നാ​ടി​ന്‍റെ ബ​സ് ആംബുലൻസായി; യാത്രക്കാരിക്ക് രണ്ടാം ജന്മം
നാ​ടി​ന്‍റെ ബ​സ് ഓ​ടി, യാ​ത്ര​ക്കാ​രി​യു​മാ​യി ആ​ശു​പ​ത്രി​യി​ലേ​ക്ക്. ബ​സ് യാ​ത്ര​യ്ക്കി​ടെ ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട യാ​ത്ര​ക്കാ​രി​യെ ആ​ശു​പ​ത്രി​യി​ലെ​ത്തി​ക്കാ​ൻ ട്രി​പ്പ് പാ​തി​വ​ഴി​യി​ൽ മു​ട​ക്കി​യാ​ണ് നെ​ടു​ങ്ക​ണ്ടം - ആ​ന​ക്ക​ല്ല് റൂ​ട്ടി​ലെ ജ​ന​മൈ​ത്രി ബ​സ് ഓ​ടി​യ​ത്.

ക​ഴി​ഞ്ഞ​ദി​വ​സം രാ​വി​ലെ 9.10-ന് ​ആ​ന​ക്ക​ല്ലി​ൽ​നി​ന്ന് നെ​ടു​ങ്ക​ണ്ട​ത്തേ​ക്ക് പു​റ​പ്പെ​ട്ട​താ​യി​രു​ന്നു നാ​ട്ടു​കാ​രു​ടെ സ്വ​ന്തം ബ​സാ​യ ജ​ന​മൈ​ത്രി. പെ​ട്ടെന്നാ​ണ് ഒ​രു യാ​ത്ര​ക്കാ​രി​ക്ക് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട​താ​യി സ​ഹ​യാ​ത്രി​ക അ​റി​യി​ച്ച​ത്. നെ​ഞ്ചു​വേ​ദ​ന അ​നു​ഭ​വ​പ്പെ​ട്ട സ്ത്രീ​യെ എ​ത്ര​യും​വേ​ഗം ആ​ശു​പ​ത്രി​യി​ൽ എ​ത്തി​ക്കു​ന്ന​തി​നു​ള്ള ത​യാ​റെ​ടു​പ്പാ​യി​രു​ന്നു പി​ന്നീ​ട്.

സ്റ്റോ​പ്പു​ക​ളി​ലൊ​ന്നും നി​ർ​ത്താ​തെ വേ​ഗ​ത്തി​ൽ ബ​സ് നെ​ടു​ങ്ക​ണ്ട​ത്തേ​ക്ക് കു​തി​ച്ചു. വ​ഴി​യി​ൽ നി​ര​വ​ധി യാ​ത്ര​ക്കാ​രു​ണ്ടാ​യി​രു​ന്നെ​ങ്കി​ലും ഡ്രൈ​വ​ർ ര​ഞ്ജി​ത്തും ക​ണ്ട​ക്ട​ർ ജ​യിം​സും ബ​സ് നി​ർ​ത്താ​തെ ആ​ശു​പ​ത്രി​യി​ലേ​ക്കു പോ​കു​ക​യാ​യി​രു​ന്നു.

നെ​ടു​ങ്ക​ണ്ടം കി​ഴ​ക്കേ​ക​വ​ല​യി​ൽ​നി​ന്നും താ​ലൂ​ക്ക് ആ​ശു​പ​ത്രി​യി​ലേ​ക്ക് ബ​സ് കൊ​ണ്ടു​പോ​കു​ന്ന​തി​ന് ബു​ദ്ധി​മു​ട്ടാ​യ​തി​നാ​ൽ വാ​ഹ​നം അ​വി​ടെ​നി​ർ​ത്തി ഒ​രു ഒ​ട്ടോ​യി​ൽ നാ​ട്ടു​കാ​രു​ടെ സ​ഹാ​യ​ത്തോ​ടെ യാ​ത്ര​ക്കാ​രി​യെ ആ​ശു​പ​ത്രി​യി​ലേ​ക്ക് അ​യ​ച്ചു.

