദേ​ഷ്യ​മു​ണ്ട്. എ​ന്നാ​ലും സം​ഗ​തി ക​സ​റു​മെ​ന്ന് ഓ​രോ തൃ​ശൂ​ർ​ക്കാ​ര​നേ​യും പോ​ലെ, ഓ​രോ വെ​ടി​ക്കെ​ട്ട് ക​ന്പ​ക്കാ​ര​നേ​യും പോ​ലെ ആ​ന്‍റ​ണി​യേ​ട്ട​നും ആ​ഗ്ര​ഹി​ക്കു​ന്നു. തേ​ക്കി​ൻ​കാ​ട് മൈ​താ​ന​ത്ത് കു​ഴി​മി​ന്നി​ക്കും അ​മി​ട്ടു​ക​ൾ​ക്കു​മൊ​ക്കെ​യാ​യി കു​ഴി​ക​ൾ കു​ത്തി​ക്ക​ഴി​ഞ്ഞു. അ​ഗ്നി​പു​ഷ്പ​ങ്ങ​ൾ​ക്ക് വി​ത്തു​പാ​കാ​ൻ നി​ല​മൊ​രു​ക്കു​ന്ന വെ​ടി​ക്കെ​ട്ടു​പ​ണി​ക്കാ​ർ. ക​ഴി​ഞ്ഞ ത​വ​ണ പൂ​ര​ത്തി​നെ​ത്തി​യ​പ്പോ​ൾ ന​ഗ​ര​ത്തി​ലെ ടെ​ക്സ്റ്റൈ​ൽ ഷോ​പ്പി​ലെ സെ​യി​ൽ​സ് ഗേ​ൾ വെ​ടി​ക്കെ​ട്ടി​നെ കു​റി​ച്ച് പേ​ടി​യോ​ടെ സം​സാ​രി​ച്ചു. കൗ​ണ്ട​റി​ൽ പൈ​സ കൊ​ടു​ക്കാ​ൻ നേ​രം കാ​ഷി​ലി​രു​ന്ന ആ​ൾ പ​റ​ഞ്ഞു - അ​വ​ൾ​ക്ക് പേ​ടി​യാ വെ​ടി​ക്കെ​ട്ട്...​അ​വ​ളു​ടെ ഭ​ർ​ത്താ​വ് വെ​ടി​ക്കെ​ട്ട് പ​ണി​ക്കാ​ര​നാ​യി​രു​ന്നു. വെ​ടി​ക്കെ​ട്ട് പു​രയ്​ക്ക് തീ​പി​ടി​ച്ച് മ​രി​ച്ച​വ​രു​ടെ കൂ​ട്ട​ത്തി​ൽ അ​വ​ളു​ടെ ഭ​ർ​ത്താ​വു​ണ്ടാ​യി​രു​ന്നു.

