ആ​രോ​പ​ണ​പ്ര​ത്യാ​രോ​പ​ണ​ങ്ങ​ൾ
കു​ടും​ബ​പ്ര​ശ്ന​ങ്ങ​ൾ തീ​ർ​ക്കു​ന്ന ആ​ളാ​ണ് ഞാ​നെ​ന്ന് ആ​രോ​വ​ഴി അ​റി​ഞ്ഞ​തി​ൻ പ്ര​കാ​ര​മാ​ണ് അ​വ​രി​രു​വ​രും എ​ന്നെ കാ​ണാ​ൻ വ​ന്ന​ത്. മ​റ്റാ​രു​ടെ​യും നി​ർ​ബ​ന്ധ​ത്തി​ന് വ​ഴ​ങ്ങാ​തെ സ്വ​ന്ത ഇ​ഷ്ട​പ്ര​കാ​ര​മാ​ണ് ഇ​രു​വ​രും എ​ന്‍റെ അ​ടു​ത്ത് വ​ന്ന​ത് എ​ന്ന​തു​ത​ന്നെ പ്ര​ശ്ന​പ​രി​ഹാ​ര​ത്തോ​ട് ബ​ന്ധ​പ്പെ​ട്ട് ഇ​രു​വ​ർ​ക്കും ഉ​ദ്ദേ​ശ​ശു​ദ്ധി ഉ​ണ്ടാ​യി​രു​ന്നു എ​ന്ന​ത് വ്യ​ക്ത​മാ​ക്കു​ന്ന​താ​യി​രു​ന്നു. അ​യാ​ൾ കു​ര്യാ​ള എ​ന്ന് വി​ളി​ക്ക​പ്പെ​ടു​ന്ന കു​ര്യ​ൻ. ഭാ​ര്യ റീ​ത്താ​മ്മ. ഇ​രു​വ​രു​ടെ​യും മ​ക്ക​ൾ ര​ണ്ടു​പേ​രും വി​ദേ​ശ​ത്താ​ണ്. മൂ​ത്ത​ത് മ​ക​നാ​യ മ​നോ​ജും ഇ​ള​യ​ത് മ​ക​ളാ​യ ആ​ര്യ​യു​മാ​ണ്. ആ​ര്യ​യാ​ണ് ആ​ദ്യം അ​മേ​രി​ക്ക​യി​ൽ പോ​യ​ത്. പി​ന്നെ​യാ​ണ് മ​നോ​ജ് പോ​യ​ത്. ആ​ര്യ നഴ്സാ​ണ്. മ​നോ​ജ് എം.​ബി.​എ​ക്കാ​ര​നാ​ണ്. കു​ടും​ബ​നാ​ഥ​ൻ കു​ര്യ​ൻ ബി​സി​ന​സ്കാ​ര​നാ​ണ്. റി​യ​ൽ എ​സ്റ്റേ​റ്റ് ഇ​ട​പാ​ടും കു​ര്യ​നു​ണ്ട്. കു​ര്യ​നും റീ​ത്താ​മ്മ​യും പ​ണ്ടു​തൊ​ട്ടേ ര​ണ്ട് വ​ഴി​ക്കാ​ണ്. കു​ര്യ​ന്‍റെ കാ​ര്യ​ങ്ങ​ൾ കാ​ര്യ​മാ​യി റീ​ത്താ​മ്മ​യും റീ​ത്താ​മ്മ​യു​ടെ കാ​ര്യ​ങ്ങ​ൾ കു​ര്യ​നും അ​റി​യാ​റി​ല്ല. കു​ര്യ​ൻ ജെ.​സി.​ഐ​യിൽ അം​ഗ​മാ​ണ്. റീ​ത്താ​മ്മ വ​നി​താ​ക്ല​ബി​ലെ അം​ഗ​വു​മാ​ണ്.

