സ്നേഹത്തിന്‍റെ വെള്ളിവെളിച്ചത്തിൽ
ജ​ക്കാ​ർ​ത്ത ഏ​ഷ്യ​ൻ ഗെ​യിം​സി​ൽ ലോംഗ്ജംപി​ൽ നീ​ന വെ​ള്ളി​യി​ലേ​ക്കു ചാ​ടു​ന്പോ​ൾ ആ​വേ​ശ​വും ഉൗ​ർ​ജ​വും പ​ക​ർ​ന്ന് ഒ​രാ​ൾ ഗാ​ല​റി​യി​ൽ ഉ​ണ്ടാ​യി​രു​ന്നു, പി​ന്‍റോ മാ​ത്യു. ട്രാ​ക്കി​ൽ ക​ണ്ടു​മു​ട്ടി​യ​വ​ർ ജീ​വി​ത​ത്തി​ന്‍റെ ട്രാ​ക്കി​ൽ തോ​ളോ​ടു​തോ​ൾ നീ​ങ്ങു​ന്പോ​ഴും മെ​ഡ​ൽ എ​ന്ന ല​ക്ഷ്യ​ത്തി​നാ​യി അ​ധ്വാ​നി​ക്കു​ന്ന​വ​ർ. പി​ന്‍റോ​യെ​യും നീ​ന​യെ​യും ഇ​ങ്ങ​നെ വി​ശേ​ഷി​പ്പി​ക്കാം. ഏ​തൊ​രു പു​രു​ഷ​ന്‍റെ​യും വി​ജ​യ​ത്തി​നു പി​ന്നി​ൽ ഒ​രു സ്ത്രീ​യു​ണ്ടെ​ന്നു പ​റ​യാ​റു​ണ്ടെങ്കി​ൽ ഇ​വി​ടെ നീ​ന​യെ​ന്ന സ്ത്രീ​യു​ടെ വി​ജ​യ​ത്തി​നു പി​ന്നി​ലെ ശ​ക്തി​യാ​യി പി​ന്‍റോ​യെ​ന്ന പു​രു​ഷ​നു​ണ്ട്.

ലോ​കം കീ​ഴ​ട​ക്കി​യ സ​ന്തോ​ഷ​മാ​ണ് പി​ന്‍റോ​യു​ടെ മു​ഖ​ത്ത്. ജ​ക്കാ​ർ​ത്ത​യി​ൽ ന​ട​ന്ന ഏ​ഷ്യ​ൻ ഗെ​യിം​സ് ലോം​ഗ്ജംപി​ൽ നീ​ന വെ​ള്ളി നേ​ടി​യ​പ്പോ​ൾ ഭ​ർ​ത്താ​വ് എ​ന്ന നി​ല​യ്ക്കു മാ​ത്ര​മ​ല്ല, പ​രി​ശീ​ല​ക​നെ​ന്ന സ്ഥാ​ന​വും ശ​രി​യാ​ണെ​ന്ന് തെ​ളി​യി​ക്കു​ക​യാ​യി​രു​ന്നു പി​ന്‍റോ. പി​ന്‍റോ ന​ൽ​കി​യ അ​ക​മ​ഴി​ഞ്ഞ പി​ന്തു​ണ​യും ചി​ട്ട​യാ​യ പ​രി​ശീ​ല​ന​വു​മാ​ണ് ത​ന്നെ ജ​ക്കാ​ർ​ത്ത​യി​ലെ വി​ന്നേ​ഴ്സ് പോ​ഡി​യ​ത്തി​ൽ നി​ൽ​ക്കാ​ൻ സ​ഹാ​യി​ച്ച​തെ​ന്ന് നീ​ന​യും അ​ടി​വ​ര​യി​ട്ട് പ​റ​യു​ന്നു. ഏ​തൊ​രു പു​രു​ഷ​ന്‍റെ​യും വി​ജ​യ​ത്തി​നു പി​ന്നി​ൽ ഒ​രു സ്ത്രീ​യു​ണ്ടെ​ന്ന് പ​റ​യാ​റു​ള്ള​തുപോ​ലെ നീ​ന​യെ​ന്ന സ്ത്രീ​യു​ടെ വി​ജ​യ​ത്തി​നു പി​ന്നി​ലെ ശ​ക്ത​മാ​യ ക​ര​മാ​ണ് പി​ന്‍റോ​യു​ടേ​ത്.

