മരിച്ചെന്ന് കരുതിയ 95കാരൻ സംസ്ക്കാരത്തിന് തൊട്ടുമുമ്പ് എഴുന്നേറ്റു

Tuesday, November 13, 2018 11:17 AM IST

മരണമടഞ്ഞ 95 വയസുകാരൻ ശവസംസ്ക്കാരത്തിന് മണിക്കൂറുകൾ ബാക്കി നിൽക്കെ കണ്ണു തുറന്നു. രാജസ്ഥാനിലെ ഒരു കുഗ്രാമത്തിലാണ് സംഭവം. ബുദ്ധ് റാം എന്നാണ് ഇദ്ദേഹത്തിന്‍റെ പേര്.

ശനിയാഴ്ച്ച ഉച്ചകഴിഞ്ഞ് നെഞ്ചിന് വേദനയെടുക്കുന്നു എന്ന് പറഞ്ഞ ഇദ്ദേഹത്തിന് അൽപ്പ സമയത്തിനുള്ളിൽ ബോധം നഷ്ടപ്പെടുകയായിരുന്നു. തുടർന്ന് കുടുംബാംഗങ്ങൾ അറിയിച്ചതിനെ തുടർന്ന് എത്തിയ ഡോക്ടർ ഇദ്ദേഹം മരണമടഞ്ഞുവെന്നും അറിയിച്ചു.

തുടർന്ന് ഇവിടെ എത്തിയ മറ്റ് കുടുംബാംഗങ്ങളെല്ലാം ചേർന്ന് ഇദ്ദേഹത്തിന്‍റെ ശവസംസ്ക്കാരത്തിനുള്ള ഏർപ്പാടുകൾ ആരംഭിക്കുകയായിരുന്നു. ഇതിന്‍റെ ഭാഗമായി കുളിപ്പിച്ചുകൊണ്ടിരുന്നപ്പോൾ ബുദ്ധ് റാം കണ്ണ് തുറക്കുകയായിരുന്നു.

സംഭവം കണ്ട് ഞെട്ടിത്തെരിച്ചുപോയ ബന്ധുക്കൾ അൽപ്പം പരിഭ്രാന്തിയിലായെങ്കിലും മനസാന്നിധ്യം വീണ്ടെടുത്ത് ഇദ്ദേഹത്തെ വീടിനുള്ളിലേക്ക് കൊണ്ടു പോയി കട്ടിലിൽ കിടത്തുകയായിരുന്നു. എന്താണ് സംഭവിച്ചതെന്ന് ബന്ധുക്കൾ ചോദിച്ചപ്പോൾ നെഞ്ചു വേദന അനുഭവപ്പെട്ടതിനെ തുടർന്ന് ഞാൻ ഉറങ്ങുകയായിരുന്നുവെന്നാണ് ബുദ്ധ് റാം മറുപടി നൽകിയത്.

അൽപ്പം അമ്പരപ്പ് ഇപ്പോഴുമുണ്ടെങ്കിലും തങ്ങളിൽ നിന്നും അകന്നുവെന്ന് കരുതിയയാൾ തിരികെയെത്തിയതിന്‍റെ സന്തോഷത്തിലാണ് ബുദ്ധ് റാമിന്‍റെ കുടുംബാംഗങ്ങൾ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.