സമാധാനം ഉണ്ടാകും, നിലനില്ക്കുകയും ചെയ്യും
കൊ​റോ​ണ വൈ​റ​സ് ഒ​രു അ​നു​ഗ്ര​ഹ​മാ​യി​രി​ക്കു​മോ എ​ന്ന ചോ​ദ്യരൂ​പ​ത്തി​ലു​ള്ള ത​ല​ക്കെ​ട്ടോ​ടു​കൂ​ടി ‘ജ​റു​സ​ലം പോ​സ്റ്റ്’ എ​ന്ന പ​ത്ര​ത്തി​ൽ ക​ഴി​ഞ്ഞ ദി​വ​സം ഒ​രു ലേ​ഖ​നം പ്ര​ത്യ​ക്ഷ​പ്പെ​ടു​ക​യു​ണ്ടാ​യി. നെ​യ്ഥ​ൻ ലോ​പ്പ​സ് ക​ർ​ഡോ​സോ എ​ന്ന ഒ​രു പ്ര​മു​ഖ ഗ്ര​ന്ഥ​കാ​ര​ന്‍റെ പേ​രി​ൽ പ്ര​ത്യ​ക്ഷ​പ്പെ​ട്ട ഈ ​ലേ​ഖ​ന​ത്തി​ന്‍റെ ത​ല​ക്കെ​ട്ടി​നു തൊ​ട്ടു താ​ഴെ​യാ​യി കൊ​ടു​ത്തി​രി​ക്കു​ന്ന​ത് ഏ​ശ​യ്യാ പ്ര​വാ​ച​ക​ന്‍റെ തി​രു​വ​ച​ന​മാ​ണ്: “എ​ന്‍റെ ജ​ന​മേ, വ​രു​വി​ൻ, മു​റി​യി​ൽ പ്ര​വേ​ശി​ച്ചു വാ​തി​ല​ട​യ്ക്കു​വി​ൻ; ക്രോ​ധം ശ​മി​ക്കു​ന്ന​തു​വ​രെ, അ​ല്പ സ​മ​യ​ത്തേ​ക്കു നി​ങ്ങ​ൾ മ​റ​ഞ്ഞി​രി​ക്കു​വി​ൻ​’’(26:20).

ന​ഗ്നനേ​ത്ര​ങ്ങ​ൾ​ക്കു കാ​ണാ​നാ​വാ​ത്ത പു​തി​യ കൊ​റോ​ണ വൈ​റ​സ് എ​ന്ന ഒ​രു അ​ണു ഇ​ന്നു ലോ​ക​ത്തെ മു​ൾ​മു​ന​യി​ൽ നി​ർ​ത്തി​യി​രി​ക്കു​ക​യാ​ണ്. വി​വി​ധ രാ​ജ്യ​ങ്ങ​ളി​ൽ ആ​യി​ര​ക്ക​ണ​ക്കി​നാ​ളു​ക​ളു​ടെ മ​ര​ണ​ത്തി​നും ല​ക്ഷ​ക്ക​ണ​ക്കി​നാ​യ രോ​ഗി​ക​ളു​ടെ ദുഃ​ഖദു​രി​ത​ങ്ങ​ൾ​ക്കും ലോ​ക​മെ​ന്പാ​ടും വ​ൻ സാ​ന്പ​ത്തി​ക ത​ക​ർ​ച്ച​യ്ക്കും ഇ​ട​യാ​ക്കി​ക്കൊ​ണ്ടി​രി​ക്കു​ന്ന ഈ ​വൈ​റ​സ് മൂ​ലം ലോ​കം മു​ഴു​വ​ൻ വി​റ​ങ്ങ​ലി​ച്ച് നി​ൽ​ക്കു​ന്നു. ഈ ​അ​ത്യ​പൂ​ർ​വ ദു​ര​ന്ത​ത്തി​ൽ നി​ന്നു ക​ര​ക​യ​റു​വാ​ൻ നി​ർ​ദേ​ശി​ക്ക​പ്പെ​ടു​ന്ന മാ​ർ​ഗ​ങ്ങ​ളി​ലൊ​ന്നു സാ​മൂ​ഹി​ക അ​ക​ലം പാ​ലി​ക്കു​ക എ​ന്ന​താ​ണ്. അ​ല്ലെ​ങ്കി​ൽ മു​ക​ളി​ൽ കൊ​ടു​ത്തി​രി​ക്കു​ന്ന ഏ​ശ​യ്യാ പ്ര​വാ​ച​ക​ന്‍റെ വാ​ക്കു​ക​ളി​ൽ പ​റ​ഞ്ഞി​രി​ക്കു​ന്ന​തു​പോ​ലെ, മു​റി​യി​ൽ ക​യ​റി വാ​തി​ല​ട​ച്ചു മ​റ​ഞ്ഞി​രി​ക്കു​ക എ​ന്ന​താ​ണ്.

