ഷാ​വോ​ലി​ന്‍ കു​ങ് ഫു ​പ​രി​ശീ​ല​ന​ത്തി​നി​ട​യി​ല്‍ ക​ര​യു​ന്ന കു​ട്ടി​ക​ള്‍; വീ​ഡി​യോ
Tuesday, August 30, 2022 11:33 AM IST
ചൈ​ന​യി​ലെ ഷാ​വോ​ലി​ന്‍ ക്ഷേ​ത്ര​ത്തി​ന്‍റെ പേ​ര് നി​ങ്ങ​ള്‍ കേ​ട്ടി​രി​ക്ക​ണം. ഷാ​വോ​ലി​ന്‍ കു​ങ് ഫു ​എ​ന്ന് വി​ളി​ക്ക​പ്പെ​ടു​ന്ന പ്ര​ത്യേ​ക കു​ങ്ഫു ക​ല​യ്ക്ക് പേ​രു​കേ​ട്ട​താ​ണ് ഈ ​ക്ഷേ​ത്രം. പലരും ഷാ​വോ​ലി​ന്‍ കു​ങ് ഫു വിനെ ​ലോ​ക​ത്തി​ലെ ഏ​റ്റ​വും ഉ​യ​ര്‍​ന്ന നി​ല​വാ​ര​മു​ള്ള കു​ങ് ഫു ​ആ​യിട്ടാണ് ക​ണ​ക്കാ​ക്കുന്നത്.

ലോ​ക​ത്ത് പ​ല ആ​യോ​ധ​ന ക​ല​ക​ള്‍ ഉ​ണ്ടെ​ങ്കി​ലും ഏ​റ്റ​വും അ​ധി​കം ഏ​കാ​ഗ്ര​ത​യും സ​ഹി​ഷ്ണു​ത​യും ആ​വ​ശ്യ​മു​ള്ള ഒ​ന്നാ​ണ് ഷാ​വോ​ലി​ന്‍ കു​ങ് ഫു. ലോ​ക​മെ​മ്പാ​ടും നി​ര​വ​ധി പേ​രു​കേ​ട്ട ആ​യോ​ധ​ന ക​ലാ​കാ​ര​ന്മാ​ര്‍ ഉ​ണ്ടെ​ങ്കി​ലും, ഷാ​വോ​ലി​ന്‍ ആ​യോ​ധ​ന അ​ഭ്യാ​സി​ക​ള്‍​ക്ക് മു​ക​ളി​ലാ​യി ആ​രും ത​ന്നെ​യി​ല്ല എ​ന്നു​വേ​ണ​മെ​ങ്കി​ല്‍ പ​റ​യാം.

അ​വ​രു​ടെ അ​ച്ച​ട​ക്കം, സാ​ങ്കേ​തി​ക​ത, ശ​ക്തി, വ​ഴ​ക്കം എ​ന്നി​വ സ​മാ​ന​ത​ക​ളി​ല്ലാ​ത്ത​താ​ണ്. ഷാവോ​ലി​ന്‍ ആ​യോ​ധ​ന കല പ​ഠി​ക്കു​ന്ന ഒ​രാ​ള്‍ തി​ക​ഞ്ഞ അ​ഭ്യാ​സി​യാ​കാ​ന്‍ നി​ര​വ​ധി വ​ര്‍​ഷ​ത്തെ ക​ഠി​നാ​ധ്വാ​നം ആ​വ​ശ്യ​മാ​ണ്. അ​തി​നാ​ല്‍​ത്ത​ന്നെ അ​വ​ര്‍ വ​ള​രെ ചെ​റു​പ്പ​ത്തി​ലേ പ​രി​ശീ​ല​നം ആ​രം​ഭി​ക്കു​ന്നു.