കണ്ടിട്ടുണ്ടോ ഇവിടത്തെ എക്സിബിഷൻ

എ​ക്സി​ബി​ഷ​ന് ന​ല്ല​തി​ര​ക്കാ​ണ്. ഈ ​തൃ​ശൂ​ർ ന​ഗ​ര​ത്തി​ന​ക​ത്തെ ക​ട​ക​ളി​ൽ കി​ട്ടാ​ത്ത​തൊ​ന്നും എ​ക്സി​ബി​ഷ​നി​ൽ ഉ​ണ്ടാ​കി​ല്ല. എ​ന്നാ​ലും തൃ​ശൂ​ർ​ക്കാ​ർ​ക്ക് പൂ​രം എ​ക്സി​ബി​ഷ​ൻ ഒ​രു ആ​ഘോ​ഷ​മാ​ണ്. തൃ​ശൂ​ർ​ക്കാ​ർ മ​റ്റി​ട​ങ്ങ​ളി​ലെ ബ​ന്ധു​ക്ക​ളെ പൂ​രം കാ​ണാ​ൻ മാ​ത്ര​മ​ല്ല പൂ​രം എ​ക്സി​ബി​ഷ​ൻ കാ​ണാ​ൻ കൂ​ടി​യാ​ണ് ക്ഷ​ണി​ക്കു​ക. പി​ന്നൊ​രു പോ​ക്കു​ണ്ട്..​കു​ഞ്ഞു​കു​ട്ടി പ​രാ​ധീ​ന​ത​ക​ളു​മാ​യി എ​ക്സി​ബി​ഷ​ൻ കാ​ണാ​ൻ. ക​ണ്ണി​ൽ ക​ണ്ട​തെ​ല്ലാം വാ​ങ്ങി​ക്കൂ​ട്ടി, മു​ള​കു​ബ​ജി​യും ക​രി​ന്പി​ൻ ജ്യൂ​സും ക​ഴി​ച്ച്, യ​ന്ത്ര ഉൗ​ഞ്ഞാ​ലി​ൽ ക​യ​റി, വെ​ള്ളം നി​റ​ച്ച് വെ​ടി​വെ​ക്കു​ന്ന തോ​ക്കും ക​ളി​പ്പാ​ട്ട​ങ്ങ​ളും വാ​ങ്ങി, പോ​പ് കോ​ണും പ​ഞ്ഞി​മി​ഠാ​യി​യും തി​ന്ന്...​അ​ങ്ങനെ ഒ​രു എ​ക്സി​ബി​ഷ​ൻ യാ​ത്ര..​ലോ​ക​ത്തെ ഒ​രു ഷോ​പ്പിം​ഗ് മാ​ളി​ലും കി​ട്ടാ​ത്ത ല​ഹ​രി​യും സ​ന്തോ​ഷ​വും ആ​വേ​ശ​വു​മു​ണ്ട് തൃ​ശൂ​ർ പൂ​രം എ​ക്സി​ബി​ഷ​ൻ ഷോ​പ്പിം​ഗി​നെ​ന്ന് തോ​ന്നി​യി​ട്ടു​ണ്ട്...​തോ​ന്ന​ല​ല്ല അ​താ​ണ് സ​ത്യം. എ​ണ്ണ​യൊ​ഴി​ച്ച് തി​രി​യി​ട്ട് ക​ത്തി​ച്ചാ​ൽ വെ​ള്ള​ത്തി​ലൂ​ടെ ഓ​ടു​ന്ന റോ​സ് നി​റ​മു​ള്ള ബോ​ട്ട് പ​ണ്ട് അച്ഛ​ൻ മേ​ടി​ച്ചു ത​ന്ന​ത് എ​ക്സി​ബി​ഷ​നി​ൽ നി​ന്നാ​യി​രു​ന്നു. എ​ക്സി​ബി​ഷ​ൻ എ​ന്നു കേ​ൾ​ക്കു​ന്പോ​ൾ ആ​ദ്യം വ​രു​ന്ന ഓ​ർ​മ ആ ​ബോ​ട്ടാ​ണ്.

ഒരേയൊരു ലക്ഷ്മിക്കുട്ടി

ആ​ന​ക​ൾ പ​ല വ​ഴി​യി​ൽ നി​ന്നാ​യി ന​ഗ​ര​ത്തി​ലേ​ക്ക് എ​ത്തി​ക്കൊ​ണ്ടി​രി​ക്കു​ക​യാ​ണ്. കൊ​ന്പ​ൻ​മാ​ർ​ക്കാ​ണ് പൂ​ര​പ്പ​റ​ന്പി​ൽ ഇ​ട​മു​ള്ള​ത്. ശ​ബ​രി​മ​ല​യി​ലേ​ക്ക് സ്ത്രീ​ക​ൾ പോ​കാ​ത്ത​തു പോ​ലെ പൂ​ര​പ്പ​റ​ന്പി​ലേ​ക്ക് പി​ടി​യാ​ന​ക​ൾ വ​രാ​റി​ല്ല. എ​ന്നാ​ൽ പൂ​ര​പ്പ​റ​ന്പി​ൽ നി​റ​യു​ന്ന കൊ​ന്പ​ൻ​മാ​ർ​ക്കി​ട​യി​ൽ തൃ​ശൂ​രി​ലൊ​രു പി​ടി​യാ​ന എ​ത്താ​റു​ണ്ട്. തി​രു​വ​ന്പാ​ടി​യു​ടെ ല​ക്ഷ്മി​ക്കു​ട്ടി​യെ​ന്ന പി​ടി​യാ​ന. തേ​ക്കി​ൻ​കാ​ട് മൈ​താ​നി​യി​ൽ ആ​ന​ക​ളെ ഡോ​ക്ട​ർ​മാ​ർ പ​രി​ശോ​ധി​ക്കു​ന്പോ​ൾ അ​വ​ളെ​യും പ​റ​ന്പി​ൽ കെ​ട്ടി​യി​രി​ക്കും.