ശാ​രീ​രി​ക ബു​ദ്ധി​മു​ട്ടു​ക​ളെ​തു​ട​ർ​ന്ന് ആ​ശു​പ​ത്രി​യി​ലേ​ക്ക് പോ​കു​ന്ന​തി​നാ​യാ​ണ് ആ​ന​ക്ക​ല്ല് സ്വ​ദേ​ശി​നി​യാ​യ മം​ഗ​ല​ത്ത് പൊ​ന്ന​മ്മ​യും ഭ​ർ​ത്താ​വും രാ​വി​ലെ ജ​ന​മൈ​ത്രി ബ​സി​ൽ ക​യ​റി​യ​ത്. യാ​ത്ര​യ്ക്കി​ടെ പൊ​ന്ന​മ്മ​യ്ക്ക് നെ​ഞ്ചു​വേ​ദ​ന ക​ല​ശ​ലാ​യി. അ​ടു​ത്ത സീ​റ്റി​ലി​രു​ന്ന സ​ഹ​യാ​ത്രി​ക ഇ​വ​രു​ടെ ബു​ദ്ധി​മു​ട്ടു​ക​ൾ മ​ന​സി​ലാ​ക്കി ബ​സ് ജീ​വ​ന​ക്കാ​രെ അ​റി​യി​ക്കു​ക​യു​മാ​യി​രു​ന്നു. നെ​ടു​ങ്ക​ണ്ടം താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ​യി​ലാ​ണ് പൊ​ന്ന​മ്മ.

നാ​ട്ടു​കാ​രു​ടെ കൂ​ട്ടാ​യ്മ​യി​ൽ സ​ർ​വീ​സ് ന​ട​ത്തു​ന്ന ബ​സാ​ണ് ജ​ന​മൈ​ത്രി. നെ​ടു​ങ്ക​ണ്ടം പ​ഞ്ചാ​യ​ത്തി​ലെ കി​ഴ​ക്ക​ൻ മേ​ഖ​ല​ക​ളാ​യ കോ​ന്പ​യാ​ർ, ആ​ന​ക്ക​ല്ല്, പാ​ലാ​ർ, തേ​വാ​രം​മെ​ട്ട്, പ​ട്ട​ത്തി​മു​ക്ക് തു​ട​ങ്ങി​യ പ്ര​ദേ​ശ​ങ്ങ​ളി​ലെ ആ​യി​രക്കണ​ക്കി​ന് ആ​ളു​ക​ളു​ടെ ഏ​ക ആ​ശ്ര​യ​മാ​ണ് ഈ ​ബ​സ്.

ബ​സ് സ​ർ​വീ​സി​നു​പു​റ​മെ പ്ര​ദേ​ശ​ത്തി​ന്‍റെ സാ​മൂ​ഹി​ക സാം​സ്കാ​രി​ക ഉ​ന്ന​മ​ന​ത്തി​നാ​യി പ്ര​വ​ർ​ത്തി​ക്കു​ന്ന സം​ഘ​ട​ന​യാ​ണ് ജ​ന​മൈ​ത്രി. നി​ര​വ​ധി ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളും ജ​ന​മൈ​ത്രി ട്ര​സ്റ്റി​ന്‍റെ നേ​തൃ​ത്വ​ത്തി​ൽ ന​ട​ത്തു​ന്നു​ണ്ട്.

കോ​ന്പ​യാ​ർ സ്വ​ദേ​ശി​യാ​യ അ​മ​ൽ ചാ​ക്കോ​യു​ടെ ചി​കി​ത്സാ​സ​ഹാ​യ നി​ധി​യി​ലേ​ക്ക് ഫ​ണ്ട് ക​ണ്ടെ​ത്തു​ന്ന​തി​നാ​ണ് ഇ​ന്ന​ലെ ജ​ന​മൈ​ത്രി സ​ർ​വീ​സ് ന​ട​ത്തി​യ​ത്. ര​ക്താ​ർ​ബു​ദ​ത്തെ​തു​ട​ർ​ന്ന് ചി​കി​ത്സ​യി​ലാ​ണ് അ​മ​ൽ.

ഒ​രു​ദി​വ​സ​ത്തെ വ​രു​മാ​നം അ​മ​ലി​ന്‍റെ ചി​കി​ത്സാ​ചെ​ല​വി​ലേ​ക്ക് മാ​റ്റി വെ​ച്ചി​രി​ക്കു​ക​യാ​ണ് ജ​ന​മൈ​ത്രി. നാ​ട്ടു​കാ​രു​ടെ സ്വ​ന്തം ബ​സി​ന് എ​ല്ലാ​വി​ധ സ​ഹ​ക​ര​ണ​വു​മാ​യി യാ​ത്ര​ക്കാ​രും ഉ​ദ്യ​മ​ത്തി​ൽ പ​ങ്കാ​ളി​ക​ളാ​യി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.