വീ​ട്ടു​കാ​ര്യ​ങ്ങ​ളൊ​ക്കെ നോ​ക്കി ന​ട​ത്താ​ൻ അ​യ​ൽ​പ​ക്ക​ക്കാ​രാ​യ ര​ണ്ടു​പേ​രു​ണ്ട്. ത​ങ്ക​പ്പ​നെ​ന്ന അ​യാ​ൾ പു​റ​ത്തേ പ​ണി​ക​ളും അ​യ​ൽ​പ​ക്ക​ക്കാ​രി അ​മ്മി​ണി അ​ടു​ക്ക​ള​പ്പ​ണി​ക​ളും നോ​ക്കി ന​ട​ത്തും. കു​ര്യ​നും റീ​ത്താ​മ്മ​യ്ക്കും ര​ണ്ട് വ​ര​വും ര​ണ്ട് ചെല​വു​ക​ളു​മാ​ണ്. റീ​ത്താ​മ്മ​യു​ടെ ആ​ങ്ങ​ള​മാ​രും അ​നു​ജ​ത്തി ജ​സീ​ന്ത​യും വി​ദേ​ശ​ത്താ​ണ്. അ​വ​ധി​ക്ക് നാ​ട്ടി​ലെ​ത്തു​ന്പോ​ഴും മ​റ്റ​വ​സ​ര​ങ്ങ​ളി​ലും സ​ഹോ​ദ​ര​ങ്ങ​ൾ മൂ​വ​രും റീ​ത്താ​മ്മ​യെ സാ​ന്പ​ത്തി​ക​മാ​യി പി​ന്തു​ണ​യ്ക്കാ​റു​ണ്ട്. കു​ര്യ​ന്‍റെ വ​രു​മാ​നം മു​ഖ്യ​മാ​യും ബി​സി​ന​സ്‌ വഴി ല​ഭി​ക്കു​ന്ന ലാ​ഭ​വും മ​ക്ക​ൾ അ​യ​യ്ക്കു​ന്ന പ​ണ​വു​മാ​ണ്. കു​ര്യ​ന്‍റെ ഇ​പ്പോ​ഴ​ത്തെ പ​രാ​തി ത​ന്‍റെ മു​റി​യി​ൽ​നി​ന്ന് ത​ന്‍റെ പ​ണം ത​ന്‍റെ ഭാ​ര്യ ത​ന്‍റെ അ​നു​വാ​ദം കൂ​ടാ​തെ എ​ടു​ക്കു​ന്നു എ​ന്ന​താ​ണ.് ഇ​തി​ന്‍റെ പേ​രി​ൽ ഇ​രു​വ​രും ത​മ്മി​ൽ പ​ല​വ​ട്ടം വാ​ക്കേ​റ്റ​വും അ​ടി​പി​ടി​യും ന​ട​ന്നു എ​ന്ന​തി​ന് വാ​ല്യ​ക്കാ​ർ ര​ണ്ടു​പേ​രും അ​യ​ൽ​പ​ക്ക​ക്കാ​ർ ചി​ല​രും സാ​ക്ഷി​ക​ളാ​ണ്. പ​ണ​ത്തെ സം​ബ​ന്ധി​ച്ച് മാ​ത്ര​മ​ല്ല മ​റ്റ് പ​ല കാ​ര്യ​ങ്ങ​ളോ​ട് ബ​ന്ധ​പ്പെ​ട്ടും ത​ന്‍റെ ഭാ​ര്യ ത​ന്നോ​ട് ക​ള്ളം പ​റ​യാ​റു​ണ്ടെ​ന്നും അ​വ​ളെ വ​ഴി​തെ​റ്റി​ക്കു​ന്ന​തു മു​ഴു​വ​ൻ വി​ദേ​ശ​ത്തു​നി​ന്ന് സ​ഹാ​യം ന​ൽ​കു​ന്ന അ​വ​ളു​ടെ ആ​ങ്ങ​ള​മാ​രും അ​നു​ജ​ത്തി​യും കൂ​ടി​യാ​ണെ​ന്നും കു​ര്യ​ൻ ആ​രോ​പി​ക്കു​ന്നു. താ​ൻ അ​റി​യാ​തെ ത​ന്‍റെ ഭ​ർ​ത്താ​വി​ന് പ​ല​വി​ധ ഇ​ട​പാ​ടു​ക​ൾ ഉ​ണ്ടെ​ന്നും താ​ൻ ക​ള​ളം പ​റ​യാ​റേ ഉ​ള്ളൂ എ​ന്നും ക​ള്ള​ത്ത​രം കാ​ട്ടു​ന്ന​ത് മു​ഴു​വ​ൻ ത​ന്‍റെ ഭ​ർ​ത്താ​വൊ​രു​വ​നാ​ണെ​ന്നു​മാ​ണ് റീ​ത്താ​മ്മ പ​റ​യു​ന്ന​ത്.

