എഴുത്തിലെ പാട്ടരുവി
ഇ​തൊ​രു പാ​ട്ടി​ന്‍റെ ക​ഥ​യാ​ണ്. എ​ഴു​തി​യെ​ഴു​തി​യെ​ഴു​തി പാ​ട്ടാ​യ ക​ഥ. ഈ ​ക​ഥ​യി​ലെ നാ​യി​ക​യ്ക്ക് ജീ​വി​ത​ത്തോ​ട് മാ​ത്ര​മാ​ണ് സാ​മ്യം. സാ​ങ്ക​ൽ​പ്പി​ക​ത​യോ​ട് ഒ​രി​ക്ക​ലും സ​മ​ര​സ​പ്പെ​ടാ​നാ​കി​ല്ല. കാ​ര​ണം പാ​ട്ടി​വി​ടെ ജീ​വ​ിത​മാ​ണ്. അ​തു​കൊ​ണ്ട് സം​ഗീ​ത​ത്തി​ൽ തു​ട​ങ്ങി പാ​ട്ടി​ലൂ​ടെ ക​ട​ന്ന് താ​ള​ത്തി​ൽ പ​രി​സ​മാ​പ്തി കു​റി​ക്കാം. ഇ​ട​യ്ക്ക​ൽ​പ്പം സം​ഗീ​ത​സാ​ന്ദ്ര​മാ​യാ​ൽ ആ​സ്വ​ദി​ക്കു​ക, കാ​ര​ണം പാ​ട്ടി​ന്‍റെ ക​ഥ​യി​ൽ പ​ല്ല​വി​യാ​ണ് ശ​ക്തം.

അ​പ്പോ​ൾ ക​ഥാ​നാ​യി​ക പാ​ട്ടും​പാ​ടി ജീ​വിതം പ​റ​യ​ട്ടെ.
ക​ഥ​കേ​ട്ട് ന​മു​ക്ക് പി​ന്നാ​ലെ പോ​കാം.

മ​റി​യാ​മ്മ​യെ​ന്ന് പേ​രു​ള്ള​യെ​ന്നെ
നാ​ട്ടാ​ര് വി​ളി​ക്കു​ന്ന​ത് പാ​ട്ട​മ്മ​യെ​ന്ന്
കാ​സ​ർ​ഗോ​ഡു​ള്ളോ​ര് പാ​ണ​ത്തൂ​രെ​ൻ ദേ​ശം
എ​ണ്‍​പ​ത്താ​റ് പി​ന്നി​ട്ടൊ​രു വ​യോ​ധി​ക ഞാ​നും
പാ​ട്ടെ​ഴു​ത്താ​ണെ​ൻ ജീ​വി​ത​മി​പ്പോ​ൾ
പാ​ട്ടോ​ർ​മ​യാ​ണെ​ൻ സ്വ​പ്ന​ത്തി​ലി​പ്പോ​ൾ.
പാ​ട്ടാ​യ ഞാ​നും പാ​ടി​പ്പ​തി​ഞ്ഞു
പാ​ട്ടി​ന്‍റെ​യു​ള്ള​ത്തി​ലു​ൻ​മാ​ദ​മാ​യി

വ​ട​ശേ​രി​വീ​ട്ടി​ൽ പ​രേ​ത​നാ​യ സ്ക​റി​യാ​യു​ടെ ഭാ​ര്യ മ​റി​യാ​മ്മ​യ്ക്ക് പാ​ട്ടെ​ഴു​ത്താ​ണി​ന്ന് ജീ​വി​തം. പാ​ട്ടെ​ഴു​തി​യെ​ഴു​തി ല​ഭി​ക്കു​ന്ന സ​ന്തോ​ഷ​ത്തി​ൽ അ​വ​ർ ജീ​വി​തം മു​ന്നോ​ട്ട് നീ​ക്കു​ന്നു. 2400ൽ ​പ​രം സ​ന്തോ​ഷ​പ്പാ​ട്ടു​ക​ൾ പി​ന്നി​ട്ട അ​വ​രു​ടെ തൂ​ലി​ക ഈ ​വാ​ർ​ധ​ക്യ​ത്തി​ലും നി​ശ​ബ്ദ​മാ​കു​ന്നി​ല്ല. മ​റി​ച്ച് അ​തി​പ്പോ​ഴും ശ​ക്ത​മാ​യി​ത്ത​ന്നെ ച​ലി​ച്ചു​കൊ​ണ്ടി​രി​ക്കു​ന്നു. കാ​ര​ണം നാ​ള​ത്തെ അ​വ​രു​ടെ താ​ളാ​ത്മ​ക​ത​യ്ക്ക് ഇ​ന്നി​ന്‍റെ പാ​ട്ട് ആ​വ​ശ്യ​മാ​ണ്.