ഓ​രോ ആ​ന​യേ​യും പേ​രു പ​റ​ഞ്ഞു​വി​ളി​ക്കു​ന്ന ആ​ന​പ്രാ​ന്ത​നാ​യ സു​ഹൃ​ത്തു​ണ്ട്. സ്കൂ​ളി​ൽ പ​ഠി​ക്കു​ന്പോ​ൾ കാ​ണാ​പാ​ഠം പ​ഠി​ക്കാ​ൻ മ​ടി​യാ​യി​രു​ന്ന ആ ​കൂ​ട്ടു​കാ​ര​ൻ എ​ങ്ങനെ ഓ​രോ ആ​ന​യു​ടേ​യും പേ​രും മ​റ്റു വി​വ​ര​ങ്ങ​ളും ഇ​ത്ര കൃ​ത്യ​മാ​യി ഓ​ർ​ത്തു​വെ​ക്കു​ന്നു​വെ​ന്നോ​ർ​ത്ത് അ​ദ്ഭുത​പ്പെ​ട്ടി​ട്ടു​ണ്ട്. ആ​ന​ക​ളെ വി​ശ​ദ​മാ​യി പ​രി​ശോ​ധി​ക്കു​ന്ന തൃ​ശൂ​രി​ന്‍റെ സ്വ​ന്തം ആ​ന ഡോ​ക്ട​ർ പി.​ബി.​ ഗി​രി​ദാ​സ്. ത​ന്‍റെ ക​ല്യാ​ണ​ത്തി​ന് ആ​ന​ക​ൾ​ക്ക് സ​ദ്യ​വി​ള​ന്പി​യി​ട്ടു​ണ്ട് ഈ ​ആ​ന​ഡോ​ക്ട​ർ. ഇ​ന്ത്യ​യി​ലെ ത​ന്നെ പ്ര​ശ​സ്ത ആ​ന​ചി​കി​ത്സ​ക​രാ​യ ഡോ.​ കെ.​സി.​ പ​ണി​ക്ക​രു​ടേ​യും ഡോ.​ കൈ​മ​ളി​ന്‍റെ​യു​മൊ​ക്കെ പി​ൻ​മു​റ​ക്കാ​ര​ൻ.

പണിക്കാർക്കുമുണ്ട് പറയാൻ

പ​ന്ത​ലു​ക​ൾ ത​ല​യെ​ടു​പ്പോ​ടെ നെ​ഞ്ചു​വി​രി​ച്ച് ഉ​യ​ർ​ന്നു നി​ൽ​ക്കു​ന്നു. പൂ​ര​ന​ഗ​രി​യി​ലെ​ത്തു​ന്ന​വ​രെ​ല്ലാം മൂ​ന്നു പൂ​ര​പ്പ​ന്ത​ലു​ക​ൾ​ക്കും മാ​ർ​ക്കി​ടു​മെ​ന്ന​തി​നാ​ൽ ഓ​രോ പ​ന്ത​ലും ഒ​രു പ​ടി മു​ന്നി​ലാ​കാ​നാ​ണ് പ​ണി​ക്കാ​ർ ഉ​ത്സാ​ഹി​ക്കു​ന്ന​ത്. തൃ​ശൂ​ർ പൂ​ര​ത്തി​ന്‍റെ പ​ന്ത​ല് പ​ണി​ക്ക് വ​ല്ലാ​ത്തൊ​രു ത്രി​ല്ലാ​ണെ​ന്ന് പ​ണി​ക്കാ​ർ പ​റ​യു​ന്നു. ഈ ​പ​ന്ത​ലി​ന്‍റെ മു​ക​ളി​ലി​രു​ന്ന് ഈ ​ന​ഗ​ര​ത്തെ കാ​ണു​ന്ന ആ ​കാ​ഴ്ച​യു​ണ്ട​ല്ലോ...​ന്‍റെ മാ​ഷേ അ​താ​ണ് കാ​ഴ്ച...​ഗോ​പു​ര​മു​ക​ളി​ൽ നി​ന്നു​ള്ള ന​ഗ​ര​ക്കാ​ഴ്ച...​പ​ന്ത​ലി​ന്‍റെ ഏ​റ്റ​വും മു​ക​ൾ​ഭാ​ഗ​ത്തി​രു​ന്ന് പ​ണി​ക്കാ​രി​ലൊ​രാ​ൾ പ​റ​ഞ്ഞു. മേ​ാഹ​ൻ​ലാ​ലും ഇ​ത​ല്ലേ പ​റ​യു​ന്ന​ത്...​ഉ​യ​രും കൂ​ടും തോ​റും കാ​ഴ്ച​യു​ടെ ഭം​ഗി കൂ​ടു​മെ​ന്ന്.... പ​ന്ത​ലി​ന്‍റെ മു​ക​ളി​ലി​രി​ക്കു​ന്പോ​ൾ ബൈ​ബി​ൾ ട​വ​റി​ന്‍റെ വേ​റി​ട്ട കാ​ഴ്ച കാ​ണാം..​അ​ഞ്ചു​വി​ള​ക്കി​നെ മു​ക​ളി​ൽ നി​ന്ന് നോ​ക്കാം...​തേ​ക്കി​ൻ​കാ​ട് മൈ​താ​ന​ത്തി​ന്‍റെ ഡ്രോ​ണ്‍ ഷോ​ട്ട് എ​ടു​ക്കാം...

