രോഗം മാറാൻ ക്രൂ​ഡ് ഓ​യിലിൽ ഒരു കു​ളി
Tuesday, April 16, 2019 11:10 AM IST
റ​ഷ്യ​യി​ൽ​നി​ന്നും അ​സെ​ർ​ബൈ​ജാ​നി​ലെ വി​മാ​ന​ത്താ​വ​ള​ത്തി​ൽ വ​ന്നി​റ​ങ്ങു​ന്പോ​ൾ സു​ൽ​ഫി​യ എ​ന്ന 60 കാ​രി​ക്ക് ഒ​റ്റ ആ​ഗ്രഹ​മെ ഉ​ണ്ടാ​യി​രു​ന്നു​ള്ളു. വ​ർ​ഷ​ങ്ങ​ളാ​യി താ​ൻ അ​നു​ഭ​വി​ക്കു​ന്ന സ​ന്ധി​വേ​ദ​ന​യി​ൽ​നി​ന്ന് ഒ​രു മോ​ച​ന​മു​ണ്ടാ​ക​ണം.

അ​തി​നാ​യി അ​സെ​ർ​ബൈ​ജാ​നി​ൽ​നി​ന്ന് അ​വ​ർ നേ​രെ പോ​യ​ത് ന​ഫ്റ്റ​ല​ൻ എ​ന്ന ന​ഗ​ര​ത്തി​ലേ​ക്കാ​ണ്. ഇ​വി​ട​ത്തെ പ്രാ​ദേ​ശി​ക ആ​രോ​ഗ്യ കേ​ന്ദ്ര​ങ്ങ​ളി​ൽ ത​ന്‍റെ അ​വ​സ്ഥ​യ്ക്കു​ള്ള ഒ​രു പ്ര​ത്യേ​ക ചി​കി​ത്സ​യു​ണ്ടെ​ന്ന് സു​ൽ​ഫി​യ​യോ​ട് പ​റ​ഞ്ഞ​ത് അ​വ​രു​ടെ ഒ​രു സു​ഹൃ​ത്താ​ണ്.

ചി​കി​ത്സ വ​ള​രെ ല​ളി​ത​മാ​ണ്. ക്രൂ​ഡ് ഓ​യി​ൽ നി​റ​ച്ചി​രി​ക്കു​ന്ന ബാ​ത്ത് ട​ബ്ബി​ൽ ന​ഗ്ന​യാ​യി 10 മി​നി​റ്റ് കി​ട​ക്ക​ണം. ശ​രീ​ര ഉൗ​ഷ്മാ​വി​നേ​ക്കാ​ൾ അ​ൽ​പ്പം​കൂ​ടി ഉ​യ​ർ​ന്ന താ​പ​നി​ല​യി​ലാ​യി​രി​ക്കും ക്രൂ​ഡ് ഓ​യി​ൽ ക്ര​മീ​ക​രി​ച്ചി​രി​ക്കു​ന്ന​ത്.

ക്രൂ​ഡ് ഓ​യി​ലി​ലു​ള്ള കു​ളി ക​ഴി​ഞ്ഞാ​ൽ ഈ ​ആ​രോ​ഗ്യ​കേ​ന്ദ്ര​ത്തി​ലു​ള്ള ജീ​വ​ന​ക്കാ​രു​ടെ സ​ഹാ​യ​ത്തോ​ടെ ശ​രീ​ര​ത്തി​ൽ പ​റ്റി​പ്പി​ടി​ച്ച എ​ണ്ണ​യെ​ല്ലാം തൂ​ത്തു​ക​ള​യ​ണം. അ​തി​നു​ശേ​ഷം ന​ല്ല പ​ച്ച​വെ​ള്ള​ത്തി​ൽ ഒ​രു കു​ളി​കൂ​ടി പാ​സാ​ക്കി​യാ​ൽ സ​ന്ധി​ക​ൾ​ക്കു​ണ്ടാ​കു​ന്ന എ​ല്ലാ വേ​ദ​ന​ക​ളും പ​ന്പ ക​ട​ക്കു​മെ​ന്നാ​ണ് ന​ഫ്ത്ത​ലാ​നി​ലു​ള്ള​വ​ർ പ​റ​യു​ന്ന​ത്.