ചെ​റു​പ്പം, വി​വാ​ഹം, പു​റ​പ്പാ​ട്
ബാ​ല്യ​കാ​ല​ജീ​വി​തം സം​ഗീ​ത​സാ​ന്ദ്രം
പി​തൃ​ത്വ​മൊ​രു​ക്കി മൃ​ദം​ഗ​താ​ളം

മൃ​ദം​ഗ​വാ​ദ​ക​നും അ​ധ്യാ​പ​ക​നു​മാ​യി​രു​ന്ന ദാ​നി​യ​ൽ സെ​ബാ​സ്റ്റ്യ​ന്‍റെ​യും ഏ​ലി​യാ​മ്മ​യു​ടെ​യും ഏ​ക​മ​ക​ളാ​യി 1931 ൽ ​ ചെ​ങ്ങ​ന്നൂ​രാ​ണ് മ​റി​യാ​മ്മയുടെ ജ​ന​നം. ഒ​റ്റ​മ​ക​ളാ​യ​തി​നാ​ൽ മാ​താ​പി​താ​ക്ക​ൾ അ​വ​രെ ലാ​ളി​ച്ച് വ​ള​ർ​ത്തി. കു​സൃ​തി​യും കു​റു​ന്പും നി​റ​ഞ്ഞ ബാ​ല്യം​ത​ന്നെ​യാ​യി​രു​ന്നു അ​വ​രു​ടേ​ത്. നാ​ലാം ക്ലാ​സ് വ​രെ പ​റ​യ​ങ്ങാ​ന​ത്തെ സ്കൂ​ളി​ലും ഏ​ഴു​വ​രെ മു​ള​ക്കു​ഴ സ്കൂ​ളി​ലും പ​ഠി​ച്ചു. അ​പ്പ​ൻ സം​ഗീ​ത​ജ്ഞ​നാ​യ​തു​കൊ​ണ്ട് വീ​ട്ടി​ലും ജീ​വി​തം സം​ഗീ​ത​സാ​ന്ദ്ര​മാ​യി​രു​ന്നു.

അ​പ്ര​തീ​ക്ഷി​ത​മാ​യ് വ​ന്ന വി​വാ​ഹ​സ്വ​പ്നം
മ​ധു​ര​പ്പ​തി​നേ​ഴി​ൽ താ​ലി​യി​ൽ കോ​ർ​ത്തു

ബ​ന്ധു​വി​ന്‍റെ നി​ർ​ബ​ന്ധ​പ്ര​കാ​ര​മാ​യി​രു​ന്നു മ​റി​യാ​മ്മ​യു​ടെ വി​വാ​ഹം. ആ​ദ്യ ഭാ​ര്യ മ​രി​ച്ച വി​ഷ​മ​ത്തി​ൽ ക​ഴി​ഞ്ഞി​രു​ന്ന കോ​ട്ട​യം പാ​ന്പാ​ടി സ്വ​ദേ​ശി​യാ​യ സ്ക​റി​യ​യ്ക്ക് ത​ണ​ലേ​കു​ക എ​ന്ന ദൗ​ത്യ​നി​ർ​വ​ഹ​ണ​മാ​യി​രു​ന്നു അ​ത്. മ​ക​ളെ അ​ങ്ങ​നെ​യൊ​രു ദൗ​ത്യ​ത്തി​ലേ​ക്ക് അ​യ​യ്ക്കു​ക എ​ന്ന​തി​ൽ മാ​താ​പി​താ​ക്ക​ൾ​ക്ക് വി​ഷ​മ​മു​ണ്ടാ​യി​രു​ന്നു. പ​തി​നേ​ഴ് മാ​ത്രം പി​ന്നി​ട്ട മ​റി​യാ​മ്മ​യി​ലും ആ​ശ​ങ്ക കു​റ​വ​ല്ലാ​യി​രു​ന്നു. ന​ല്ലൊ​രു ബ​ന്ധ​മാ​ണെ​ന്ന പ​ല​രു​ടെ​യും നി​ർ​ബ​ന്ധ​വും സ്ക​റി​യ​യ്ക്ക് ഒ​രു സ​ഹാ​യ​മാ​കു​ക എ​ന്ന ഉ​പ​ദേ​ശ​ത്തെ​യും തു​ട​ർ​ന്ന് മ​റി​യാ​മ്മ വി​വാ​ഹ​ത്തി​ന് വ​ഴ​ങ്ങു​ക​യാ​യി​രു​ന്നു.

