ശബ്ദജീവിതം
സീ​ൻ 27
പ​ക​ൽ.
വി​ശാ​ല​മാ​യ പു​ൽ​മേ​ട്ടി​ലെ ഒ​റ്റ​യ​ടി​പ്പാ​ത​യി​ലൂ​ടെ പ​തി​യെ ദൂ​രേ​ക്കു ന​ട​ക്കു​ന്ന ആ​ണ്‍​കു​ട്ടി. ഇ​ളം​കാ​റ്റി​ൽ അ​വ​ന്‍റെ മു​ടി​യി​ഴ​ക​ൾ ഇ​ള​കു​ന്നു​ണ്ട്. അ​വ​ൻ മു​ഖ​മു​യ​ർ​ത്തി ഇ​ട​തു വ​ശ​ത്തേ​ക്കു നോ​ക്കു​ന്പോ​ൾ ഒ​രു ചെ​റി​യ പ​ക്ഷി ചി​റ​ക​ടി​ച്ചു പ​റ​ന്നു​പോ​കു​ന്നു.

ഈ ​ദൃ​ശ്യം തി​യേ​റ്റ​റി​ലെ സ്ക്രീ​നി​ലെ​ത്തു​ന്പോ​ൾ കാ​ഴ്ച​യ്ക്കൊ​പ്പം ശ​ബ്ദ​ങ്ങ​ൾ​കൂ​ടി​യു​ണ്ടാ​കും. എ​ന്തൊ​ക്കെ​യാ​വും അ​വ? ആ ​കു​ട്ടി​യു​ടെ കാ​ൽ​വ​യ്പ്പു​ക​ളു​ടെ പ​തി​ഞ്ഞ ശ​ബ്ദം, ഒ​രി​ളം​കാ​റ്റി​ന്‍റെ ശ​ബ്ദം, അ​ല്പം​കൂ​ടി ക​ഴി​യു​ന്പോ​ൾ ആ ​പ​ക്ഷി​യു​ടെ ചി​റ​ക​ടി​യൊ​ച്ച, ഒ​രു​പ​ക്ഷേ പ​ശ്ചാ​ത്ത​ല​ത്തി​ൽ ഒ​രു മൃ​ദു​സം​ഗീ​ത​വും. ദൃ​ശ്യ​ങ്ങ​ളി​ലേ​ക്ക് ഈ ​ശ​ബ്ദ​ങ്ങ​ൾ കൃ​ത്യ​മാ​യി, സൂ​ക്ഷ്മ​മാ​യി സ​ന്നി​വേ​ശി​പ്പി​ച്ചാ​ലേ കാ​ഴ്ച ഒ​ര​നു​ഭ​വ​മാ​കൂ. വെ​റു​ത ക​ണ്ടു​പോ​കു​ന്ന​തും അ​നു​ഭ​വി​ക്കു​ന്ന​തും ത​മ്മി​ൽ വ​ലി​യ വ്യ​ത്യാ​സ​മു​ണ്ട്. സ്ക്രീ​നി​ലെ ഇ​ളം​കാ​റ്റി​ൽ ത​ന്‍റെ മു​ടി​യി​ഴ​ക​ൾ ഇ​ള​കു​ന്ന​ല്ലോ​യെ​ന്ന് കാ​ഴ്ച​ക്കാ​ര​നു തോ​ന്ന​ണം.., ആ ​പ​ക്ഷി എ​ങ്ങു​പ​റ​ന്നു​പോ​യി എ​ന്ന​യാ​ൾ സ​ന്ദേ​ഹി​ക്ക​ണം... അ​താ​ണ് സി​നി​മ​യി​ൽ ശ​ബ്ദ​മി​ശ്ര​ണം ചെ​യ്യു​ന്ന​യാ​ളു​ടെ മി​ടു​ക്ക്. ജീ​വി​ത​ത്തെ ശ​ബ്ദ​ങ്ങ​ളി​ലൂ​ടെ വ​ര​ച്ചി​ടു​ന്ന അ​ങ്ങ​നെ​യൊ​രു ചെ​റു​പ്പ​ക്കാ​ര​ൻ ഇ​വി​ടെ​യു​ണ്ട്- ജ​സ്റ്റി​ൻ ജോ​സ്., ശ​ബ്ദ​മി​ശ്ര​ണ​ത്തി​ന് ര​ണ്ടു​ത​വ​ണ ദേ​ശീ​യ പു​ര​സ്കാ​രം നേ​ടി​യ, ഇ​ന്ത്യ​ൻ സി​നി​മ​യ്ക്ക് ഡോ​ൾ​ബി അ​റ്റ്മോ​സ് ശ​ബ്ദ​വി​താ​നം പ​രി​ച​യ​പ്പെ​ടു​ത്തി​യ സൗ​ണ്ട് മി​ക്സിം​ഗ് എ​ൻ​ജി​നിയ​ർ.

