മടിയൻ പാണ്ടയെ ഉണർത്താൻ ശ്രമിക്കുന്ന മൃഗശാല ജീവനക്കാരി; രസകരമായ വീഡിയോ

Wednesday, June 6, 2018 3:46 PM IST

ഞായറാഴ്ചത്തെ വിശ്രമത്തിനൊക്കെ ശേഷം തിങ്കളാഴ്ച രാവിലെ കുട്ടികളെ എഴുന്നേൽപ്പിച്ച് സ്കൂളിൽ വിടുക എന്നത് അമ്മമാരെ സംബന്ധിച്ചിടത്തോളം ഏറെ പ്രയാസമുള്ള ഒരു പണിയാണ്. നിരവധി തവണ തട്ടിവിളിച്ചെങ്കിൽ മാത്രമെ കുട്ടികൾ കണ്ണുതുറക്കാറുള്ളു. മനുഷ്യക്കുഞ്ഞുങ്ങൾ മാത്രമല്ല, പാണ്ടക്കുട്ടികളും ഇങ്ങനെതന്നെയെന്ന് തെളിയിക്കുന്ന ഒരു വീഡിയോ ആണ് ഇപ്പോൾ പുറത്തുവന്നിരിക്കുന്നത്.

തിങ്കളാഴ്ച രാവിലെ ഒരു പാണ്ടക്കുട്ടിയെ തട്ടി ഉണർത്താൻ ശ്രമിക്കുന്ന മൃഗശാല ജീവനക്കാരിയുടെ ദൃശ്യങ്ങളാണ് സമൂഹമാധ്യമങ്ങളിൽ ഇപ്പോൾ വൈറലാകുന്നത്. രാവിലെ ഭക്ഷണം കഴിക്കാനാണ് പാണ്ടക്കുട്ടനെ വിളിക്കുന്നത്. എന്നാൽ തന്‍റെ സുന്ദരമായ ഉറക്കം അവസാനിപ്പിക്കാൻ അവൻ തയാറാകുന്നില്ല. രണ്ടുമൂന്നുവട്ടം തിരിഞ്ഞും മറിഞ്ഞും കിടക്കുന്നതല്ലാതെ ആളൊന്ന് കണ്ണു തുറക്കുന്നുപോലുമില്ല.

ഒടുവിൽ മൃഗശാല ജീവനക്കാരി പാണ്ടയെ ഉണർത്താനുള്ള തന്‍റെ ശ്രമമുപേക്ഷിച്ച് മടങ്ങുകയാണ്. ഒന്നരമിനിറ്റ് ദൈർഘ്യമുള്ള ഈ ദൃശ്യങ്ങൾ ചൈനയിൽനിന്നുള്ളതാണ്. വീഡിയോയ്ക്ക് ലഭിക്കുന്ന കമന്‍റുകളും വളരെ രസകരമാണ്. പാണ്ടയെ കണ്ടിട്ട് തിങ്കളാഴ്ചകളിൽ രാവിലെ എഴുന്നേൽക്കാൻ മടിക്കുന്ന തങ്ങളെത്തന്നെയാണ് ഓർമ വരുന്നതെന്ന് ചിലർ കമന്‍റ് ചെയ്തിരിക്കുന്നു. പാണ്ടയെ അതിന്‍റെ ഉറക്കം തുടരാൻ മൃഗശാല ജീവനക്കാരി അനുവദിച്ചതുപോലെ തങ്ങളെയും ഉറക്കം തുടരാൻ അമ്മമാർ അനുവദിക്കണമെന്നാണ് മറ്റുചിലരുടെ വാദം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.