ക​യ്പി​ൽ തു​ട​ങ്ങി​യ മ​ധു​ര​ജീ​വി​തം പി​ന്നെ
മ​ധു​വാ​യ് മ​ധു​ര​മാ​യി നാ​വി​ൽ നു​ണ​ഞ്ഞു

സ്നേ​ഹം തു​ളു​ന്പു​ന്ന മ​ന​സും ക​രു​ത​ലി​ന്‍റെ ക​ര​ങ്ങ​ളും മാ​ത്ര​മാ​ണ് സ്ക​റി​യ എ​ന്ന​റി​ഞ്ഞ​പ്പോ​ൾ മ​റി​യാ​മ്മ​യു​ടെ ആ​ശ​ങ്ക അ​സ്ഥാ​ന​ത്താ​യി. പി​ന്നീ​ടൊ​രു മ​ധു​ര​ജീ​വി​തം ത​ന്നെ​യാ​ണ് അ​വ​രു​ടെ ദാ​ന്പ​ത്യ​ത്തി​ൽ സം​ഭ​വി​ച്ച​ത്. എ​ന്തി​നും ഏ​തി​നും ഒ​രു അ​ത്താ​ണി ത​ന്നെ​യാ​യി​രു​ന്നു അദ്ദേഹം. ഒ​റ്റ​മ​ക​ളെ​ന്ന പ​രി​ഗ​ണ​ന​യി​ൽ വ​ള​ർ​ന്ന അ​വ​രെ സ്ക​റി​യ ഒ​രു വീ​ട്ട​മ്മ​യു​ടെ ഗൗ​ര​വ​ത്തി​ലേ​ക്ക് വ​ള​രെ സാ​വ​ധാ​നം മാ​റ്റി​യെ​ടു​ത്തു. അ​ങ്ങ​നെ അ​വ​ർ ഒ​രു ഉ​ത്ത​മ​യാ​യ വീ​ട്ട​മ്മ​യാ​യി. ആ​ദ്യ​വി​വാ​ഹ​ത്തി​ൽ സ്ക​റി​യാ​യ്ക്കു​ണ്ടാ​യ ര​ണ്ടു​മ​ക്ക​ളും പി​ന്നീ​ട് മ​റി​യാ​മ്മ​യി​ൽ ജ​നി​ച്ച നാ​ലു​മ​ക്ക​ളും സ​ഹി​തം ആ​റ് മ​ക്ക​ളു​ടെ അ​ച്ഛ​ന​മ്മ​മാ​രാ​യി അ​വ​ർ.

ജീ​വി​ത​നൗ​ക ദു​രി​ത​ക്ക​ട​ലി​ലാ​ണ്ട​പ്പോ​ൾ
മ​ല​ബാ​റി​ലേ​ക്ക​ന്ന​വ​ർ പു​റ​പ്പാ​ട് തേ​ടി

