Cinema
"മി​നി​മം' പോ​ലു​മി​ല്ലാ​ത്ത കൂ​ലി
Monday, August 18, 2025 11:02 AM IST
കൂ​ലി സി​നി​മ എ​ങ്ങ​നെ​യെ​ന്ന് ചോ​ദി​ച്ചാ​ൽ ഒ​റ്റ​വാ​ക്കി​ൽ പ​റ​യാ​ൻ ക​ഴി​യു​ക മി​നി​മം ചി​ത്ര​മെ​ന്നോ അ​തി​ലും താ​ഴെ​യെ​ന്നോ മാ​ത്ര​മാ​ണ്. പ്ര​തീ​ക്ഷ​ക​ളു​ടെ അ​മി​ത​ഭാ​രം ഇ​ല്ലെ​ങ്കി​ൽ കൂ​ടി ര​ജ​നി​കാ​ന്തി​ലും ലോ​കേ​ഷ് ക​ന​ക​രാ​ജി​ലു​മു​ള്ള വി​ശ്വാ​സം ത​ക​ർ​ന്ന​ടി​ഞ്ഞൊ​രു ചി​ത്ര​മാ​ണ് കൂ​ലി.

ലോ​കേ​ഷ് ഒ​രു​ക്കി​യ ഇ​തു​വ​രെ​യു​ള്ള ചി​ത്ര​ങ്ങ​ളി​ൽ ഏ​റ്റ​വും മോ​ശം സി​നി​മ. സൂ​പ്പ​ർ സ്റ്റാ​റു​ക​ൾ അ​ഴി​ഞ്ഞാ​ടി​യ ചി​ത്ര​ത്തി​ൽ ഇ​വ​രൊ​ക്കെ എ​ന്തി​നാ​യി​രു​ന്നു എ​ന്ന ചോ​ദ്യം വീ​ണ്ടും ചി​ന്തി​ക്കേ​ണ്ടി വ​രു​ന്നു. എ​ന്നാ​ൽ സൗ​ബി​ൻ ഷാ​ഹീ​ർ ചി​ത്ര​ത്തി​ലു​ട​നീ​ളം മി​ക​ച്ച പെ​ർ​ഫോ​മ​ൻ​സ് കാ​ഴ്ച വ​ച്ച​ത് കൈ​യ​ടി നേ​ടു​ന്നു.

സി​നി​മ കൊ​ള്ളാ​മോ എ​ന്നു ചോ​ദി​ച്ചാ​ൽ ഇ​ത​ല്ല പ്ര​തീ​ക്ഷി​ച്ച​ത് എ​ന്നൊ​രു ഉ​ത്ത​ര​മാ​ണ് ന​ൽ​കാ​നു​ള്ള​ത്. അ​ല്ലെ​ങ്കി​ൽ ര​ജ​നി​കാ​ന്ത് സി​നി​മ കാ​ണു​മ്പോ​ൾ ന​മ്മു​ടെ മ​ന​സി​ലു​ള്ള ലോ​ജി​ക്കു​ക​ളെ​ല്ലാം മ​ട​ക്കി വ​ച്ചി​ട്ടു​പോ​യാ​ൽ ഇ​ത് കൊ​ള്ളാം. അ​ത്ര​മാ​ത്രം. എ​ന്നാ​ൽ ലോ​കേ​ഷ് ക​ന​ക​രാ​ജ് എ​ന്ന സം​വി​ധാ​യ​ക​നി​ൽ നി​ന്നും പ്രേ​ക്ഷ​ക​ർ ഇ​ത​ല്ല പ്ര​തീ​ക്ഷി​ച്ചി​രു​ന്ന​തെ​ന്ന് ഉ​റ​പ്പാ​ണ്. പാ​ളി​പ്പോ​യ ക​ഥ​യും തി​ര​ക്ക​ഥ​യുമാ​ണ് ചി​ത്ര​ത്തി​ന്‍റെ പ്ര​ധാ​ന പോ​രാ​യ്മ.