ചി​ല​പ്പോ​ള്‍ മൂ​ന്നോ നാ​ലോ വ​യ​സു​മു​ത​ല്‍ ഈ ​പ​രി​ശീ​ല​നം ആ​രം​ഭി​ക്കും. കു​ട്ടി​ക​ള്‍ ഷാ​വോ​ലി​ന്‍ കു​ങ് ഫു ​പ​രി​ശീ​ലി​ക്കു​ന്ന കാ​ഴ്ച എ​പ്പോ​ഴെ​ങ്കി​ലും ക​ണ്ടാ​ല്‍ സാ​ധാ​ര​ണ കാ​ഴ്ച​ക്കാ​ര​ന്‍റെ ക​ണ്ണു​ക​ളെ അ​തു ന​ന​യി​ക്കും. അ​ത്ര ക​ഠി​ന​മാ​യ പ​രി​ശീ​ല​നം ത​ന്നെ​യാ​ണത്.

അ​ടു​ത്തി​ടെ "സ്‌​പെ​ഷ്യ​ല്‍ ടൈം​സ്' ത​ങ്ങ​ളു​ടെ ഫേ​സ്ബു​ക്കി​ല്‍ ചെ​റി​യ കു​ട്ടി​ക​ള്‍ ഷാ​വോ​ലി​ന്‍ കു​ങ്ഫു പ​രി​ശീ​ലി​ക്കു​ന്ന​തി​ന്‍റെ വീ​ഡി​യോ പ​ങ്കു​വ​ച്ചി​രു​ന്നു. വീ​ഡി​യോ സോ​ഷ്യ​ല്‍ മീ​ഡി​യ​യി​ല്‍ വൈ​റ​ലാ​യി​രു​ന്നു.

വീ​ഡി​യോ​യി​ല്‍ വേ​ദ​നാ​ജ​ന​ക​മാ​യ വി​ദ്യ​ക​ള്‍ പ​രി​ശീ​ലി​ക്കു​ന്ന​തി​നി​ട​യി​ല്‍ കൊ​ച്ചു​കു​ട്ടി​ക​ള്‍ ക​ണ്ണീ​ര്‍ പൊ​ഴി​ക്കു​ന്ന​ത് കാ​ണാം. മൂ​ന്ന് മി​നി​റ്റ് ദൈ​ര്‍​ഘ്യ​മു​ള്ള വീ​ഡി​യോ ആ​രം​ഭി​ക്കു​ന്ന​ത് ഒ​രു മ​ര​ത്തി​ല്‍ ചു​റ്റി ക​ണ്ണു​ക​ള്‍ അ​ട​ച്ച് ധ്യാ​നി​ക്കു​ന്ന കു​ട്ടി​യു​ടെ കാ​ഴ്ച​യോ​ടെ​യാ​ണ്.

അ​ടു​ത്ത ദൃ​ശ്യ​ങ്ങ​ളി​ല്‍ ഒ​രു ഷാ​വോ​ലി​ന്‍ സ​ന്യാ​സി കു​ട്ടി​യു​ടെ പു​റം പി​ന്നി​ലേ​ക്ക് വ​ലി​ച്ചു​പി​ടി​ക്കു​ന്ന​തും കു​ട്ടി വേ​ദ​ന​കൊ​ണ്ട് ക​ര​യു​ന്ന​തും കാ​ണാം. ശ​രീ​ര​ത്തി​ന്‍റെ സ​ന്തു​ലി​താ​വ​സ്ഥ​യും വ​ഴ​ക്ക​വും മെ​ച്ച​പ്പെ​ടു​ത്താ​ന്‍ സ​ഹാ​യി​ക്കു​ന്ന നി​ര​വ​ധി സാ​ങ്കേ​തി​ക വി​ദ്യ​ക​ള്‍ ഇ​ത്ത​ര​ത്തി​ല്‍ കു​ട്ടി​ക​ളെ ശീ​ലി​പ്പി​ക്കു​ന്ന​ത് വീ​ഡി​യോ​യി​ല്‍ കാ​ണാം.

പ​രി​ശീ​ല​നം ക​ഠി​ന​മാ​ണെ​ങ്കി​ലും ശേ​ഷം അ​വ​ര്‍ തി​ക​ഞ്ഞ അ​ഭ്യാ​സി​ക​ളാ​യി മാ​റും എ​ന്ന​ത് ശു​ഭ​ക​ര​മാ​യ ഒ​ന്നാ​ണെ​ന്ന് ചി​ല​ര്‍ ക​മ​ന്‍റു​ക​ളാ​യി പ​റ​യു​ന്നു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.