"അ​യ്യേ പ​റ്റി​ച്ചേ...'; വി​ഡ്ഢിദി​ന​ത്തി​ലെ ചി​ല ചി​ന്ത​ക​ള്‍
Saturday, April 1, 2023 12:35 PM IST
പ​ണ്ട് ഏ​തൊ​രാ​ളും ഏ​റ്റ​വും ജാ​ഗ്ര​ത പു​ല​ര്‍​ത്തു​ന്ന ഒ​രു പ്ര​ഭാ​ത​മാ​യി​രു​ന്നു ഏ​പ്രി​ല്‍ ഒ​ന്നി​ന്‍റേ​ത്. ആ​രൊ​ക്കെ ഏ​ത് വ​ഴി​ക്കൊ​ക്കെ പ​റ്റി​ക്കു​മെ​ന്ന് അ​റി​യി​ല്ല​ല്ലൊ. അ​ന്ന​ത്തെ ഊ​ഷ്മ​ള​മാ​യ ബ​ന്ധ​ങ്ങ​ള്‍ ഇ​ത്ത​രം പ​റ്റി​ക്ക​ലു​ക​ള്‍​ക്ക് ലൈ​സ​ന്‍​സു​മാ​യി​രു​ന്നു. ന​മ്മ​ളി​ല്‍ ഒ​ട്ടു​മി​ക്ക​വ​രും ഒ​രി​ക്ക​ലെ​ങ്കി​ലും ഇ​ത്ത​ര​ത്തി​ല്‍ പ​റ്റി​ക്ക​പ്പെ​ട്ടി​രി​ക്കാം.

ഏ​പ്രി​ല്‍ ഫൂ​ള്‍ ദി​ന​ത്തി​ന്‍റെ ആ​രം​ഭ​ത്തെ​ക്കു​റി​ച്ച് പ​ല​ക​ഥ​ക​ളു​ണ്ട്. എ​ന്നാ​ല്‍ 1582-ല്‍ ​പോ​പ്പ് ഗ്രി​ഗ​റി പ​തി​മൂ​ന്നാ​മ​ന്‍ ഗ്രി​ഗോ​റി​യ​ന്‍ ക​ല​ണ്ട​ര്‍ അ​വ​ത​രി​പ്പി​ച്ച​പ്പോ​ള്‍ മു​ത​ലാ​ണ് ഈ ​രീ​തി ആ​രം​ഭി​ച്ച​ത് എ​ന്നാ​ണ് മി​ക്ക​വ​രും ക​രു​തു​ന്ന​ത്.

കാ​ര​ണം ഈ ​ക​ല​ണ്ട​റി​ന്‍റെ വ​ര​വോ​ടെ മി​ക്ക​വ​രും ജ​നു​വ​രി ഒ​ന്നി​നെ വ​ര്‍​ഷാ​രം​ഭ​മാ​യി ക​ണ്ടു​തു​ട​ങ്ങി. എ​ന്നാ​ല്‍ അ​ക്കാ​ല​ത്ത് ചി​ല​ര്‍ ഇ​ത് അം​ഗീ​ക​രി​ക്കാ​ന്‍ ത​യാ​റാ​യി​ല്ല. അ​വ​ര്‍ ഏ​പ്ര​ല്‍ ഒ​ന്ന് പു​തു​വ​ര്‍​ഷ​മാ​യി ആ​ഘോ​ഷി​ക്കു​ന്ന​ത് തു​ട​ര്‍​ന്നു.

പി​ല്‍​ക്കാ​ല​ത്ത് മ​റ്റു​ള്ള​വ​ര്‍ ഇ​വ​രെ ക​ളി​യാ​ക്കാ​ന്‍ തു​ട​ങ്ങി. അ​ങ്ങ​നെ​യാ​ണ് "ഏ​പ്രി​ല്‍ ഫൂ​ള്‍​സ് ഡേ' ​എ​ന്ന​ത് ആ​രം​ഭി​ച്ച​ത്. റൊ​മാ​നി​യ​ന്‍ ഉ​ത്സ​വ​മാ​യ ഹി​ലാ​രി​യ​യി​ല്‍ നി​ന്നാ​ണ് ഈ ​ആ​ഘോ​ഷം ഉ​ണ്ടാ​യ​തെ​ന്നും ചി​ല​ര്‍ വി​ശ്വ​സി​ക്കു​ന്നു​ണ്ട്.

എ​ന്താ​യാ​ലും ന​മ്മു​ടെ നാ​ട്ടി​ലും ഈ ​വി​ഡ്ഢിദി​നം പ്ര​ചാ​രം നേ​ടി. അ​തു​വ​രെ അ​തി​രാ​വി​ലെ ഉ​ണ​രാ​ത്ത പ​ല​രും പ​റ്റി​ക്കാ​നാ​യി അ​ലാ​റം വ​ച്ചു​ണ​രു​ക​വ​രെ ചെ​യ്യു​ന്ന കാ​ഴ്ച ഇ​വി​ടു​ണ്ടാ​യി. എ​ന്നാ​ല്‍ ഇവരിൽ പ​ല​രും വാ​തി​ല്‍ തു​റ​ക്കു​മ്പോ​ള്‍ വാ​തി​ലി​ല്‍ ചാ​രി നി​ര്‍​ത്തി​യ വാ​ഴ താ​ഴേ​ക്ക് വീ​ണ് ഒ​ന്ന് പേ​ടി​പ്പി​ക്കും.

