ഈ വർഷത്തെ മെഡിക്കൽ എൻട്രൻസ് പരീക്ഷ (NEET - UG ) ഈ ഞായറാഴ്ച നടക്കുകയാണല്ലോ. പരീക്ഷയെഴുതുത്തുന്നവർ ശ്രദ്ധിക്കേണ്ട പ്രധാനപ്പെട്ട കാര്യങ്ങൾ ഇവയാണ്.
എൻടിഎ പ്രസിദ്ധീകരിച്ച ഡ്രസ് കോഡനുസരിച്ച് സ്ലിപ്പേഴ്സും ചെറിയ ഹീലുള്ള സാൻഡലുകളും ധരിക്കാം. ഷൂസ് ധരിക്കാൻ പാടില്ല. 1.30 നു ശേഷം ഹാളിലെത്തുന്നവരെ പരീക്ഷയെഴുതാൻ അനുവദിക്കുകയില്ല.
* അയഞ്ഞതോ നീളം കൂടിയ കൈകളുള്ളതോ ആയ വസ്ത്രങ്ങൾ പാടില്ല. മൊബൈൽ ഫോൺ , ബ്ലൂടൂത്ത്, പേജർ, ഇയർ ഫോൺ എന്നിങ്ങനെയുള്ള യാതൊരു തരത്തിലുള്ള ആശയ വിനിമയോപാധിയും അനുവദനീയമല്ല.
* കടലാസ് ഷീറ്റുകൾ, പുസ്തകങ്ങൾ, മറ്റു പകരണങ്ങൾ എന്നിവയും കൂടെ കരുതരുത്.
പെൺകുട്ടികളുടെ വേഷം
ഇളം നിറത്തിലുള്ള സൽവാർ, ട്രൗസേഴ്സ് എന്നിവ ധരിക്കാം. ടീഷർട്ട് അനുവദനീയം. വസ്ത്രത്തിൽ വലിയ ബട്ടനുകളും ചിത്രപ്പണികളും പാടില്ല. ഷാളോ ദുപ്പട്ടയോ അനുവദനീയമല്ല. വള്ളിച്ചെരിപ്പും സ്ലിപ്പറും അനുവദനീയം. ഹൈഹീൽ ചെരിപ്പ് പാടില്ല. മോതിരം, കമ്മൽ, മുക്കുത്തി, വലിയ ഡയലുള്ള മെറ്റാലിക് വാച്ചുകൾ എന്നിവ ഒഴിവാക്കുക. ജീൻസ്, ട്രാക്ക് പാന്റ്സ്, ലെഗിംഗ്സ്, ജെഗിംഗ്സ്, സാരി എന്നിവയും പാടില്ല. മതാചാരപ്രകാരമുള്ള ശിരോവസ്ത്രം, ബുർഖ എന്നിവ ധരിക്കുന്നവർ 12.30 ന് മുമ്പേ പരിശോധനയ്ക്ക് എത്തിച്ചേരണം.
ആൺകുട്ടികളുടെ വേഷം
ഇളം നിറത്തിലുള്ള അധികം പോക്കറ്റുകളില്ലാത്ത പാന്റ്സ്, അരക്കൈ ഷർട്ട്/ടീ ഷർട്ട് എന്നിവ ധരിക്കാം. സാധാരണ ചെരിപ്പ് ( കാൽപ്പാദം മറയാത്തത് ) ധരിക്കാം. ഷൂ പാടില്ല. വാച്ച്, തൊപ്പി, ബെൽറ്റ് , ബ്രേസ്ലെറ്റ് എന്നിവ ഒഴിവാക്കുക
പൊതുവായത്
* ഡോക്ടർ നിർദേശിച്ച കണ്ണട/ലെൻസ് ഉപയോഗിക്കാം. സൺ ഗ്ലാസ് പാടില്ല.
* സാധന സാമഗ്രികൾ ഹാളിൽ സൂക്ഷിക്കാനാവില്ല.
* വില പിടിച്ച വസ്തുക്കൾ കരുതാതിരിക്കുക.
* പാസ്പോർട്ട് ഫോട്ടോ പതിച്ച അഡ്മിറ്റ് കാർഡ് , തിരിച്ചറിയൽ രേഖ, പോസ്റ്റ് കാർഡ് സൈസിലുള്ള (4 x 6 ഇഞ്ച്) കളർ ഫോട്ടോ പ്രഫോർമയിൽ ഒട്ടിച്ചിരിക്കണം.
* കാൽക്കുലേറ്റർ, ലോഗരിതം ടേബിൾ, പേന , പൗച്ചുകൾ, വാലറ്റ് എന്നിവയും അനുവദനീയമല്ല.
* ഭക്ഷണപദാർത്ഥങ്ങളും അനുവദനീയമല്ല. മുൻകൂർ അനുവാദമുണ്ടെങ്കിൽ മരുന്നുകൾ കരുതാം.
* ഫേസ് മാസ്ക്കുകൾ, ഗ്ലൗസുകൾ, സുതാര്യമായ വാട്ടർ ബോട്ടിൽ, ഹാൻഡ് സാനിറൈറസർ (50 ml) എന്നിവ കരുതാം.
ഹാളിലേക്ക് 1.15 മുതൽ പ്രവേശനം അനുവദിക്കും. ഉച്ചകഴിഞ്ഞ് രണ്ടു മുതൽ അഞ്ച് വരെയാണ് പരീക്ഷാ സമയം. പരീക്ഷാനിബന്ധനകളിൽ ഇളവുകൾ പ്രതീക്ഷിക്കരുത്. ഗേറ്റിൽ വച്ചു തന്നെ മെറ്റൽ ഡിറ്റക്ടർ ഉപയോഗിച്ചുള്ള പരിശോധനയുണ്ടാവും. നിരോധിക്കപ്പെട്ട സാമഗ്രികൾ കൂടെ കരുതരുത്.
Adwise Career Consulting, Thrissur
Ph: 9400 610 478