അ​ജ്ഞാ​ത മാ​ന്ത്രി​ക​ർ

ടൈ​റ്റി​ൽ കാ​ർ​ഡു​ക​ളി​ൽ പേ​രെ​ഴു​തിക്കാ​ണി​ക്കു​ന്ന​തി​ന​പ്പു​റം ഒ​ട്ട​ന​വ​ധി സാ​ങ്കേ​തി​ക​പ്ര​വ​ർ​ത്ത​ക​രു​ടെ ഭാ​വ​ന​യും ക​ഴി​വും പ്ര​യ​ത്ന​വും ഓ​രോ സി​നി​മ​യ്ക്കു പി​ന്നി​ലു​മു​ണ്ട്. ഈ ​സി​നി​മ​യു​ടെ ശ​ബ്ദ​മി​ശ്ര​ണം ഗം​ഭീ​ര​മാ​യി​രു​ന്നു എ​ന്നു പ​റ​യാ​ൻ ഒ​രി​ക്ക​ലും സാ​ധാ​ര​ണ പ്രേ​ക്ഷ​ക​നു ക​ഴി​യി​ല്ല. അ​ങ്ങ​നെ​യൊ​രാ​ൾ ഈ ​സി​നി​മ​യു​ടെ അ​ണി​യ​റ​യി​ലു​ണ്ട് എ​ന്നു​പോ​ലും ചി​ല​പ്പോ​ൾ ആ ​പ്രേ​ക്ഷ​ക​ന് അ​റി​യി​ല്ല. എ​ന്നാ​ൽ സി​നി​മ​യി​ലെ മാ​റി​വ​രു​ന്ന സ​ന്ദ​ർ​ഭ​ങ്ങ​ളി​ൽ മൗ​നി​ക​ളാ​കു​ന്ന, ക​ണ്ണീ​ര​ണി​യു​ന്ന, ആ​ർ​പ്പു​വി​ളി​ക്കു​ന്ന, ഉ​ത്സാ​ഹി​ക​ളാ​കു​ന്ന പ്രേ​ക്ഷ​ക​രു​ടെ ആ ​വി​കാ​ര​ങ്ങ​ൾ സൗ​ണ്ട് മി​ക്സിം​ഗ് നി​ർ​വ​ഹി​ച്ച​യാ​ൾ​ക്കു കൂ​ടി​യു​ള്ള അം​ഗീ​കാ​ര​മാ​ണ്.

