Karshakan
വെ​ട്ടി​മൂ​ടാ​നു​ള്ള​ത​ല്ല മു​രി​ങ്ങ; മു​രി​ങ്ങ ഉ​ത്പ​ന്ന​ങ്ങ​ളു​മാ​യി വീ​ട്ട​മ്മ
വെ​ട്ടി​മൂ​ടാ​നു​ള്ള​ത​ല്ല മു​രി​ങ്ങ; മു​രി​ങ്ങ ഉ​ത്പ​ന്ന​ങ്ങ​ളു​മാ​യി വീ​ട്ട​മ്മ
വീ​ട്ടു​മു​റ്റ​ത്ത് ഒ​രു മു​രി​ങ്ങ. ഇ​തു നാ​ട്ടി​ൻ​പു​റ​ത്തെ സാ​ധാ​ര​ണ കാ​ഴ്ച്ച. കാ​യ​യു​ണ്ടാ​കു​ന്പോ​ൾ അ​വി​യ​ലി​ലോ സാ​ന്പാ​റി​ലോ ഇ​ടും. ഇ​ല പ​റി​ച്ചു വ​ല്ല​പ്പോ​ഴും ഒ​രു തോ​ര​നും വ​യ്ക്കും.

അ​തോ​ടെ മു​രി​ങ്ങ കൊ​ണ്ടു​ള്ള ഉ​പ​യോ​ഗം ക​ഴി​ഞ്ഞു. മ​ഴ​ക്കാ​ല​മാ​യാ​ൽ വീ​ട്ടു​കാ​ർ​ക്കു ചെ​റി​യ പേ​ടി​യു​ണ്ടാ​കും. ശ​ക്ത​മാ​യ കാ​റ്റൊ​ന്നു വീ​ശി​യാ​ൽ മ​തി ദു​ർ​ബ​ല​മാ​യ മു​രി​ങ്ങ​ക്ക​ന്പ് ഒ​ടി​ഞ്ഞു വീ​ഴും.

വീ​ട്ടു​മു​റ്റ​ത്തോ പു​ര​പ്പു​റ​ത്തോ വീ​ണാ​ൽ പ​ണി​യാ​കു​ക​യും ചെ​യ്യും. ഇ​തു മു​ന്നി​ൽ​ക്ക​ണ്ടു പ​ല​രും മ​ഴ​ക്കാ​ല​ത്തി​നു മു​ന്പേ മു​രി​ങ്ങ​യു​ടെ ചി​ല്ല​ക​ൾ വെ​ട്ടി തെ​ങ്ങി​ൻ ചു​വ​ട്ടി​ലി​ടും.

അ​ങ്ങ​നെ വെ​റു​തെ വെ​ട്ടി മ​ണ്ണി​ൽ ത​ള്ളാ​നു​ള്ള​ത​ല്ല മു​രി​ങ്ങ​യും മു​രി​ങ്ങ​യി​ല​യു​മെ​ന്നും തെ​ളി​യി​ച്ച വീ​ട്ട​മ്മ കേ​ര​ള​ത്തി​നു പു​തി​യ മാ​തൃ​ക​യാ​കു​ക​യാ​ണ്. തൃ​ശൂ​ർ ജി​ല്ല​യി​ലെ മ​രോ​ട്ടി​ച്ചാ​ലി​ലാ​ണു മു​രി​ങ്ങ​കൊ​ണ്ടു വി​പ്ല​വം സൃ​ഷ്ടി​ച്ച അം​ബി​കാ സോ​മ​സു​ന്ദ​ര​ന്‍റെ സ്ഥാ​പ​നം.

