എത്രയും പ്രിയപ്പെട്ട
വ​ല്ല​പ്പോ​ഴും മാ​ത്ര​മാ​ണ് അ​തു​വ​ഴി​യു​ള്ള പോ​സ്റ്റ്​മാ​ന്‍റെ വ​ര​വ്. വ​ന്നാ​ൽത്ത​ന്നെ വീ​ട്ടി​ലേ​ക്കു നോ​ക്കു​ക​പോ​ലും ചെ​യ്യാ​തെ ക​ട​ന്നു​പോ​കും. ക​ത്ത് ഉ​ണ്ടോ എ​ന്ന പ​തി​വു​ചോ​ദ്യ​ത്തി​നു പ​ല​പ്പോ​ഴും മ​റു​പ​ടി​പോ​ലു​മു​ണ്ടാ​കി​ല്ല. അ​തി​നി​ടെ ഒ​രു​ദി​വ​സം വീ​ടി​ന്‍റെ പ​ടി​ക​ട​ന്നു പോ​സ്റ്റു​മാ​ൻ മു​റ്റ​ത്തെ​ത്തും. കൈ​യി​ൽ അ​ടു​ക്കി​വ​ച്ചി​ട്ടു​ള്ള എ​ഴു​ത്തു​കൂ​ട്ട​ത്തി​നി​ട​യി​ൽ പ​ര​തി ഒ​രു ക​ത്തു​ണ്ടെ​ന്നു പ​റ​യും. പോ​സ്റ്റു​മാ​ന്‍റെ ആ ​വ​ര​വി​നും വാ​ക്കി​നു​മാ​യി ഒ​രു കാ​ല​ഘ​ട്ട​ത്തി​ലെ മ​നു​ഷ്യ​രാ​കെ കൊ​തി​യോ​ടെ കാ​ത്തി​രു​ന്നു.

വ​ട്ടം​കൂ​ടി വാ​യ​ന

ക​ത്തു കൈ​യി​ൽ കി​ട്ടി​യാ​ൽ ഉ​ള്ളി​ലെ വി​ശേ​ഷ​ങ്ങ​ൾ അ​റി​യാ​നു​ള്ള തി​ടു​ക്ക​മാ​യി. ദൂ​രെ​യു​ള്ള ബ​ന്ധു​ക്ക​ളു​ടേ​താ​കും ക​ത്ത്. വ​ട്ടം​കൂ​ടി​യി​രു​ന്നാ​ണു വാ​യ​ന. ഓ​രോ വ​രി വാ​യി​ക്കു​ന്പോ​ഴും കേ​ൾ​വി​ക്കാ​രു​ടെ ക​മ​ന്‍റു​ക​ളു​ണ്ടാ​കും. പ​ഴ​യ​ത് ഓ​രോ​ന്ന് എ​ണ്ണി​പ്പ​റ​യാ​ൻ തു​ട​ങ്ങും. വീ​ട്ടു​കാ​രു​ടെ പേ​രു​ക​ൾ എ​ടു​ത്തു​പ​റ​ഞ്ഞു​ള്ള അ​ന്വേ​ഷ​ണം ക​ത്തി​ലു​ണ്ടാ​കും. അ​യ​ൽ​ക്കാ​രു​ടെ​യും വ​ള​ർ​ത്തു​മൃ​ഗ​ങ്ങ​ളു​ടെ​യും വ​രെ കാ​ര്യ​ങ്ങ​ൾ തി​ര​ക്കി​യി​ട്ടു​ണ്ടാ​കും. പ​രി​ഭ​വ​ങ്ങ​ളും പ​രാ​തി​ക​ളും ദു​രി​ത​ങ്ങ​ളും സ​ന്തോ​ഷ​വ​ർ​ത്ത​മാ​ന​ങ്ങ​ളു​മു​ണ്ടാ​കും. വാ​യ​ന ക​ഴി​യു​ന്ന​തോ​ടെ വീ​ടാ​കാ​തെ നി​ശ​ബ്ദ​മാ​കും. കാ​ത​ങ്ങ​ൾ​ക്ക് അ​ക​ലെ​യി​രു​ന്നു ക​ത്തെ​ഴു​തി​യ​വ​രെ​ക്കു​റി​ച്ചു​ള്ള ഓ​ർ​മ​ക​ളി​ലാ​കും അ​പ്പോ​ൾ വീ​ട്ടു​കാ​ർ. കാ​ണാ​ൻ കൊ​തി​ച്ച​വ​രെ അ​ടു​ത്തു​കാ​ണു​ന്ന നി​ർ​വൃ​തി​യോ​ടെ പി​ന്നേ​യും അ​വ​ർ ക​ത്തു വാ​യി​ച്ചു​കൊ​ണ്ടി​രി​ക്കും.

