ആ​ടു​ജീ​വി​തം അ​വ​സാ​നി​ച്ചു; യെ​മ​നി​ലെ "ഇ​രു​കൊ​മ്പ​ന്‍' മു​ത്ത​ച്ഛ​ന്‍ യാ​ത്ര​യാ​യി
Thursday, March 16, 2023 2:14 PM IST
ഓ​രോ ജീ​വി​ത​വും നി​ര​വ​ധി ക​ഥ​ക​ളി​ലൂ​ടെ​യാ​ണ് മു​ഴു​മി​ക്കു​ക. നൂ​റ്റാ​ണ്ടു​ക​ള്‍ ജീ​വി​ച്ചി​രി​ക്കു​ന്ന ചി​ല​രു​ണ്ട്. അ​വ​ര്‍ ചി​ല​ര്‍​ക്ക് പാ​ഠ​പു​സ്ത​ക​വും മ​റ്റു ചി​ല​ര്‍ക്ക് കൗ​തു​ക​വും ആ​യി മാ​റും.

ഇ​ത്ത​ര​ത്തി​ല്‍ ലോ​ക​ത്തി​ന് പ​ല​തു​മാ​യി മാ​റി​യ ഒ​രാ​ള്‍ ക​ഴി​ഞ്ഞ​ദി​വ​സം യാ​ത്ര​യാ​യി​രു​ന്നു. യെ​മ​നി​ലെ ഏ​റ്റ​വും പ്രാ​യം കൂ​ടി​യ മ​നു​ഷ്യ​നെ​ന്ന് ക​രു​ത​പ്പെ​ടു​ന്ന അ​ലി ആ​ന്ത​റി​നെ കു​റി​ച്ചാ​ണ്. ഏ​ക​ദേ​ശം 140 വ​ര്‍​ഷ​ങ്ങ​ള്‍ ഇ​ദ്ദേ​ഹം ജീ​വി​ച്ചി​രു​ന്ന​താ​യാ​ണ് ബ​ന്ധു​ക്ക​ള്‍ അ​വ​കാ​ശ​പ്പെ​ടു​ന്ന​ത്.

വ​ലി​യൊ​രു കു​ടും​ബ​ത്തി​ലെ കാ​ര​ണ​വ​രാ​ണ് ഇ​ദ്ദേ​ഹം. 70ല്‍​പ​രം പേ​ര​ക്കു​ട്ടി​ക​ള്‍ ഇ​ദ്ദേ​ഹ​ത്തി​നു​ണ്ട​ത്രെ.​എ​ന്നാ​ല്‍ ഇ​ദ്ദേ​ഹം ലോ​ക​ശ്ര​ദ്ധ ആ​ക​ര്‍​ഷി​ച്ച​ത് പ്രാ​യം നി​മി​ത്ത​മ​ല്ല.

100 വ​യ​സി​ന് മു​ക​ളി​ലെ​ത്തി​യ​പ്പോ​ള്‍ ഇ​ദ്ദേ​ഹ​ത്തി​ന് ആ​ടിന്‍റേതുപോലുള്ള കൊ​മ്പ് വ​ള​ര്‍​ച്ച ഉ​ണ്ടാ​യി. നെ​റ്റി​യു​ടെ ഇ​രു​വ​ശ​ത്തു​മാ​ണ് കൊ​മ്പ് പോ​ലു​ള്ള ഈ വ​ള​ര്‍​ച്ച​ പ്ര​ത്യ​ക്ഷ​പ്പെ​ട്ട​ത്. വൈ​കാ​തെ ഇ​ത് വ​ള​ര്‍​ന്ന് പ​ട​രാ​നും തു​ട​ങ്ങി. ഇ​തോ​ടെ ഇ​ദ്ദേ​ഹ​ത്തി​ന് "ഇ​രു കൊ​മ്പ​ന്‍' എ​ന്നൊ​രു വി​ളി​പ്പേ​രു​മു​ണ്ടാ​യി.

ക​ഴി​ഞ്ഞി​ടെ ഇ​ദ്ദേ​ഹ​ത്തി​ന്‍റെ ഈ ​വ​ള​ര്‍​ച്ച മു​റി​ച്ചു മാ​റ്റി​യി​രു​ന്നു. എ​ന്നാ​ല്‍ ഇ​താ​ണ് ഇ​ദ്ദേ​ഹ​ത്തി​ന്‍റെ മ​ര​ണ​ത്തി​ന് കാ​ര​ണ​മാ​ക്കിയ​തെ​ന്നാ​ണ് ബ​ന്ധു​ക്ക​ളു​ടെ ആ​രോ​പ​ണം. 2017വ​രെ അ​ദ്ദേ​ഹ​ത്തി​ന് ശ​രി​യാ​യ ഓ​ര്‍​മ ഉ​ണ്ടാ​യി​രു​ന്നു. എ​ന്നാ​ല്‍ ഈ ​ശ​സ്ത്ര​ക്രി​യ​യോ​ടെ​യാ​ണ് ഇ​ദ്ദേ​ഹ​ത്തി​ന് ആ​രോ​ഗ്യപ്ര​ശ്‌​ന​ങ്ങ​ള്‍ ഉ​ണ്ടാ​യ​ത​ത്രെ.

വ​യ​സി​ന്‍റെ കാ​ര്യ​ത്തി​ല്‍ ത​ര്‍​ക്ക​മു​ണ്ടെ​ങ്കി​ലും ഇ​ദ്ദേ​ഹം അ​ന്നാ​ട്ടു​കാ​ര്‍​ക്ക് എ​ല്ലാം പ്രി​യ​ങ്ക​ര​നാ​യി​രു​ന്നു. ഇ​ദ്ദേ​ഹ​ത്തി​ന്‍റെ വി​യോ​ഗ​ത്തി​ലെ ദുഃ​ഖം പ​ങ്കു​വ​യ്ക്കു​ക​യാ​ണ് സ​മൂ​ഹ മാ​ധ്യ​മ​ങ്ങ​ളു​മി​പ്പോ​ള്‍.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.