സ്വ​കാ​ര്യ ബാ​ങ്കി​ൽ നി​ന്നു ജോ​ലി രാ​ജി​വ​ച്ച് ഇ​റ​ങ്ങി​യ ഇ​വ​ർ ത​യാ​റാ​ക്കി​യ മു​രി​ങ്ങ​യി​ല​യി​ൽ നി​ന്നു​ള്ള മൂ​ല്യ​വ​ർ​ധ​ത ഉ​ത്പ​ന്ന​ങ്ങ​ൾ വി​ദേ​ശ വി​പ​ണി​യു​ടെ പ​ടി​വാ​തി​ക്ക​ൽ വ​രെ എ​ത്തി​ക്ക​ഴി​ഞ്ഞു.

മു​രി​ങ്ങ​യി​ല​യി​ലെ വി​പ്ല​വ​ത്തി​നു തു​ട​ക്കം

സ്വ​കാ​ര്യ ബാ​ങ്കി​ലെ മാ​നേ​ജ​ർ ജോ​ലി രാ​ജി​വ​ച്ചു ഭ​ക്ഷ്യ​മേ​ഖ​ല​യി​ൽ പു​തി​യ സം​രം​ഭം ആ​രം​ഭി​ക്കാ​ൻ തീ​രു​മാ​നി​ച്ച അം​ബി​ക, വി​വി​ധ ത​രം പു​ട്ടു പൊ​ടി​ക​ൾ വി​പ​ണ​യി​ൽ ഇ​റ​ക്കി​യാ​ണു രം​ഗ​ത്തേ​ക്കു വ​ന്ന​ത്.

പ്രീ​മി​യം ക്വാ​ളി​റ്റി​യി​ൽ കാ​ര​റ്റ് റൈ​സ് പൗ​ഡ​ർ, ബീ​റ്റ്റൂ​ട്ട് റൈ​സ് പൗ​ഡ​ർ, ഏ​ത്ത​ക്ക റൈ​സ് പൗ​ഡ​ർ, ച​ക്ക റൈ​സ് പൗ​ഡ​ർ, ച​ക്ക​ക്കു​രു റൈ​സ് പൗ​ഡ​ർ, ചെ​റു​പ​യ​ർ റൈ​സ് പൗ​ഡ​ർ, ചോ​ളം റൈ​സ് പൗ​ഡ​ർ, റാ​ഗി റൈ​സ് പൗ​ഡ​ർ, ക​പ്പ​ല​ണ്ടി റൈ​സ് പൗ​ഡ​ർ തു​ട​ങ്ങി വി​വി​ധ ത​രം പു​ട്ടു പൊ​ടി​ക​ൾ വി​പ​ണി​യി​ലെ​ത്തി​ച്ച​തോ​ടെ വി​പ​ണി​യി​ൽ അം​ബി​ക ശ്ര​ദ്ധ​നേ​ടി​ത്തു​ട​ങ്ങി.

പ​ച്ച നി​റ​ത്തി​ലു​ള്ള പു​ട്ടു​പൊ ടി​ക്കു മു​രി​ങ്ങ ഇ​ല ഉ​പ​യോ​ഗി​ച്ചാ​ലെ​ന്ത് എ​ന്നു ചി​ന്തി​ച്ചി​ട​ത്താ​ണ് ട്വി​സ്റ്റ്. ഇ​തേ​സ​മ​യ​ത്ത് ഒ​രു ക​ണ്ടെ​യ്ന​ർ മു​രി​ങ്ങ​യി​ല പൗ​ഡ​റി​നു​ള്ള അ​ന്വേ​ഷ​ണം വി​ദേ​ശ​ത്തു നി​ന്നു​ണ്ടാ​യ​തും കാ​ര്യ​ങ്ങ​ൾ വേ​ഗ​ത്തി​ലാ​ക്കാ​ൻ സ​ഹാ​യ​ക​മാ​യി.