വി​ര​ഹ​ത്തി​ന്‍റെ വേ​ദ​ന​ക​ൾ

ദൂ​രെ​യു​ള്ള ഉ​റ്റ​വ​രു​ടെ വി​വ​ര​ങ്ങ​ള​റി​യാ​നും അ​വ​രെ വി​വ​ര​ങ്ങ​ൾ അ​റി​യി​ക്കാ​നും ക​ത്തു​ക​ൾ മാ​ത്രം ആ​ശ്ര​യ​മാ​യി​രു​ന്ന കാ​ലം. ലാ​ൻ​ഡ് ഫോ​ണു​ക​ൾ അ​ന്ന് അ​ത്യ​പൂ​ർ​വം. മൊ​ബൈ​ൽ ഫോ​ണ്‍ ഭാ​വ​ന​യി​ൽ പോ​ലും ഉ​ണ്ടാ​യി​രു​ന്നി​ല്ല. ദൂ​ര​സ​ഞ്ചാ​ര​ത്തി​നു സൗ​ക​ര്യ​ങ്ങ​ളും കു​റ​വ്. വ​ലി​യ സം​ഭ​വ​ങ്ങ​ൾ പോ​ലും ഒ​ന്നോ ര​ണ്ടോ ദി​വ​സം ക​ഴി​ഞ്ഞാ​ണു പ​ത്ര​ങ്ങ​ളി​ൽ പോ​ലും വ​ന്നി​രു​ന്ന​ത്. ഒ​രു​പാ​ട് അ​ക​ലെ​യൊ​ന്നു​മ​ല്ല ആ ​കാ​ലം. ക​ഷ്ടി​ച്ചു മൂ​ന്ന​ര പ​തി​റ്റാ​ണ്ടു മു​ന്പ്. ക​ഴി​ഞ്ഞ നൂ​റ്റാ​ണ്ടി​ന്‍റെ മ​ധ്യ​കാ​ലം കു​ടി​യേ​റ്റ​ത്തി​ന്‍റേ​താ​യി​രു​ന്നു. മ​ല​ബാ​റി​ലേ​ക്കും ഹൈ​റേ​ഞ്ചി​ലേ​ക്കും മാ​ത്ര​മ​ല്ല, കേ​ര​ള​ത്തി​ന്‍റെ മി​ക്ക​ഭാ​ഗ​ങ്ങ​ളി​ലേ​ക്കും അ​ക്കാ​ല​ത്തു മാ​റി​ത്താ​മ​സ​മു​ണ്ടാ​യി. സം​സ്ഥാ​നാ​തി​ർ​ത്തി ക​ട​ന്നും കു​ടും​ബ​ങ്ങ​ൾ കു​ടി​യേ​റി. ദാ​രിദ്ര്യ​മാ​യി​രു​ന്നു ഈ ​കൂ​ട്ട​പ്പ​ലാ​യ​ന​ത്തി​നു പി​ന്നി​ൽ. കൃ​ഷി ചെ​യ്യാ​ൻ മ​ണ്ണു തേ​ടി​യാ​യി​രു​ന്നു യാ​ത്ര. ബ​ന്ധു​ജ​ന​ങ്ങ​ൾ പ​ല​യി​ട​ങ്ങ​ളി​ലാ​യി ചി​ത​റി​പ്പോ​യി. വി​ര​ഹ​വേ​ദ​ന​യി​ൽ ആ​ളു​ക​ൾ നീ​റി​യ​നാ​ളു​ക​ൾ. ക​ത്തു​ക​ൾ അ​ക്കാ​ല​ത്ത് ആ​ശ്വാ​സം മാ​ത്ര​മ​ല്ല, ജീ​വി​ക്കാ​നു​ള്ള പ്ര​ചോ​ദ​നം കൂ​ടി​യാ​യി​രു​ന്നു.

ജീ​വ​ന്‍റെ തെ​ളി​വു​ക​ൾ

ഉ​റ്റ​വ​രു​ടെ മ​ര​ണ​ങ്ങ​ൾ പോ​ലും ദി​വ​സ​ങ്ങ​ൾ​ക്കു​ശേ​ഷം ക​ത്തു​ക​ളി​ലൂ​ടെ​യാ​ണ് അ​ക്കാ​ല​ത്ത് അ​റി​ഞ്ഞി​രു​ന്ന​ത്. വേ​ഗ​ത്തി​ൽ വി​വ​ര​മ​റി​യി​ക്കാ​ൻ ക​ന്പി​ത്ത​പ്പാ​ൽ ഉ​ണ്ടാ​യി​രു​ന്നെ​ങ്കി​ലും മ​ല​ന്പ്ര​ദേ​ശ​ങ്ങ​ളി​ലും ഉ​ൾ​ഗ്രാ​മ​ങ്ങ​ളി​ലും അ​ത​ത്ര ഫ​ല​പ്ര​ദ​മാ​യി​രു​ന്നി​ല്ല. പു​റം​നാ​ടു​ക​ളി​ൽ ജോ​ലി​ക്കു പോ​യ​വ​രു​ടെ​യും പ​ട്ടാ​ള​ത്തി​ൽ ചേ​ർ​ന്ന​വ​രു​ടെ​യു​മൊ​ക്കെ ക​ത്തു​ക​ൾ വ​ന്നി​രു​ന്ന​തു വ​ർ​ഷ​ത്തി​ൽ ഒ​ന്നോ ര​ണ്ടോ ത​വ​ണ​മാ​ത്രം. ആ ​ക​ത്തു​ക​ൾ അ​വ​ർ ജീ​വി​ച്ചി​രി​ക്കു​ന്നു​വെ​ന്ന​തി​ന്‍റെ തെ​ളി​വു കൂ​ടി​യാ​യി​രു​ന്നു. പ​ണം അ​യ​യ്ക്കാ​ൻ മ​ണി​യോ​ർ​ഡ​റു​ക​ൾ ആ​യി​രു​ന്നു പോം​വ​ഴി. ക​ത്തി​നൊ​പ്പം മ​ണി​യോ​ർ​ഡ​റു​ക​ളും വി​ത​ര​ണം ചെ​യ്യു​ന്ന പോ​സ്റ്റ്മാ​ൻ നാ​ട്ടു​കാ​ർ​ക്ക് അ​തി​വി​ശി​ഷ്ട വ്യ​ക്തി​യാ​യി​രു​ന്നു. ഉ​റ്റ​വ​രു​ടെ ക​ത്തു വൈ​കു​ന്ന​ത് അ​ക്കാ​ല​ത്തെ വ​ലി​യ വി​ഷ​മ​ങ്ങ​ളി​ലൊ​ന്നാ​യി​രു​ന്നു. കാ​ത്തി​രി​പ്പി​ന്‍റെ സ​മ്മ​ർ​ദ്ദം താ​ങ്ങാ​നാ​വാ​തെ രാ​വി​ലെ​ത​ന്നെ വീ​ട്ടു​കാ​ര​ണ​വ​ന്മാ​ർ പോ​സ്റ്റോ​ഫീ​സു​ക​ളി​ലെ​ത്തു​ന്ന​തു പ​തി​വാ​യി​രു​ന്നു. പ​ത്തു​മ​ണി​യാ​കു​ന്ന​തോ​ടെ ക​ത്തു​ക​ളു​ടെ വ​ലി​യ​സ​ഞ്ചി എ​ത്തും. പോ​സ്റ്റു​മാ​ൻ സ​ഞ്ചി​യു​ടെ കെ​ട്ട​ഴി​ച്ചു മേ​ൽ​വി​ലാ​സം ഉ​റ​ക്കെ വാ​യി​ക്കും. ക​ത്തും മ​ണി​യോ​ർ​ഡ​റും ഉ​ള്ള​വ​ർ​ക്കു ലോ​ട്ട​റി​യ​ടി​ച്ച ആ​ഹ്ലാ​ദം. ക​ത്തി​ല്ലാ​ത്ത​വ​രാ​യി​രി​ക്കും കൂ​ടു​ത​ലും. നി​രാ​ശ​പ്പെ​ട്ട് അ​വ​ർ മ​ട​ങ്ങും. പ്ര​തീ​ക്ഷ​യോ​ടെ പി​റ്റേ​ദി​വ​സം വീ​ണ്ടു​മെ​ത്തും.