ആ​രോ​ഗ്യ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​രും ഗ​വ​ണ്‍​മെ​ന്‍റു​മൊ​ക്കെ സാ​മൂ​ഹി​ക അ​ക​ലം പാ​ലി​ക്ക​ണ​മെ​ന്നു നി​ർ​ബ​ന്ധം പി​ടി​ക്കു​ന്പോ​ഴും അ​തി​നെ നി​സാ​ര​മാ​യി കാ​ണു​ന്ന മ​നഃ​സ്ഥി​തി​യാ​ണു ന​മ്മി​ൽ കു​റെ പേ​ർ​ക്കെ​ങ്കി​ലു​മു​ള്ള​ത്. തന്മൂ​ല​മാ​ണ​ല്ലോ ക​ടു​ത്ത നി​യ​ന്ത്ര​ണ​ങ്ങ​ളു​ണ്ടാ​യി​ട്ടും ന​മ്മു​ടെ​യി​ട​യി​ൽ അ​നു​ദി​നം കൂ​ടു​ത​ൽ​പ്പേ​ർ രോ​ഗി​ക​ളാ​യി മാ​റു​ന്ന​ത്. ഇ​റ്റ​ലി​യി​ലും മ​റ്റു ചി​ല യൂ​റോ​പ്യ​ൻ രാ​ജ്യ​ങ്ങ​ളി​ലും കൊ​റോ​ണ ദു​ര​ന്തം വി​ത​യ്ക്കു​ന്ന​തി​ന്‍റെ കാ​ര​ണം സാ​മൂ​ഹി​ക അ​ക​ലം പാ​ലി​ക്കു​ന്ന​തി​ൽ വ​ന്ന അ​പാ​ക​ത​യാ​ണെ​ന്ന് അ​വി​ടെ​യു​ള്ള​വ​ർ ത​ന്നെ വ്യ​ക്ത​മാ​ക്കി​യി​ട്ടു​ണ്ട​ല്ലോ.
സാ​മൂ​ഹി​ക അ​ക​ലം പാ​ലി​ക്കു​ന്ന​തി​ന്‍റെ ഭാ​ഗ​മാ​യി വീ​ട്ടി​ൽ ക​യ​റി മ​റ​ഞ്ഞി​രി​ക്കു​വാ​ൻ നി​ർ​ബ​ന്ധി​ക്ക​പ്പെ​ടു​ന്ന പ​ശ്ചാ​ത്ത​ല​ത്തി​ൽ നാം ​ന​മ്മെ​ക്കു​റി​ച്ചു ത​ന്നെ​യു​ള്ള ഒ​രു ആ​ത്മപ​രി​ശോ​ധ​ന​യ്ക്കു ത​യ്യാ​റാ​കു​മോ? നാം ​ത​യാ​റാ​യാ​ലും ഇ​ല്ലെ​ങ്കി​ലും ഇ​തു​വ​രെ​യും മ​നു​ഷ്യ​നു പി​ടി ന​ൽ​കാ​ത്ത കൊ​റോ​ണ വൈ​റ​സ് ന​മ്മെ ഇ​രു​ത്തി ചി​ന്തി​പ്പി​ക്കു​മെ​ന്ന​തി​ൽ സം​ശ​യ​മി​ല്ല. നാ​ളെ സൂ​ര്യ​ൻ ഉ​ദി​ക്കു​മോ എ​ന്നു തീ​ർ​ച്ച പ​റ​യാ​ൻ സാ​ധി​ക്കു​ക​യി​ല്ലെ​ന്നു സ്കോ​ട്ടി​ഷ് ത​ത്ത്വ​ചി​ന്ത​ക​നാ​യ ഡേ​വി​ഡ് ഹ്യൂം (1711-1776) ​പ​റ​ഞ്ഞ​പ്പോ​ൾ അ​തി​നെ പു​ച്ഛി​ച്ചു ത​ള്ളി​യ​വ​രു​ണ്ട്. എ​ന്നാ​ൽ, ക​ഴി​ഞ്ഞ ദ​ശ​ല​ക്ഷ​ക്ക​ണ​ക്കി​നു വ​ർ​ഷ​ങ്ങ​ളി​ൽ സൂ​ര്യ​നു​ദി​ച്ച​തു​കൊ​ണ്ടു നാ​ളെ​യും അ​ങ്ങ​നെ സം​ഭ​വി​ക്ക​ണ​മെ​ന്നി​ല്ല എ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ വാ​ദ​ഗ​തി.