മ​രോ​ട്ടി​ച്ചാ​ൽ ഗ്രാ​മ​ത്തി​ലെ ഒ​ട്ടു​മി​ക്ക വീ​ടു​ക​ളി​ലും ഒ​രു മു​രി​ങ്ങ​യെ​ങ്കി​ലും ഉ​ണ്ടാ​കും. അ​ങ്ങ​നെ നോ​ക്കു​ന്പോ​ൾ തൃ​ശൂ​ർ ജി​ല്ല​യി​ൽ അ​തു പ​തി​നാ​യി​ര ക്ക​ണ​ക്കി​ന് വ​രു​മെ​ന്നു മു​ൻ ബാ​ങ്ക് ഉ​ദ്യോ​ഗ​സ്ഥ കൂ​ടി​യാ​യ അം​ബി​ക ക​ണ​ക്കു​കൂ​ട്ടി.

ആ​ദ്യ​ഘ​ട്ട​ത്തി​ൽ സ്വ​ന്തം പു​ര​യി​ട​ത്തി​ലേ​യും സ​മീ​പ​പ്ര​ദേ​ശ​ങ്ങ​ളി ലേ​യും മു​രി​ങ്ങ​യി​ല ശേ​ഖ​രി​ച്ചു കൊ​ണ്ടാ​യി​രു​ന്നു തു​ട​ക്കം. സ​ഹാ​യ​ത്തി നാ​യി മൂ​ന്നു വ​നി​താ ജീ​വ​ന​ക്കാ​രെ​യും കൂ​ട്ടി.

മു​രി​ങ്ങ​യി​ല​യി​ൽ നി​ന്നു മൂ​ല്യ​വ​ർ ധി​ത ഉ​ത്പ​ന്ന​ങ്ങ​ൾ നി​ർ​മി​ക്കു​ന്ന​തി​ന്‍റെ ഭാ​ഗ​മാ​യി മു​രി​ങ്ങ​യി​ല വി​ല ന​ല്കി ശേ​ഖ​രി​ക്കാ​ൻ തു​ട​ങ്ങി​യ​താ​ണു ര​ണ്ടാം ഘ​ട്ടം. ഇ​ത് കേ​ട്ട​റി​ഞ്ഞ റ​വ​ന്യു മ​ന്ത്രി കെ. ​രാ​ജ​ൻ പ്രോ​ത്സാ​ഹ​ന വു​മാ​യെ​ത്തി.

അ​ദ്ദേ​ഹം നേ​തൃ​ത്വം ന​ല്കു​ന്ന ക​ർ​ഷ​ക ക​ന്പ​നി​യാ​യ ഒ​ല്ലൂ​ർ കൃ​ഷി സ​മൃ​ദ്ധി​യു​ടെ നേ​തൃ​ത്വ​ത്തി​ൽ ഒ​ല്ലൂ​ർ ബ്ലോ​ക്കി​ലെ ന​ട​ത്ത​റ, പാ​ണ ഞ്ചേ​രി, പു​ത്തൂ​ർ, വ​ട​ക്കേ​ത്ത​റ എ​ന്നീ നാ​ലു പ​ഞ്ചാ​യ​ത്തു​ക​ളി​ലെ കു​ടും ബ​ശ്രി അം​ഗ​ങ്ങ​ൾ​ക്ക് 10000 മു​രി​ങ്ങ ത്തൈ​ക​ൾ വി​ത​ര​ണം ചെ​യ്താ​ണ് പി​ന്തു​ണ ന​ൽ​കി​യ​ത്.

സാ​ധാ​ര​ണ ക്കാ​രാ​യ വീ​ട്ട​മ്മ​മാ​ർ​ക്ക് ചെ​റി​യ ഒ​രു വ​രു​മാ​ന​ത്തി​നൊ​പ്പം മു​രി​ങ്ങ കൃ​ഷി യു​ടെ വ്യാ​പ​ന​ത്തി​നും ഇ​തു കാ​ര​ണ​മാ​യി. ഈ ​നാ​ലു പ​ഞ്ചാ​യ​ത്തി​ലെ ക​ർ​ഷ​ക​ർ​ക്കു മു​രി​ങ്ങ കൃ​ഷി സം​ബ ന്ധി​ച്ചു വെ​ള്ളാ​നി​ക്ക​ര ഹോ​ർ​ട്ടി ക​ൾ​ച്ച​ർ കോ​ള​ജി​ലെ പ്ര​ഫ​സ​ർ ഡോ. ​പി. അ​നി​ത പ​രി​ശീ​ല​ന​വും ന​ൽ​കി.