കു​ടും​ബം വ​ലു​താ​യ​പ്പോ​ൾ ആ​വ​ശ്യ​ങ്ങ​ളും കൂ​ടി​വ​ന്നു. ഉ​ള്ള സ്ഥ​ല​ത്തെ കൃ​ഷി​യി​ൽ ആ​വ​ശ്യ​ങ്ങ​ൾ നി​റ​വേ​റാ​തെ വ​ന്നു. അ​ങ്ങ​നെ​യ​വ​ർ കൂ​ടു​ത​ൽ സ്ഥ​ല​വും കൃ​ഷി​യും തേ​ടി മ​ല​ബാ​റി​ലേ​ക്ക് കു​ടി​യേ​റാ​ൻ തീ​രു​മാ​നി​ച്ചു. 1964-ലാ​ണ് മ​റി​യാ​മ്മ​യു​ടെ കു​ടും​ബ​വും ബ​ന്ധു​ക്ക​ളു​മ​ട​ങ്ങി​യ സം​ഘം മ​ല​ബാ​റി​ലേ​ക്ക് കു​ടി​യേ​റു​ന്ന​ത്. കാ​സ​ർ​ഗോ​ഡ് ജി​ല്ല​യി​ലെ വ​ട​ക്ക​ൻ മ​ല​യോ​ര​പ്ര​ദേ​ശ​മാ​യ പാ​ണ​ത്തൂ​രേ​ക്കാ​ണ് അ​വ​ർ എ​ത്തി​യ​ത്. കേ​ര​ള-​ക​ർ​ണാ​ട​ക അ​തി​ർ​ത്തി​പ്ര​ദേ​ശ​മാ​യ പാ​ണ​ത്തൂ​ർ അ​ന്ന് തെ​ളി​ഞ്ഞി​ട്ടി​ല്ല. ടൗ​ണി​നു ന​ടു​ക്ക് ഒ​ന്നു ര​ണ്ട് ക​ട​ക​ളു​ണ്ടെ​ങ്കി​ലും ഉ​ൾ​പ്ര​ദേ​ശ​ത്തോ​ട്ട് ക​യ​റും​തോ​റും കാ​ട് മൂ​ടി​വ​ന്നു. പാ​ണ​ത്തൂ​രി​ൽ നി​ന്ന് ഏ​ക​ദേ​ശം അ​ര കി​ലോ​മീ​റ്റ​ർ മാ​റി​യാ​യി​രു​ന്നു അ​വ​രു​ടെ സ്ഥ​ലം. എ​ട്ട​ര​യേ​ക്ക​ർ സ്ഥ​ല​മാ​ണ് അ​വ​ർ​ക്ക് ല​ഭി​ച്ച​ത്.
കു​ടി​യേ​റ്റ ജീ​വി​തം, പാ​ട്ടി​ലേ​ക്കു​ള്ള വ​ഴി, ഭ​ർ​ത്താ​വി​ന്‍റെ മ​ര​ണം

മ​ണ്ണി​ന്‍റെ ഉ​റ​പ്പോ​ട് മെ​യ്കൊ​ണ്ട് ക​ല​ഹി​ച്ചു
വി​യ​ർ​പ്പി​ന്‍റെ ഉ​പ്പി​നാ​ൽ ജീ​വി​ത​ത്തെ രു​ചി​ച്ചു

കു​ടി​യേ​റ്റ​ത്തി​ന്‍റെ ആ​ദ്യ​കാ​ലം ദു​രി​ത​പൂ​ർ​ണ​മാ​യി​രു​ന്നു. മ​ണ്ണി​നോ​ടും മൃ​ഗ​ങ്ങ​ളോ​ടും മ​ല്ലി​ടേ​ണ്ടി​വ​ന്നു കി​ട്ടി​യ സ്ഥ​ല​ത്ത് ഒ​രു ഷെ​ഡ് പ​ണി​ത് താ​മ​സ​മാ​ക്കി​യെ​ങ്കി​ലും രാ​വും പ​ക​ലു​മി​ല്ലാ​തെ മ​ണ്ണി​നോ​ട് ക​ല​ഹി​ച്ചു​കൊ​ണ്ടി​രു​ന്നു. താ​മ​സി​ക്കാ​തെ അ​തി​ന്‍റെ പ്ര​തി​ഫ​ലം ല​ഭി​ച്ചു. നെ​ല്ല്, വാ​ഴ, ക​പ്പ തു​ട​ങ്ങി​യ കൃ​ഷി​ക​ളി​ൽ നി​ന്നും ന​ല്ല ഫ​ലം ത​ന്നെ ല​ഭി​ച്ചു.

ഇ​തി​നി​ടെ മ​ക്ക​ൾ​ക്ക് ന​ല്ല വി​ദ്യാ​ഭ്യാ​സം ന​ൽ​കാ​നും അ​വ​ർ മ​റ​ന്നി​ല്ല. ര​ണ്ടാ​മ​ൻ വ​ർ​ക്കി​യും ഇ​ള​യ​വ​ൻ ത​ന്പി​യും ത​പാ​ൽ വ​കു​പ്പി​ൽ ജോ​ലി​യി​ൽ പ്ര​വേ​ശി​ച്ചു. മൂ​ത്ത​വ​ൻ പീ​ലി​പ്പോ​സ് അ​പ്പ​നോടൊ​പ്പം കൃ​ഷി​യി​ൽ സ​ഹാ​യി​ച്ചു. പെ​ണ്‍​മ​ക്ക​ളാ​യ അ​മ്മി​ണി, ചി​ന്ന​മ്മ, കു​ഞ്ഞു​മോ​ൾ എ​ന്നി​വ​രെ ന​ല്ല നി​ല​യി​ൽ കെ​ട്ടി​ച്ച​യ​യ്ക്കു​ക​യും ചെ​യ്തു. മൂ​ത്ത മ​ക​ൻ പീ​ലി​പ്പോ​സ് മ​രി​ച്ച​ത് മ​റി​യാ​മ്മ​യെ വ​ള​രെ​യേ​റെ ദുഃ​ഖ​ത്തി​ലാ​ഴ്ത്തി​യി​രു​ന്നു.