ഈ ​വാ​ദ​ഗ​തി​യെ അ​നു​കൂ​ലി​ച്ചു​കൊ​ണ്ടു ക​ർ​ഡോ​സോ എ​ന്ന ലേ​ഖ​ന​കാ​ര​ൻ ചോ​ദി​ക്കു​ന്നു: "ത​ട​സം കൂ​ടാ​തെ ശാ​സോ​ച്ഛ്വാ​സം ചെ​യ്യു​വാ​നു​ള്ള ന​മ്മു​ടെ ക​ഴി​വ് നാ​ളെ​യും ന​മു​ക്കു​ണ്ടാ​യി​രി​ക്കു​മെ​ന്ന് എ​ന്തു തീ​ർ​ച്ച​യാ​ണു​ള്ള​ത്. ഒ​രു ചെ​റി​യ വൈ​റ​സ് ന​മ്മെ ബാ​ധി​ച്ചാ​ൽ മ​തി​യാ​വും ന​മ്മു​ടെ ശാ​സോ​ച്ഛ്വാ​സം ത​ട​സ​പ്പെ​ടു​വാ​ൻ​’’. ഈ ​യാ​ഥാ​ർ​ഥ്യം അ​റി​യാ​മാ​യി​രു​ന്ന​തു​കൊ​ണ്ടാ​ണ​ത്രെ യ​ഹൂ​ദ ജ​ന​ത്തി​നി​ട​യി​ൽ എ​ന്തി​നും എ​ല്ലാ​യ്പോ​ഴും ദൈ​വ​ത്തി​നു ന​ന്ദി പ​റ​ഞ്ഞു പ്രാ​ർ​ഥി​ക്കു​ന്ന പാ​ര​ന്പ​ര്യം ഉ​ട​ലെ​ടു​ത്ത​തെ​ന്ന് അ​ദ്ദേ​ഹം അ​ഭി​പ്രാ​യ​പ്പെ​ടു​ന്നു.

കാ​ര്യ​ങ്ങ​ൾ എ​ല്ലാം ന​ന്നാ​യി​പ്പോ​കു​ന്പോ​ൾ എ​ല്ലാം ന​മ്മു​ടെ ചൊ​ല്പ​ടി​യി​ലാ​ണെ​ന്നു നാം ​ക​രു​തും. തന്മ·ൂ​ലം ജീ​വി​തം അ​ടി​ച്ചു​പൊ​ളി​ച്ചു ജീ​വി​ക്കാം എ​ന്ന് ഏ​റെ​പ്പേ​രും ക​രു​തും. അ​തു മാ​ത്ര​മോ, ത​ങ്ങ​ളെ ഒ​രു ശ​ക്തി​ക്കും പി​ടി​ച്ചുനി​ർ​ത്താ​നാ​വി​ല്ലെ​ന്നു വീ​ന്പു പ​റ​യു​ക​യും ചെ​യ്യും. എ​ന്നാ​ൽ, ന​മു​ക്ക് കാ​ണു​വാ​ൻ സാ​ധി​ക്കാ​ത്ത ഒ​രു അ​ണു ന​മ്മ​ളെ​യും ലോ​കം മു​ഴു​വ​നെ​യും ഇ​പ്പോ​ൾ വ​ര​ച്ച വ​ര​യി​ൽ നി​ർ​ത്തി​യി​രി​ക്കു​ന്നു. അ​തു​കൊ​ണ്ടു ത​ന്നെ നാം ​മു​റി​യി​ൽ ക​യ​റി വാ​തി​ല​ട​ച്ചി​രു​ന്ന് ആ​ഴ​മാ​യി ചി​ന്തി​ക്ക​ണം; ന​മ്മു​ടെ ജീ​വി​ത​ത്തെ ആ​ത്മാ​ർ​ഥ​മാ​യി വി​ശ​ക​ല​നം ചെ​യ്യ​ണം. പ്ര​ത്യേ​കി​ച്ചും ന​മ്മു​ടെ ദൈ​വവി​ശ്വാ​സ​ത്തി​ന്‍റെ പ​ശ്ചാ​ത്ത​ല​ത്തി​ൽ.