ന​ട്ടു ഒ​രു വ​ർ​ഷം ക​ഴി​ഞ്ഞ​തോ​ടെ മു​രി​ങ്ങ​യി​ല ശേ​ഖ​രി​ച്ചു തു​ട​ങ്ങു​ക​യും ചെ​യ്തു. തു​ട​ർ​ന്നു ബ്ലോ​ക്ക് പ​ഞ്ചാ​യ​ത്തി​ന്‍റെ സ​ഹ​ക​ര​ണ​ത്തോ​ടെ വി​യ്യൂ​ർ സെ​ൻ​ട്ര​ൽ ജ​യി​ൽ മ​തി​ൽ​ക്കെ​ട്ടി​നു​ള്ളി​ലും മു​രി​ങ്ങ കൃ​ഷി തു​ട​ങ്ങി.


ക​ഴി​ഞ്ഞ മാ​സം സെ​ൻ​ട്ര​ൽ ജ​യി​ലി​ൽ നി​ന്നു 37 കി​ലോ മു​രി​ങ്ങ​യി​ല ശേ​ഖ​രി​ച്ചു. നാ​ലു മാ​സം ക​ഴി​ഞ്ഞാ​ൽ ഇ​തി​ൽ കൂ​ടു​ത​ൽ ഇ​ല ല​ഭി​ക്കും. മ​രോ​ട്ടി​ച്ചാ​ലി​ന്‍റെ 50 കി​ലോ​മീ​റ്റ​ർ ചു​റ്റ​ള​വി​ൽ മു​രി​ങ്ങ​യി​ല ശേ​ഖ​രി​ക്കാ​ൻ വാ​ഹ​ന​ങ്ങ​ളും ക്ര​മീ​ക രി​ച്ചി​ട്ടു​ണ്ട്. കി​ലോ​യ്ക്കു 30 രൂ​പ നി​ര​ക്കി​ലാ​ണ് മു​രി​ങ്ങ​യി​ല സം​ഭ​രി​ക്കു ന്ന​ത്.



ഉ​ത്പ​ന്ന​ങ്ങ​ൾ ത​യാ​റാ​ക്കു​ന്ന​ത് ഏ​റെ ശ്ര​ദ്ധ​യോ​ടെ

ശേ​ഖ​രി​ച്ച മു​രി​ങ്ങ​യി​ല ഫാ​ക്ട​റി​യി​ൽ എ​ത്തി​ച്ച് മ​ഞ്ഞ​ൾ​പൊ​ടി​യി​ട്ടു പ​ല​ത വ​ണ ക​ഴു​കി വൃ​ത്തി​യാ​ക്കു​ന്ന​താ​ണ് ആ​ദ്യ​പ​ടി. പി​ന്നീ​ട് ട്ര​യ​റി​ൽ ഉ​ണ​ക്കി ക​ണ്ടെ​യ്ന​റി​ൽ സൂ​ക്ഷി​ക്കും.

പി​ന്നീ​ട് ആ​വ​ശ്യ​ത്തി​ന് എ​ടു​ത്ത് മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ളാ​യി മാ​റ്റു​ന്ന​താ​ണു രീ​തി. പ്ര​തി​മാ​സം ശ​രാ​ശ​രി 60 കി​ലോ വ​രെ മു​രി​ങ്ങ​യി​ല പൊ​ടി വി​റ്റു പോ​കാ​റു​ണ്ട്.