സ്വ​ർ​ണ​ക്ക​ട​ക​ളു​ടെ നാ​ടാ​ണ് തൃ​ശൂ​ർ. സ്വ​ർ​ണ​വ​ർ​ണ​മു​ള്ള ആ​ന​ച്ച​മ​യ​ങ്ങ​ൾ ക​ണ്ട​പ്പോ​ൾ ഏ​തോ വ​ലി​യൊ​രു ജ്വ​ല്ല​റി​യി​ൽ ക​യ​റി​യ പോ​ലെ തോ​ന്നി. ആ​ന​ച്ചൂ​രും ആ​ന​ച്ചൂ​ടും ത​ട്ടാ​ത്ത ആ​ന​ച്ച​മ​യ​ങ്ങ​ൾ എ​ന്ന് സ്ഥി​ര​മാ​യി പ​റ​യാ​റും എ​ഴു​താ​റു​മു​ണ്ട്. ഇ​പ്പോ​ൾ കൗ​സ്തു​ഭം ഓ​ഡി​റ്റോ​റി​യ​ത്തി​ലാ​ണ് ച​മ​യ​പ്ര​ദ​ർ​ശ​നം. ആ​ന​ക​ളെ​ല്ലാം തേ​ക്കി​ൻ​കാ​ട്ടി​ലും. പാ​റ​മേ​ക്കാ​വു​കാ​ർ അ​ഗ്ര​ശാ​ല​യി​ലാ​ണ് ച​മ​യ​ങ്ങ​ളൊ​രു​ക്കു​ന്ന​ത്. പ​ശ്ചാ​ത്ത​ല​ത്തി​ൽ അ​ല​യ​ടി​ക്കു​ന്ന പ​ഞ്ച​വാ​ദ്യം...​സൂ​ര്യ​പ്ര​കാ​ശം ചൊ​രി​യു​ന്ന ലൈ​റ്റു​ക​ൾ..​മി​ന്നി​ത്തി​ള​ങ്ങു​ന്ന ആ​ന​ച്ച​മ​യ​ങ്ങ​ളി​ൽ നെ​റ്റി​പ്പ​ട്ട​വും പ​ട്ടു​കു​ട​ക​ളും..​എ​ല്ലാ വ​ർ​ഷ​വും കാ​ണു​ന്ന​തെ​ങ്കി​ലും ഓ​രോ വ​ർ​ഷ​വും പു​തു​മ തോ​ന്നു​ന്ന കാ​ഴ്ച.