രോ​ഗ​മു​ക്തി തേ​ടി ഇ​വി​ടെ എ​ത്തു​ന്ന​വ​ർ​ക്ക് ഇ​ത്ത​ര​ത്തി​ൽ 10 ദി​വ​സ​ത്തെ ക്രൂ​ഡ് ഓ​യി​ൽ കു​ളി​യാ​ണ് ചി​കി​ത്സ​യാ​യി ന​ൽ​കു​ന്ന​ത്. സം​ഘ​ർ​ഷ​ഭൂ​മി​യാ​ണെ​ങ്കി​ലും അ​സെ​ർ​ബൈ​ജാ​നി​ലു​ള്ള ഇ​ത്ത​രം ക്രൂ​ഡ് ഓ​യി​ൽ കു​ളി​കേ​ന്ദ്ര​ങ്ങ​ളി​ലേ​ക്ക് ലോ​ക​ത്തി​ന്‍റെ വി​വ​ധ ഭാ​ഗ​ങ്ങ​ളി​ൽ​നി​ന്നാ​യി നി​ര​വ​ധി​യാ​ളു​ക​ളാ​ണ് എ​ത്തു​ന്ന​ത്.

ന​മ്മു​ടെ നാ​ട്ടി​ൽ വെ​ള്ളം​കി​ട്ടു​ന്ന​തു​പോ​ലെ ഇ​വി​ട​ങ്ങ​ളി​ൽ ഭൂ​മി​കു​ഴി​ച്ചാ​ൽ ക്രൂ​ഡ് ഓ​യി​ൽ കി​ട്ടു​മെ​ന്ന​തി​നാ​ൽ ഇ​ത് അ​ത്ര ചെ​ല​വു​ള്ള ഏ​ർ​പ്പാ​ടു​മ​ല്ല. ഇ​വി​ടെ വ​ന്ന് ചി​കി​ത്സ​തേ​ടു​ന്ന​വ​ർ ആ​ശ്വാ​സ​ത്തോ​ടെ​യാ​ണ് മ​ട​ങ്ങു​ന്ന​തെ​ന്ന് പ​റ​യ​പ്പെ​ടു​ന്നു. എ​ന്നാ​ൽ ഈ ​പ്രാ​ദേ​ശി​ക ചി​കി​ത്സാ രീ​തി​ക്ക് ആ​ധു​നി​ക വൈ​ദ്യ​ശാ​സ്ത്ര​ത്തി​ന്‍റെ പി​ന്തു​ണ​യി​ല്ല. മാ​ത്ര​മ​ല്ല ഈ ​ക്രൂ​ഡ് ഓ​യി​ൽ കു​ളി ആ​രോ​ഗ്യ​ത്തി​ന് ഹാ​നി​ക​ര​മാ​കാ​മെ​ന്നും ചി​ല​പ്പോ​ൾ കാ​ൻ​സ​റി​ന് പോ​ലും കാ​ര​ണ​മാ​കാ​മെ​ന്നും ചി​ല ഡോ​ക്ട​ർ​മാ​ർ മു​ന്ന​റി​യി​പ്പ് ന​ൽ​കു​ന്നു.

1920ക​ൾ മു​ത​ൽ ഹെ​ൽ​ത്ത് റി​സോ​ർ​ട്ടു​ക​ൾ​ക്ക് പ്ര​ശ​സ്ത​മാ​ണ് ന​ഫ്ത്ത​ലാ​ൻ. ഇ​വി​ട​ത്തെ ഈ ​ക്രൂ​ഡ് ഓ​യി​ൽ ചി​കി​ത്സ​യ്ക്ക് പി​ന്നി​ൽ ഒ​രു ക​ഥ​യും ഉ​ണ്ട്. പ​ണ്ടുപ​ണ്ട് ഈ ​പ്ര​ദേ​ശ​ത്തു​ള്ള ഒ​രാ​ളു​ടെ ഒ​ട്ട​ക​ത്തി​ന് എ​ന്തോ അ​സു​ഖം പി​ടി​പെ​ട്ടു. അ​യാ​ൾ അ​തി​നെ ഒ​രു എ​ണ്ണത്തടാ​ക​ത്തി​ന് സ​മീ​പം ഉ​പേ​ക്ഷി​ച്ചി​ട്ട് പോ​യി.

എ​ണ്ണത്തടാ​ക​ത്തി​ൽ വീ​ണ ഒ​ട്ട​കം കു​റ​ച്ചു ക​ഴി​ഞ്ഞ​പ്പോ​ൾ അ​സു​ഖ​മെ​ല്ലാം മാ​റി പൂ​ർ​ണ ആ​രോ​ഗ്യ​ത്തോ​ടെ എ​ഴു​ന്നേ​റ്റു വ​ന്ന​ത്രെ. അ​ന്നു​മു​ത​ലാ​ണ് ഇ​ന്നാ​ട്ടു​കാ​ർ ക്രൂ​ഡ് ഓ​യി​ലി​ന്‍റെ ഈ ​പ്ര​ത്യേ​ക ശ​ക്തി മ​ന​സി​ലാ​ക്കി​യ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.