മ​റു​പ​ടി ക​ത്തു​ക​ൾ

പോ​സ്റ്റോ​ഫീ​സി​ലെ​ത്താ​ത്ത​വ​രു​ടെ ക​ത്തു​മാ​യി പോ​സ്റ്റ്മാ​ൻ വി​ലാ​സം തേ​ടി​യി​റ​ങ്ങും. കാ​ൽ​ന​ട​യാ​യാ​ണു യാ​ത്ര. വീ​ടു​ക​ളി​ലേ​ക്കു വ​ഴി​സൗ​ക​ര്യം കു​റ​വാ​യി​രു​ന്ന​തി​നാ​ൽ ക​ട​ക​ളി​ലോ പ​ള്ളി​ക​ളി​ലോ ആ​ണ് അ​താ​തി​ട​ങ്ങ​ളി​ലെ ക​ത്തു​ക​ൾ ഏ​ൽ​പി​ച്ചി​രു​ന്ന​ത്. ഇ​തു​മൂ​ലം ക​ത്ത് എ​ത്തി​യാ​ൽ​ത​ന്നെ കൈ​യി​ൽ കി​ട്ടാ​ൻ പി​ന്നേ​യും വൈ​കി​യി​രു​ന്നു. ഇ​ൻ​ല​ൻ​ഡി​നു പു​റ​മെ കാ​ർ​ഡു​ക​ളി​ലും ക​വ​റി​ലും ക​ത്തെ​ഴു​തി​യി​രു​ന്നു. കു​നു​കു​നെ​യു​ള്ള എ​ഴു​ത്ത് ഇൻല​ൻ​ഡി​ന്‍റെ വ​ശ​ങ്ങ​ളി​ലേ​ക്കും ചി​ല​പ്പോ​ഴ​തു പു​റ​ത്തേ​ക്കും നീ​ണ്ടി​രു​ന്നു. അ​തും പോ​രാ​ഞ്ഞു തു​ണ്ടു​ക​ട​ലാ​സി​ൽ എ​ഴു​തി ഇ​ൻ​ല​ൻ​ഡി​നു​ള്ളി​ൽ വ​യ്ക്കു​മാ​യി​രു​ന്നു. ത​മാ​ശ​ക​ളൊ​ക്കെ ചേ​ർ​ത്താ​യി​രു​ന്നു എ​ഴു​ത്ത്. കി​ട്ടു​ന്ന എ​ഴു​ത്തു​ക​ളൊ​ക്കെ ആ​ളു​ക​ൾ സൂ​ക്ഷി​ച്ചു​വ​ച്ചി​രു​ന്നു. വ​ർ​ഷ​ങ്ങ​ൾ ക​ഴി​ഞ്ഞാ​ലും അ​വ ഉ​പേ​ക്ഷി​ക്കാ​ൻ മ​ടി​യാ​യി​രു​ന്നു. ക​ത്തു വാ​യ​ന​പോ​ലെ ത​ന്നെ മ​റു​പ​ടി എ​ഴു​ത്തും വീ​ട്ടി​ലെ ഒ​രു​പ്ര​ധാ​ന ച​ട​ങ്ങാ​യി​രു​ന്നു. അ​യ​ച്ചു​കി​ട്ടി​യ ക​ത്തി​ലെ ഓ​രോ വ​രി​ക​ൾ​ക്കും മ​റു​പ​ടി എ​ഴു​തി​യി​രു​ന്നു. പോ​രാ​യ്മ​ക​ൾ ഉ​ണ്ടെ​ങ്കി​ൽ അ​ക്കാ​ര്യം ചൂ​ണ്ടി​ക്കാ​ട്ടി​യി​രു​ന്നു. മ​റു​കു​റി അ​യ​യ്ക്കാ​ൻ പ്രേ​രി​പ്പി​ക്കുംവി​ധം ചോ​ദ്യ​ങ്ങ​ളു​ടെ നീ​ണ്ട​നി​ര​യും മ​റു​പ​ടി​ക്ക​ത്തി​ലു​ണ്ടാ​കു​മാ​യി​രു​ന്നു.