ട്രാ​ക്കി​ൽ ത​ളി​രി​ട്ട പ്ര​ണ​യം

ദേ​ശീ​യ റി​ക്കാ​ർ​ഡ് താ​ര​വും ഹ​ർ​ഡി​ൽ​സ് താ​ര​വു​മാ​യ പി​ന്‍റോ 2014 ലാ​ണ് നീ​ന​യു​മാ​യി പ്ര​ണ​യ​ത്തി​ലാ​കു​ന്ന​ത്. സ്കൂ​ൾ മീ​റ്റു​ക​ളി​ലൂ​ടെ​യു​ള്ള പ​രി​ച​യ​മാ​ണ് പ്ര​ണ​യ​ത്തി​ൽ ക​ലാ​ശി​ച്ച​ത്. 2017 ന​വം​ബ​ർ നാ​ലി​ന് മാ​ന​ത്തൂ​ർ സെ​ന്‍റ് മേ​രീ​സ് പ​ള്ളി​യി​ൽ​വ​ച്ച് ഇ​രു​വ​രും വി​വാ​ഹി​ത​രാ​യി. വി​വാ​ഹ​ത്തോ​ടെ ട്രാ​ക്ക് വി​ടു​മെ​ന്നും പ്ര​ക​ട​നം മോ​ശ​മാ​കു​മെ​ന്നു​ വി​മ​ർ​ശിച്ചവ​ർ​ക്കു​ള്ള മ​റു​പ​ടി​യാ​ണ് നീ​ന ജ​ക്കാ​ർ​ത്ത​യി​ൽ ന​ൽ​കി​യ​ത്. ഭ​ർ​ത്താ​വ് പി​ന്‍റോ പ​രി​ശീ​ല​ക​നാ​യ​തോ​ടെ കാ​ര്യ​ങ്ങ​ൾ എ​ളു​പ്പ​മാ​യി.

ഏ​ഷ്യ​ൽ ഗെ​യിം​സി​ന് ര​ണ്ടു​മാ​സം മു​ന്പാ​ണ് പി​ന്‍റോ നീ​ന​യെ പ​രി​ശീ​ലി​പ്പി​ക്കാ​ൻ തു​ട​ങ്ങി​യ​ത്. നീ​ന​യു​ടെ ആ​രോ​ഗ്യ​ത്തി​നും ശ​രീ​ര​ത്തി​നു​മ​നു​സ​രി​ച്ചാ​ണ് പി​ന്‍റോ നി​ർ​ദേ​ശ​ങ്ങ​ൾ ന​ൽ​കു​ന്ന​ത്. നീ​ന​യ്ക്കൊ​പ്പം ഇ​ന്തോ​നേ​ഷ്യ​യി​ലും പി​ന്‍റോ ഉ​ണ്ടാ​യി​രു​ന്നു. അ​വ​സാ​നം വെ​ള്ളി മെ​ഡ​ലി​ൽ ഒ​തു​ങ്ങി​യെ​ങ്കി​ലും നീ​ന​യു​ടെ വ​ലി​യ ല​ക്ഷ്യ​ത്തി​ന് ഒ​പ്പം നി​ൽ​ക്കാ​നാ​യ​തി​ൽ പി​ന്‍റോ​യ്ക്ക് പെ​രു​ത്ത സ​ന്തോ​ഷം.