തി​രു​വ​ന്പാ​ടി​യു​ടേ​യും പാ​റ​മേ​ക്കാ​വി​ന്‍റെ​യും അ​ടു​ക്ക​ള​പ്പു​ര​ക​ളി​ൽ തി​ര​ക്കി​ട്ട പ​ണി​യാ​ണ് പൂ​രം ദി​വ​സ​ങ്ങ​ളി​ൽ. അ​താ​രും അ​ധി​കം കാ​ണാ​റി​ല്ല. ആ​ന​ക്കാ​ർ​ക്കും കൊ​ട്ടു​കാ​ർ​ക്കും പോ​ലീ​സു​കാ​ർ​ക്കും ആ​ന ഡോ​ക്ട​ർ​മാ​ർ​ക്കും ലോ​റി​ക്കാ​ർ​ക്കും എ​ന്നു​വേ​ണ്ട നി​ര​വ​ധി പേ​ർ​ക്കു​ള്ള ഭ​ക്ഷ​ണം ഒ​രു​ക്കു​ന്ന തി​ര​ക്കു​ണ്ട് ര​ണ്ടി​ട​ത്തും. വി​ഭ​വ​സ​മൃ​ദ്ധ​മാ​യ സ​ദ്യ ത​ന്നെ​യാ​ണ് ഒ​രു​ക്കാ​റു​ള്ള​ത്.

ഭാ​വി​കാ​ല​ത്തെ​ക്കു​റി​ച്ച​റി​യാ​ൻ റൗ​ണ്ടി​നു​ചു​റ്റും വ​ട്ട​മി​ട്ടി​രി​ക്കു​ന്ന പ​ക്ഷി​ശാ​സ്ത്ര​ക്കാ​രും കൈ​നോ​ട്ട​ക്കാ​രും പൂ​ര​ക്കാ​ല​ത്തെ ര​സ​ക​ര​മാ​യ​കാ​ഴ്ച​യാ​ണ്. ത​ട്ടു​ക​ട​ക​ളി​ലും ഹോ​ട്ട​ലു​ക​ളി​ലും തി​ര​ക്കോ​ട് തി​ര​ക്കാ​ണ്. ഓം​ല​റ്റി​ന്‍റെ മ​ണം ന​ഗ​ര​വീ​ഥി​ക​ളി​ൽ രാ​ത്രി​യി​ൽ പ​ട​രും. ചൂ​ടു ക​ട​ല​യു​ടെ മ​ണ​വും.

രാവിലെ വരും തിരുവന്പാടി, നട്ടുച്ചയ്ക്കു പാറമേക്കാവും

പൂ​രം നാ​ളി​ൽ രാ​വി​ലെ വെ​യി​ലി​ന് ചൂ​ടേ​റും മു​ൻ​പ് ഏ​ഴ​ര​യോ​ടെ തി​രു​വ​ന്പാ​ടി വ​ര​വും ഉ​ച്ച​വെ​യി​ൽ തി​ള​യ്ക്കു​ന്പോ​ൾ പ​ന്ത്ര​ണ്ട​ര​യോ​ടെ പാ​റ​മേ​ക്കാ​വി​ന്‍റെ പൂ​രം പു​റ​പ്പാ​ടും. ര​ണ്ടും കാ​ണേ​ണ്ട കാ​ഴ്ച ത​ന്നെ. തൃ​ശൂ​ർ​ക്കാ​ർ​ക്ക​ത് ന​ന്നാ​യി അ​റി​യാം. എ​ന്നാ​ൽ ജി​ല്ല​യ്ക്ക് പു​റ​ത്തു​നി​ന്നെ​ത്തു​ന്ന​വ​ർ​ക്ക് അ​ത​റി​യി​ല്ല. പൂ​ര​ത്തി​നെ​ല്ലാം കാ​ണാ​ൻ പ​റ്റി​ല്ല. എ​ല്ലാം കേ​ൾ​ക്കാ​നും പ​റ്റി​ല്ല. കാ​ണാ​ൻ ക​ഴി​യു​ന്ന​ത്ര കാ​ണു​ക, അ​ങ്ങനെ പൂ​രം കൊ​ള്ളു​ക. ഇ​ത്ത​വ​ണ കാ​ണാ​ൻ ക​ഴി​യാ​തെ​പോ​യ​തെ​ല്ലാം അ​ടു​ത്ത ത​വ​ണ കാ​ണു​ക.