കാ​ത്തി​രി​പ്പി​ന്‍റെ സു​ഖം

ക​ത്ത​യ​ച്ചു​ക​ഴി​ഞ്ഞാ​ൽ പി​ന്നെ മ​റു​ക​ത്തി​നു​ള്ള കാ​ത്തി​രി​പ്പാ​യി. ആ ​കാ​ത്തി​രി​പ്പി​ന് ഒ​രു സു​ഖ​മു​ണ്ടാ​യി​രു​ന്നു. ഒ​രു ക​ത്തു കി​ട്ടാ​നാ​യി കാ​ര്യ​മി​ല്ലാ​തെ ക​ത്തെ​ഴു​തു​ന്ന​വ​രു​മു​ണ്ടാ​യി​രു​ന്നു. ആ​ളു​ക​ളു​ടെ മു​ന്നി​ൽ ആ​ളാ​കാ​ൻ സ്വ​ന്തം വി​ലാ​സ​ത്തി​ൽ സ്വ​യം ക​ത്തെ​ഴു​താ​ൻ പോ​ലും ചി​ല​ർ മ​ടി കാ​ട്ടി​യി​ല്ല. സ്കൂ​ളു​ക​ളി​ലേ​ക്കും മ​റ്റും ഇ​ത്ത​രം ക​ത്തു​ക​ൾ എ​ത്തു​മാ​യി​രു​ന്നു. ഒ​രാ​ൾ​ക്കു ക​ത്ത് എ​ത്തി​യാ​ൽ വീ​ട്ടു​കാ​ർ​ക്കു പു​റ​മെ അ​യ​ൽ​ക്കാ​രും നാ​ട്ടു​കാ​രും അ​ത​റി​ഞ്ഞി​രു​ന്നു. ക​ത്തി​ലെ വി​ശേ​ഷ​ങ്ങ​ൾ പ​രി​സ​ര​മാ​കെ പ​ര​ക്കു​മാ​യി​രു​ന്നു. വീ​ട്ടി​ലെ​യും നാ​ട്ടി​ലെ​യും വി​ശേ​ഷ​ങ്ങ​ളാ​യി​രു​ന്നു ക​ത്തി​ലെ ഉ​ള്ള​ട​ക്കം. ക​ത്ത് ര​ഹ​സ്യ​മ​ല്ലാ​തി​രു​ന്ന​തി​നാ​ൽ ക​മി​താ​ക്ക​ൾ ക​ത്തി​നെ അ​ത്ര ആ​ശ്ര​യി​ച്ചി​ല്ല. നേ​രി​ട്ടാ​യി​രു​ന്നു അ​വ​രു​ടെ ക​ത്തി​ട​പാ​ട്. ത​പാ​ലി​നെ ഇ​ഷ്ട​പ്പെ​ട്ടെ​ങ്കി​ലും ക​ന്പി​ത്ത​പാ​ലി​നെ ആ​ളു​ക​ൾ ഭ​യ​പ്പെ​ട്ടു. മ​ര​ണ​വി​വ​ര​മ​റി​യി​ക്കാ​നാ​യി​രു​ന്നു അ​ക്കാ​ല​ത്ത് അ​ധി​ക​വും ക​ന്പി​യ​ടി​ച്ചി​രു​ന്ന​ത്. ക​ന്പി ഉ​ണ്ടെ​ന്ന​റി​ഞ്ഞാ​ൽ ത​ന്നെ വീ​ടു​ക​ളി​ൽ​നി​ന്നു നി​ല​വി​ളി ഉ​യ​രു​മാ​യി​രു​ന്നു. നാ​ട്ടു​കാ​ർ ഓ​ടി​ക്കൂ​ടു​മാ​യി​രു​ന്നു. സ്കൂ​ളി​ന്‍റെ​യോ ക​ട​ക​ളു​ടെ​യോ വ​രാ​ന്ത​ക​ളി​ലെ തൂ​ണു​ക​ളി​ലാ​ണു ത​പാ​ൽ​പെ​ട്ടി​ക​ളു​ടെ സ്ഥാ​നം. പെ​ട്ടി​യു​ടെ താ​ക്കോ​ൽ​കൈ​വ​ശ​ക്കാ​ര​ൻ പോ​സ്റ്റു​മാ​നാ​ണ്. ക​ത്തു​മാ​യു​ള്ള ക​റ​ക്ക​ത്തി​നി​ടെ പെ​ട്ടി​ക​ളി​ൽ​നി​ന്നു​ള്ള ക​ത്തു ശേ​ഖ​ര​ണ​വും അ​ദ്ദേ​ഹം ന​ട​ത്തും. ക​ത്തെ​ടു​ക്കു​ന്ന​തു കാ​ണാ​ൻ കു​ട്ടി​ക​ളും മു​തി​ർ​ന്ന​വ​രും ചൂ​റ്റും​കൂ​ടി​യി​രു​ന്നു.