അ​ഞ്ജു​വി​നു ​ശേ​ഷം നീ​ന

12 വ​ർ​ഷ​മാ​യി ഇ​ന്ത്യ കാ​ത്തു​വ​ച്ചി​രു​ന്ന ക​ണ​ക്കാ​ണ് നീ​ന ജ​ക്കാ​ർ​ത്ത​യി​ൽ തീ​ർ​ത്ത​ത്. 2006ൽ ​അ​ഞ്ജു ബോ​ബി ജോ​ർ​ജ് വെ​ള്ളി നേ​ടി​യ ശേ​ഷം ലോം​ഗ്ജംപി​ൽ മെ​ഡ​ൽ നേ​ടു​ന്ന ആ​ദ്യ​താ​ര​മാ​ണ് നീ​ന. ജ​ക്കാ​ർ​ത്ത​യി​ൽ 6.41 മീ​റ്റ​റി​ലാ​ണു നീ​ന ചാ​ടി​ത്തു​ട​ങ്ങി​യ​ത്. 6.40 മീ​റ്റ​റും 6.50 ഉം ​പി​ന്നി​ട്ട് നാ​ലാം ശ്ര​മ​ത്തി​ൽ 6.51 മീ​റ്റ​ർ ചാ​ടി​യാ​ണ് വെ​ള്ളി നേ​ടി​യ​ത്. പക്ഷേ, ക​രി​യ​റി​ലെ മി​ക​ച്ച പ്ര​ക​ട​ന​മാ​യ 6.66 മീ​റ്റ​ർ ആ​വ​ർ​ത്തി​ക്കാ​നാ​യി​ല്ല. അ​തി​ന​ടു​ത്തെ​ങ്കി​ലും ചെ​യ്തി​രു​ന്നു​വെ​ങ്കി​ൽ ജ​ക്കാ​ർ​ത്ത​യി​ൽ നി​ന്നു മ​ട​ങ്ങു​ന്പോ​ൾ നീ​ന​യു​ടെ ക​ഴു​ത്തി​ൽ സ്വ​ർ​ണം തി​ള​ങ്ങി​യേ​നെ. വി​യ​റ്റ്നാ​മി​ന്‍റെ താ​വോ തി​ത്തു 6.55 മീ​റ്റ​ർ ചാ​ടി​യാ​ണ് സ്വ​ർ​ണം നേ​ടി​യ​ത്. 12 വ​ർ​ഷ​ത്തി​നു​ശേ​ഷം വീ​ണ്ടു​മൊ​രു മ​ല​യാ​ളി വേ​ണ്ടി​വ​ന്നു ലോം​ഗ്ജ​ംപി​ൽ ഇ​ന്ത്യ​ക്കാ​യി മെ​ഡ​ൽ നേ​ടാ​ൻ എ​ന്ന​തി​ൽ മ​ല​യാ​ളി​ക​ൾ​ക്കും അ​ഭി​മാ​നി​ക്കാം.

ട്ര​യ​ൽ​സ് ത​ന്ന ആ​ത്മ​വി​ശ്വാ​സം

ഏ​ഷ്യ​ൻ ഗെ​യിം​സി​ന്‍റെ അ​വ​സാ​ന നി​മി​ഷം വീ​ണ്ടും ട്ര​യ​ൽ​സ് ന​ട​ത്തി​യ​ത് നീ​ന​യെ ആ​ശ​ങ്ക​പ്പെ​ടു​ത്തി​യി​രു​ന്നു. ക​ന​ത്ത മ​ഴ​യി​ലാ​യി​രു​ന്നു ട്ര​യ​ൽ​സ് ന​ട​ത്തി​യ​ത്. ഇ​തി​ൽ ഭേ​ദ​പ്പെ​ട്ട പ്ര​ക​ട​നം ന​ട​ത്തി​യ​ത് ആ​ത്മ​വി​ശ്വാ​സം ന​ഷ്ട​മാ​വാ​തി​രി​ക്കാ​ൻ സ​ഹാ​യി​ച്ചു. ഏ​ഷ്യ​ൻ ഗെ​യിം​സ് ന​ട​ന്ന വേ​ദി​യി​ൽ ത​ന്നെ​യാ​ണ് നീ​ന യോ​ഗ്യ​ത നേ​ടി​യ​ത്. അ​തി​ന്‍റെ പ​രി​ച​യം മെ​ഡ​ൽ നേ​ടു​വാ​ൻ നീ​ന​യെ സ​ഹാ​യി​ച്ചു. ഈ ​വ​ർ​ഷ​ത്തെ മ​ത്സ​ര​ങ്ങ​ളി​ൽ മി​ക​ച്ച പ്ര​ക​ട​നം പു​റ​ത്തെ​ടു​ക്കാ​നാ​വ​ത്ത​തി​നെ​ത്തു​ട​ർ​ന്നാ​ണ് പ്ര​ത്യേ​ക ട്ര​യ​ൽ​സ് വ​ച്ച​ത്.