"പ്രേ​ക്ഷ​ക​ർ​ക്ക് ഒ​രി​ക്ക​ലും മ​റ​ക്കാ​നാ​വാ​ത്ത ശ​ബ്ദ​ങ്ങ​ൾ കൊ​ടു​ക്ക​ണം, അ​തി​നാ​ണ് ശ്ര​മി​ക്കു​ന്ന​ത്'- ജ​സ്റ്റി​ൻ പ​റ​യു​ന്നു.
അ​ങ്ങ​നെ ആ​രും പെ​ട്ടെ​ന്നു മ​റ​ക്കാ​ത്ത ദൃ​ശ്യ-​ശ​ബ്ദവി​സ്മ​യം പി​റ​ന്ന ഒ​രു സി​നി​മ​യെ​ക്കു​റി​ച്ച് ജ​സ്റ്റി​ൻ ഓ​ർ​ക്കു​ന്ന​തി​ങ്ങ​നെ:
വേ​റൊ​രു വ​ർ​ക്ക് പൂ​ർ​ത്തി​യാ​ക്കി ര​ണ്ടോ മൂ​ന്നോ ദി​വ​സം അ​വ​ധി​യെ​ടു​ക്കാ​ൻ തീ​രു​മാ​നി​ച്ച​താ​ണ് ഞാ​ൻ. കു​ടും​ബ​ത്തോ​ടൊ​പ്പം ചെ​റി​യൊ​രു യാ​ത്ര​യും പ്ലാ​ൻ ചെ​യ്തു. അ​പ്പോ​ഴാ​ണ് സ്റ്റു​ഡി​യോ​യി​ൽ​നി​ന്നു പ​റ​യു​ന്ന​ത്, ജ​സ്റ്റി​ൻ ഇ​പ്പോ​ൾ അ​വ​ധി​യെ​ടു​ത്താ​ൽ പ​റ്റി​ല്ല. പ്ര​ധാ​ന​പ്പെ​ട്ടൊ​രു വ​ർ​ക്ക് വ​രു​ന്നു​ണ്ട് എ​ന്ന്.
"യാ​ത്ര മാ​റ്റി​വ​ച്ച് അ​ടു​ത്ത​ദി​വ​സം​ത​ന്നെ ജോ​ലി തു​ട​ങ്ങി. തു​ട​ക്ക​ത്തി​ൽ ഒ​രു സാ​ധാ​ര​ണ തെ​ലു​ങ്കു​പ​ടം എ​ന്നാ​യി​രു​ന്നു മ​ന​സി​ൽ. പ​ക്ഷേ ഓ​രോ റീ​ലു​ക​ൾ ക​ഴി​യും​തോ​റും എ​ന്‍റെ ക്യൂ​രി​യോ​സി​റ്റി കൂ​ടി. ഏ​ഴെ​ട്ടു​ദി​വ​സ​ത്തെ വ​ർ​ക്ക് ക​ഴി​ഞ്ഞ​പ്പോ​ഴാ​ണ് എ​നി​ക്ക് ആ ​സി​നി​മ​യു​ടെ യ​ഥാ​ർ​ഥ വ​ലുപ്പം വ്യ​ക്ത​മാ​യ​ത്'...
ബ്ര​ഹ്മാ​ണ്ഡ ചി​ത്ര​മാ​യ ബാ​ഹു​ബ​ലി​യു​ടെ ആ​ദ്യ​പ​തി​പ്പാ​യി​രു​ന്നു അ​ത്!

ആ​യി​ര​ത്തി​ലേ​റെ ട്രാ​ക്കു​ക​ൾ

തു​ട​ക്ക​ത്തി​ൽ ക​ണ്ട സീ​നി​ലെ പു​ൽ​മേ​ട്ടി​ലേ​ക്കും ആ​ണ്‍​കു​ട്ടി​യി​ലേ​ക്കും ഇ​ളം​കാ​റ്റി​ലേ​ക്കും ഒ​ന്നു​കൂ​ടി വ​രാം. ഇ​തി​ലെ​ന്താ​ണി​പ്പോ​ൾ ഇ​ത്ര ശ​ബ്ദം മി​ക്സ് ചെ​യ്യാ​നു​ള്ള​ത് എ​ന്ന് ആ​രെ​ങ്കി​ലും സം​ശ​യി​ക്കാം. ഒ​രു കാ​റ്റി​ന്‍റെ ഇ​ഫ​ക്ടും പ​ക്ഷി​യു​ടെ ചി​റ​ക​ടി​യും എ​ടു​ത്തു​വ​ച്ചാ​ൽ​പ്പോ​രേ എ​ന്നാ​കും അ​വ​രു​ടെ ചി​ന്ത.