ദു​രി​ത​ക്ക​ട​ൽ ക​ട​ന്ന​ങ്ങ​നെ ജീ​വി​ത​മ​ടു​ത്ത​പ്പോ​ൾ
പാ​ട്ടാ​യി​യ​പ്പോ​ൾ സ്വ​പ്ന​ങ്ങ​ളി​ലെ​ല്ലാം

കാ​ർ​ഷി​ക ജീ​വി​ത​ത്തെ എ​ങ്ങ​നെ താ​ളാ​ത്മ​ക​മാ​ക്കാം എ​ന്ന ചി​ന്ത​യി​ൽ നി​ന്നാ​ണ് മ​റി​യാ​മ്മ​യി​ലേ​ക്ക് പാ​ട്ടെ​ത്തു​ന്ന​ത്. ചെ​റു​പ്പം താ​ളാ​ത്മ​ക​മാ​യി ഒ​രു​ക്കി​യ പി​താ​വി​ന്‍റെ ശി​ക്ഷ​ണ​മാ​ണ് ഈ ​ആ​ഗ്ര​ഹ​ത്തി​ലേ​ക്ക് മ​ന​സി​നെ ന​യി​ക്കാ​ൻ പ്രേ​രി​പ്പി​ച്ച​ത്. താ​ളം തി​ള​ങ്ങി​യ കു​ട്ടി​ക്കാ​ല​ത്ത് ഒ​രു വ​രി​പോ​ലും എ​ഴു​താ​ൻ ക​ഴി​ഞ്ഞി​രു​ന്നി​ല്ലെ​ങ്കി​ലും ശ്രു​തി​യോ​ടെ നീ​ങ്ങി​യ കു​ടും​ബ​ജീ​വി​തം മ​റി​യാ​മ്മ​യെ എ​ഴു​താ​ൻ പ്രേ​രി​പ്പി​ച്ചു. ആ​ദ്യം എ​ഴു​തി​യ പാ​ട്ട് എ​ല്ലാം ത​ന്ന ദൈ​വ​ത്തി​ന് ന​ന്ദി​യ​ർ​പ്പി​ച്ചു കൊ​ണ്ടു​ത​ന്നെ​യാ​യി​രു​ന്നു. എ​ഴു​തി ആ​ദ്യം കാ​ണി​ച്ച​ത് ഭ​ർ​ത്താ​വി​നെ​യാ​ണ്. അ​ദ്ദേഹം വ​ലി​യ പ്രോ​ൽ​സാ​ഹ​നം ന​ൽ​കി. അ​താ​യി​രു​ന്നു പി​ന്നീ​ടു​ള്ള പാ​ട്ട് ജീ​വി​ത​ത്തെ ശ്രു​തി‌മ​ധു​ര​മാ​ക്കി​യ​ത്.

ജീ​വി​ത​മ​ങ്ങ​നെ താ​ള​ത്തി​ലാ​യ​പ്പോ​ൾ
ജീ​വ​നി​ൽ പാ​തി​യും പ​ടെ മ​റ​ഞ്ഞു.

അ​പ്ര​തീ​ക്ഷി​ത​മാ​യി​രു​ന്നു സ്ക​റി​യ​യു​ടെ മ​ര​ണം. 22 വ​ർ​ഷം മു​ന്പു​ള്ള ഒ​രു മെ​യ്മാ​സ​പ്പു​ല​രി​യി​ൽ അ​യാ​ൾ അ​വ​രെ ത​നി​ച്ചാ​ക്കി​പ്പോ​യി. രോ​ഗ​ങ്ങ​ൾ അ​ല​ട്ടി​യി​രു​ന്നെ​ങ്കി​ലും മ​രി​ക്കു​ന്ന​തി​ന് ത​ലേ​ന്ന് വ​രെ അ​ദ്ദേഹം ഉ​ൽ​സാ​ഹ​വാ​നാ​യി​രു​ന്നു. മ​ര​ണം അ​പ്ര​തീ​ക്ഷി​ത​മാ​യി വ​ന്ന് അ​ങ്ങ​നെ അ​ദ്ദേ​ഹ​ത്തെ കൊ​ണ്ടു​പോ​കു​ക​യാ​യി​രു​ന്നു.

