ഫാ. റോയി കണ്ണൻചിറ സിഎംഐ
ദീപിക ബുക്ക് ഹൗസ്, കോട്ടയം, പേജ് 138, വില 125 ഫോണ്: 9446508093. വിശു ദ്ധ അൽഫോൻസാമ്മയുടെ ജീവചരിത്രം ലളിതമായ മലയാള വൃത്തങ്ങളിൽ കാവ്യരൂപത്തിൽ. പാടാനും പ്രാർഥിക്കാനും സമുചിതം. റവ. ഡോ. സുനിൽ ജോസ് കിഴക്കയിൽ രചിച്ച നൂറിലേറെ ചിത്രങ്ങൾ സഹിതം.
വിശ്വാസവും പ്രതിസന്ധിയും
ഡോ. ആന്‍റണി ഇടനാട് സിഎംഐ, ധർമ്മാരാം പബ്ലിക്കേഷൻസ്, ബംഗളുരു, പേജ് 300, വില 300, ഫോണ്-95389 09803. പുതിയ നിയമത്തിലുള്ള യോഹന്നാൻ ശ്ലീഹായുടെ മൂന്നു ലേഖനങ്ങളുടെ വ്യാഖ്യാനവും അവയിലെ ക്രിസ്തീയാസ്തിത്വ വീക്ഷണവും അവതരിപ്പിക്കുന്നു. യോഹന്നാന്റെ സുവിശേഷത്തിനും വെളിപാടിനുമുള്ള വ്യാഖ്യാനങ്ങൾക്കുശേഷം ബൈബിൾ പ്രഫസറായ രചയിതാവിന്‍റെ കൃതി.
ഡണ്‍സ്റ്റൻ അച്ചനെക്കുറിച്ച്
ഫാ.ജോർജ് നേരേപ്പറന്പിൽ സിഎംഐ
പേജ് 135, വില 70 ധർമാരാം പബ്ലിക്കേഷൻസ് , ബംഗളുരു, ഫാ.ഡണ്‍സ്റ്റൻ ഒലക്കേങ്കിൽ സിഎംഐയുടെ സ്മരണകൾ ഉൾപ്പെടുത്തി തയാറാക്കിയ ഗ്രന്ഥം. ആധ്യാത്മിക വിശുദ്ധിയിൽ അടിയുറച്ച സന്യാസം നയിച്ച ഡണ്‍സ്റ്റൻ അച്ചന്‍റെ ലളിതമായ ജീവിത ശൈലിയിലേക്ക് വായനക്കാരെ ആകർഷിക്കുകയും സ്വാധീനിക്കുകയും ചെയ്യുന്ന പുതുമയുള്ള ഗ്രന്ഥം.
നീതിയുടെ നിലയ്ക്കാത്ത നിലവിളി
എഡിറ്റർ ബേബിച്ചൻ ഏർത്തയിൽ, പ്രസാധനം സംഘവേദി കാഞ്ഞിരപ്പള്ളി, പേജ് 216 ,വില-180 രൂപ, മാവോയിസ്റ്റ് തീവ്രവാദി ബന്ധം ആരോപിച്ച് അറസ്റ്റിലായി ജയിലിൽ കഴിഞ്ഞ് രക്തസാക്ഷിത്വം വരിച്ച ഈശോസഭാ വൈദികൻ സ്റ്റാൻസ്വാമിയെ സംബന്ധിച്ച് വിവിധ തലങ്ങളിൽ പ്രവർത്തിക്കുന്നവർ തയാറാക്കിയ ലേഖനങ്ങളും വിവിധ മാധ്യമങ്ങളിൽ വന്ന മുഖപ്രസംഗങ്ങളും ഉൾപ്പെടെ ഗ്രന്ഥം.
ദി ട്രയൽ
അഡ്വ.ഡോ. കെസി സുരേഷ്, യെസ് പ്രസ് ബുക്സ് പെരുന്പാവൂർ, പേജ് 64 വില 110, കോടതിമുറിയിലെ വിചാരണയിലൂടെ വികസിക്കുന്ന കുറ്റാന്വേഷണ നോവൽ. അപൂർവമായ ഒരു കൂട്ടക്കൊലയുടെ വിശദാംശങ്ങളാണ് ഉള്ളടക്കം.