നേ​ട്ടം പ്ര​ള​യ​ബാ​ധി​ത​ർ​ക്ക്

കേ​ര​ളം പ്ര​ള​യ​ക്കെ​ടു​തി​യി​ൽ വ​ല​യു​ന്പോ​ഴാ​ണ് ഏ​ഷ്യ​ൻ ഗെ​യിം​സി​നാ​യി നീ​ന​യ​ട​ങ്ങു​ന്ന സം​ഘം ജ​ക്കാ​ർ​ത്ത​യി​ലേ​ക്ക് പോ​കു​ന്ന​ത്. ഒാ​ഗ​സ്റ്റ് 15നാ​ണ് ഇ​വ​ർ യാ​ത്ര​തി​രി​ച്ച​ത്. ജ​ന്മ​ദേ​ശ​മാ​യ കോ​ഴി​ക്കോ​ട്ടെ വീ​ട്ടി​ലും പി​ന്‍റോ​യു​ടെ നാ​ട്ടി​ലും പ്ര​ള​യം ദു​ര​ന്തം വി​ത​യ്ക്കാ​തി​രു​ന്ന​ത് ലോം​ഗ്ജം​പ് പി​റ്റി​ൽ ന​ല്ല പ്ര​ക​ട​നം കാ​ഴ്ച​വ​യ്ക്കാ​ൻ സാ​ധി​ച്ചു. താ​ൻ നേ​ടി​യ വെ​ള്ളി മെ​ഡ​ൽ പ്ര​ള​യ​ക്കെ​ടു​തി​യി​ലാ​യ കേ​ര​ള​ത്തി​ലെ ജ​ന​ങ്ങ​ൾ​ക്കു​ള്ള​താ​ണെ​ന്നു നീ​ന പ​റ​ഞ്ഞു.

എ​ന്‍റെ ജീ​വി​ത​ത്തി​ലെ ഏ​റ്റ​വും വ​ലി​യ നേ​ട്ട​മാ​ണി​ത്. പ്ര​ള​യ​ബാ​ധി​ത​ർ പ​ല​ത​ര​ത്തി​ലു​ള്ള പ്ര​യാ​സം നേ​രി​ടു​ന്പോ​ൾ എ​ന്‍റെ മെ​ഡ​ലി​ന് അ​ൽ​പ​മെ​ങ്കി​ലും സ​ന്തോ​ഷം പ​ക​രാ​ൻ ക​ഴി​യു​മെ​ങ്കി​ൽ വ​ള​രെ​യേ​റെ സ​ന്തോ​ഷം. ഏ​ഷ്യ​ൻ ഗെ​യിം​സ് താ​ര​ങ്ങ​ൾ​ക്ക് കോ​ടി​ക്ക​ണ​ക്കി​ന് രൂ​പ ഇ​ത​ര സം​സ്ഥാ​ന​ങ്ങ​ൾ പാ​രി​തോ​ഷി​ക​മാ​യി ന​ൽ​കു​ന്പോ​ൾ പ്ര​ള​യ​ദു​രി​ത​ത്തി​ൽ​പ്പെ​ട്ട കേ​ര​ളം വ​ലി​യ സ​മ്മാ​ന​ങ്ങ​ൾ ന​ൽ​കാ​ത്ത​തി​ൽ ഒ​രു പ​രാ​തി​യു​മി​ല്ല - നീ​ന പ​റ​ഞ്ഞു.