ഭ​ർ​ത്താ​വി​ന്‍റെ മ​ര​ണം മ​റി​യാ​മ്മ​യെ ത​ക​ർ​ത്തുക​ള​ഞ്ഞു. എ​ന്തി​നും കൂ​ടെ​യു​ണ്ടാ​യി​രു​ന്ന​യാ​ൾ പെ​ട്ടെന്ന് ഇ​ല്ലാ​താ​യ​പ്പോ​ൾ മ​റി​യാ​മ്മ​യ്ക്ക​ത് സ​ഹി​ക്കാ​ൻ ക​ഴി​ഞ്ഞി​ല്ല. അ​വ​ർ വ​ള​രെ​യേ​റെ ക​ര​ഞ്ഞു. മ​ര​ണ​ത്തി​ന്‍റെ ശോ​ക​ത്തി​ൽ തൂ​ലി​ക​യും നി​ശ​ബ്ദ​മാ​യി. കാ​ര​ണം അ​വ​രു​ടെ പ്രി​യ​പ്പെ​ട്ട​വ​ന്‍റെ പ്രോ​ൽ​സാ​ഹ​ന​മാ​യി​രു​ന്നു തൂ​ലി​ക. അ​ത് മ​ര​ണ​ത്തി​ന്‍റെ ശോ​ക​ത്തി​ൽ ഒ​രി​ക്ക​ലും ച​ലി​ച്ച​തേ​യി​ല്ല.
പാ​ട്ടി​ലേ​ക്ക് മ​ട​ക്കം, താ​ള​ത്തി​ലെ​ത്തി​യ ജീ​വി​തം, സം​തൃ​പ്ത​മാ​യ മ​ന​സ്

പാ​ട്ടോ​ർ​മ​യാ​ണെ​ന്‍റെ ജീ​വ​ന്‍റെ​യു​ള്ളം
ഉ​ള്ളം തു​ടി​ച്ച​പ്പോ​ൾ വാ​ക്കൊ​ഴു​കി​യെ​ത്തി

സ്ക​റി​യ​യു​ടെ മ​ര​ണ​ശേ​ഷം കു​റേ​ക്കാല​ത്തേയ്ക്ക് മ​റി​യാ​മ്മ എ​ഴു​തി​യ​തേ​യി​ല്ല. പ്രോ​ൽ​സാ​ഹി​പ്പി​ക്കാ​ൻ ഒ​രു വ​ലി​യ മ​ന​സ് ഇ​ല്ലാ​താ​യ​തു​പോ​ലെ. പ​ക്ഷെ എ​ല്ലാ​മ​റി​യു​ന്ന മ​ക്ക​ൾ പാ​ട്ടി​ന്‍റെ വ​ഴി​യി​ലെ​ത്താ​ൻ അ​മ്മ​യെ നി​ർ​ബ​ന്ധി​ച്ചു​കൊ​ണ്ടി​രു​ന്നു. അ​ങ്ങ​നെ ഒ​ടു​വി​ൽ ഒ​രു വ​ർ​ഷ​ത്തെ ഇ​ട​വേ​ള​യ്ക്കു​ശേ​ഷം മ​റി​യാ​മ്മ​യി​ലേ​ക്ക് പാ​ട്ട് ഒ​ഴു​കി​യെ​ത്തി. വാ​ക്കി​ന്‍റെ ഒ​ഴു​ക്കും ഈ​ണ​മൊ​രു​ക്കി​യ താ​ള​വും പി​ന്നാ​ലെ എ​ത്തി​യ​പ്പോ​ൾ പാ​ട്ടി​ന്‍റെ ഒ​രു മേ​ളം ത​ന്നെ അ​വ​രു​ടെ ജീ​വി​ത​ത്തി​ൽ സം​ഭ​വി​ച്ചു. പാ​ട്ടെ​ഴു​ത്ത​ങ്ങ​നെ​യ​ങ്ങ​നെ ജീ​വി​തത്തി​ന്‍റെ ഭാ​ഗ​മാ​യി മാ​റി.
ഇ​തി​നി​ടെ മ​ക്ക​ൾ എ​ല്ലാ​വ​രും ക​ല്യാ​ണം ക​ഴി​ച്ചു. കൊ​ച്ചു​മ​ക്കളാ​യി. അ​വ​രു​ടെ ക​ളി​ചി​രി​യാ​യി. എ​ല്ലാ സ​ന്തോ​ഷ​ങ്ങ​ൾ​ക്കും ഉ​ത്ത​രം മ​റി​യാ​മ്മ​യി​ൽ ഓ​രോ പാ​ട്ടാ​യി ജ​നി​ച്ചു. കു​ട്ടി​ക​ളു​ടെ ക​ളി​ചി​രി​യും പ്ര​കൃ​തി​യു​ടെ സ്വ​ച്ഛ​ന്ദ​ത​യും മ​ന​സി​ന്‍റെ സ്വ​ച്ഛാ​വ​സ്ഥ​യു​മെ​ല്ലാം പാ​ട്ടി​ന്‍റെ പ്രേ​ര​ണ​ക​ളാ​യി. അ​ങ്ങ​നെ അ​ത് നൂ​റും ആ​യി​ര​ങ്ങ​ളു​മാ​യി വ​ള​ർ​ന്നു.