ഭാ​ര്യാ​ഭ​ർ​ത്താ​ക്കന്മാ​രു​ടെ ര​ണ്ട് വ​ള്ള​ങ്ങ​ളി​ലെ യാ​ത്ര എ​ങ്ങ​നെ​യു​ണ്ട്? അ​ന്യോ​ന്യം അ​യ​ൽ​പ​ക്ക സ്നേ​ഹം​പോ​ലും ഇ​ല്ലാ​ത്ത ഭാ​ര്യാ​ഭ​ർ​ത്താ​ക്കന്മാ​ർ. അ​ങ്ങ​നെ​യ​ല്ലേ ഇ​വ​രെ​ക്കു​റി​ച്ച് പ​റ​യാ​നാ​കൂ. ഒ​രേ ദി​ക്കി​ലേ​ക്ക് ഒ​രു​മ​യോ​ടെ പോ​കേ​ണ്ട​വ​ർ ഇ​രു ദി​ശ​ക​ളി​ലേ​ക്ക് ഇ​രു താ​ൽ​പ​ര്യ​ങ്ങ​ളു​മാ​യി പോ​യാ​ൽ അ​വ​ർ​ക്കോ മ​ക്ക​ൾ​ക്കോ മ​റ്റാ​ർ​ക്കെ​ങ്കി​ലു​മോ എ​ന്തെ​ങ്കി​ലും പ്ര​യോ​ജ​നം ഉ​ണ്ടാ​കു​മോ? ഇ​വ​രി​രു​വ​രും ഇ​പ്ര​കാ​രം മു​ന്നോ​ട്ട് പോ​യാ​ൽ ഇ​വ​രു​ടെ മ​ക്ക​ളു​ടെ​യും അ​വ​ർ രൂ​പം കൊ​ടു​ക്കു​ന്ന കു​ടും​ബ​ങ്ങ​ളു​ടെ​യും സ്ഥി​തി എ​ന്താ​കും? പ​ണ​വും ബാ​ഹ്യ​സൗ​ക​ര്യ​ങ്ങ​ളും മ​ക്ക​ളു​ടെ വി​ദേ​ശ ജോ​ലി​യും ഒ​ക്കെ ചേ​ർ​ന്നാ​ൽ കു​ടും​ബ​ജീ​വി​തം ശോ​ഭ​ന​മാ​കും എ​ന്ന് ക​രു​തു​ന്ന​വ​രേ, കു​ടും​ബ​ബ​ന്ധ​ങ്ങ​ളി​ൽ സ​ന്തോ​ഷ​വും സ​മാ​ധാ​ന​വും അ​നു​ഭ​വി​ക്കാ​ൻ ക​ഴി​യാ​തെ ലോ​കം​ത​ന്നെ നി​ങ്ങ​ളു​ടെ കാ​ൽ​ക്കീ​ഴി​ൽ ആ​യി​ട്ടെ​ന്താ​ണ് കാ​ര്യം?

