നിങ്ങളറിയാതെ രാത്രിയിൽ കുട്ടികൾ എവിടെപ്പോകുന്നു? പോലീസ് ചോദിക്കുന്നു; രക്ഷിതാക്കൾ ജാഗ്രതൈ..!
Monday, October 8, 2018 7:16 PM IST
പാ​തി​രാ​ത്രി​യി​ൽ കു​ട്ടി​ക​ൾ ര​ക്ഷി​താ​ക്ക​ൾ അ​റി​യാ​തെ വീ​ടി​നു പു​റ​ത്തു​പോ​കു​ന്ന​താ​യി പോ​ലീ​സി​ന്‍റെ മു​ന്ന​റി​യി​പ്പ്. ബീ​ച്ചി​ലും ന​ഗ​ര​ത്തി​ന്‍റെ വി​വി​ധ സ്ഥ​ല​ങ്ങ​ളി​ലും ക​റ​ങ്ങു​ന്ന കു​ട്ടി​ക​ളെ ക​ണ്ടെ​ത്താ​ന്‍ പ​രി​ശോ​ധ​ന ശ​ക്ത​മാ​ക്കി​യ​താ​യി കോഴിക്കോട് ടൗ​ണ്‍ സി​ഐ എ. ​ഉ​മേ​ഷ് പ​റ​ഞ്ഞു.

വീ​ടു​വി​ട്ടിറ​ങ്ങു​ന്ന വി​ദ്യാ​ര്‍​ഥി​ക​ളെ നേ​ര്‍​വ​ഴി​യി​ലെ​ത്തി​ക്കാ​ന്‍ ര​ക്ഷി​താ​ക്ക​ളെ ബോ​ധ​വ​ത്ക​രി​ക്കാ​നു​ള്ള പ​ദ്ധ​തി​യും പോ​ലീ​സ് ന​ട​പ്പാ​ക്കും. "നി​ങ്ങ​ളു​ടെ വീ​ട്ടി​ല്‍ കു​ട്ടി​ക​ള്‍ ഉ​റ​ങ്ങു​ന്നു​ണ്ടോ' എ​ന്ന സ​ന്ദേ​ശ​ത്തോ​ടെ​യാ​ണ് പോ​ലീ​സ് ര​ക്ഷി​താ​ക്ക​ള്‍​ക്കി​ട​യി​ലേ​ക്കി​റ​ങ്ങു​ന്ന​ത്. ബൈ​ക്കി​ല്‍ ക​റ​ങ്ങാ​നും, ല​ഹ​രി ഉ​പ​യോ​ഗ​ത്തി​നു​മാ​യാ​ണ് പ​ല കു​ട്ടി​ക​ളും ര​ക്ഷി​താ​ക്ക​ള്‍ പോ​ലും അ​റി​യാ​തെ രാ​ത്രി ന​ഗ​ര​ത്തി​ലേ​ക്കി​റ​ങ്ങു​ന്ന​തെ​ന്ന് സി​ഐ പ​റ​ഞ്ഞു.

ഒ​ന്ന​ര​മാ​സ​ത്തി​നി​ടെ 34 കു​ട്ടി​ക​ളെ​യാ​ണ് പോ​ലീ​സ് പി​ടി​കൂ​ടി​യ​ത്. ര​ക്ഷി​താ​ക്ക​ളോ​ട് കി​ട​ന്നു​റ​ങ്ങാ​ന്‍ പോ​വു​ക​യാ​ണെ​ന്ന് പ​റ​ഞ്ഞാ​ണ് കു​ട്ടി​ക​ള്‍ വാ​തി​ല​ട​യ്ക്കു​ന്ന​ത്. ര​ക്ഷി​താ​ക്ക​ള്‍ ഉ​റ​ങ്ങി​യെ​ന്നു​റ​പ്പാ​ക്കി​യ ശേ​ഷം ബൈ​ക്കി​ന്‍റെ താ​ക്കോ​ലു​മാ​യി വാ​തി​ല്‍ തു​റ​ന്ന് പു​റ​ത്തി​റ​ങ്ങും. ബൈ​ക്ക് വീ​ട്ടി​ല്‍ നി​ന്ന് സ്റ്റാ​ര്‍​ട്ടാ​ക്കാ​തെ അ​ല്‍​പ​ദൂ​രം മാ​റി സ്റ്റാ​ര്‍​ട്ടാ​ക്കി​യ​ശേ​ഷ​മാ​ണ് പോ​വു​ന്ന​ത്. പ​ല ​രക്ഷി​താ​ക്ക​ളും കു​ട്ടി​ക​ള്‍ ഇ​പ്ര​കാ​രം പു​റ​ത്തു​പോ​വു​ന്നു​ണ്ടെ​ന്ന് പോ​ലീ​സ് വി​ളി​ച്ച​റി​യ​ച്ചി​ട്ടും വി​ശ്വ​സി​ക്കാ​ന്‍ പോ​ലും ത​യാ​റാ​വു​ന്നി​ല്ലെ​ന്ന് സി​ഐ പ​റ​ഞ്ഞു. പോ​ലീ​സ് പി​ടി​കൂ​ടി​യ​തി​ന്‍റെ വീ​ഡി​യോ ദൃ​ശ്യം കാ​ണി​ച്ച ശേ​ഷ​മാ​ണ് ഒ​രു ര​ക്ഷി​താ​വ് ഇ​ക്കാ​ര്യം വി​ശ്വ​സി​ച്ച​ത്.