ര​ജ​നി​കാ​ന്തി​നൊ​പ്പം നാ​ഗ​ർ​ജു​ന​യും ഉ​പേ​ന്ദ്ര​യും ഒ​ടു​വി​ൽ കോ​ളം തി​ക​യ്ക്കാ​ൻ എ​ന്ന പോ​ലെ ആ​മി​ർ ഖാ​നും എ​ത്തു​ന്നു​ണ്ട്. എ​ന്നാ​ൽ വ​ലി​യ ഇ​ൻ​ട്രോ​യി​ലാ​ണ് ആ​മി​റി​നെ​യും ഉ​പേ​ന്ദ്ര​യും അ​വ​ത​രി​പ്പി​ച്ച​തെ​ങ്കി​ലും ആ ​കാ​മി​യോ റോ​ളു​ക​ൾ എ​ന്തി​നാ​യി​രു​ന്നു​വെ​ന്ന് ഇ​ന്നും പി​ടി​കി​ട്ടാ​ത്ത വ​സ്തു​ത​യാ​ണ്.

ചെ​ന്നൈ​യി​ൽ ദേ​വാ​സ് മാ​ൻ​ഷ​ൻ എ​ന്ന പേ​രി​ൽ ഒ​രു ലോ​ഡ്ജ് ന​ട​ത്തു​ന്ന ദേ​വ​യാ​ണ് നാ​യ​ക​ൻ. വാ​ർ​ഡ​ന്‍റെ നി​യ​ന്ത്ര​ണ​ങ്ങ​ളാ​ണ് ലോ​ഡ്ജി​ലെ പ്ര​ധാ​ന​കാ​ര്യം. ഹോ​സ്റ്റ​ലി​ൽ മ​ദ്യം ക​യ​റ്റാ​ൻ പാ​ടി​ല്ല എ​ന്ന​ത് അ​തി​ലെ ന​ല്ല​കാ​ര്യ​ങ്ങ​ളി​ലൊ​ന്നാ​ണ്. ഇ​ങ്ങ​നെ ലോ​ഡ്ജും കാ​ര്യ​ങ്ങ​ളു​മാ​യി ജീ​വി​ക്കു​ന്ന​തി​നി​ട​യി​ലാ​ണ് 30 വ​ർ​ഷ​ങ്ങ​ൾ‍​ക്കു​മു​ൻ​പ് വേ​ർ​പി​രി​ഞ്ഞ പ​ഴ​യ​കാ​ല സു​ഹൃ​ത്ത് രാ​ജ​ശേ​ഖ​ർ വി​ശാ​ഖ​പ​ട്ട​ണ​ത്ത് മ​രി​ച്ച വി​വ​രം ദേ​വ അ​റി​യു​ന്ന​ത്.

ആ ​മ​ര​ണം സ്വാ​ഭാ​വി​ക മ​ര​ണ​മ​ല്ലെ​ന്നും കൊ​ല​പാ​ത​ക​മാ​ണെ​ന്നും തി​രി​ച്ച​റി​യു​ന്ന​തോ​ടെ ദേ​വ പ്ര​തി​കാ​ര​ത്തി​നി​റ​ങ്ങു​ക​യാ​ണ്. ആ​രാ​ണ് ദേ​വ​യെ​ന്നും ആ​രാ​ണ് രാ​ജ​ശേ​ഖ​റെ​ന്നും അ​വ​രെ​ന്തി​നാ​ണ് പ​ഴ​യ​കാ​ല​ത്തെ കൈ​യി​ലി​രി​പ്പു​ക​ൾ മ​റ​ന്ന് സാ​ധാ​ര​ണ​ക്കാ​രാ​യി ജീ​വി​ക്കു​ന്ന​തെ​ന്നു​മാ​ണ് ചി​ത്രം പ​റ​യു​ന്ന​ത്.



ര​ജ​നി​കാ​ന്തി​ന്‍റെ സ്റ്റൈ​ലു​ക​ളോ ഡ​യ​ലോ​ഗു​ക​ളോ ഒ​ന്നും ആ​വേ​ശ​മു​ണ​ർ​ത്തു​ന്നി​ല്ലെ​ന്ന് മാ​ത്ര​മ​ല്ല ചി​ല ക​ഥാ​പാ​ത്ര​ങ്ങ​ളൊ​ക്കെ എ​ന്തി​നാ​ണ് വ​ന്നു​പോ​യ​തെ​ന്ന തോ​ന്ന​ലു​ക​ൾ പോ​ലും കൂ​ലി സ​മ്മാ​നി​ക്കു​ന്നു​ണ്ട്.

