ഏ​കാ​ന്ത​ത​യി​ൽ സേ​വ്യ​റി​നു കൂ​ട്ടാ​യി ബ്ലാ​ഞ്ച​ൻ; ഒ​രു ആ​ത്മ​ബ​ന്ധ​ത്തി​ന്‍റെ ക​ഥ
Monday, June 21, 2021 6:38 PM IST
വ​ട​ക്ക് പ​ടി​ഞ്ഞാ​റ​ന്‍ ഫ്ര​ഞ്ച് പ്ര​ദേ​ശ​മാ​യ ബ്രി​ട്ടാ​നി​യ​യി​ലെ ത​ന്‍റെ വീ​ടി​ന് പു​റ​ത്തി​റ​ങ്ങി​യ​പ്പോ​ഴാ​ണ് സേ​വ്യ​ര്‍ ആ ​കാ​ഴ്ച ക​ണ്ട​ത്. ഒ​രു പൂ​ച്ച​യു​ടെ കൈ​യി​ല്‍ നി​ന്നും ര​ക്ഷ​പ്പെ​ടാ​ന്‍ ശ്ര​മി​ക്കു​ന്ന ഒ​രു പ​ക്ഷി​ക്കു​ഞ്ഞ്.

തൂ​വൽ പോ​ലു​മി​ല്ലാ​ത്ത ആ ​കു​ഞ്ഞു​പ​ക്ഷി മ​ര​ണം നേ​രി​ല്‍ ക​ണ്ടു തു​ട​ങ്ങി​യി​രി​ക്കു​ന്നു. ഒ​രു നി​മി​ഷം ക​ഴി​ഞ്ഞാ​ല്‍ താ​ന്‍ ആ ​പൂ​ച്ച​യു​ടെ ഭ​ക്ഷ​ണ​മാ​കും എ​ന്ന് ആ ​കു​ഞ്ഞു​പ​ക്ഷി ഉ​റ​പ്പി​ച്ചു.

ര​ക്ഷ​ക​ൻ

എ​ന്നാ​ല്‍ മൃ​ത​പ്രാ​ണ​നാ​യി ക​ഴി​ഞ്ഞ ആ ​കു​ഞ്ഞു​പ​ക്ഷി​യെ മ​ര​ണ​ത്തി​ന് വി​ട്ടു​കൊ​ടു​ക്കാ​ന്‍ സേ​വ്യ​ര്‍ ത​യാ​റാ​യി​ല്ല. അ​ദ്ദേ​ഹം പൂ​ച്ച​യു​ടെ കൈ​യി​ല്‍ നി​ന്നും ആ ​പ​ക്ഷി​ക്കു​ഞ്ഞി​നെ ര​ക്ഷ​പ്പെ​ടു​ത്തി. അ​തൊ​രു പ്രാ​വാ​യി​രു​ന്നു. സ്വ​ന്തം കു​ഞ്ഞി​നെ പോ​ലെ സേ​വ്യ​ര്‍ ആ ​പ്രാ​വി​നെ വ​ള​ര്‍​ത്തി.

കാ​ലം ക​ട​ന്നു​പോ​യി. ഇ​ന്ന് സേ​വ്യ​റി​ന് 80 വ​യ​സാ​യി. ത​നി​ച്ചാ​ണ് താ​മ​സം. എ​ന്നാ​ല്‍ വ​യ​സു​കാ​ല​ത്ത് ഒ​റ്റ​പ്പെ​ട്ട ജീ​വി​തം എ​ന്ന വി​ഷ​മം സേ​വ്യ​റി​നി​ല്ല. കാ​ര​ണം കൂ​ട്ടി​നാ​യി ആ ​പ്രാ​വു​ണ്ട്. പ​ണ്ട് പൂ​ച്ച​യു​ടെ കൈ​യി​ല്‍ നി​ന്നും ര​ക്ഷ​പ്പെ​ടു​ത്തി​യ അ​തേ​പ്രാ​വ്. ഇ​രു​വ​രും ഇ​ന്ന് പ്രി​യ​സു​ഹൃ​ത്തു​ക്ക​ളാ​ണ്.