ക​ത്തി​നു ച​ര​മ​ക്കു​റി​പ്പ്

വ​ർ​ത്ത​മാ​ന​കാ​ലം ക​ത്തു​ക​ളു​ടെ ച​ര​മ​ക്കു​റി​പ്പ് എ​ഴു​തി​ക്കൊ​ണ്ടി​രി​ക്കു​ന്നു. ഗൃ​ഹാ​തു​ര​ത്വം തു​ളു​ന്പു​ന്ന ക​ത്തെ​ഴു​ത്തും ക​ത്തു​ക​ളും പ​ഴ​യ​ത​ല​മു​റ​ക്കാ​രു​ടെ ഓ​ർ​മ​ക​ളി​ൽ മാ​ത്രം. സ്വ​ന്ത​ക്കാ​ർ​ക്കു ക​ത്തെ​ഴു​തു​ന്ന​വ​ർ ഇ​ന്നി​ല്ലെ​ന്നു പ​റ​യാം. എ​ന്നി​രു​ന്നാ​ലും പോ​സ്റ്റു​മാ​ൻ വ​ല്ല​പ്പോ​ഴും വീ​ടു​ക​ളി​ൽ എ​ത്തു​ന്നു​ണ്ട്. സ​ർ​ക്കാ​രി​ൽ​നി​ന്നോ ബാ​ങ്കു​ക​ളി​ൽ​നി​ന്നോ ഉ​ള്ള അ​റി​യി​പ്പു​ക​ളാ​ണു കൊ​ണ്ടു​വ​രു​ന്ന​തി​ൽ അ​ധി​ക​വും. എ​ൺ​പ​തു​ക​ളി​ൽ ക​ത്തു​ക​ളു​ടെ ഗ്ര​ഹ​ണ​കാ​ലം തു​ട​ങ്ങി. ലാ​ൻ​ഡ് ഫോ​ണു​ക​ൾ വ്യാ​പ​ക​മാ​യ​തോ​ടെ​യാ​യി​രു​ന്നു ആ​രം​ഭം. ന​ന്പ​ർ ക​റ​ക്കി​വി​ളി​ച്ചി​രു​ന്ന ഫോ​ണ്‍ കു​ത്തി​വി​ളി​ക്കാ​മെ​ന്നാ​യി. ബു​ക്ക് ചെ​യ്തു കാ​ത്തി​രു​ന്നു വി​ളി​ച്ചി​രു​ന്ന ട്ര​ങ്ക് കോ​ളു​ക​ൾ എ​സ്ടി​ഡി​ക്കും ഐ​എ​സ്ഡി​ക്കും വ​ഴി​മാ​റി. അ​ത്യാ​വ​ശ്യ​കാ​ര്യ​ങ്ങ​ൾ മാ​ത്ര​മ​ല്ല വീ​ട്ടു​വി​ശേ​ഷ​ങ്ങ​ളും ഫോ​ണ്‍​വ​ഴി അ​റി​യി​ക്കാ​ൻ തു​ട​ങ്ങി. വീ​ട്ടി​ൽ ഫോ​ണി​ല്ലാ​ത്ത​വ​ർ അ​യ​ൽ​വീ​ടു​ക​ളെ ആ​ശ്ര​യി​ച്ചു. ക​ത്തു​ക​ൾ​ക്ക് അ​തോ​ടെ വ​ലി​വ് തു​ട​ങ്ങി.

അ​വ​താ​ര​പ്പി​റ​വി

ക​ത്തു​ക​ളു​ടെ യ​ഥാ​ർ​ഥ​ വി​ല്ല​ൻ വ​രാ​നി​രി​ക്കു​ന്ന​തേ ഉ​ണ്ടാ​യി​രു​ന്നു​ള്ളൂ. തൊ​ണ്ണൂ​റു​ക​ളു​ടെ മ​ധ്യ​ത്തി​ൽ അ​വ​ൻ അ​വ​ത​രി​ച്ചു. മൊ​ബൈ​ൽ ഫോ​ണ്‍..! മ​നു​ഷ്യ​രു​ടെ കൈ​ക്കു​ള്ളി​ൽ പ​തു​ങ്ങി അ​വ​നെ​ത്തി. അ​വ​ന്‍റെ വ​ര​വ് ഒ​രു വ​ര​വാ​യി​രു​ന്നു. ഞൊ​ടി​യി​ട​യി​ൽ കാ​ര്യ​ങ്ങ​ൾ മാ​റി​മ​റി​ഞ്ഞു. പ​ല​തും ച​വ​ിട്ടി​മെ​തി​ക്ക​പ്പെ​ട്ടു. ക​ത്തു​ക​ളു​ടെ കാ​ര്യ​മാ​യി​രു​ന്നു ക​ഷ്ടം. ക​ത്തു​ക​ളും ക​ത്തെ​ഴു​ത്തും അ​നാ​വ​ശ്യ​മാ​യി. നോ​ക്കി​നി​ൽ​ക്കേ മാ​ഞ്ഞു​മ​റ​ഞ്ഞ് അ​തി​ല്ലാ​താ​യി. സു​ഖ​വി​വ​ര​ങ്ങ​ൾ തി​ര​ക്കി​യും വി​വ​ര​ങ്ങ​ൾ അ​റി​യി​ച്ചും ക​ത്തെ​ഴു​തു​ന്ന​വ​ർ ഇ​ന്നു പ​ഴ​ഞ്ച​രി​ൽ​പ​ഴ​ഞ്ച​രാ​ണ്. കു​ട്ടി​ക​ളു​ടെ മു​ത​ൽ വ​യോ​ധി​ക​രു​ടെ കൈ​യി​ൽ വ​രെ മൊ​ബൈ​ലു​ക​ളു​ണ്ട്. എ​വി​ടെ​നി​ന്നും എ​വി​ടേ​ക്കു വേ​ണ​മെ​ങ്കി​ലും ഫോ​ണ്‍ ചെ​യ്യാം. ആ​രോ​ടു സം​സാ​രി​ക്ക​ണോ അ​വ​ർ മ​റു​ത​ല​യ്ക്ക​ൽ എ​ത്തും. തു​ച്ഛ​മാ​യ തു​ക​യ്ക്ക് എ​ത്ര​നേ​രം വേ​ണ​മെ​ങ്കി​ലും സം​സാ​രി​ക്കാം. ന​ട​ന്നോ കി​ട​ന്നോ വ​ർ​ത്ത​മാ​നം പ​റ​യാം. കാ​ത്തി​രി​പ്പി​ന്‍റെ മു​ഷി​ച്ചി​ലോ സ​മ്മ​ർ​ദ​മോ വേ​ണ്ട. ക​ത്തെ​ഴു​താ​നു​ള്ള അ​ക്ഷ​രാ​ഭ്യാ​സ​മോ ഒ​രു​ക്ക​ങ്ങ​ളോ വേ​ണ്ട. എ​ത്ര അ​ക​ലെ​യി​രി​ക്കു​ന്ന​വ​രു​മാ​യി പ​ര​സ​ഹാ​യ​മി​ല്ലാ​തെ സം​വ​ദി​ക്കാം.