വ​ലി​യ കി​ണ​റു​ക​ളി​ല്‍ ക​ല്ലെ​റി​ഞ്ഞ​ശേ​ഷം ഒ​ളി​ച്ചി​രു​ന്നു താ​ന്‍ കി​ണ​റ്റി​ല്‍ വീ​ണെ​ന്ന് നാ​ട്ടു​കാ​രെ തെ​റ്റി​ധ​രി​പ്പി​ക്കു​ന്ന​വ​രും ഇ​ന്നാ​ട്ടി​ലു​ണ്ടാ​യി​രു​ന്നു. എ​ന്തി​നേ​റെ സ്ഥ​ലം എ​സ്‌​ഐ എ​ന്ന ഭാ​വേ​നെ വി​ളി​ച്ച് കൂ​ട്ടു​കാ​ര​നെ വി​ര​ട്ടു​ന്ന​വ​രും സ്കൂൾ ഇ​ടി​ഞ്ഞെ​ന്ന് പ​ര​ത്തു​ന്ന​വ​രു​മൊ​ക്കെ ഇ​ന്നാ​ട്ടി​ലു​ണ്ടാ​യി​രു​ന്നു.

നാ​ട്ടി​ന്‍​പു​റ​ങ്ങ​ളാ​യി​രു​ന്നു ഈ ​ദി​നം ഏ​റെ ആ​ഘോ​ഷി​ച്ച​ത്. പ​റ്റി​ക്ക​പ്പെ​ട്ട​വ​ര്‍ ദേ​ഷ്യ​പ്പെ​ടു​ന്ന​തും അ​വ​രെ മു​തി​ര്‍​ന്ന​വ​ര്‍ ആ​ശ്വ​സി​പ്പി​ക്കു​ന്ന​തു​മൊ​ക്കെ ഈ ​ദി​ന​ത്തി​ന്‍റെ കാ​ഴ്ച​ക​ളാ​ണ്.

എ​ന്നാ​ല്‍ സാ​ങ്കേ​തി​ക വി​ദ്യ​യു​ടെ വ​ള​ര്‍​ച്ച ഏ​പ്രി​ല്‍​ഫൂ​ളി​ലും മാ​റ്റം സൃ​ഷ്ടി​ച്ചി​ട്ടു​ണ്ട്. മൊ​ബൈ​ല്‍ ഫോ​ണി​ന്‍റെ വ​ര​വ് ഇ​തി​ല്‍ പ്ര​ധാ​ന​പ​ങ്ക് വ​ഹി​ച്ചു. ഇ​പ്പോ​ള്‍ ത​മാ​ശ​ക്ക​ഥ​ക​ള്‍ ധാ​രാ​ള​മാ​യി മൊ​ബൈ​ലി​ലും സോ​ഷ്യ​ല്‍ മീ​ഡി​യ​യി​ലും കാ​ണാ​നാ​കു​ന്നു.

പ​റ്റി​ക്ക​ലു​ക​ള്‍​ക്ക് ഒ​രു പ്ര​ത്യേ​ക​ദി​നം ആ​വ​ശ്യ​മി​ല്ലെ​ന്ന അ​വ​സ്ഥ​യാ​ണ് നി​ല​വി​ല്‍. പ്രാ​ങ്ക് വീ​ഡി​യോ​ക​ള്‍ പ​റ്റി​ക്ക​ലു​ക​ളു​ടെ പു​തി​യ രൂ​പ​മാ​യി എ​ത്തി. ചി​ല​ര്‍ പ്രാ​ങ്കു​ക​ളെ വി​മ​ര്‍​ശി​ക്കു​മ്പോ​ള്‍ ചി​ല​ര്‍ അ​ത് ആ​സ്വ​ദി​ക്കു​ന്നു.

ചി​ല​ര്‍ ഇ​പ്പോ​ഴും അ​ടു​ത്ത സൗ​ഹൃ​ദ​ങ്ങ​ളെ ചെ​റു​താ​യി പ​റ്റി​ക്കു​ന്ന സം​ഭ​വ​ങ്ങ​ള്‍ മാ​ത്ര​മാ​ണ് ക​ഴി​ഞ്ഞ​കു​റേ കാ​ല​ങ്ങ​ളാ​യി ഏ​പ്രി​ല്‍ ഫൂ​ളി​ല്‍ കാ​ണാ​നാ​കുന്നത്. എ​ന്നി​രു​ന്നാ​ലും ആ ​ദി​ന​ത്തി​നി​പ്പോ​ഴും ത​ന്‍റെ പ്രാ​ധാ​ന്യം നി​ല​നി​ര്‍​ത്താ​നാ​കു​ന്നു​ണ്ട്.

കാ​ര​ണം ഏ​പ്രി​ല്‍​ഫൂ​ള്‍ വെ​റും പ​റ്റി​ക്ക​ല്‍ അ​ല്ല ന​മ്മു​ടെ ബ​ന്ധ​ങ്ങ​ളു​ടെ ആ​ഴ​വും എ​ണ്ണ​വും ന​മ്മേ ബോ​ധി​പ്പി​ക്കു​ക കൂ​ടി​യാ​ണ് ഈ ​ദി​നം ചെ​യ്യു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.