അ​വി​ടെ​നി​ന്ന് ന​മ്മ​ൾ ബാ​ഹു​ബ​ലി​യി​ലെ ഒ​രു യു​ദ്ധ സീ​നി​ലേ​ക്കു വ​രു​ന്നു. അ​തി​ൽ എ​ത്ര​ത​രം ശ​ബ്ദ​ങ്ങ​ളു​ണ്ടാ​കും? ആ​ക്രോ​ശ​ങ്ങ​ൾ, ആ​ർ​ത്ത​നാ​ദ​ങ്ങ​ൾ, വെ​ല്ലു​വി​ളി​ക​ൾ, കു​തി​ര​ക്കു​ള​ന്പ​ടി​ക​ൾ, ആ​ന​യു​ടെ ചി​ന്നം​വി​ളി, തേ​ർ​വാ​ഴ്ച​ക​ൾ, ആ​യു​ധ​ങ്ങ​ളു​ടെ സീ​ൽ​ക്കാ​രം, ഇ​ടി​മു​ഴ​ക്ക​ങ്ങ​ൾ, പ്ര​തി​ധ്വ​നി​ക​ൾ, ഒ​പ്പം മ​റ്റ് ഇ​ഫ​ക്ടു​ക​ൾ, പ​ശ്ചാ​ത്ത​ല സം​ഗീ​തം.. മ​ര​ണ​ത്തി​ന്‍റെ മൗ​നം​പോ​ലും! ഇ​വ​യെ​ല്ലാം കൃ​ത്യ​മാ​യ അ​ള​വി​ൽ ചേ​ർ​ത്തു​വ​യ്ക്കു​ന്ന​ത് ശ്ര​മ​ക​ര​മാ​യ ജോ​ലി​യാ​ണ്. ഓ​രോ ഫ്രെ​യി​മി​ലും വൈ​വി​ധ്യ​മു​ള്ള ശ​ബ്ദ​ങ്ങ​ൾ വേ​ണം. സൗ​ണ്ട് മി​ക്സ​ർ ആ ​ജോ​ലി​യി​ൽ വി​ജ​യി​ക്കു​ന്പോ​ഴാ​ണ് പ്രേ​ക്ഷ​ക​ന്‍റെ ഹൃ​ദ​യ​ത്തി​ൽ വാ​ൾ​ത്ത​ല​പ്പു കൊ​ള്ളു​ന്ന​തും ചോ​ര​പൊ​ടി​യു​ന്ന​തും. സാ​ധാ​ര​ണ സി​നി​മ​ക​ളു​ടെ സൗ​ണ്ട് മി​ക്സിം​ഗി​ന് 200 മു​ത​ൽ 400 വ​രെ മ​ണി​ക്കൂ​റു​ക​ൾ ജോ​ലി ചെ​യ്യ​ണ​മെ​ങ്കി​ൽ ബാ​ഹു​ബ​ലി, പ​ത്മാവ​ത് പോ​ലു​ള്ള ചി​ത്ര​ങ്ങ​ൾ​ക്ക് 500 മ​ണി​ക്കൂ​ർ​വ​രെ മാ​റ്റി​വ​യ്ക്ക​ണം. ഇ​തി​ഹാ​സ​തു​ല്യ​മാ​യ ക​ഥ​ക​ൾ പ​റ​യു​ന്ന ചി​ത്ര​ങ്ങ​ളി​ൽ ചി​ല​യി​ട​ത്ത് കൂ​ട്ടി​യി​ണ​ക്കി​യ ട്രാ​ക്കു​ക​ളു​ടെ എ​ണ്ണം 1200 വ​രെ എ​ത്തു​മെ​ന്ന് ജ​സ്റ്റി​ൻ പ​റ​യു​ന്നു.

ശ​ബ്ദ​ത്തി​ന്‍റെ ട്രാ​ക്കി​ലേ​ക്ക്

സം​ഗീ​ത​ത്തോ​ടും ശ​ബ്ദ​ങ്ങ​ളോ​ടും ഇ​ഷ്ട​ക്കൂ​ടു​ത​ലു​ണ്ടാ​യി​രു​ന്ന ബാ​ല്യ​മാ​യി​രു​ന്നു ജ​സ്റ്റി​ന്‍റേത്. തൃ​ശൂ​ർ കു​രി​യ​ച്ചി​റ കാ​ഞ്ഞി​ര​പ്പ​റ​ന്പി​ൽ ജോ​സും ഭാ​ര്യ ലി​സി​യും മ​ക​ന്‍റെ ഇ​ഷ്ട​ത്തി​ന് എ​തി​രു​നി​ന്നി​ല്ല. തൃശൂർ സെന്‍റ് തോമസ് കോളജിലെ ഡി​ഗ്രി പ​ഠ​ന​ത്തി​നൊ​പ്പം മ​ക​നെ ഹാ​ർ​മ​ണി സ്കൂ​ൾ ഓ​ഫ് മ്യൂ​സി​ക്കി​ൽ കീ​ബോ​ർ​ഡും പ​ഠി​ക്കാ​ൻ ചേ​ർ​ത്തു. അ​ക്കാ​ല​ത്താ​ണ് ചേ​ത​ന സൗ​ണ്ട് സ്റ്റു​ഡി​യോ​യി​ൽ സൗ​ണ്ട് എ​ൻ​ജി​നിയ​റിം​ഗ് കോ​ഴ്സ് തു​ട​ങ്ങു​ന്ന​ത്. ആ​ദ്യ ബാ​ച്ചി​ൽ​ത്ത​ന്നെ അ​തി​നു ചേ​ർ​ന്നു.