വി​വാ​ഹ​ബ​ന്ധ​ത്തി​ലൂ​ടെ കൂ​ട്ടി​ച്ചേ​ർ​ക്ക​പ്പെ​ട്ട ഭാ​ര്യാ​ഭ​ർ​തൃ​ബ​ന്ധ​ത്തി​ൽ ജീ​വി​ക്കാ​തെ സ​ഹോ​ദ​ര ബ​ന്ധ​ത്തി​ലോ ഇ​ത​ര ബ​ന്ധു​ബ​ല​ത്തി​ലോ മാ​ത്രം വി​വാ​ഹി​ത​ർ വ്യാ​പ​രി​ച്ചി​ട്ട് എ​ന്താ​ണ് കാ​ര്യം? ക​ള്ളം പ​റ​ഞ്ഞ​തോ ക​ള്ള​ത്ത​രം കാ​ട്ടി​യ​തോ ഒ​ക്കെ​യാ​ണോ മേ​ൽ​ക്ക​ണ്ട കു​ടും​ബ​ത്തി​ലെ യ​ഥാ​ർ​ത്ഥ പ്ര​ശ്നം? ഇ​രു​വ​രു​ടെ​യും മ​ന​സി​ന്‍റെ കാ​പ​ട്യ​മ​ല്ലേ ഇ​വി​ടെ യ​ഥാ​ർ​ത്ഥ പ്ര​ശ്ന​മാ​യി നി​ല​കൊ​ള്ളു​ന്ന​ത്. വി​വാ​ഹ​ബ​ന്ധ​ത്തെ​യും ജീ​വി​ത പ​ങ്കാ​ളി​യേ​യും മ​ക്ക​ളേ​യും കു​ടും​ബ​ത്തെ​യും ഒ​ക്കെ വി​ല​പ്പെ​ട്ട​താ​യി കാ​ണാ​തെ ഭൗ​തി​ക നേ​ട്ട​ങ്ങ​ളെ മാ​ത്രം ശ്രേ​ഷ്ഠ​മാ​യി കാ​ണു​ന്ന രീ​തി​യാ​ണ് തി​രു​ത്ത​പ്പെ​ടേ​ണ്ട​ത്.

ഈ ​കു​ടും​ബ​ത്തി​ലെ മാ​താ​പി​താ​ക്ക​ൾ ഇ​രു​വ​രും പ​ല​തും ത​ങ്ങ​ളു​ടെ മ​ക്ക​ളു​ടെ വ​ള​ർ​ച്ചയു​ടെ വ​ഴി​യി​ൽ ന​ൽ​കി​യെ​ങ്കി​ലും ശ്രേ​ഷ്ഠ​മാ​യി ന​ൽ​കേ​ണ്ടി​യി​രു​ന്ന അ​നു​ക​ര​ണീ​യ​മാ​യ മാ​തൃ​ക ന​ൽ​കാ​തെ പോ​യ​ത് വീ​ഴ്ച​ത​ന്നെ​യാ​ണ്. ആ​ദ്യം പ​റ​ഞ്ഞ​വ പ​ല​തും ന​ൽ​കാ​ൻ ക​ഴി​യാ​തെ പോ​യാ​ലും ഭാ​ര്യാ​ഭ​ർ​തൃ​ബ​ന്ധ​ത്തി​ന്‍റെ ത​ല​ത്തി​ൽ ന​ൽ​കേ​ണ്ട അ​നു​ക​ര​ണീ​യ​മാ​യ മാ​തൃ​ക ന​ൽ​കാ​ൻ ക​ഴി​ഞ്ഞാ​ൽ അ​വ​രെ കു​റ്റ​പ്പെ​ടു​ത്താ​ൻ ആ​ർ​ക്കും ക​ഴി​യു​ക​യി​ല്ല. അ​ന്യോ​ന്യം പ​ഴി​ക്കാ​തെ​യും പ​ങ്കാ​ളി​യെ തി​രു​ത്താ​ൻ ശ്ര​മി​ക്കാ​തെ​യും യാ​ഥാ​ർ​ത്ഥ്യ​ബോ​ധ​ത്തോ​ടെ സ്വ​യം പ​ഴി​ക്കാ​നും സ്വ​യം തി​രു​ത്താ​നും സ​ന്ന​ദ്ധ​ത കാ​ട്ടി​യാ​ൽ ഇ​വ​രി​രു​വ​രു​ടെ​യും പ്ര​ശ്ന​ത്തി​ന് പ​രി​ഹാ​ര​മാ​കു​മെ​ന്നാ​ണ് എ​ന്‍റെ പ്ര​തീ​ക്ഷ.

സിറിയക് കോട്ടയിൽ
Loading...