കൂ​ട്ടു​കാ​ർ

സേ​വ്യ​ര്‍ എ​വി​ടെ​പോ​യാ​ലും കൂ​ട്ടി​ന് ബ്ലാ​ഞ്ച​ന്‍ എ​ന്ന പ്രാ​വു​മു​ണ്ടാ​കും. എ​ന്നും അ​തി​രാ​വി​ലെ സൈ​ക്കി​ള്‍ സ​വാ​രി ന​ട​ത്തു​ന്ന സേ​വ്യ​റി​നൊ​പ്പം ബ്ലാ​ഞ്ച​നു​മു​ണ്ടാ​കും. ചി​ല​പ്പോ​ള്‍ പ​റ​ന്നും മ​റ്റു ചി​ല​പ്പോ​ള്‍ സൈ​ക്കി​ള്‍ ഹാ​ന്‍​ഡി​ലി​രു​ന്നും ചി​ല​പ്പോ​ള്‍ സേ​വ്യ​റി​ന്‍റെ ചു​മ​ലി​ല്‍ ഗ​മ​യോ​ടെ ഇ​രു​ന്നു​മാ​ണ് ബ്ലാ​ഞ്ച​ന്‍റെ സ​ഞ്ചാ​രം. വ​ഴി​യാ​ത്ര​ക്കാ​ര്‍​ക്ക് എ​ന്നും ആ ​കാ​ഴ്ച കൗ​തു​ക​മു​ള്ള​താ​യി​രി​ക്കും.

മു​മ്പ് വ​ര്‍​ക്ക്‌​ഷോ​പ്പി​ലാ​യി​രു​ന്നു സേ​വ്യ​റി​ന് ജോ​ലി. ആ ​സ​മ​യ​ത്ത് വൈ​കു​ന്നേ​രം സേ​വ്യ​ര്‍ ജോ​ലി ക​ഴി​ഞ്ഞി​റ​ങ്ങു​ന്ന​തു​വ​രെ ബ്ലാ​ഞ്ച​ന്‍ ആ ​പ​രി​സ​ര​ത്തൊ​ക്കെ ചു​റ്റി​ക്ക​റ​ങ്ങും. സേ​വ്യ​ര്‍ വീ​ട്ടി​ലേ​ക്ക് പോ​കു​മ്പോ​ള്‍ ഒ​പ്പം​പോ​കും. വീ​ട്ടി​ലെ​ത്തി​യാ​ല്‍ ചെ​ടി​ക​ള്‍​ക്ക് വെ​ള്ള​മൊ​ഴി​ക്കാ​നും മ​റ്റും സേ​വ്യ​റി​നൊ​പ്പം കൂ​ടും.

പ​ര​സ്പ​ര ബ​ഹു​മാ​നം

ഇ​പ്പോ​ള്‍ സേ​വ്യ​റും ബ്ലാ​ഞ്ച​നും ത​മ്മി​ലു​ള്ള ആ​ത്മ​ബ​ന്ധം നാ​ട്ടി​ല്‍ പാ​ട്ടാ​ണ്. ഒ​രു പ്രാ​വ് എ​ങ്ങ​നെ ഇ​ത്ര​യും സൗ​ഹൃ​ദ​ത്തോ​ടെ ഒ​പ്പം ന​ട​ക്കു​ന്നു എ​ന്ന് ചോ​ദി​ച്ചാ​ല്‍ സേ​വ്യ​റി​ന് ഒ​രു​ത്ത​ര​മേ​യു​ള്ളു. - 'ഞാ​ന്‍ ബ്ലാ​ഞ്ച​നെ ബ​ഹു​മാ​നി​ക്കു​ന്നു, അ​തെ​ന്നേ​യും. ഏ​ത് ജീ​വി​യു​മാ​യും ന​മു​ക്ക് സു​ഹൃ​ത്തു​ക്ക​ളാ​വാം. അ​തി​ന് ആ​ദ്യം വേ​ണ്ട​ത് ആ ​ജീ​വി​യെ ബ​ഹു​മാ​നി​ക്കു​ക​യാ​ണ്. പ​ര​സ്പ​ര ബ​ഹു​മാ​ന​മാ​ണ് ഏ​റ്റ​വും ന​ല്ല സു​ഹൃ​ദ്ബ​ന്ധ​ത്തി​ന് അ​ടി​സ്ഥാ​നം'.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.