ബോട്ട് മറിഞ്ഞ് കടലിൽ മുങ്ങിയയാൾക്ക് രക്ഷകനായി പതിമൂന്നുകാരൻ
Thursday, November 2, 2017 3:07 AM IST
കടൽക്ഷോഭത്തിൽ മു​ങ്ങി​യ ബോ​ട്ടി​ൽ മരണത്തെ മുഖാമുഖം കണ്ടയാളെ പ​തി​മൂ​ന്നു​കാരൻ സാ​ഹ​സി​ക​മാ​യി ര​ക്ഷ​പെ​ടു​ത്തുന്ന വീഡിയോ വൈറൽ. ഫ്ളോ​റി​ഡ​യി​ലെ ജു​പ്പിറ്റ​ർ കടലിലാ​ണ് ന​ടു​ക്കുന്ന സം​ഭ​വം അ​ര​ങ്ങേ​റി​യ​ത്.

അ​ല​യ​ടി​ച്ചു​യ​രു​ന്ന തി​ര​മാ​ല​യി​ൽ​പ്പെ​ട്ട് മൂ​ക്കുംകു​ത്തി ബോ​ട്ട് മ​റി​യു​ക​യാ​യി​രു​ന്നു. വെ​ള്ള​ത്തി​ലേ​ക്ക് വീ​ണ ഇ​ദ്ദേ​ഹം കു​റേസ​മ​യം നീ​ന്തിനിന്നു. ഈ സമയം സർഫിംഗ് നടത്തുകയായിരുന്ന സാം ​റ​സ്കി​ൻ എ​ന്ന ബാ​ല​ൻ അ​ദ്ദേ​ഹ​ത്തി​ന്‍റെ ര​ക്ഷ​ക​നാ​യി എ​ത്തുകയായിരുന്നു. തു​ട​ർ​ന്ന് സാമിന്‍റെ സർഫിംഗ് ബോർഡിൽ കിടന്നാണ് അദ്ദേഹം ക​ര​യി​ലെ​ത്തിയത്. അദ്ദേഹം കരയിലെത്തുന്നതുവരെ സാം ഒപ്പം നീന്തി.

ഡ്രോ​ണ്‍ ഉ​പ​യോ​ഗി​ച്ച് പ​ക​ർ​ത്തി​യ ദൃ​ശ്യ​ങ്ങ​ളി​ലാ​ണ് അ​പ​ക​ട​വും ര​ക്ഷാ​പ്ര​വ​ർ​ത്ത​ന​വും വ്യ​ക്ത​മാ​യി പ​തി​ഞ്ഞത്. സോ​ഷ്യ​ൽ മീ​ഡി​യാ​യി​ൽ പ​ങ്കു​വച്ച വീഡിയോ ലക്ഷക്കണക്കിനു പേർ കണ്ടുകഴിഞ്ഞു. എന്നാൽ, സാമിന് ഇതൊന്നും പുത്തരിയല്ലെന്നാണ് പിതാവ് റയാൻ പറയുന്നത്. ഈ സാഹസികത അവന്‍റെ സ്വഭാവത്തിൽ അലിഞ്ഞുചേർന്നതാണെന്ന് റയാൻ പറയുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.