ബാങ്കിലെത്തിയ നാ​ണ​യങ്ങൾ എ​ണ്ണി തി​ട്ട​പ്പെ​ടു​ത്താ​ൻ ജീവനക്കാർ എ​ടു​ത്ത​ത് ആ​റു മാ​സം
Thursday, December 21, 2017 2:24 AM IST
മു​പ്പ​ത് വ​ർ​ഷ​ങ്ങ​ൾ​ക്കു മു​ന്പാ​ണ് ജ​ർ​മ​ൻ സ്വ​ദേ​ശി​യാ​യ ഒ​രു ട്ര​ക്ക് ഡ്രൈ​വ​ർ ജ​ർ​മ​ൻ നാ​ണ​യ​മാ​യ ഫെ​ന്നിഗി​ന്‍റെ ഒ​ന്നും ര​ണ്ടും രൂ​പ വി​ല​മ​തി​ക്കു​ന്ന നാ​ണ​യങ്ങൾ ത​ന്‍റെ കു​ടും​ബ​ത്തി​നു വേ​ണ്ടി സൂ​ക്ഷി​ക്കാ​ൻ ആ​രം​ഭി​ച്ച​ത്. വ​ർ​ഷ​ങ്ങ​ൾ ക​ഴി​ഞ്ഞു​വെ​ങ്കി​ലും അ​ദ്ദേ​ഹം ത​ന്‍റെ ശീ​ലം തു​ട​ർ​ന്നു പോ​ന്നി​രു​ന്നു. അ​വ​സാ​നം പ്രാ​യാധിക്യം മൂലം അ​ദ്ദേ​ഹം മ​രി​ച്ചു. അ​പ്പോ​ഴേ​ക്കും അ​ദ്ദേ​ഹ​ത്തി​ന്‍റെ നാണയശേഖരം 12 ലക്ഷമായി മാ​റി​യി​രു​ന്നു. എ​ല്ലാം ത​ന്‍റെ കു​ടും​ബ​ത്തി​നാ​യാ​ണ് അ​ദ്ദേ​ഹം സം​ര​ക്ഷി​ച്ച​ത്.

പ​ക്ഷെ 2002നു ​ശേ​ഷം ഈ ​നാ​ണ​യം രാ​ജ്യ​ത്തി​ൽ നി​ന്നും പി​ൻ​വ​ലി​ച്ചി​രു​ന്നു. രാ​ജ്യ​ത്ത് ഒ​രി​ട​ത്തും ഇ​ത് ഉ​പ​യോ​ഗി​ക്കാ​ൻ പ​റ്റി​ല്ല. പ​ക്ഷെ ജ​ർ​മ​നി​യു​ടെ സെ​ൻ​ട്ര​ൽ ബാ​ങ്കാ​യ ബു​ൻ​ഡെ​സ് ബാ​ങ്കി​ൽ ഇ​ത് സ്വീ​ക​രി​ച്ച് പ​ക​രം പ​ണം തി​രി​കെ ന​ൽ​കാ​റു​ണ്ട്. ഇ​ത് മ​ന​സി​ലാ​ക്കി​യ ഇ​വ​ർ കഴിഞ്ഞ മേയിൽ നാ​ണ​യങ്ങളുമാ​യി ബാ​ങ്കി​ലെ​ത്തി. നാ​ണ​യ​ത്തി​നു മു​ഴു​വ​നു​മാ​യി ഏ​ക​ദേ​ശം രണ്ടര ട​ണ്‍ ഭാ​ര​മാ​ണു​ണ്ടാ​യി​രു​ന്ന​ത്. സം​ഭ​വം ക​ണ്ട് ഇ​വ​ർ അ​ന്തം വി​ട്ടെ​ങ്കി​ലും നാ​ണ​യം എ​ണ്ണി തി​ട്ട​പ്പെ​ടു​ത്താ​ൻ ആ​രം​ഭി​ച്ചു. അ​തി​നാ​യി പ​ല ശാ​സ്ത്രീ​യ മാ​ർ​ഗ​ങ്ങ​ളും സ്വീ​ക​രി​ച്ചെ​ങ്കി​ലും സാ​ധ്യ​മാ​യി​രു​ന്നി​ല്ല. കാ​ര​ണം കാ​ല​പ്പ​ഴ​ക്കം മൂ​ലം നാ​ണ​യ​ങ്ങ​ൾ ത​മ്മി​ൽ ഒ​ട്ടി​പ്പി​ടി​ച്ചി​രി​ക്കു​ക​യും ചി​ല നാ​ണ​യ​ങ്ങ​ൾ​ക്ക് കാ​ല​പ്പ​ഴ​ക്ക​ത്തി​ന്‍റെ​താ​യ കേ​ടു​പാ​ടു​ക​ളും സം​ഭ​വി​ച്ചി​രു​ന്നു.

തു​ട​ർ​ന്ന് ബാ​ങ്ക് അ​ധി​കൃ​ത​ർ കൈ ​ഉ​പ​യോ​ഗി​ച്ച് നാ​ണ​യം എ​ണ്ണാ​ൻ ആ​രം​ഭി​ച്ചു ഏ​ക​ദേ​ശം ആ​റു​മാ​സം എ​ടു​ത്താ​ണ് അ​വ​ർ ഇ​ത് എ​ണ്ണി തീ​ർ​ത്ത​ത്. ഈ ​നാ​ണ​യ തു​ട്ടു​ക​ൾ ഏ​ക​ദേ​ശം 8,000 യൂ​റോ​ വി​ല​മ​തി​ക്കു​ന്ന​താ​ണ്. ജ​ർ​മ​ൻ സ്വ​ദേ​ശി​ക​ളു​ടെ പ​ക്ക​ൽ ഇ​പ്പോ​ഴും ഇ​ത്ത​ര​ത്തി​ലു​ള്ള 12.65 ബി​ല്യ​ണ്‍ നാ​ണ​യ​ങ്ങ​ളു​ണ്ടെ​ന്നാ​ണ് ബാ​ങ്ക് അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.