താ​ള​ത്തി​ലെ​ത്തു​ന്പോ​ൾ നി​റ​യു​മെ​ന്നു​ള്ളം
വാ​ക്കൊ​ഴു​കു​മ​പ്പോ​ൾ സ്വ​ച്ഛ​ന്ദ​മാ​യി

പാ​ട്ടി​നൊ​പ്പം അ​വ​ർ ഇ​ന്ന് ജീ​വി​തം മു​ന്നോ​ട്ടു നീ​ക്കു​ക​യാ​ണ്. ഇ​ള​യ മ​ക​ൻ ത​ന്പി​ക്കൊ​പ്പ​മു​ള്ള ജീ​വി​ത​വും മ​റ്റു​മ​ക്ക​ളു​ടെ​യും കൊ​ച്ചു​മ​ക്ക​ളു​ടെ​യും ഇ​ട​യ്ക്കി​ട​യ്ക്കു​ള്ള ഒ​ത്തു​ചേ​ര​ലും അ​വ​രെ കൂ​ടു​ത​ൽ ഉ​ത്സാ​ഹ​വ​തി​യാ​ക്കു​ന്നു. ശ​രീ​രം വാ​ർ​ദ്ധ​ക്യ​ത്തി​ലേ​ക്ക് ക​ട​ന്ന് അ​ൽ​പം താ​ള​പ്പി​ഴ​ക​ൾ വ​രു​ത്തു​ന്നു​ണ്ടെ​ങ്കി​ലും തൂ​ലി​ക​യി​ന്നും ക​രു​ത്തോ​ടെ​യു​ണ്ട്.

ഓ​ർ​മത്തെ​റ്റു​ക​ൾ ഇ​ട​യ്ക്കി​ടെ പി​ശ​കു​ക​ൾ വ​രു​ത്താ​റു​ണ്ടെ​ങ്കി​ലും ഉ​ൾ​ക്കാ​ഴ്ചയു​ടെ അ​റി​വി​ൽ അ​വ​യൊ​ക്കെ ശ​രി​യാ​യി എ​ത്തും. അ​ങ്ങ​നെ അ​വ​രു​ടെ പാ​ട്ടു​ശേ​ഖ​രം ഇ​ന്നും വ​ള​ർ​ന്നു​കൊ​ണ്ടി​രി​ക്കു​ന്നു. 2400 പാ​ട്ടു​ക​ൾ പി​ന്നി​ട്ടു ഇ​പ്പോ​ൾ. ഏ​റെ​യും കൃ​ത​ജ്ഞ​ത പ്ര​തി​ഫ​ലി​പ്പി​ക്കു​ന്ന പാ​ട്ടു​ക​ൾ. സ​ർ​വ​ശ​ക്ത​നാ​യ ദൈ​വ​ത്തി​നും അ​വ​ന്‍റെ കൃ​പ​യ്ക്കും ന​ന്ദി​യ​ർ​പ്പി​ച്ചു​കൊ​ണ്ടെ​ഴു​തി​യ​താ​ണ് അ​വ​യി​ലേ​റെ​യും.

