Career Smart
ഫെഡറല്‍ ബാങ്കില്‍ ഇന്‍റേൺഷിപ്പ്; പ്രതിഫലം 5.70 ലക്ഷം രൂപ വരെ
കൊച്ചി: ബിരുദധാരികള്‍ക്ക് ഉയര്‍ന്ന പ്രതിഫലത്തോടെ ഇന്‍റേൺഷിപ്പ് പഠന പദ്ധതിയുമായി ഫെഡറല്‍ ബാങ്ക്.

ഫെഡറല്‍ ഇന്‍റേൺഷിപ്പ് പ്രോഗ്രാം (എഫ്ഐപി) എന്ന പദ്ധതി ഇന്ത്യയിലെ മുന്‍നിര വിദ്യാഭ്യാസ സ്ഥാപനമായ മണിപ്പാല്‍ ഗ്ലോബല്‍ എഡ്യൂക്കേഷൻ സര്‍വീസസുമായി ചേര്‍ന്നാണ് നടപ്പിലാക്കുന്നത്.

തിരഞ്ഞെടുക്കപ്പെടുന്ന അപേക്ഷകര്‍ക്ക് മണിപ്പാലിന്‍റെ പി.ജി ഡിപ്ലോമ കോഴ്‌സ് ചെയ്യുന്നതോടൊപ്പം ഫെഡറല്‍ ബാങ്കില്‍ ഇന്‍റേൺഷിപ്പ് ചെയ്യാനും പ്രതിവര്‍ഷം 5.70 ലക്ഷം രൂപ വരെ പ്രതിഫലവും ലഭിക്കും.

ബാങ്ക് ശാഖ/ ഓഫീസിൽ ഡിജിറ്റല്‍ പഠന രീതികള്‍ സമന്വയിപ്പിച്ച് ഉദ്യോഗാര്‍ഥിയുടെ കഴിവ് സമഗ്രമായി മെച്ചപ്പെടുത്തുന്ന രീതിയിലാണ് എഫ്ഐപി പാഠ്യപദ്ധതി ഒരുക്കിയിരിക്കുന്നത് .

വിജയകരമായി പൂര്‍ത്തിയാക്കുന്നവര്‍ക്ക് മണിപ്പാല്‍ ഗ്ലോബല്‍ എഡ്യൂക്കേഷൻ സര്‍വീസസിന്‍റെ പിജി ഡിപ്ലോമ ഇന്‍ ബാങ്കിംഗ് ബിരുദവും ലഭിക്കും.

യോഗ്യത

►10, 12, ബിരുദ തലങ്ങളില്‍ 60 ശതമാനമോ അതിനു മുകളിലോ മാര്‍ക്കുള്ളവര്‍ക്ക് അപേക്ഷിക്കാം.
►പ്രായം 2021 ഓക്ടോബര്‍ ഒന്നിന് 27 തികയാന്‍ പാടില്ല.
►2021 ഒക്ടോബര്‍ 23 ആണ് അപേക്ഷിക്കേണ്ട അവസാന തീയതി.
►ഓണ്‍ലൈന്‍ അഭിരുചി പരീക്ഷ നവംബര്‍ ഏഴിന് നടക്കും.
►കേരളത്തിനു പുറമെ തമിഴ്‌നാട്, കര്‍ണാടക, ആന്ധ്ര പ്രദേശ്, തെലങ്കാന, മഹാരാഷ്ട്ര, ഗോവ, ഗുജറാത്ത്, ഉത്തര്‍ പ്രദേശ്, ദല്‍ഹി, ഹരിയാന എന്നീ സംസ്ഥാനങ്ങളില്‍ നിന്നുള്ളവര്‍ക്ക് അപേക്ഷിക്കാം.

https://www.federalbank.co.in/federal-internship-program
Copyright @ 2018 , Rashtra Deepika Ltd.