പെണ്ണിനു വേണ്ടി പോരടിച്ച് രണ്ട് സഹോദരങ്ങൾ; വീഡിയോ വൈറൽ

Friday, October 20, 2017 6:14 AM IST

ഇണയുടെ പേരിലുള്ള യുദ്ധങ്ങളെക്കുറിച്ച് പുരാണങ്ങളിൽ വരെ പറഞ്ഞിട്ടുണ്ട്. അതിൽ ബലിയാടായി പലർക്കും സ്വന്തം ജീവൻ വരെ നഷ്ടമായിട്ടുമുണ്ട്. ഇപ്പേഴിതാ ഇണയ്ക്കു വേണ്ടിയുള്ള രണ്ടു സഹോദരങ്ങളുടെ യുദ്ധമാണ് വൈറലാകുന്നത്. രണ്ട് ഉശിരൻ സിംഹങ്ങളാണ് കക്ഷികൾ.

ഇണ ആരുടേതാണ് എന്ന ചോദ്യമാണ് ഇവരുടെ ഇടയിലുള്ള പ്രശ്നത്തിന് ആധാരം.
ഒരു ദിവസം വൈകുന്നേരം അനിയൻ സിംഹം പുൽമേട്ടിൽ വിശ്രമിക്കുന്നതിനിടയിലാണ് ഈ പ്രൗഡ ഗംഭീരമായ ദൃശ്യം കണ്ട് സുന്ദരിയായ ഒരു പെണ്‍ സിംഹം ഇവിടേക്ക് കടന്നു വന്നത്. ഇരുവരും തമ്മിൽ പരസ്പരം കണ്ടുമുട്ടുകയും പ്രണയബദ്ധരാകുകയും ചെയ്തു.

പെട്ടെന്നാണ് രംഗം വഷളാക്കാനായി ചേട്ടൻ സിംഹം രംഗപ്രവേശം ചെയ്തത്. തന്‍റെ ഇണയെ സ്വന്തമാക്കാനാണ് ചേട്ടൻ വന്നതെന്നു മനസിലാക്കിയ അനിയൻ ഒരു അങ്കത്തിന് ഒരുങ്ങുകയും ചെയ്തു. നിമിഷങ്ങൾക്കുള്ളിൽ അത് ആരംഭിക്കുകയും ചെയ്തു. ഒന്നര മിനിറ്റ് നീണ്ട അങ്കത്തിനൊടുവിൽ ചേട്ടനാണ് കൂടുതൽ കരുത്തനെന്നു മനസിലാക്കിയ അനുജൻ നിരുപാധികം തോൽവി സമ്മതിക്കുകയും ചെയ്തു. മാത്രമല്ല ഉടൻതന്നെ സ്ഥലംകാലിയാക്കുകയും ചെയ്തു.

കെനിയയിലെ മസായ് മാറ ദേശീയോദ്യാനത്തിൽ നടന്ന സംഭവത്തിന്‍റെ ദൃശ്യങ്ങൾ പകർത്തിയത് ഇതുവഴി കടന്നു പോയ വിനോദ സഞ്ചാരികളാണ്. സോഷ്യൽ മീഡിയായിൽ പങ്കുവച്ചിരിക്കുന്ന ദൃശ്യങ്ങൾ ഇതിനോടകം തന്നെ വൈറലായിരിക്കുകയാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.