നൂ​ത​ന പാ​ക്കിം​ഗ് രീ​തി ആ​യ​തി​നാ​ൽ മാ​സ​ങ്ങ​ളോ​ളം കേ​ടു കൂ​ടാ​തെ​യി​രി​ക്കു​ക​യും ചെ​യ്യും. പ​ത്തു കി​ലോ പ​ച്ച മു​രി​ങ്ങ​യി​ല ഉ​ണ​ങ്ങു​ന്പോ​ഴാ​ണ് ഒ​രു കി​ലോ പൊ​ടി കി​ട്ടു​ന്ന​ത്.

മു​രി​ങ്ങ ക്യാ​പ്സൂ​ൾ, മു​രി​ങ്ങ സൂ​പ്പ് പൗ​ഡ​ർ എ​ന്നി​വ പ​രി​ശോ​ധ​ന​യ്ക്കാ​യി യു​എ​ഇ യി​ലേ​ക്ക് അ​യ​ച്ചി​ട്ടു​ണ്ട്. അ​നു​കൂ​ല നി​ല​പാ​ട് ഉ​ണ്ടാ​വു​മെ​ന്ന പ്ര​തീ​ക്ഷ യി​ലാ​ണ് അം​ബി​ക.

ഡ്ര​യ​റി​ൽ ഉ​ണ​ക്കി സൂ​ക്ഷി​ക്കു​ന്ന മു​രി​ങ്ങ​യി​ല​യി​ൽ നി​ന്ന് മു​രി​ങ്ങ​യി​ല പൗ​ഡ​ർ, ക്യാ​പ്സ്യൂ​ളു​ക​ൾ, മു​രി​ങ്ങ യി​ല അ​രി​പ്പൊ​ടി, മു​രി​ങ്ങ​യി​ല മി​ല്ലെ​റ്റ്, ച​മ്മ​ന്തി പൊ​ടി, മു​രി​ങ്ങ​ക്കാ​യ പാ​യ​സം മി​ക്സ്, മു​രി​ങ്ങ​യി​ല സൂ​പ്പ് മി​ക്സ് തു​ട​ങ്ങി​യ​വ അം​ബി​ക ഉ​ത്പാ​ദി​പ്പി ക്കു​ന്നു​ണ്ട്.

2020 മു​ത​ലാ​ണ് മു​രി​ങ്ങ യി​ല​യി​ലേ​ക്ക് കൂ​ടു​ത​ൽ ശ്ര​ദ്ധ ചെ​ലു​ത്തി​യ​ത്. ഒ​ല്ലൂ​ർ കൃ​ഷി സ​മൃ​ദ്ധി യു​ടെ നേ​തൃ​ത്വ​ത്തി​ൽ ഹോ​ർ​ട്ടി കോ​ർ​പ് വ​ഴി​യാ​ണ് മൂ​ല്യ​വ​ർ​ധി​ത ഉ​ത്പ​ന്ന​ങ്ങ ളി​ലേ​റെ​യും വി​റ്റ​ഴി​ക്കു​ന്ന​ത്.

മു​രി​ങ്ങ​യു​ടെ മൂ​ല്യം

വി​വി​ധ​യി​നം വി​റ്റാ​മി​നു​ക​ൾ, കാ​ത്സ്യം, പൊ​ട്ടാ​സ്യം, പ്രോ​ട്ടീ​ൻ തു​ട​ങ്ങി​യ​വ​യെ​ല്ലാം മു​രി​ങ്ങ​യി​ല​യി​ൽ സ​മൃ​ദ്ധ​മാ​യു​ണ്ട്. അ​തി​വേ​ഗം വ​ള​രു​ന്ന മു​രി​ങ്ങ​യ്ക്ക് പ​ല ഇ​ന​ങ്ങ​ളു​ണ്ടെ​ങ്കി​ലും പി​ക​ഐം ഒ​ന്ന്, പി​ക​ഐം ര​ണ്ട്, അ​നു​പ​മ, രോ​ഹി​ത് ഒ​ന്ന് എ​ന്നി​വ​യാ​ണു പ്ര​ധാ​നം.