ചി​ത്ര​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട ആ​ക​ർ​ഷ​ണം സൗ​ബി​ൻ ഷാ​ഹി​റി​ന്‍റെ മു​ഴു​നീ​ള ക​ഥാ​പാ​ത്ര​മാ​ണ്. ക​ല്യാ​ണി​യാ​യെ​ത്തി​യ ര​ജി​ത റാ​മി​ന്‍റെ പ്ര​ക​ട​ന​വും കൊ​ള്ളാം. എ​ന്നാ​ൽ ശ്രു​തി ഹ​സ​ൻ സ്ഥി​രം ഒ​രേ ശൈ​ലി​യി​ലു​ള്ള ക​ഥാ​പാ​ത്രം പോ​ലെ ത​ന്നെ കൂ​ലി​യി​ലും അ​നു​ഭ​വ​പ്പെ​ടു​ന്നു. ചി​ല ട്വി​സ്റ്റു​ക​ൾ ചി​ത്ര​ത്തി​ലു​ണ്ടെ​ങ്കി​ലും പ​ല​തും ഒ​രു​പാ​ട് സി​നി​മ​ക​ളി​ൽ ക​ണ്ട് പ​ഴ​കി​യ​താ​ണ്. സി​നി​മ​യു​ടെ ആ​ദ്യ പ​കു​തി​യും ര​ണ്ടാം പ​കു​തി​യും വ​ള​രെ മ​ന്ദ​ഗ​തി​യി​ലാ​യി​രു​ന്നു.



മ​ല​യാ​ളി​യാ​യ ഗി​രീ​ഷ് ഗം​ഗാ​ധ​ര​ന്‍റെ ഛായാ​ഗ്ര​ഹ​ണ​മി​ക​വാ​ണ് എ​ടു​ത്തു പ​റ​യാ​വു​ന്ന മ​റ്റൊ​ന്ന്. മി​ക​ച്ച ബാ​ക്ക്ഗ്രൗ​ണ്ട് സ്കോ​റു​ണ്ടെ​ങ്കി​ലും അ​നി​രു​ദ്ധി​ന്‍റെ പാ​ട്ടു​ക​ൾ​ക്ക് സി​നി​മ​യി​ൽ വ​ലി​യൊ​രു ച​ല​ന​മു​ണ്ടാ​ക്കാ​ൻ ക​ഴി​ഞ്ഞി​ട്ടി​ല്ല.

ഉ​പേ​ന്ദ്ര​യു​ടെ ആ​ക്ഷ​ൻ സീ​ക്വ​ൻ​സു​ക​ൾ തി​യ​റ്റ​റി​ൽ ഓ​ളം സൃ​ഷ്ടി​ക്കു​ന്നു​ണ്ട്. പ്രേ​ക്ഷ​ക​ർ കാ​ത്തി​രു​ന്ന ആ​മി​ർ​ഖാ​ന്‍റെ വ​ര​വാ​ണ് ചി​ത്ര​ത്തി​ന്‍റെ മ​റ്റൊ​രു ടേ​ണിം​ഗ് പോ​യ​ന്റ്. ആ​മി​റി​ന്‍റെ ഇ​ൻ​ട്രോ​യും സ്റ്റൈ​ലും കൈ​യ​ടി വാ​ങ്ങി കോ​രി​ത്ത​രി​പ്പി​ച്ചെ​ങ്കി​ലും യാ​തൊ​രു ഇം​പാ​ക്ടും ഉ​ണ്ടാ​ക്കാ​ൻ സാ​ധി​ച്ചി​ല്ലെ​ന്ന​താ​ണ് വാ​സ്ത​വം.

‌കു​റ​ച്ചു​കൂ​ടി ന​ല്ല ക​ഥ​യാ​ക്കി ഇ​തി​നെ മാ​റ്റി​യി​രു​ന്നെ​ങ്കി​ൽ ഫു​ൾ കൂ​ലി​യാ​യി ഇ​ത് മാ​റു​മാ​യി​രു​ന്നു. എ​ന്നാ​ൽ ഇ​പ്പോ​ൾ ഈ ​ചി​ത്രം മി​നി​മം കൂ​ലി​യോ അ​ല്ലെ​ങ്കി​ൽ ആ​വേ​റ​ജ് കൂ​ലി​യോ മാ​ത്ര​മാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2018 , Rashtra Deepika Ltd.