ല​ക്ഷ്യം ലോ​ക ചാ​ന്പ്യ​ൻ​ഷി​പ്പ്

2019 ൽ ​ദോ​ഹ​യി​ൽ ന​ട​ക്കു​ന്ന ലോ​ക ചാ​ന്പ്യ​ൻ​ഷി​പ്പി​ൽ സ്വ​ർ​ണം നേ​ടു​ക എ​ന്ന​താ​ണ് നീ​ന​യു​ടെ​യും ഒ​പ്പം പി​ന്‍റോ​യു​ടെ​യും സ്വ​പ്നം. ഇ​തി​നാ​യി​ നീ​ന​യ്ക്ക് വേ​ണ്ട നി​ർ​ദേ​ശ​ങ്ങ​ളു​മാ​യി പി​ന്‍റോ ഒ​പ്പ​മു​ണ്ട്. ഏ​ഷ്യ​ൻ ഗെ​യിം​സ് മെ​ഡ​ൽ ജേ​താ​വി​ന് വി​വി​ധ സം​ഘ​ട​ന​ക​ളും ക്ല​ബു​ക​ളും സ്വീ​ക​ര​ണ​ങ്ങ​ൾ ഒ​രു​ക്കു​ന്പോ​ഴും ക​ഠി​ന​മാ​യ പ​രി​ശീ​ലന​ത്തി​ലാ​ണ് നീ​ന​യും പി​ന്‍റോ​യും. പ​രിക്കി​ന്‍റെ ശ​ല്യ​മു​ണ്ടെ​ങ്കി​ലും ദേ​ശീ​യ മ​ത്സ​ര​ങ്ങ​ളി​ൽ ശ്ര​ദ്ധ കേ​ന്ദ്രീ​ക​രി​ക്കാ​നാ​ണ് പി​ന്‍റോ​യു​ടെ തീ​രു​മാ​നം. നീ​ന​യെ പ​രി​ശീ​ലി​പ്പി​ക്കു​ന്ന​തി​നൊ​പ്പം പി​ന്‍റോ​യും പ​രി​ശീ​ല​ന​ത്തി​ന്‍റെ തി​ര​ക്കി​ലാ​ണ്. പി​ന്‍റോ പ​രി​ശീ​ലി​പ്പി​ച്ചാ​ൽ മി​ക​ച്ച പ്ര​ക​ട​നം കാ​ഴ്ച​വ​യ്ക്കാ​ൻ​സാ​ധി​ക്കു​മെ​ന്ന് നീ​ന ഉ​റ​പ്പി​ച്ച് പ​റ​യു​ന്നു.

ഷോ​ട്ട്പു​ട്ട് മു​ത​ൽ ലോം​ഗ്ജംപ് വ​രെ

സ്കൂ​ളി​ൽ അ​ഞ്ചാം ക്ലാ​സി​ൽ പ​ഠി​ക്കു​ന്പോ​ഴാ​ണ് കാ​യി​ക മേ​ഖ​ലയി​ലേ​ക്ക് നീ​ന ക​ട​ന്നു​വ​രു​ന്ന​ത്. വി​ള​യാ​ട്ടൂ​ർ എ​ള​ന്പി​ലാ​ട് എം​യു​പി സ്കൂ​ളി​ലെ കാ​യി​കാ​ധ്യാ​പ​ക​നാ​യ കെ.​കെ. രാ​മ​ച​ന്ദ്ര​നാ​ണ് നീ​ന​യി​ലെ കാ​യി​ക​പ്ര​തി​ഭ​യ്ക്ക് നി​ർ​ദേ​ശ​ങ്ങ​ൾ ന​ൽ​കി​യ​ത്. കൊ​യി​ലാ​ണ്ടി ഗ​വ. ഗേ​ൾ​സ് ഹ​യ​ർസെ​ക്ക​ൻ​ഡ​റി​യി​ലാ​യി​രു​ന്നു എ​ട്ടു മു​ത​ൽ 11 വ​രെ ക്ലാ​സു​ക​ളി​ലെ പ​ഠ​നം. ഹൈ​സ്കൂ​ൾ പ​ഠ​ന​കാ​ല​ത്ത് ഷോ​ട്ട്പു​ട്ടി​ലും ഹൈ​ജം​പി​ലും ലോ​ംഗ്ജം​പി​ലും സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ ഒ​ന്നാം സ്ഥാ​ന​ത്തെ​ത്തി.