മ​ന​സാ​ണി​ന്ന് സു​ഖ​മാ​യൊ​രോ​ർ​മ്മ
അ​തി​ൽ​നി​ന്നു​മു​യ​രു​ന്നു താ​ള​പ്പെ​രു​പ്പം

ഇ​ത്ര​യും പാ​ട്ടെ​ഴു​തി​യി​ട്ടും എ​ന്തേ ആ​രും അ​റി​ഞ്ഞി​ല്ല എ​ന്ന ചോ​ദ്യ​ത്തി​ന് മ​റി​യാ​മ്മ​യു​ടെ നി​ഷ്ക​ള​ങ്ക​മാ​യ ചി​രി​യാ​ണു​ത്ത​രം. അ​വ​ർ​ക്കെ​പ്പോ​ഴും എ​ഴു​താ​നെ അ​റി​യൂ. പാ​ടി​ന​ട​ക്കാ​ന​റി​യി​ല്ല.
പ​ക്ഷെ അ​വ​രി​ലെ പാ​ട്ടി​ന്‍റെ ശേ​ഖ​ര​ത്തെ ഒ​ന്നൊ​ഴി​യാ​തെ ക​ണ്ടെ​ത്തി അ​ത് പു​റംലോ​ക​ത്തേ​ക്ക് തു​റ​ന്നു​വി​ട​ണ​മെ​ന്ന് ആ​ദ്യം പ​റ​ഞ്ഞ​ത് അ​വ​രു​ടെ കൊ​ച്ചു​മ​ക​നാ​ണ്. ഫാ. ​സോ​ണി വ​ട​ശേ​രി​ൽ. ര​ണ്ടാ​മ​ൻ വ​ർ​ക്കി​യു​ടെ മൂ​ത്ത മ​ക​ൻ. ത​ല​ശേ​രി അ​തി​രൂ​പ​ത​യി​ലെ കെ​സി​വൈ​എ​മ്മി​ന്‍റെ ഡ​യ​റ​ക്ട​റാ​യ അ​ദ്ദേഹ​മാ​ണ് അ​മ്മ​ച്ചി​യു​ടെ പാ​ട്ടു​ജീ​വ​ിത​ത്തെ പു​റ​ത്ത​റി​യി​ക്കാ​നാ​യി ഇ​റ​ങ്ങി​പ്പു​റ​പ്പെ​ട്ടി​രി​ക്കു​ന്ന​ത്. അ​തി​നാ​യി അ​ദ്ദേഹം പാ​ട്ടു​ക​ളൊ​ക്കെ സ​മാ​ഹ​രി​ച്ച് ഒ​രൂ പു​സ്ത​ക​മാ​ക്കാ​നു​ള്ള ത​യാ​റെ​ടു​പ്പി​ലാ​ണ്. അ​തി​നു​ള്ള പ്ര​വ​ർ​ത്ത​ന​ങ്ങ​ൾ ഉൗ​ർ​ജി​ത​മാ​യി ന​ട​ക്കു​ന്നു.

തൂ​ലി​ക​യി​ൽ നി​ന്നും ഇ​റ​ങ്ങി​വ​രു​ന്ന പാ​ട്ടു​ക​ൾ താ​ള​ത്തോ​ടെ ഒ​ഴു​ക​ട്ടെ. എ​ണ്ണ​മ​റ്റ പാ​ട്ടു​ക​ളാ​യി അ​ത് വ​ള​ർ​ന്ന് പെ​രു​ക​ട്ടെ. അ​രി​കി​ലി​രു​ന്ന് പ്രോ​ത്സാ​ഹി​പ്പി​ക്കാ​ൻ ഈ ​ലോ​കം കാ​ത്തി​രി​ക്കു​ന്നു. താ​ള​ത്തോ​ടെ മ​ഷി​പ​ട​രു​ന്ന ആ ​തൂ​ലി​ക​യി​ൽ ക​ണ്ണുന​ട്ടു​ത​ന്നെ....

വി​നി​ൽ ജോ​സ​ഫ്
ചി​ത്ര​ങ്ങ​ൾ: ​പ്ര​ശാ​ന്ത് ഹ​രി​ത


Copyright @ 2022 , Rashtra Deepika Ltd.