അ​തോ​ടെ സം​ഗീ​ത​ത്തി​നു ചെ​റി​യ ഇ​ട​വേ​ള​വ​ന്നു. ഇ​ല​ക്ട്രോ​ണി​ക് കീ​ബോ​ർ​ഡി​ൽ ല​ണ്ട​ൻ ട്രി​നി​റ്റി കോ​ള​ജി​ന്‍റെ ഫോ​ർ​ത്ത് ഗ്രേ​ഡ് പൂ​ർ​ത്തി​യാ​ക്കി​യ വേ​ള​യി​ലാ​ണ് ശ​ബ്ദ​ത്തി​നു പി​ന്നി​ലെ സാ​ങ്കേ​തി​ക​ത്വ​ങ്ങ​ളി​ലേ​ക്കു ട്രാ​ക്ക് മാ​റി​യ​ത്. കി​ട്ടാ​വു​ന്ന പു​സ്ത​ക​ങ്ങ​ൾ എ​ല്ലാം അ​ക്കാ​ല​ത്തു തേ​ടി​പ്പി​ടി​ച്ചു വാ​യി​ച്ചു. ഓ​ഡി​യോ റെ​ക്കോ​ർ​ഡിം​ഗ് ആ​ർ​ട്സ് ഡി​പ്ലോ​മ ഫ​സ്റ്റ് ക്ലാ​സി​ൽ​ത്ത​ന്നെ പാ​സാ​യി.
സം​ഗീ​ത​സം​വി​ധാ​യ​ക​ൻ ഗോ​പി സു​ന്ദ​റി​ന്‍റെ സ്റ്റു​ഡി​യോ​യി​ലാ​യി​രു​ന്നു പ്ര​ഫ​ഷ​ണ​ൽ ജീ​വി​ത​ത്തി​ന്‍റെ തു​ട​ക്കം. 2003ൽ ​മും​ബൈ​യി​ലേ​ക്കു മാ​റി. വി​ഖ്യാ​ത സൗ​ണ്ട് എ​ൻ​ജി​നിയ​ർ ദീ​പ​ൻ ചാ​റ്റ​ർ​ജി​യു​ടെ കീ​ഴി​ൽ ക്യൂ​ലാ​ബ്സി​ലാ​ണ് ആ​ദ്യം ജോ​ലി​ചെ​യ്ത​ത്. 2008ൽ ​സ്വ​ത​ന്ത്ര റീ-​റെ​ക്കോ​ഡിം​ഗ് മി​ക്സ​റാ​യി. നാ​ലു​വ​ർ​ഷം​കൂ​ടി ക​ഴി​ഞ്ഞ് ഇ​പ്പോ​ൾ പ്ര​വ​ർ​ത്തി​ക്കു​ന്ന പ്ര​ശ​സ്ത​മാ​യ ഫ്യൂ​ച്ച​ർ വ​ർ​ക്സ് സ്റ്റു​ഡി​യോ​യി​ൽ ചേ​ർ​ന്നു. ഈ ​രം​ഗ​ത്ത് ഏ​ഷ്യ​യി​ലെ​ത​ന്നെ മു​ൻ​നി​ര​ക്കാ​രാ​ണ് ഫ്യൂ​ച്ച​ർ വ​ർ​ക്സ്. മും​ബൈ അ​ന്ധേ​രി​യിലാ​ണ് ജ​സ്റ്റി​ന്‍റെ താ​മ​സ​വും. ഭാ​ര്യ ലി​ജി​നും ര​ണ്ട​ര​വ​യ​സു​കാ​ര​ൻ മ​ക​ൻ എ​യ്ഡ​ൻ മൈ​ക്കി​ളും ഒ​പ്പ​മു​ണ്ട്. ര​ണ്ടു​പേ​രും സം​ഗീ​ത​ത​ത്പ​ര​രാ​ണ്.