മേ​യ് മു​ത ലാ​ണ് മു​രി​ങ്ങ ന​ടാ​ൻ പ​റ്റി​യ സ​മ​യം. ഒ​രു ഹെ​ക്ട​റി​ൽ നി​ന്നു ആ​റു ട​ണ്‍ വ​രെ മു​രി​ങ്ങ​യി​ല വി​ള​വെ​ടു​ക്കാ​ൻ ക​ഴി​യും.

ഭ​ക്ഷ്യ മേ​ഖ​ല​യി​ൽ ത​ന്നെ ചു​വ​ടു​റ പ്പി​ച്ചാ​ണു മ​രോ​ട്ടി​ച്ചാ​ലി​ൽ അം​ബി​ക കാ​ര്യാ​ട്ട് ഡ്രെെ ​ഫു​ഡ്സ് എ​ന്ന സ്ഥാ​പ​നം തു​ട​ങ്ങി​യ​ത്. ജി​ല്ലാ വ്യ​വ​സാ​യ വ​കു​പ്പി​ന്‍റെ സ​ഹാ​യ ത്തോ​ടെ കേ​ന്ദ്ര സ​ർ​ക്കാ​രി​ന്‍റെ പ്ര​ധാ​ന മ​ന്ത്രി എം​പ്ലോ​യ്മെ​ന്‍റ് ഗ്യാ​ര​ണ്ടി പ്രോ​ഗ്രാ​മി​ലൂ​ടെ​യാ​ണു സം​രം​ഭം ആ​രം​ഭി​ച്ച​ത്.

മു​രി​ങ്ങ​യി​ൽ​നി​ന്നു​ള്ള മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ളി​ൽ ന​ല്ല പ​ങ്കും സം​ഭ​രി​ച്ചു ഹോ​ർ​ട്ടി​കോ​ർ​പ് വ​ഴി വി​ൽ​ക്കു​ന്ന​ത് ഒ​ല്ലൂ​ർ കൃ​ഷി സ​മൃ​ദ്ധി​യാ​ണ്.

ഒ​പ്പം, കു​ടും​ബ​ശ്രീ ബ​സാ​റു​ക​ളി​ലും അ​ഗ്രോ​ബ​സാ​റി​ലും കാ​ര്യാ​ട്ട് ഫു​ഡ് പ്രൊ​ഡ ക്ടു​ക​ൾ ല​ഭ്യ​മാ​ണ്. ഓ​ണ്‍​ലൈ​ൻ വ​ഴി രാ​ജ്യ​ത്തെ പ​ല​യി​ട​ങ്ങ​ളി​ൽ നി​ന്നും ഓ​ർ​ഡ​റു​ക​ൾ എ​ത്താ​റു​ണ്ട്.

പ്രൊ​ഡ ക്ഷ​ൻ യൂ​ണി​റ്റി​ൽ നാ​ലു​പേ​രും മാ​ർ​ക്ക​റ്റിം​ഗി​ൽ ര​ണ്ടു പേ​രും ജീ​വ​ന​ക്കാ​രാ​യു​ണ്ട്. പി​ന്തു​ണ​യു​മാ​യി റി​ട്ട. സ​ർ​ക്കാ​ർ ജീ​വ​ന​ക്കാ​ര​നാ​യ ഭ​ർ​ത്താ​വ് സോ​മ​സു​ന്ദ​ര​നും ര​ണ്ടു മ​ക്ക​ളും ഒ​പ്പ​മു​ണ്ട്.

ഫോ​ണ്‍: 9539731501

തോ​മ​സ് വ​ർ​ഗീ​സ്
Copyright @ 2018 , Rashtra Deepika Ltd.