കു​ടി​യൊ​ഴി​പ്പി​ക്ക​പ്പെ​ട്ട​വ​ർ

ക​ത്തു​ക​ളു​ടെ ക​ട​യ്ക്ക​ൽ മാ​ത്ര​മ​ല്ല മൊ​ബൈ​ൽ ക​ത്തി​വ​ച്ച​ത്. പ​ഴ​യ​കാ​ല​ത്തു പ്ര​താ​പ​ത്തോ​ടെ വാ​ണി​രു​ന്ന പ​ല​തി​നെ​യും കെ​ട്ടു​കെ​ട്ടി​ച്ചു. ലാ​ൻ​ഡ്ഫോ​ണ്‍, വാ​ച്ച്, ടൈം​പീ​സ്, റേ​ഡി​യോ, കാ​മ​റ, വീ​ഡി​യോ​കാ​മ​റ, കാ​സ​റ്റ്, സി​ഡി, ക​ല​ണ്ട​ർ, ബു​ക്ക്, പേ​പ്പ​ർ, പേ​ന, ടോ​ർ​ച്ച്, കം​പ്യൂ​ട്ട​ർ തു​ട​ങ്ങി​യ​വ മൊ​ബൈ​ലി​ന്‍റെ വ​ര​വോ​ടെ കു​ടി​യൊ​ഴി​പ്പി​ക്ക​പ്പെ​ട്ടു. ഏ​റ്റ​വു​മൊ​ടു​വി​ൽ ടി​വി​യും മൂ​ല​യി​ലേ​ക്ക് ഒ​തു​ങ്ങു​ക​യാ​ണ്. ചെ​റി​യൊ​രു ചെ​റു​ത്തു​നി​ല്പു​പോ​ലും ആ​രി​ൽ​നി​ന്നും ഉ​ണ്ടാ​കു​ന്നി​ല്ല. കാ​ര്യ​ങ്ങ​ൾ ഇ​വി​ടം​കൊ​ണ്ടു നി​ൽ​ക്കു​മെ​ന്നും തോ​ന്നു​ന്നി​ല്ല.

കാ​ലം മു​ന്നോ​ട്ടു​പോ​കു​ന്ന​തി​ന്‍റെ​യും ശാ​സ്ത്ര സാ​ങ്കേ​തി​ക വ​ള​ർ​ച്ച​യു​ടെ​യും അ​നി​വാ​ര്യ​മാ​യ മാ​റ്റ​ങ്ങ​ളാ​യി​രി​ക്കാം ഇ​വ. ഗു​ണ​ങ്ങ​ളും ദോ​ഷ​ങ്ങ​ളും ഇ​തി​ൽ വാ​യി​ച്ചെ​ടു​ക്കാം. ഗു​ണ​ങ്ങ​ളാ​ണ് ഏ​റെ​യും. ദൂ​രെ​യു​ള്ള ഉ​റ്റ​വ​രെ​ക്കു​റി​ച്ചു​ള്ള വി​വ​ര​ങ്ങ​ള​റി​യാ​തെ ഉ​രു​കി​ക്ക​ഴി​ഞ്ഞി​രു​ന്ന കാ​ല​മാ​ണു പോ​യി​മ​റ​ഞ്ഞ​ത്. ക​ത്തെ​ഴു​തി മ​റു​പ​ടി​ക്കാ​യി കാ​ത്തി​രി​ക്കു​ന്പോ​ഴു​ള്ള അ​നി​ശ്ചി​ത​ത്വ​ത്തി​ന്‍റെ അ​ങ്ക​ലാ​പ്പാ​ണ് ഇ​ല്ലാ​താ​യ​ത്. വി​ര​ൽ​ത്തു​ന്പി​ലേ​ക്കു ലോ​കം ചു​രു​ങ്ങി​യി​രി​ക്കു​ന്നു. മ​ന​സി​ൽ തെ​ളി​യും​മു​ന്പേ ഇ​ഷ്ട​ക്കാ​രു​ടെ മു​ഖം മൊ​ബൈ​ൽ സ്ക്രീ​നി​ൽ തെ​ളി​യു​ന്നു. ഭൂ​ഖ​ണ്ഡ​ങ്ങ​ൾ​ക്കു​മ​പ്പു​റം ഇ​രി​ക്കു​ന്ന​വ​രു​മാ​യി​പ്പോ​ലും നേ​രി​ൽ​കണ്ടു സം​സാ​രി​ക്കാ​ൻ ക​ഴി​യു​ന്നു.