പ​ന്ത്ര​ണ്ടാം ക്ലാ​സ് ത​ല​ശേ​രി ബ്ര​ണ്ണ​ൻ ഹ​യ​ർ​സെ​ക്ക​ൻ​ഡ​റി​യി​ലും ബി​രു​ദ പ​ഠ​നം ഗ​വ. ബ്ര​ണ്ണ​ൻ കോ​ള​ജി​ലും പൂ​ർ​ത്തീ​ക​രി​ച്ചു. ഈ ​സ​മ​യ​ത്ത് ത​ല​ശേ​രി സാ​യി​യി​ൽ പ​രി​ശീ​ല​ന​വും തു​ട​ങ്ങി. സാ​യി​യി​ലെ പ​രി​ശീ​ല​ന​മാ​ണ് ത​ന്‍റെ എ​ല്ലാ വി​ജ​യ​ത്തി​ന്‍റെ​യും കാ​ര​ണ​മെ​ന്ന് നീ​ന പ​റ​യു​ന്നു. തു​ട​ക്ക​ത്തി​ൽ ഹൈ​ജം​പ് ആ​ണ് തി​ര​ഞ്ഞെ​ടു​ത്ത​തെ​ങ്കി​ലും പി​ന്നീ​ട് ലോ​ങ് ജം​പി​ലേ​ക്ക് മാ​റു​ക​യാ​യി​രു​ന്നു. തു​ട​ർ​ന്ന് സം​സ്ഥാ​ന, ദേ​ശീ​യ, അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ ലോ​ങ് ജം​പി​ൽ നി​ര​വ​ധി മെ​ഡ​ലു​ക​ൾ നേ​ടി​യെ​ടു​ക്കാ​നും നീ​ന​യ്ക്കാ​യി.

റെ​യി​ൽ​വേ ‘​ട്രാ​ക്കി​ൽ’

കോ​ഴി​ക്കോ​ട് മേ​പ്പ​യ്യൂ​ർ പ​ട്ടോ​ന​ക്കു​ന്ന് നാ​രാ​യ​ണ​ൻ - പ്ര​സ​ന്ന ദ​ന്പ​തി​ക​ളു​ടെ മൂ​ത്ത മ​ക​ളാ​ണ് നീ​ന. കോ​ട്ട​യം പി​ഴ​ക് മാ​ത്യു ജോ​സ​ഫ് - മോ​ളി മാ​ത്യു എ​ന്നി​വ​രു​ടെ മ​ക​നാ​ണ് പി​ന്‍റോ. ഇ​രു​വ​രും റെ​യി​ൽ​വേ​യി​ലെ ഉ​ദ്യോ​ഗ​സ്ഥ​രാ​ണ്. മ​ത്സ​ര​ത്തി​നും പ​രി​ശീ​ല​ന​ത്തി​നു​മാ​യി അ​വ​ധി​യി​ലാ​ണ് ഇ​രു​വ​രും. തി​രു​വ​ന​ന്ത​പു​രം എ​ൽ​എ​ൻ​സി​പി​ഇ​യി​ലാ​ണ് ഇ​രു​വ​രും പ​രി​ശീ​ല​നം ന​ട​ത്തു​ന്ന​ത്.

സോനു തോമസ്


Copyright @ 2022 , Rashtra Deepika Ltd.