വി​വി​ധ ഭാ​ഷ​ക​ളി​ലാ​യി ഇ​തു​വ​രെ 250-ലേ​റെ ചി​ത്ര​ങ്ങ​ളു​ടെ ശ​ബ്ദ​മി​ശ്ര​ണം നി​ർ​വ​ഹി​ച്ചു. ബാ​ഹു​ബ​ലി​ക്കു പു​റ​മേ ബാ​ജി​റാ​വു മ​സ്താ​നി, മോ​ഹ​ൻ ജോ​ദാ​രോ, സ​ഞ്ജ​യ്, സ​ച്ചി​ൻ: എ ​ബി​ല്യ​ണ്‍ ഡ്രീം​സ്, പ​ത്മാ​വ​ത്, എ​യ​ർ​ലി​ഫ്റ്റ് തു​ട​ങ്ങി​യ വ​ന്പ​ൻ ചി​ത്ര​ങ്ങ​ളും അ​തി​ൽ​പ്പെ​ടും. മ​ല​യാ​ള​ത്തി​ൽ കൂ​ടെ ആ​ണ് ഏ​റ്റ​വു​മൊ​ടു​വി​ൽ ചെ​യ്ത​ത്. ലാ​ത്വി​യ​ൻ, അ​റ​ബി​ക് ചി​ത്ര​ങ്ങ​ളി​ലും പ്ര​വ​ർ​ത്തി​ച്ചു.
ബാ​ജി​റാ​വു മ​സ്താ​നി (2016), വാ​ക്കിം​ഗ് വി​ത്ത് ദ ​വി​ൻ​ഡ് (2018) എ​ന്നീ ചി​ത്ര​ങ്ങ​ളി​ലൂ​ടെ ശ​ബ്ദ​മി​ശ്ര​ണ​ത്തി​നു​ള്ള ദേ​ശീ​യ പു​ര​സ്കാ​ര​ങ്ങ​ൾ ജ​സ്റ്റി​നെ തേ​ടി​യെ​ത്തി.

"എ​ക്സ്പീ​രി​യ​ൻ​സ് ഈ ​രം​ഗ​ത്ത് ഏ​റ്റ​വും വ​ലി​യ ഘ​ട​ക​മാ​ണ്. ആ​ദ്യ​ത്തെ നൂ​റു സി​നി​മ​ക​ൾ പൂ​ർ​ത്തി​യാ​യ​പ്പോ​ഴാ​ണ് എ​നി​ക്ക് ശ​രി​ക്കു​ള്ള ആ​ത്മ​വി​ശ്വാ​സ​മാ​യ​ത്. എ​വി​ടെ​യൊ​ക്കെ എ​ത്തി​യാ​ലും എ​ന്‍റെ അ​ടി​സ്ഥാ​നം ചേ​ത​ന​യാ​ണ്. ഗു​രു എ​ന്നു​ത​ന്നെ പ​റ​യ​ണം' - ജ​സ്റ്റി​ൻ പ​റ​യു​ന്നു.

"കീ​ബോ​ർ​ഡ് തു​ട​ർ​ന്നു പ​ഠി​ക്ക​ണ​മെ​ന്നു​ണ്ട്. പ​ഴ​യ ലെ​സ​നു​ക​ൾ വാ​യി​ച്ചു​നോ​ക്ക​ണ​മെ​ന്ന് സ്റ്റീ​ഫ​ൻ ദേ​വ​സി​യെ​പ്പോ​ലു​ള്ള സു​ഹൃ​ത്തു​ക്ക​ൾ എ​പ്പോ​ഴും പ​റ​യും. ഉ​റ​പ്പാ​യും അ​തി​നു​ള്ള സ​മ​യ​മു​ണ്ടാ​ക്ക​ണം'.