അ​പ്പോ​ൾ കൊ​റോ​ണ വ​ഴി ദു​ര​ന്ത​ങ്ങ​ൾ ഉ​ണ്ടാ​കു​ന്പോ​ഴും അ​തു​വ​ഴി​യു​ണ്ടാ​കു​ന്ന നേ​ട്ട​ങ്ങ​ളെ​ക്കു​റി​ച്ചു നാം ​ബോ​ധ​വാന്മാ​രാ​കു​മെ​ന്നും ക​ർ​ഡോ​സോ സ​മ​ർ​ഥി​ക്കു​ന്നു. ന​മ്മു​ടെ ബു​ദ്ധി​ശ​ക്തി​യും ലോ​കം നേ​ടി​യി​രി​ക്കു​ന്ന അ​ദ്ഭു​ത​ക​ര​മാ​യ നേ​ട്ട​ങ്ങ​ളും ഒ​രു വൈ​റ​സി​ന്‍റെ ശ​ക്തി​യോ​ളം വ​രി​ല്ല എ​ന്ന ബോ​ധ്യ​മു​ണ്ടാ​കു​വാ​ൻ ന​മു​ക്കു സാ​ധി​ച്ചാ​ൽ അ​തു കൊ​റോ​ണ വ​ഴി ന​മു​ക്കു ല​ഭി​ക്കു​ന്ന ഒ​രു അ​നു​ഗ്ര​ഹ​മാ​യി അ​ദ്ദേ​ഹം കാ​ണു​ന്നു. അ​തു മാ​ത്ര​മ​ല്ല, ന​മ്മു​ടെ ആ​ത്മാ​വി​നെ ലോ​ക​ത്തി​ന്‍റെ ദു​ഷി​ച്ച വ​ഴി​ക​ളി​ൽ നി​ന്നു ക്വാ​റ​ന്‍റൈ​ൻ ചെ​യ്യാ​നും ന​മ്മു​ടെ ജീ​വി​ത​ത്തെ ശ്വാ​സം മു​ട്ടി​​ക്കു​ന്ന തി​ര​ക്കു​ക​ളി​ൽ നി​ന്നു മാ​റിനി​ൽ​ക്കു​വാ​നും കൊ​റോ​ണ വൈ​റ​സ് വ​ഴി​യൊ​രു​ക്കു​ക​യാ​ണെ​ന്നും അ​ദ്ദേ​ഹം ഓ​ർ​മി​പ്പി​ക്കു​ന്നു.

ക​ർ​ഡോ​സോ ത​ന്‍റെ ലേ​ഖ​നം അ​വ​സാ​നി​പ്പി​ക്കു​ന്ന​ത് ആ​മോ​സ് പ്ര​വാ​ച​ക​ന്‍റെ വ​ച​നം ഉ​ദ്ധ​രി​ച്ചു​കൊ​ണ്ടാ​ണ്: “സിം​ഹം ഗ​ർ​ജി​ച്ചു; ആ​രാ​ണു ഭ​യ​പ്പെ​ടാ​തി​രി​ക്കു​ക.’’(3:8). തീ​ർ​ച്ച​യാ​യും കൊ​റോ​ണ വൈ​റ​സ് എ​ന്ന സിം​ഹ​ത്തെ നാം ​ഭ​യ​പ്പെ​ട​ണം. എ​ന്നാ​ൽ, അ​തോ​ടൊ​പ്പം ദൈ​വ​ത്തി​ൽ പൂ​ർ​ണ​മാ​യും ശ​ര​ണ​മ​ർ​പ്പി​ച്ചു ജീ​വി​ത​ത്തി​ലെ സ​മ​സ്ത അ​നു​ഗ്ര​ഹ​ങ്ങ​ൾ​ക്കും ഓ​രോ നി​മി​ഷ​വും ന​ന്ദി​പ​റ​ഞ്ഞു​കൊ​ണ്ടു നാം ​മു​ന്നോ​ട്ടു പോ​കു​ക​യും വേ​ണം. അ​തോ​ടൊ​പ്പം ന​മ്മു​ടെ ജീ​വി​തം ദൈ​വ​ത്തി​ന്‍റെ കൈ​ക​ളി​ലാ​ണെ​ന്ന ഉ​ത്ത​മ ബോ​ധ്യ​വും ന​മു​ക്കു​ണ്ടാ​ക​ണം. അ​പ്പോ​ൾ ന​മ്മു​ടെ നി​സാ​ര​ത​യ്ക്കും നി​സ​ഹാ​യ​ത​യ്ക്കു​മി​ട​യി​ലും ന​മ്മി​ൽ പൂ​ർ​ണ​മാ​യ സ​മാ​ധാ​നം ഉ​ണ്ടാ​കും. അ​ത് അ​പ്ര​കാ​രം നി​ല​നി​ൽ​ക്കു​ക​യും ചെ​യ്യും.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.