മ​ഠ​ത്തി​ലെ വ​ര​വ് കാ​ണാ​നും പ​ഞ്ച​വാ​ദ്യം കേ​ൾ​ക്കാ​നും പോ​യാ​ൽ പാ​റ​മേ​ക്കാ​വ് പു​റ​പ്പാ​ട് കാ​ണാ​ൻ സാ​ധി​ച്ചെ​ന്ന് വ​രി​ല്ല. അ​തു​കൊ​ണ്ട് ഇ​തി​ലേ​തു വേ​ണ​മെ​ന്ന് തീ​രു​മാ​നി​ക്കാം. ര​ണ്ടും മാ​റി മാ​റി കാ​ണു​ന്ന​വ​രു​മു​ണ്ട്. ഇ​ല​ഞ്ഞി​ത്ത​റ മേ​ളം എ​ന്താ​യാ​ലും മി​സ്സാ​ക്കാ​ൻ പ​റ്റി​ല്ല. മു​ന്നൂ​റോ​ളം പേ​രു​ടെ വ​ലി​യൊ​രു ഓ​ർ​ക്ക​സ്ട്ര ഒ​രു​ക്കു​ന്ന ആ ​മെ​ള​പ്പെ​രു​മ​ഴ ന​ന​യാ​തി​രി​ക്കാ​നാ​വു​മോ.. പു​റ​ത്ത​പ്പോ​ൾ തി​രു​വ​ന്പാ​ടി​യു​ടെ മേ​ള​വും തി​മ​ർ​ത്തു പെ​യ്യു​ന്നു​ണ്ടാ​വും.

പി​ന്നെ തെ​ക്കോ​ട്ടി​റ​ക്ക​മ​ല്ലേ. അ​തു ക​ണ്ടി​ല്ലെ​ങ്കി​ൽ പി​ന്നെ​ന്തു പൂ​രം... പു​രു​ഷാ​രം എ​ന്ന വാ​ക്കി​ന്‍റെ അ​ർ​ത്ഥം ക​ണ്ണു​കൊ​ണ്ട് കാ​ണാം തെ​ക്കേ​ഗോ​പു​ര​ന​ട​യി​ൽ. വ​ർ​ണ​ക്കു​ട​ക​ൾ മാ​റി​മ​റ​യു​ന്ന​തി​നു മ​ധ്യേ പൂ​ഴി​വാ​രി​യെ​റി​ഞ്ഞാ​ൽ താ​ഴെ വീ​ഴാ​ത്ത പു​രു​ഷാ​രം.

ഉള്ളുപിടയും, ഉപചാരം ചൊല്ലുന്പോൾ

പ​ക​ൽ​പൂ​ര​ത്തി​ന്‍റെ ക്ഷീ​ണം തീ​ർ​ക്കാ​ൻ എ​വി​ടെ​യെ​ങ്കി​ലു​മൊ​ന്ന് കി​ട​ന്ന് പ​ക​ൽ​പൂ​ര​ക്കി​നാ​വു​ക​ൾ ക​ണ്ടു​റ​ങ്ങു​ന്പോ​ൾ വ​ട​ക്കു​ന്നാ​ഥ​ന്‍റെ നി​യ​മ​വെ​ടി മു​ഴ​ങ്ങും. അ​പ്പോ​ൾ ചാ​ടി​യെ​ഴു​നേ​ൽ​ക്കും. വെ​ടി​ക്കെ​ട്ടി​നാ​യി ന​ഗ​രം കാ​ത്തു​കി​ട​ക്കു​ന്നു​ണ്ടാ​വും. വൈ​കാ​തെ ആ​കാ​ശ​ത്തി​ന് തീ​പി​ടി​ക്കും. അ​മി​ട്ടു​ക​ൾ നി​റ​മു​ള്ള തീ​യാ​യി ആ​കാ​ശ​ത്തി​ൽ പ​ട​രും.