അ​റ്റ്മോ​സ്-​ഫി​യ​ർ

ഡോ​ൾ​ബി അ​റ്റ്മോ​സ് എ​ന്നു കേ​ൾ​ക്കാ​ത്ത​വ​ർ ഇ​പ്പോ​ൾ കു​റ​വാ​ണ്. അ​റ്റ്മോ​സ് എ​ന്ന​ത് അ​റ്റ്മോ​സ്ഫി​യ​ർ എ​ന്ന വാ​ക്കി​ന്‍റെ ചു​രു​ക്ക​രൂ​പ​മാ​ണ്. അ​ന്ത​രീ​ക്ഷം എ​ന്ന​ർ​ഥം. അ​ന്ത​രീ​ക്ഷ​ത്തി​ലെ ശ​ബ്ദ​ങ്ങ​ൾ അ​തേ കൃ​ത്യ​ത​യോ​ടെ പു​ന​രാ​വി​ഷ്ക​രി​ക്കു​ന്ന​താ​ണ് ഡോ​ൾ​ബി അ​റ്റ്മോ​സ് സ​റൗ​ണ്ട് മി​ക്സ് സൗ​ണ്ട് ടെ​ക്നോ​ള​ജി. വെ​ള്ള​ത്തി​ൽ മു​ങ്ങു​ന്ന​താ​ണ് സീ​ൻ എ​ങ്കി​ൽ വെ​ള്ള​ത്തി​ന​ടി​യി​ൽ​നി​ന്നു​ള്ള ശ​ബ്ദം​പോ​ലും ഈ ​സാ​ങ്കേ​തി​ക​വി​ദ്യ കേ​ൾ​പ്പി​ക്കും. അ​തി​നി​ണ​ങ്ങു​ന്ന സ​ങ്കേ​ത​ങ്ങ​ൾ തി​യ​റ്റ​റു​ക​ളി​ലും ഉ​ണ്ടാ​വ​ണ​മെ​ന്നു​മാ​ത്രം.

ഡോ​ൾ​ബി അ​റ്റ്മോ​സ് ശ​ബ്ദ​മി​ശ്ര​ണ​ത്തി​ൽ വൈ​ദ​ഗ്ധ്യം നേ​ടി​യ ജ​സ്റ്റി​ൻ മ​ദ്രാ​സ് ക​ഫേ എ​ന്ന ചി​ത്ര​ത്തി​ലൂ​ടെ ഈ ​ശ​ബ്ദ​വി​സ്മ​യ​ത്തെ ഇ​ന്ത്യ​ൻ സി​നി​മ​യ്ക്കു പ​രി​ച​യ​പ്പെ​ടു​ത്തി. ഈ ​ടെ​ക്നോ​ള​ജി​യി​ൽ ലോ​ക​ത്ത് ഏ​റ്റ​വു​മ​ധി​കം സി​നി​മ​ക​ൾ​ക്കു ശ​ബ്ദ​മി​ശ്ര​ണം ന​ട​ത്തി​യി​ട്ടു​ള്ള​തും മ​റ്റാ​രു​മ​ല്ല.
ജ​സ്റ്റി​ന്‍റെ മി​ക്സിം​ഗ് ക​ണ്‍​സോ​ളി​ൽ​നി​ന്ന് ഇ​നി പു​റ​ത്തി​റ​ങ്ങാ​നി​രി​ക്കു​ന്ന സി​നി​മ​ക​ളി​ലൊ​ന്നി​ന്‍റെ പേ​രി​ലു​മു​ണ്ട് ആ ​അ​റ്റ്മോ​സ്ഫി​യ​ർ കൗ​തു​കം- അ​ന്ത​രീ​ക്ഷം 9000 കെഎംപി​എ​ച്ച്! മ​ണി​ക്കൂ​റി​ൽ 9000 കി​ലോ​മീ​റ്റ​ർ വേ​ഗ​ം! സ​യ​ൻ​സ് ഫി​ക്ഷ​ൻ സ്പേ​സ് ത്രി​ല്ല​റാ​യ ഈ ​തെ​ലു​ഗു സി​നി​മ​യി​ലെ ശ​ബ്ദ​ങ്ങ​ളി​ൽ ത​ന്‍റെ കൈ​യൊ​പ്പു കേ​ൾ​ക്കാ​മെ​ന്ന് ജ​സ്റ്റി​ൻ പ​റ​യു​ന്നു.

അ​തെ, ഈ ​യു​വാ​വി​ന്‍റെ സ്വ​പ്ന​ങ്ങ​ൾ​ക്ക്, ശ​ബ്ദ​ജീ​വി​ത​ത്തി​ന് സി​നി​മ​യു​ടെ പേ​രി​നേ​ക്കാ​ൾ വേ​ഗ​മു​ണ്ട്.

­വി.​ആ​ർ. ഹ​രി​പ്ര​സാ​ദ്
ഫോ​ട്ടോ: ഗ​സൂ​ണ്‍​ജി


Copyright @ 2022 , Rashtra Deepika Ltd.