സു​ഹൃ​ത്തു​ക​ളു​ടെ വീ​ട്ടി​ലേ​ക്കാ​ണെ​ന്ന് പ​റ​ഞ്ഞ് പു​റ​ത്തി​റി​ങ്ങു​ന്ന കു​ട്ടി​ക​ളും ഇ​ത്ത​ര​ത്തി​ല്‍ ബീ​ച്ചി​ലും മ​റ്റും ക​റ​ങ്ങാ​റു​ണ്ട്. കു​ട്ടി​ക​ളെ ബോ​ധ​വ​ത്ക​രി​ക്കു​ന്ന​തോ​ടൊ​പ്പം ര​ക്ഷി​താ​ക്ക​ളേ​യും ബോ​ധ​വ​ത്ക​രി​ച്ചാ​ല്‍ മാ​ത്ര​മേ ഇ​ത്ത​ര​ത്തി​ലു​ള്ള പ്ര​വൃ​ത്തി​ക​ള്‍ ത​ട​യ​നാ​വു​ക​യു​ള്ളൂ​വെ​ന്നാ​ണ് പോ​ലീ​സ് പ​റ​യു​ന്ന​ത്.

വ​രും ദി​വ​സ​ങ്ങ​ളി​ലും ബീ​ച്ചി​ലും പ​രി​സ​ര​പ്ര​ദേ​ശ​ങ്ങ​ളി​ലും രാ​ത്രി​കാ​ല പെ​ട്രോ​ളിം​ഗ് ശ​ക്തി​പ്പെ​ടു​ത്തും. ബൈ​ക്കു​മാ​യി അ​സ​മ​യ​ത്ത് ബീ​ച്ചി​ലെ​ത്തു​ന്ന കു​ട്ടി​ക​ള്‍​ക്കും ര​ക്ഷി​താ​ക്ക​ള്‍​ക്കും ആ​ദ്യ​ഘ​ട്ട​ത്തി​ല്‍ താ​ക്കീ​ത് ന​ല്‍​കും. പി​ന്നീ​ടും ഇ​ത് ആ​വ​ര്‍​ത്തി​ക്കു​ക​യാ​ണെ​ങ്കി​ല്‍ കു​ട്ടി​ക​ള്‍​ക്കെ​തി​രേ ജു​വൈ​ന​ല്‍ ആ​ക്ട് പ്ര​കാ​ര​വും ര​ക്ഷി​താ​ക്ക​ള്‍​ക്കെ​തി​രേ മ​റ്റു നി​യ​മ​ന​ട​പ​ടി​ക​ളും സ്വീ​ക​രി​ക്കാ​നാ​ണ് പോ​ലീ​സ് ആ​ലോ​ചി​ക്കു​ന്ന​ത്.

അ​തേ​സ​മ​യം രാ​ത്രി​യി​ല്‍ വീ​ടി‍​ന്‍റെ വാ​തി​ല്‍ തു​റ​ന്ന് കു​ട്ടി​ക​ള്‍ പു​റ​ത്തി​റ​ങ്ങു​ന്ന​ത് മോ​ഷ്ടാ​ക്ക​ള്‍​ക്കും സ​ഹാ​യ​മാ​വു​ന്നു​ണ്ട്. വാ​തി​ല​ട​യ്ക്കാ​തെ​യാ​ണ് പ​ല​രും പു​റ​ത്തി​റ​ങ്ങു​ന്ന​ത്. ഇ​തോ​ടെ മോ​ഷ്ടാ​ക്ക​ള്‍​ക്ക് എ​ളു​പ്പ​ത്തി​ല്‍ വീ​ട്ടി​നു​ള്ളി​ല്‍ ക​യ​റി മോ​ഷ​ണം ന​ട​ത്താ​ന്‍ സാ​ധി​ക്കു​ന്നു​ണ്ടെ​ന്നും പോ​ലീ​സ് വ്യ​ക്ത​മാ​ക്കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.