പു​ല​രും വ​രെ തേ​ക്കി​ൻ​കാ​ടി​ന്‍റെ ആ​കാ​ശം തി​രു​വ​ന്പാ​ടി​യും പാ​റ​മേ​ക്കാ​വും പ​ങ്കി​ട്ടെ​ടു​ക്കും. പി​ന്നെ പ​ക​ൽ​പൂ​ര​മാ​ണ്. തൃ​ശൂ​ർ പൂ​രം ദി​വ​സം അ​തി​ഥി​ക​ളെ വി​രു​ന്നൂ​ട്ടി​യ തൃ​ശൂ​രി​ലെ വീ​ട്ട​മ്മ​മാ​ർ​ക്ക് പൂ​രം കാ​ണാ​ൻ ക​ഴി​യാ​തെ പോ​യ​തി​ലു​ള്ള വി​ഷ​മ​ങ്ങ​ൾ അ​ന്നാ​ണ് തീ​രു​ക. പ​ക​ൽ​പൂ​രം ആ ​വീ​ട്ട​മ്മ​മാ​ർ​ക്കു​ള്ള​താ​ണ്. കു​ട​മാ​റ്റ​വും എ​ഴു​ന്ന​ള്ളി​പ്പും വെ​ടി​ക്കെ​ട്ടു​മെ​ല്ലാ​മു​ള്ള പ​ക​ൽ​പൂ​രം. ത​ലേ​ദി​വ​സ​ത്തെ പൂ​രം ക​ണ്ട​വ​ർ​ക്ക് കാ​ണാ​ൻ​സാ​ധി​ക്കാ​തെ പോ​യ ഒ​ന്നു​കൂ​ടി​യു​ണ്ട് പ​ക​ൽ​പൂ​ര​ത്തി​ന്‍റെ ക്ലൈ​മാ​ക്സി​ൽ. തി​രു​വ​ന്പാ​ടി - പാ​റ​മേ​ക്കാ​വ് ഭ​ഗ​വ​തി​മാ​ർ വ​ട​ക്കു​ന്നാ​ഥ​നെ സാ​ക്ഷി​നി​ർ​ത്തി ഉ​പ​ചാ​രം ചൊ​ല്ലി​പി​രി​യു​ന്ന നൊ​ന്പ​ര​മു​ണ​ർ​ത്തു​ന്ന കാ​ഴ്ച. ഇ​നി അ​ടു​ത്ത പൂ​രം നാ​ളി​ൽ കാ​ണാ​മെ​ന്ന് പ​റ​ഞ്ഞ് ഭ​ഗ​വ​തി​മാ​ർ ര​ണ്ടു​വ​ഴി​ക്ക് പി​രി​യു​ന്പോ​ൾ മ​ന​മി​ട​റും...​