തി​രി​ച്ച​റി​വു​ക​ൾ

പ​ഴ​യ​തും പു​തി​യ​തു​മാ​യ ത​ല​മു​റ​ക​ൾ ഇ​താ​സ്വ​ദി​ക്കു​ന്നു​ണ്ട്. മാ​റ്റ​ങ്ങ​ൾ ഉ​ൾ​ക്കൊ​ള്ളു​ന്നു​മു​ണ്ട്. പ​ക്ഷേ പ​ണ്ടു​കാ​ല​ത്തെ ആ​ശ​യ​വി​നി​മ​യ​ങ്ങ​ൾ ന​ൽ​കി​യി​രു​ന്ന അ​നു​ഭൂ​തി ഇ​തി​നൊ​ക്കെ ഉ​ണ്ടോ​യെ​ന്നു ചോ​ദി​ച്ചാ​ൽ നി​സം​ഗ​ത​യോ​ടെ​യു​ള്ള നി​ശ​ബ്ദ​ത​യാ​യി​രി​ക്കും ഉ​ത്ത​രം. അ​തി​നു കാ​ര​ണ​ങ്ങ​ൾ ഒ​രു​പാ​ടു​ണ്ട്. ക​ത്തു​ക​ൾ കൈ​യി​ൽ കി​ട്ടു​ന്പോ​ഴു​ള്ള മ​ന​സി​ന്‍റെ സു​ഖ​ക​ര​മാ​യ പെ​ട​പ്പ് ന​ഷ്ട​മാ​യ​തി​ന്‍റെ നീ​റ്റ​ൽ. ക​ത്തു​ക​ളു​ടെ വ​രി​ക​ൾ​ക്കി​ട​യി​ൽ ഒ​ളി​പ്പി​ച്ചി​രു​ന്ന ഇ​ഷ്ട​വും അ​ടു​പ്പ​വും ഫോ​ണ്‍​വി​ളി​യി​ൽ ഇ​ല്ലെ​ന്നൊ​രു തോ​ന്ന​ൽ. ഫോ​ണ്‍​വി​ളി​ക​ൾ കാ​ര​ണം ബ​ന്ധു​വീ​ട് സ​ന്ദ​ർ​ശ​ന​ങ്ങ​ളും ക​ത്ത​യ​യ്ക്ക​ലും ഇ​ല്ലാ​താ​യ​തി​ന്‍റെ ന​ഷ്ട​ബോ​ധം. വി​ളി​പ്പു​റ​ത്ത് ആ​ളു​ക​ളു​ണ്ടെ​ങ്കി​ലും ക​ത്തു​ക​ൾ ഉ​ണ്ടാ​യി​രു​ന്ന കാ​ല​ത്തേ​ക്കാ​ൾ അ​വ​ർ അ​ക​ന്നു​പോ​യോ എ​ന്ന വേ​വ​ലാ​തി. പ​ഴ​യ​തൊ​ന്നും തി​രി​ച്ചു​വ​രാ​ൻ പോ​കു​ന്നി​ല്ലെ​ന്ന നി​രാ​ശ​നി​റ​ഞ്ഞ തി​രി​ച്ച​റി​വ്. മാ​റ്റ​ങ്ങ​ളു​ടെ സു​ഖ​വും സ​ന്തോ​ഷ​വും ആ​സ്വ​ദി​ക്കു​ന്പോ​ഴും ആ​കെ​യൊ​രു അ​ന്പ​ര​പ്പ്.

