അരിപ്പാലം സെന്‍റ് മേരീസ്
അരിപ്പാലം: സെന്‍റ് മേരീസ് പള്ളിയില്‍ പരിശുദ്ധ കര്‍മലമാതാവിന്‍റെ തിരുനാള്‍ ഇന്ന് ആഘോഷിക്കും. തിരുനാളിന്‍റെ കൊടിയേറ്റം കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍ നിര്‍വഹിച്ചു.
തിരുനാള്‍ദിനമായ ഇന്നു രാവിലെ 6.30ന് ദിവ്യബലി. വൈകീട്ട് അഞ്ചിന് നടക്കുന്ന ആഘോഷമായ തിരുനാള്‍ ദിവ്യബലിക്ക് ഫാ. അനില്‍ പുതുശേരി മുഖ്യകാര്‍മികത്വം വഹിക്കും. ഫാ. നൗജിന്‍ വിതയത്തില്‍ തിരുനാള്‍ സന്ദേശം നല്കും. തുടര്‍ന്ന് പ്രദക്ഷിണം, നേര്‍ച്ചസദ്യ. മരിച്ചവരുടെ അനുസ്മരണദിനമായ നാളെ രാവിലെ 6.30ന് ദിവ്യബലി, സെമിത്തേരിയില്‍ പൊ തു ഒപ്പീസ് എന്നിവ നടക്കും.
തിരുനാളിന്‍റെ വിജയത്തിനായി വികാരി ഫാ. ലിജു മഞ്ഞപ്രക്കാരന്‍, കൈക്കാരന്‍മാരായ വി.കെ. പോള്‍സന്‍ വാറോക്കി, റോയ് പോള്‍ കണ്ണൂക്കാടന്‍, ജനറല്‍ കണ്‍വീനര്‍ അലന്‍ ജോയ് തെക്കുംപുറം എന്നിവരുടെ നേതൃത്വത്തില്‍ വിപുലമായ കമ്മിറ്റി പ്രവര്‍ത്തിച്ചുവരുന്നു.
വല്ലക്കുന്ന് സെന്‍റ്് അല്‍ഫോന്‍സ
വല്ലക്കുന്ന്: സെന്‍റ്് അല്‍ഫോന്‍സാ ദേവാലയത്തില്‍ വിശുദ്ധയുടെ മരണതിരുനാളും നേര്‍ച്ച ഊട്ടും 28ന് ആചരിക്കും. അന്നേ ദിവസം രാവിലെ 7.30 മുതല്‍ മൂന്നുവരെയാണ് നേര്‍ച്ച ഊട്ട്. തിരുനാളിന് ഫാ. സെബാസ്റ്റ്യന്‍ പഞ്ഞിക്കാരന്‍ കൊടിയേറ്റം നിര്‍വഹിച്ചു. 27 വരെ എല്ലാ ദിവസവും വൈകീട്ട് 5.30ന് ദിവ്യബലി, സന്ദേശം, ലദീഞ്ഞ്, നൊവേന, തിരുശേഷിപ്പ് വന്ദനം എന്നിവ ഉണ്ടാ യിരിക്കും.
ഇന്നു രാവിലെ 6.15ന് ദിവ്യബലി, സന്ദേശം, നൊവേന, തിരുശേ ഷിപ്പ് വന്ദനം എന്നിവ നടക്കും. നവനാള്‍ ദിവസങ്ങളില്‍ ദിവ്യബലിക്കുശേഷം നേര്‍ച്ച ഭക്ഷണം ഉണ്ടായിരിക്കും. വിശുദ്ധ അല്‍ഫോന്‍സാമ്മയുടെ സന്നിധിയില്‍ അടിമവയ്ക്കലിനും കുഞ്ഞുങ്ങളുടെ ചോറൂണിനും അമ്മ തൊട്ടിലില്‍ സമര്‍പ്പിച്ച് പ്രാര്‍ഥിക്കുന്നതിനും പ്രത്യേകം അവസരം ഉണ്ടായിരിക്കും.
തിരുനാള്‍ ദിനമായ 28ന് രാവിലെ ആറിനും എട്ടിനും 10.30നും വൈകീട്ട് അഞ്ചിനും ദിവ്യബലി. 10.30ന് ആഘോഷമായ തിരുനാള്‍ ദിവ്യബലിക്കു ഫാ. സിബു കള്ളാപറമ്പില്‍ മുഖ്യകാര്‍മികത്വം വഹിക്കും.
ഊട്ടുതിരുനാളിന്‍റെ വിജയത്തിനുവേണ്ടി വികാരി ഫാ. സിന്‍റോ ആലപ്പാട്ട്, തിരുനാള്‍ കമ്മിറ്റിയുടെ കണ്‍വീനര്‍മാരുമായ കോക്കാട്ട് ലോനപ്പന്‍ ആന്‍റു, തണ്ട്യേക്കല്‍ ബേബി ആഗസ്റ്റിന്‍, നെടുംപറമ്പില്‍ കൊച്ചപ്പന്‍ ഡേവിസ്, പബ്ലിസിറ്റി കണ്‍വീനര്‍മാരായ കെ.ജെ. ജോണ്‍സന്‍ കോക്കാട്ട്, മേജോ ജോണ്‍സന്‍ തൊടുപറമ്പില്‍, കോക്കാട്ട് ജേയ്ക്കബ് ജോബി, നിധിന്‍ ലോറന്‍സ് തണ്ട്യേക്കല്‍ എന്നിവരുടെ നേതൃത്വത്തില്‍ വിപുലമായ കമ്മറ്റിയാണു പ്രവര്‍ത്തിക്കുന്നത്.