പ​ക​ൽ​പൂ​രം പി​രി​ഞ്ഞ തേ​ക്കി​ൻ​കാ​ട് മൈ​താ​നി​യി​ൽ ക​രി​മ​രു​ന്നി​ന്‍റെ ഗ​ന്ധം ആ​ന​പ്പി​ണ്ട​ത്തി​ന്‍റെ ഗ​ന്ധ​ത്തോ​ടു ചേ​ർ​ന്ന് ഉ​ച്ച​വെ​യി​ലി​ൽ പ​ട​രും. ക​ട​ലാ​സ് ക​ഷണ​ങ്ങ​ളും ബ​ലൂ​ണ്‍ ക​ഷണ​ങ്ങ​ളും ഐ​സ്ക്രീം ക​പ്പു​ക​ളും കു​പ്പി​ക​ളു​മെ​ല്ലാം വാ​രി​വ​ലി​ച്ചി​ട്ട മൈ​താ​നം. പ​ന്ത​ലു​കാ​ർ പ​തി​യെ പ​ന്ത​ല​ഴി​ക്കാ​ൻ തു​ട​ങ്ങി​യി​രി​ക്കും. പാ​ര​ച്യൂ​ട്ടു പോ​ലെ വി​രി​ഞ്ഞി​റ​ങ്ങി​യ കു​ട അ​മി​ട്ടി​ലെ കു​ട​ക​ൾ വ​ലി​യ മ​ര​ങ്ങ​ൾ​ക്കു മു​ക​ളി​ൽ കു​ടു​ങ്ങി മ​യ​ങ്ങി​ക്കി​ട​പ്പു​ണ്ടാ​കും. പ​ട്ട​യു​മെ​ടു​ത്ത് ന​ഗ​രം വി​ട്ടി​റ​ങ്ങി​പ്പോ​കു​ന്ന ക​രി​വീ​ര​ൻ​മാ​രു​ടെ ച​ങ്ങ​ല​കി​ലു​ക്കം.. കൊ​ട്ടു​കാ​ർ ചെ​ണ്ട​യും തൂ​ക്കി തി​രി​ച്ചു പോ​കു​ന്നു. പോ​ലീ​സു​കാ​ർ വ​ണ്ടി​ക​ളി​ൽ ക​യ​റി വീ​ടു​പ​റ്റാ​നു​ള്ള തി​ര​ക്കി​ൽ...​എ​ക്സി​ബി​ഷ​ൻ കാ​ണാ​ത്ത​വ​ർ അ​തു കാ​ണാ​ൻ ക​യ​റു​ന്നു...​ ക​ച്ച​വ​ട​ക്കാ​രെ​ല്ലാം മ​ട​ക്ക​യാ​ത്ര​ക്കു​ള്ള ഒ​രു​ക്ക​ത്തി​ലാ​ണ്..​ ന​ഗ​ര​ത്തി​ന​ക​ത്തേ​ക്ക് ര​ണ്ടു ദി​വ​സ​ത്തെ ഇ​ട​വേ​ള​യ്ക്കു ശേ​ഷം പ​ഴ​യ​പോ​ലെ ബ​സും മ​റ്റും വാ​ഹ​ന​ങ്ങ​ളു​മെ​ത്തി​ത്തു​ട​ങ്ങി​യി​രി​ക്കു​ന്നു... ​ര​ണ്ടു ദി​വ​സ​ത്തേ​ക്ക് വി​ട്ടു​കൊ​ടു​ത്ത തേ​ക്കി​ൻ​കാ​ട്ടി​ലേ​ക്ക് ക്ലാ​വ​റും ഗു​ലാ​നു​മാ​യി ചീ​ട്ടു​ക​ളി​ക്കാ​ർ തി​രി​ച്ചെ​ത്തി​യി​രി​ക്കു​ന്നു.

പൂ​രം കൊ​ണ്ട​തി​ന്‍റെ ക്ഷീ​ണ​മെ​ല്ലാം പൂ​ര​ക്ക​ഞ്ഞി കു​ടി​ക്കു​ന്ന​തോ​ടെ മാ​റും. പാ​ള​പ്പാ​ത്ര​ത്തി​ൽ പ്ലാ​വി​ല കു​ന്പി​ൾ കു​ത്തി ക​ഞ്ഞി കു​ടി​ച്ച് പ​തി​യെ വീ​ടു​പ​റ്റാം. അ​ല്ലെ​ങ്കി​ൽ തേ​ക്കി​ൻ​കാ​ട്ടി​ന​ക​ത്തെ ഏ​തെ​ങ്കി​ലും മ​ര​ത്ത​ണ​ലി​ൽ കി​ട​ന്നു​റ​ങ്ങാം. വീ​ട്ടി​ലാ​യാ​ലും മ​ര​ത്ത​ണ​ലി​ലാ​യാലും കി​ട​ക്കു​ന്ന​തേ ഓ​ർ​മ കാ​ണൂ.. തി​രു​വ​ന്പാ​ടി വ​ര​വും പാ​റ​മേ​ക്കാ​വ് പു​റ​പ്പാ​ടും ഇ​ല​ഞ്ഞി​ത്ത​റ മേ​ള​വും മ​ഠ​ത്തി​ൽ വ​ര​വും തെ​ക്കോ​ട്ടി​റ​ക്ക​വും രാ​ത്രി​പൂ​ര​വും വെ​ടി​ക്കെ​ട്ടും ഉ​പ​ചാ​രം ചൊ​ല്ല​ലു​മെ​ല്ലാം ഒ​രു സി​നി​മ പോ​ലെ മ​ന​സി​ലെ സ്വ​പ്ന​ത്തി​ൽ തെ​ളി​യും...​അ​ടു​ത്ത പൂ​രം വ​രെ ക​ണ്ടു​തീ​ർ​ക്കാ​ൻ ആ ​സ്വ​പ്ന​ങ്ങ​ൾ ധാ​രാ​ളം...

ഋ​ഷി


Copyright @ 2022 , Rashtra Deepika Ltd.