3400 വ​ർ​ഷം സ​ഞ്ച​രി​ച്ച ക​ത്ത്

ത​പാ​ലി​ന്‍റെ ച​രി​ത്രം ക്രി​സ്തു​വി​നു മു​ൻ​പു​ള്ള കാ​ല​ത്തേ​ക്കു നീ​ണ്ടു​കി​ട​ക്കു​ന്ന​താ​യി ച​രി​ത്രം പ​റ​യു​ന്നു. 3400 വ​ർ​ഷ​ങ്ങ​ൾ​ക്ക​പ്പു​റം ഈ​ജി​പ്തി​ലാ​യി​രു​ന്നു തു​ട​ക്കം. ക​ളി​മ​ണ്ണ് കു​ഴ​ച്ചു പ​ര​ത്തി​യു​ണ്ടാ​ക്കി​യ പ​ല​ക​ക​ളി​ൽ സ​ന്ദേ​ശ​ങ്ങ​ൾ രൂ​പ​പ്പെ​ടു​ത്തി ഉ​ണ​ക്കി​യെ​ടു​ത്തു സ​ന്ദേ​ശ​വാ​ഹ​ക​ർ വ​ഴി ദൂ​ര​ദേ​ശ​ങ്ങ​ളി​ലെ​ത്തി​ക്കു​ന്ന​താ​യി​രു​ന്നു രീ​തി. പ​ക്ഷി​ക​ളെ​യും മൃ​ഗ​ങ്ങ​ളെ​യും ഉ​പ​യോ​ഗി​ച്ചു​ള്ള സ​ന്ദേ​ശ​മെ​ത്തി​ക്ക​ലും ഒ​രു​കാ​ല​ത്തു​ണ്ടാ​യി​രു​ന്നു. പ​തി​നെ​ട്ടാം നൂ​റ്റാ​ണ്ടി​ന്‍റെ പ​കു​തി​യി​ൽ തി​രു​വി​താം​കൂ​റി​ൽ അ​ഞ്ച​ലോ​ട്ട​ക്കാ​ര​നാ​യി​രു​ന്നു ക​ത്തു വി​ത​ര​ണം. പ​ട​യാ​ളി​യു​ടെ രൂ​പ​വും ഭാ​വ​വു​മാ​യി​രു​ന്നു ഇ​യാ​ൾ​ക്ക്. കൈ​യി​ൽ രാ​ജ​മു​ദ്ര​യു​ള്ള മ​ണി കെ​ട്ടി​യ കു​ന്തം പോ​ളു​ള്ള അ​ധി​കാ​ര​ദ​ണ്ഡ്. അ​ര​പ്പ​ട്ട കെ​ട്ടി​യ കാ​ക്കി​ക്കു​പ്പാ​യം. തോ​ളി​ൽ ക​ത്തു​ക​ൾ നി​റ​ച്ച തു​ക​ൽ​സ​ഞ്ചി. ന​ട​ക്കു​ക​യാ​ണോ ഓ​ടു​ക​യാ​ണോ എ​ന്നു തി​ട്ട​പ്പെ​ടു​ത്താ​നാ​വാ​ത്ത​ത​രം ഒ​രു പാ​ച്ചി​ൽ. ഏ​ഴും എ​ട്ടും കി​ലോ​മീ​റ്റ​റു​ക​ൾ ഒ​റ്റ​യ​ടി​ക്ക് അ​ഞ്ച​ലോ​ട്ട​ക്കാ​ര​ൻ ഓ​ട​ണം. മ​ണി​കി​ലു​ക്കം കേ​ട്ടാ​ൽ ആ​ളു​ക​ൾ വ​ഴി​മാ​റ​ണം. നി​ശ്ചി​ത​ദൂ​രം ക​ഴി​ഞ്ഞാ​ൽ ക​ത്തു​ക​ൾ അ​ടു​ത്ത​യാ​ൾ​ക്കു കൈ​മാ​റും. ഒ​ടു​വി​ൽ മേ​ൽ​വി​ലാ​സ​ക്കാ​ര​നി​ലെ​ത്തും.

വ​ഴി​മധ്യേ ആ​രെ​ങ്കി​ലും ആ​ക്ര​മി​ച്ചാ​ൽ നേ​രി​ടാ​നാ​ണു കു​ന്തം. രാ​ജാ​ക്ക​ന്മാ​രു​ടെ​യും നാ​ടു​വ​ഴി​ക​ളു​ടെ​യും സ​ന്ദേ​ശ​ങ്ങ​ളും മ​റ്റു​മാ​യി​രു​ന്നു അ​ഞ്ച​ലോ​ട്ട​ക്കാ​ര​ന്‍റെ സ​ഞ്ചി​യി​ല​ധി​കം. ക​ത്തു​ക​ളു​ടെ സ​ഞ്ചാ​രം പി​ന്നീ​ട് കാ​ള​വ​ണ്ടി​യി​ലും കു​തി​ര​വ​ണ്ടി​യി​ലു​മാ​യി. തീ​വ​ണ്ടി​ക​ളി​ലേ​ക്കും മോ​ട്ടോ​ർ വാ​ഹ​ന​ങ്ങ​ളി​ലേ​ക്കും യാ​ത്ര​മാ​റി​യ ക​ത്തു​ക​ൾ വി​മാ​ന​ത്തി​ൽ പ​റ​ന്നു മ​റു​നാ​ടു​ക​ളി​ലു​മെ​ത്തി. സാ​ധാ​ര​ണ​ജ​ന​ങ്ങ​ളു​ടെ ക​ത്തു​ക​ൾ കൈ​കാ​ര്യം ചെ​യ്യു​ന്ന സം​വി​ധാ​നം ലോ​ക​ത്ത് ആ​ദ്യ​മാ​യി ന​ട​പ്പാ​ക്കി​യ​തു റോ​മി​ലാ​യി​രു​ന്നു. ത​പാ​ൽ​പെ​ട്ടി​യു​ടെ തു​ട​ക്കം പ​തി​നേ​ഴാം നൂ​റ്റാ​ണ്ടി​ൽ പാ​രീ​സി​ൽ. ഇ​ന്ത്യ​യി​ൽ ബ്രി​ട്ടീ​ഷു​കാ​ർ ത​പാ​ലാ​പ്പീ​സ് ആ​രം​ഭി​ക്കു​ന്ന​ത് 1774ൽ ​കോ​ൽ​ക്ക​ത്ത​യി​ൽ. സ്റ്റാ​ന്പും പി​ൻ​കോ​ഡു​മൊ​ക്കെ പി​ന്നാ​ലെ വ​ന്നു. ലോ​ക​ത്ത് ഏ​റ്റ​വു​മ​ധി​കം ത​പാ​ൽ സം​വി​ധാ​ന​മു​ള്ള രാ​ജ്യ​മാ​ണ് ഇ​ന്ത്യ. ഒ​ന്ന​ര​ല​ക്ഷ​ത്തി​ല​ധി​കം പോ​സ്റ്റോ​ഫീ​സു​ക​ൾ ഇ​ന്നും രാ​ജ്യ​ത്തു​ണ്ട്. സ്വ​കാ​ര്യ കൊ​റി​യ​ർ സ​ർ​വീ​സു​ക​ൾ പു​റ​മെ.

എം. ​റോ​യ്


Copyright @ 2022 , Rashtra Deepika Ltd.